السلام عليكم
شلوونكم ؟؟؟
طبعا في ناس تذكر مشكلتي كتبت عنها مرتين (( ريلي كمل سنه ماجاسني فيها ))
الحين وضعنا تطور صار مايكلمني نهائيا بس لما اطلع اسأذن ،، شــكــــثــر حنيت قتلها خلنا نتفاهم مارضى قال انا كرهتج ومااحبج ومخليج علشان ولدي واللي تبينه سويه !!!
فــكــرت واااااايد ،، تذكرت مميزاته وعيوبه ،، اهو قالي لاتصيرين عاطفيه وفكري عدل ، مايبي يسولف معاي ويقولي انسي نطلع مع بعض ولايقولي ولا كلمة حلوة حيييييييييييل ناشف وحاط اباله ان هالوضع بكون على طول وطبعا انا مخيره يا ارضى يا اسوي اللي ابيه ،،
قررت اخذ شلايلي واروح بيت اهلي بدون لا افكر بالرده (( عالصيف كان يقولي من هني لي رمضان اذا ماصار بينا شي وتفاهمنا كل واحد يروح بطريجه )) ،، كل هذا ترى بدون سبب انا ماسويت شي بالعكس والله متحملته ومتحمله تنرفزه وعصبيته والله يزفني وينزرني جدام الخدامة عادي وحتى جدام الناس مايحشمني بس جدام امه يكلمني عدل
امه حست في شي كلمته قالت شفيكم قالها ولا شي قالت ميخالف لاتزعلنا عشان ولدك !!!!
يقولي انتي طقج مرج اهم ماعلي ولدي
المشكله هالكلام مو واهو معصب بالعكس راايإ
يطلع المغرب ومايرد الا عال4 و 5 الفير !!
مليت والله مليت انا مرة احس ابي ريال يدردش معاي ويسولف معاي يتقشمر يفقدني يوله علي !!!
مادري والله احترت يحسسني اني قاعده بس علشان اربيله ولده مو علشان يبيني
ادري ان مشكلتي عويصة وحلها بيد رب العالمين ،، بس اللي تقرا موضوعي خل تدعيلي ،، انا كا بزهب اغراضي وبنطر الصبح وبروح لاهلي ،، يمكن يكون مو نصيبي ..
