رد: خاص للرد على تساؤلات طالبات التربية العملية وتخصص رياض الاطفال "كلنا معاكم"
ياااااااااي انا تربية عملية هالكورس وحدي متشائمة وضايق خلقي
وكلامكم كدرني اكثررر
مالقيت احد يمدح هالوظيفه ابد
بنات تكفون قولولي شسوي بالتربية العملية يعني دوامنا تاريخ 26 على طول اروح الروضة الساعه جم بالضبط
ووين اروح لاني ماعرف احد معاي
بعدين شسوي احظر مع الابله بالصف ؟؟؟؟؟
ردوا علي الله يجبر بخاطرها اللي ترد
على حسب الادارة ، اللي معاج بالصف
ياترتاحين يا تعيشين بجحيم
الوظيفه بشكل عام جيده ولا جان ماشفتينا متحملين وقاعدين
اول ماتداومين راح تقعدين بغرفه الابلات .. خلج واثقه من نفسج عادي اخذي واعطي معاهم وسولفي وتعرفي عليهم كلهم
بعدين اسبوع كامل اسمه مشاهده
من اللحين جهزوا فايل بو الحلق الحديد مع الأكياس مالت الفايلات
وقسميه الى
حلقات
لاصفيات
وصنفي الحلقات حسب الخبرات
واللاصفيات يا انها تكون تبع الخبرات او مبتكرة
وخلي معاج البورد للي تكتبين عليه
ولاتنسين قلم متعدد الألوان
قسمي الالوان حق
مثلا اللون الاسود منبه
اللون الازرق سير الدرس
اللون الاخضر العاب
اللون الاحمر تغذيه راجعه
وتعرفي على كل الابلات وسولفي معاهم وكوني معاهم علاقه طيبه عشان يساعدونج
وبعدين عقبها راح يحطونج بصف انشالله تكونين مع وحده طيبه
واتمنى انها تساعدج
الفايل حافظي عليه وخليه معاج على طول حتى الدروس للي انتي تسوينها كتبيها وادرجيها عقب سنتين بتشوفين وظيفتج سهله حيل
وحافظي على وسايلج ولا تعطينها لأحد كلش ترى يضيعون وينسون يردونها لج
وضبطي مكان ابيتكم للتخزين عشان اغراضج ماتضيع وتنسينها
بعد بعد ؟؟
مادري اي سؤال سئليه
ترى وظيفتنا حلوة ممتعة بس كراف
