لـ قارئــات ذاكـرة الجســد .. النقــاش مفتــوح ..:)

[مستغانميـة]

السلام عليكم

حبيت افتح موضوع للنقاش عن كتاب ذاكرة الجسد .. عموما انا قريت الثلاثيه لـ احلام مستغانمي .. كاتبه فوق الوصف .. انا شخصيا قريت حق العرب والغرب بس مثل احلام للحين ماشفت كاتب او كاتبه !!

انا قريته العام بتركيا نسيت اني بسفره وقاعده بس اقراه وقريته 4 مرات !

للمعلوميه : عمر الشريف طلب من احلام ان يسوي كتاب ذاكرة الجسد فلم وعرض عليها "اضخم عمل انتاجي " بس رفضت ان تروج كتابها كـ عمل تلفازي .. بس الصدمه اني لقيتها مسويته هالسنه مسلسل برمضان ..

 

[Miss Cherry]

شوفي انا قريت روايتها الثلاث بالنت من زمان يعني نسخ بالايكروباد

الكاتبه عليها اسلوب صج تحطيم ومثقفه عندها ملكه بالكتابه وضليعه باللغة وهذا شي استغربه بحكم انها من دول المغرب العربي واذا ماخانتني الذاكرة اهي جزائريه وجني قريت بالاهداء بوحده من رواياتها انها تهديها لابوها وامها على الرغم من انهم ما يتقنون العربية فشي غريب انها طلعت بالفصاحه هذي اعجبني حيل اسلوبها وان لم يعجبني فكرها.. جرأتها ماصخه وقصصها اشبه بافلام جنسيه كلش ماعجبني ذكرها للتفاصيل حسيت مرات وانا اقرا لها جني قاعده اطالع فلم اباحي

حسب علمي روايتها ممنوعه بالكويت صح ولا انا غلطانه ؟

 

[a3gl-5bla]

شوفوا انا قريت لها بس كتاب نسيان كوم
اهيا جزائرية صح و مسلمه
لكن ذكرت اشياء دينيه بالكتاب والله قعدت اضحك استغفر الله اشياء غلط و حرام و اهيا تحللها!! شهالدين!! لي درجة اني قمت اطوف هالجزء مابي آخذ اثم عليه
اسلوبها حلو و ثقافتها وااااسعه وايد و كلش ما تحسين بملل لما تقرين لها لكن صج عليها جرأة بالكلام قوية وايد و انا انتقدها بهالشي و من الناحيه الدينيه بعد
و عشان جذي ماحبيت اشتري لها كتاب ثاني

و على فكرة كتبها مو ممنوعه بالكويت انا شريت نسيان من فيرجن و كانوا حاطينه بالويه


و شلون على ذاكرة الجسد؟؟ انا شفت اعلانه شكله حروب عشان جذي ما شوقني!!

 

[dяέἆᶆ qûếếἦ]

إن شاءلله حاطه هالكتاب ابالي الثلاثية وإن شاءالله قريب اشترية .. وصحيح اهي جزائرية

 

[إماراتيهـ]

رد : لـ قارئــات ذاكـرة الجســد .. النقــاش مفتــوح ..

serenity heart
هلا أختي و يسلموو ع الموضوع

بصراحة أسلوبها لا يعلى عليه ككاتبة و لغتها مشوقة و سلسه
و انتقادي عليها سواء في ذاكرة الجسد أو غيرها تروج لشركيات مثل التشفع بالأولياء و التذمر من القدر و العياذ بالله

يعني و انتي تقرين لازم اطوفين فقرات كاملة من التذمر و جذيه

دائما المسلسلات و الافلام تهضم حق الروايات بالاختصار .. و القراءة بصراحة أمتع من المشاهدة

عساج ع القوة أختي ​

 

[مستغانميـة]

رد : رد: لـ قارئــات ذاكـرة الجســد .. النقــاش مفتــوح ..

شوفي انا قريت روايتها الثلاث بالنت من زمان يعني نسخ بالايكروباد

الكاتبه عليها اسلوب صج تحطيم ومثقفه عندها ملكه بالكتابه وضليعه باللغة وهذا شي استغربه بحكم انها من دول المغرب العربي واذا ماخانتني الذاكرة اهي جزائريه وجني قريت بالاهداء بوحده من رواياتها انها تهديها لابوها وامها على الرغم من انهم ما يتقنون العربية فشي غريب انها طلعت بالفصاحه هذي اعجبني حيل اسلوبها وان لم يعجبني فكرها.. جرأتها ماصخه وقصصها اشبه بافلام جنسيه كلش ماعجبني ذكرها للتفاصيل حسيت مرات وانا اقرا لها جني قاعده اطالع فلم اباحي

حسب علمي روايتها ممنوعه بالكويت صح ولا انا غلطانه ؟

هلا والله حبيبتي .. عدل كلامج اسلوبها بليييغ وعميق وفيه تناسق وتشبيهات تخليج تدمنين الروايه .. وانا بعد انتقدها مثلج من هالناحيه تفصيلها وشروعها بهالدقه يخليج تستحين حتى من نفسج وانتي تقرين لها .. ورواياتها لا مو ممنوعه انا شريتها من مكتبة العجيري .. عموما بشكل عام الروايه متعوب عليها وحلوه

 

[بنوتة طموحة]

صراحة الثلاثية روعة

واهي فعلا جزائرية وزوجها لبناني

وبالنسبة لسالفة التشفع بالأولياء اهي ما كانت تروج لها

كثر ما كانت تتكلم عن عادات وتقاليد بلدها اللي من ضمنها التشفع بالأولياء وتقديسهم

بس صج بنات شرايكم بالمسلسل اللي حمل اسم الرواية

أنا أول شي كان عاجبني بعدين بدوا يخورون بالقصة

أنا صراحة أشوف انها ما تنفع تتحول مسلسل فيلم ممكن بو ساعتين ونص

لكن مسلسل 30 ساعة لألألألألألألأ

لأن الرواية تحمل أحاسيس أكثر مما تحمل أحداث

لأن بالرواية نقسها شكثر في صفحات بس توصف احساس خالد بالغربة والجرح من وطنه

واحساسه تجاه حياة

يعني هالشي شلون بتحولون مشاهد هم صج حاولوا من خلال خالد الشاب اللي قعد يتذكر

وهم لما خالد الكبير يقعد يتحجى عن قسنطينة ويحطون مشاهد لجسورها

لكن هم أحس مطوا فيها ليما شقوها <<< أموت عالتعبير أنا

وشكراً

 

[مستغانميـة]

رد : رد: لـ قارئــات ذاكـرة الجســد .. النقــاش مفتــوح ..

شوفوا انا قريت لها بس كتاب نسيان كوم
اهيا جزائرية صح و مسلمه
لكن ذكرت اشياء دينيه بالكتاب والله قعدت اضحك استغفر الله اشياء غلط و حرام و اهيا تحللها!! شهالدين!! لي درجة اني قمت اطوف هالجزء مابي آخذ اثم عليه
اسلوبها حلو و ثقافتها وااااسعه وايد و كلش ما تحسين بملل لما تقرين لها لكن صج عليها جرأة بالكلام قوية وايد و انا انتقدها بهالشي و من الناحيه الدينيه بعد
و عشان جذي ماحبيت اشتري لها كتاب ثاني

و على فكرة كتبها مو ممنوعه بالكويت انا شريت نسيان من فيرجن و كانوا حاطينه بالويه


و شلون على ذاكرة الجسد؟؟ انا شفت اعلانه شكله حروب عشان جذي ما شوقني!!

هلا وغلا حبيبتي اعقل خبله .. لا اهي ماتتطرق وايد للامور الروحانيه الا نادرا يعني وبسطحيه .. وانا معاج بهالنقطه تحسين تشويق وماتحسين بالملل ابدا .. بس جرأتها مو جرأة انثى .. قاعد تعطي طابع ان الكتاب كتاب اباحي مو كتاب حاله حال اي كتب ثانيه .. بس انصحج تقرين لها والله .. لان فعلا اهي كاتبه من الطراز الرفيع بعد .. وخاصة ذاكرة الجسد .. احلى كتاب لها اصلا

 

[مستغانميـة]

رد : رد: لـ قارئــات ذاكـرة الجســد .. النقــاش مفتــوح ..

إن شاءلله حاطه هالكتاب ابالي الثلاثية وإن شاءالله قريب اشترية .. وصحيح اهي جزائرية

اي والله انصحج فيهم بس اقريهم بالترتيب احسن .. ذاكرة الجسد .. فوضى الحواس .. عابر سرير

 

[مستغانميـة]

رد : لـ قارئــات ذاكـرة الجســد .. النقــاش مفتــوح ..

serenity heart
هلا أختي و يسلموو ع الموضوع

بصراحة أسلوبها لا يعلى عليه ككاتبة و لغتها مشوقة و سلسه
و انتقادي عليها سواء في ذاكرة الجسد أو غيرها تروج لشركيات مثل التشفع بالأولياء و التذمر من القدر و العياذ بالله

يعني و انتي تقرين لازم اطوفين فقرات كاملة من التذمر و جذيه

دائما المسلسلات و الافلام تهضم حق الروايات بالاختصار .. و القراءة بصراحة أمتع من المشاهدة

عساج ع القوة أختي ​

انا بصراحه ماقريت نسيان .. شوقتوني اقراه .. بس بصراحه انا ما اطوف بارتات حتى لو كانت دينيه لان ادري ماراح تاثر على اسلامي بإذن الله .. فـ اقراها كامله .. وانا معاج بنقطة المسلسلات تظلم الروايه بإختصارها والمسلسل ماكان فيه اي تشويق او شاعريه مثل الكتاب .. فرق شاسع

 

[مستغانميـة]

رد : رد: لـ قارئــات ذاكـرة الجســد .. النقــاش مفتــوح ..

صراحة الثلاثية روعة

واهي فعلا جزائرية وزوجها لبناني

وبالنسبة لسالفة التشفع بالأولياء اهي ما كانت تروج لها

كثر ما كانت تتكلم عن عادات وتقاليد بلدها اللي من ضمنها التشفع بالأولياء وتقديسهم

بس صج بنات شرايكم بالمسلسل اللي حمل اسم الرواية

أنا أول شي كان عاجبني بعدين بدوا يخورون بالقصة

أنا صراحة أشوف انها ما تنفع تتحول مسلسل فيلم ممكن بو ساعتين ونص

لكن مسلسل 30 ساعة لألألألألألألأ

لأن الرواية تحمل أحاسيس أكثر مما تحمل أحداث

لأن بالرواية نقسها شكثر في صفحات بس توصف احساس خالد بالغربة والجرح من وطنه

واحساسه تجاه حياة

يعني هالشي شلون بتحولون مشاهد هم صج حاولوا من خلال خالد الشاب اللي قعد يتذكر

وهم لما خالد الكبير يقعد يتحجى عن قسنطينة ويحطون مشاهد لجسورها

لكن هم أحس مطوا فيها ليما شقوها <<< أموت عالتعبير أنا

وشكراً

مثل ما قلت انا ماقريت نسيان بس انشالله اقراه وافتح موضوع للنقاش فيه .. اما بالنسبه لاسلوبها باحساس خالد والروايه كان خيال فوق الوصف بصراحه للحين مافي كاتب او كاتبه يقايسها بطريقة الطرح .. على ان ذاكرة الجسد اول روايه لها واول اصدار لها بس بيع لها 3000000 نسخة (عدا النسخ المقرصنة). يعني دخلت ساحة النشر وبقوه بعد .. وبالنسبه للمسلسل فاشل بكل المقاييس لان ممل .. واخطأت الاختيار لما خلته مسلسل لو كان فيلم وايد احلى ... ههههههههههه عبري على راحتج خيتي ;p

 

[شهووده]

رد : لـ قارئــات ذاكـرة الجســد .. النقــاش مفتــوح ..

واايد سمعت عن هالكاتبه ومدح بأسلوب كتابتها المشووق وثقافتها ..

وناويه إن شالله أقرالها قررريب ..

حابه أقرى ذاكرة الجسد وعابر سرير ودامكم مدحتوا الثلاثيه فباخذها بعد إن شالله ..




مشكووره عزيزتي يعطيج العاافيه =)

 

[مستغانميـة]

رد : لـ قارئــات ذاكـرة الجســد .. النقــاش مفتــوح ..

هلا وغلا .. اي والله حبيبتي انا شخصيا من اكبر معجبينها .. وانصحج فيها

وانتي اللي يعطيج العافيه على هالمرور يالغاليه =)

 

[دكتوره دلال]

رد : لـ قارئــات ذاكـرة الجســد .. النقــاش مفتــوح ..

يعنس تنصحوني فييه ؟؟
انا ولا مره قريت لها !!

شنو اخذ غير ذاكره الجسد ؟؟؟ >>> شوقتووني

 

[Loutes]

رد : لـ قارئــات ذاكـرة الجســد .. النقــاش مفتــوح ..

الحين اقرا ذاكرة جسد
بس صدق تعور القلب
كلامها صصصصصصصصصصصصح لين تتعورين من كثر ماهو صح
خخخخخخخخ خوش تعبير

 

[دلع السلاطين]

انا اول كتاب قريته لها نسيان وعجبنى حييييييييل ومن افضل الكتب الي قريتهم
والحين عندي كتبها الثلاث ذاكره الجسد وفوضي الحواس وعابر سرير
خلصت ذاكره الجسد صح انه ماتفهمين القصه عدل لكن اسلوبها روائي ممتاااز
وصح فيها جرئه بالكلمات الي تكتبهم
لكن مادري ليش ماا اتشوق اني اعرف احداث روايتها بسرعه

 

[Kadin Cligin]

هالرواية من الروايات النادرة اللي تخليني ادش داخلها واعيشها حرف بحرف كلمة بكلمة صفحة بصفحة
من ناحية اللغة والاسلوب الروائي والثقافة العالية .. وعرضها للمعاناة الجزائرية بشكل مشوق ومؤلم بنفس الوقت
ماكنت ادري عن اللي يصير بالجزائر الا منها شوقتني ورحت دورت وقريت عن الثورة واللي صار بعدها
رواية تضيف لج معلومات رؤية جديدة من منظور جديد للعالم وكم لغوي هائل
واللي قالوا عن المغالطات فالدين اهي تعرض ثقافة شعب عايش بجهل على هالامور ماكانت تروج لها والجرأة ماكانت مبتذلة كثر ماكانت تعرض واقع
احنا الحمدالله شعب عارف الدين ..بس هالاشياء اللي تحصل فالجزائر كانت تحصل في الجزيرة العربية قبل التوحيد وقبل قيام الدولة السعودية لما كانوا الناس يزورون القبور يتباركون
المهم انها من أروع الروايات اللي مرت علي وتكملتها ماتقل عنها روعة

 

[أنثى اليمامة]

رد : لـ قارئــات ذاكـرة الجســد .. النقــاش مفتــوح ..

ذاكرة الجسد من أروع الروايات التي قرأتها بحياتي ... رواية من نوع آخر ...
أحلام مستغانمي تستخدم لغه فريده ومصطلحات ومشاعر جديده ... وبالعكس بالرغم من الجرأة التي تعتبر قليله فالروايه ليست إباحيه ... بالعكس كميه المشاعر والمعلومات واللغه الموجوده بها تطغى على كل شيء ...

الرواية أخذتني بعالم آخر وقوت الحصيلة اللغوية عندي واضافت لي معاني جديده ...

 

[LuLu :)]

رد : لـ قارئــات ذاكـرة الجســد .. النقــاش مفتــوح ..

أنا قارية هالرواية من 3 سنين >> أدري حدي قديمة

هي القصة وايد حلوة و أحلى ما فيها الاحاسيس و اللغة و الكلمات يعني جدا معبرة ..
بس حسيت وايد ماطة بالقصة !! أو يمكن لأني كلا كنت أقرا كتب علمية و روايات بوليسية فيتراوالي ..
استغربت لما دريت ان بيسونها مسلسل لأن حسيت إن أغلبها كان حوار الكاتب (خالد) مع ذاته و مع حياة بخياله فقلت شلون بيحولونها مسلسل شبيقولون !! المسلسل شفت منه حلقة وحدة اللي لما يشوفها أول مرة بالمعرض و ما عجبني وايد حسيت القصة أحلى !! مع ان تمثيل جمال سليمان كان حلو بس ما بلعت بشوشة وايد !! حسيتها كلش مو متمكنة من اللغة !!

و بس قرقت وايد

 

[الاحاسيس المبهمه]

شوقتوني شكلها كاتبة تحطيميه .!.

تم ادراج اسمها