محتره

[يا قلبي لا تحزن]

رد : محتره

والله مادري شقول صدمتيني في ناس جذي
ليش انتو ماتفـقـتو ع المهر قبل الملجه؟؟؟؟؟؟

 

[احساس المشاعر]

حبيبتي اهم شي التوفيق الواحد يقتنع بنصيبه ومايهدم حياته عشان مهر ودزه

وليش تشوفين غيرك الناس تختلف ياحبيبتي وانتي بكذا دمرتي حياتك ماله داعي

مره كبرتي السالفه والله يهدي قلبك ويستر عليك ..

 

[Jolia-007]

رد : رد: محتره

شوفي حبيبتي انتي طلبتي راينا وانا ما احب اجامل احد

انتي داشه حرب ؟
قاعده تدعين عليهم وعلى عايلتهم شحقه ؟؟
امبيه مو شايفه خير ؟
شدعووووووه تطيحين بالمستشفى عشان المهر 4 الاف ؟؟؟
مشفوحه ؟
شتقولين عيل حق البنات اللي ماتزوجوا ولا يالهم خطيب واحد ؟؟؟ حمدي ربج بس
وعيب تدقون على الناس تقولون شنو هالمهر !!

انا ادري ليش محتره وحار قلبج زياده انه كل بنات اهلج ماخذين 10 الاف وانتي 4 الاف محتره منهم
منحرجه منهم ومن نظرتهم لج لانج اقل وحده خذيتي
امبيه بفهم وحده للحين مادش عليها زوجها تناشبه وتدعي على اهله عشان فلوووووووووووس !!!!
وتنطرين منه انه يعايدج بعد !!!

خل ايي ويشوف لسانج ودعاويج عليهم من امه بهون عنج
وتتكلمين عنهم انهم رديييين بعد ؟؟ شوفي اسلوبج بالاول شلون تتكلمين على اهل ريلج جذي ؟
نصيحتي لج انه تنفصلون وياخذ وحده ثانيه وايد احسن له مسكين الله يعينه عليج وعلى لسانج

:icon30: :icon30: :rerrerek: :rerrerek:

 

[العنود 99]

رد : محتره

في مثل مصري يقولج

كل شي بالخناق الا الزواج بالاتفاق

فكري عدل دامكم للحين على البر , اذا كان الريال متعمد هو وعايلته ما الومج بس اذا صار لهم ضرف وما قدروا يطرشون لكم المهر كامل اعذريهم ولا تخلين الفلوس تخرب علاقتكم

وحاولي ما تقارنين نفسج بلي حواليج السعاده ما تنشرى بالفلوس

بس لا تتضايقين حبيبتي الغلطه صارت منكم لانكم ما كتبتوا في العقد المبلغ الصحيح

 

[™〓 تۈڷيـــטּ~»❀]

الله يهدي النفوووس

صلي استخاره ووفكري دامج ليحين بالبر
ماتدرين يمكن تكون لج خيره
.
.

 

[غلا عيوني]

رد : محتره

ماعليج اهم الشي التوفيق لاتحااتين والله الفلوس والمهر والعرس مايسون شي

 

[غلاي عزوزي]

الي اوله جذي ينعاف تاليه


نصيحه من مجربه لاتتنازلين عن ابسط حقوقج باجر بتندمين لا ربطج بياهل ولا غيره


من الحين اذا ماكو تقدير او احترام مع السلامه توج بنت بيوت مالمسج
انحاشي منه وحتي لو جذي المفروض الام ترد رد سنع مو جذي

 

[غلا ستايل]

توكلي على الله لا تفكرين بهالسوالف وايد ....والله يوفقج تفكيرج حده مادي ...............

 

[atc666]

رد : محتره

غلطانه شكو تطلبون اصلن الناس اللي يفهمون بالأصول سامحيني ترى المصاروه اللي يتكلمون بالفلوس اما عيال الكويت الأصايل مايتناقشون بالفلوس بالعكس اصلن يستحون يتكلمون بهالموضوع اذا تكلموا قالوا جم تبون مفروض يكون رد الرياييل باللي تقدرون عليه والله عييب ترى عيال القبايل ما يتشرطون فلوس وشفيها 4 ترى زينه باجر بتقولين له ما ابيك مهرك 4 راح ينقد عليج ويقول هذي تبيني عشان مادة واذا يقولج ترى ما اقدر شبتسوين تقولين مابيك ؟؟؟ بتقعدين مطلقه وبيقولون اهلها يتطلبون وايد ومحد راح يطق بابج وباجر ياخذ وحده ابوها يقوله ابوها دينار مهر بنتي ...

ترى والله غالبية عيال القبايل اذا سألوا الوالد جم تبون مهر يكتبون بالعقد دينار والله ....واذا بعدين الريال يبي ييب شي كيفه...

ولاتزعلين من كلامي امشي ورى المبجيك ولا تمشي ورى اللي يضحكك وانا قلت اللي يمليه على ضميري وغلط انج تدعين عليهم وتسبينهم وتقولين عنهم رديين عشان فلوس والله اصلن انتي الغلطانه اهم يابوا اللي مكتوب بالعقد وبعدين اذا انتي شايفه خير وبنت عز جان امتجهزة وعندج كل شي من وانتي بنت انا يوم خطبوني قلت لهم مابي مهر لأنه كل شي عندي والحمدلله حتى اهلي كتبوا بالعقد دينار وانا ماعلي قاصر يوم يابوا مهري 9 الالاف مادريت عنه قطيته بالبنك واصلن قعدت اتهاوش ويا ريلي على هالمبلغ قلت ليش ياييب لي وواعدته واهوا مايدري اني برد له المهر وقمت احلف عليه ياخذه مارضى يمد ايده وزعل علي يعني شبسوي ب9 الالاف بقطها على الخلاجين طول عمري قاعده اقط على الخلاجين والآلماس وللحين الهدوم اللي يبتهم من بيت اهلي ومن خيرهم ما لبستهم كلهم الكبتات فاضت من كثر الخلاجين ......

يابنات بسكم بسكم بسكم من هالتطلب خلوا عينكم متروسه راح تكبرين بعين ريلج وعين اهله انا والله للحين اهل ريلي وريلي يمدحون اهلي على انهم ماطلبوا مهر وكتبوا بالعقد دينار قالوا والله اهلج صج يفهمون بالأصول يقولون احرجونا اهلج بأسلوبهم مع انهم عطوني 9 ولاتزعلين انا بس بقولج شنو مفروض عيال القبايل يتصرفون.

 

[غزل بنات]

اصلا حتى حركتهم جابو 4 الاف بس هدايا ولاحركااات ولازفه ولاسووالف مولهدرجه بخل ولاشنوووو في ذرابه في ذوووق منو يجيب المهر بس هالايام

 

[fdeet_shosho]

حبيبتى اهم شي الرجال زين وتحبينه وتبينه .. خلج من الامور المادية اهم شي الولد زين اذا الولد اخلاق وادب وزين شتبين بالفلوس انتى ضبطي روحج بال 4 الاف اللى وصلتج ولما تتزوجين ان شاءالله اخذيه للسوق واشترى باقى اغراضج واللى تبينه بس مو من اولها تزعلين وتعصبين وتتشائمين ان حظج ردي لاحول الله لاتقولين جذي تفائلوا خيرا تجدوه ربي يوفقج ان شاءالله

 

[روبالوا]

الله يوفقج ويسعدج بحياتج. بنسبه لنا احنا عيب نطلب او نتكلم بموضوع المهر الفلوس طلباتنا تكون بحدود تكملة الدراسة اذا كانت طالبة اوالعمل اذا كانت موظفة وبعض منهم يطلب السكن المستغل . اما مواضيع الفلوس نترفع عنها حتي لو كان المهر قليل والله احنا نجهز قبل مانستلم المهر او نعرف جم الان احنا مانحدد المهر

 

[فديت حبوبي]

رد : محتره

الله يعينج اختى ويسهل امورج

 

[ƒédaîtn¥ ZoO'3a]

استخيييري مع الحركه صج تبط الجبد اذا من الحين ماعنده فلوس او بخييل عيل شلون بتعيشين معاه وبيصرف عليج اكييد بالقطارة :/

 

[Petite]

أول شي حبيبتي فيه ناس يآخذون مهور 20 ألف بس الريال مو زين وكله عيوب من راسه لـ ريوله
وفيه ناس تآخذ مهر 4 آلاف بس الريال ذهبه

ليش البنات جذي فيهم طمع ؟؟
بعدين تقولون ليش زادت العنوسه ؟؟
ومن صجكم تدقون عليهم عشان فلوس ؟؟

والله فشله جنكم مو شايفين خير ..

انا شخصياً .. لمن انخطبت أبوي الله يخليه لي قال مهرها قرآن وأهل ريلي ماقصروّ معاي بـ كل شي حتى المهر يابوه قبل لايعطونهم الحكومه وللحين مايقصرون عساني ما أنحرم منهم

الرسول صلى الله عليه وآله وسلم زوّج أغلى بناته السيده فاطمه للإمام علي كرم الله وجهه ، وكان مهرها درع

أنتي ماتبين الله يباركلج بحياتج .. تبين الكشخه والفلوس والتفلسف ومتفشله من الناس يقولون مهرها 4 آلاف ؟؟

اذا انتي الحين جذي ، عشان فلوس طحتي بالمستشفى .. باجر شنو بتسوين بالريال ؟؟
وداقه تزفينه بعد !! والله فشله ، عفيه عليه متحملج ؟؟

عيب والله عيب عليكم خافوا ربكم

الله يعين الريال .. ونصيحه مثل نصيحة احد الاخوات ، انفصلي عنه خليه يشوف وحده تستاهله لأن انتي انسانه ماديه جداً .. والله يعينج على نفسج .. ويعين أمثالج .. خلكم طرشي في بيت أهلكم

 

[~~ وردة العشاق ~~]

انا ابي افهم شلوون البنت تسترخص نفسها وتحدد المبلغ
احنا مو خرفاااااااااااااااان :s (ما اقصدج )

شلون اذا تم كل شي بتقابلين اهل ريلج ! والله فشله


الله يهديج بس ! واذا انتي هالكثر متفشله من الـ 4 وقولي حق الناس عطوني 20 الف :d
اهم شي صحتج موزين

بس اكثر شي يحز بالخاطر انه يابولج المهر بدون دزه وشغل سنع وعطورات ... الخ

استخيري

 

[ام _خلودي]

ليش حااره عمرج

بعدج على البر

 

[Sweetq8]

هي محتره بس عشان الفلوس 4 لاتفكرون بالبنت جذي يعني من. الذوق عطور طقم اي شي يبين الذوق والكرم ورد ام زوجج بعد يحر يعني ناس لايحشمون ولا يقدرون هذا ابي حار البنت افهموها لا يسوون بعض البنات روحهم كلش مثاليات عاد في شي اسمه عوايد وذوق

 

[LeeMa q8]

بصراحه المفروض كاتبين بالعقد

وحتى لو كانوا مايقدرون ع العشره المفروض يعطون ع الاقل خمسه ولا 8 يعني مو الا عشره بس لازم يزيدن فوق مهر الحكومه ؟!!!


وبعدين شنو اهو معصوب ولا شنو الي قاط فلوس الحكومه !.!


خل امج تكلم امهم مره 2 قولي انتو تبون البنت ولا الولد مغصوب وبس

 

[So0oKaRa]

اختي لو الريال زين لا ترفضينه عشان هالسبب
ماتدرين شنو ظروفهم
صج شي يحز بالخاطر بس شتسوين يمكن عندهم ظروف
وتنازلي عن هالشي عشان ربج ومثل ماقال الرسول عليه الصلاه والسلام اقلهن مهورا اكثرهن بركه والله بيعوضج خير
وهالشي مو معيار لسنع اهل الريل
في ناس عطو مهور على 10 واكثر والبنت تلعوزت مع ريلها واهل ريلها
وشافت الويل منهم
وتلقين بنات مهورهم شويه والحمدلله متهنين