محتره

[طواري لـ((العنقا))ـيل]

الله يعينكـ


بس ياحبيبتي انا ماالومك للحين محتره ويمكن مو متوقعه منه هالتصرف

وانتي مو حارج الا انهم ماقدروج وان بناتكم اكثر منج مهورهم



شوفي؟


انا ياقلبي مريت بموقفج وتوني شوفي شريط زواجي


خواتي مهورهم فووووووق


وانا اقل وحده جاها مهر فيهم مع ان الكل متوقع اني فلانه مهرها شنو بيطلــــــــع!!!


بحكم ان اللي ماخذتهم اهل فلوس وبحكم ان خطابي كانو واااجد ورضيت بزوجي هذا


بس ابوي لا قالو كم المهر يقول ريال وشيمة رجال


معروفه عند ابوي


والحمدلله كفتني وحطيت من معاشي فوقها


بس تعالي الحين دوريهم !! راحت للاسواق والذهب شهرين وبعته !!!


صدقيني الفلوس وصخ دنيا تروح وتجي


وارجع واقول ادري قصدج عدم التقدير منهم


انتي خذيتيهم وخلاص شتسوين واذا هو يحبج شتسوين وشكلج شكلج تحبينه وهذا الشي اللي اصدمج ومومخليج تقولين له نتطلق دامنا ع البر



استخيري واسألي احد تفكيره راااااااااقي ومنطقي ونظرته بعيده



لاتسألين من عمرج او احد يحب البهرجه والمهايط


ومادري ليش احس ان زوجج يحبج


بس مغلوب ع امره



والله يوفقج

 

[يعني أني]

رد : محتره

لورا فديت قلبج لاتحرين عمرج انا حاسه فيج وادري قلبج محترق

اعرف وحده كاتبين بالعقد سبعه جابوا لنا سته تخيلي

حتي اهي احترت حست انها بيعه وشروه

وفوق هذا مشت الموضوع


وطلعت لها اشياء بعد الزفه مالها لزمه وطلع موكفو

وحبيبتي اللي هذا اوله ينعاف تاليه

اللي مايقدرج بـ اول الزواج لاتنطرين منه تقدير بعده



وبنات اللي تقولون ليه ماكتبتوا بالعقد المبلغ

ترى في عوايل يكتبون مبلغ معين ويعطون فوق المبلغ

يعني يكتبون 10 دنانير

ويعطون بالالاف


وهذا تقدير للمره واهللها


والله يهدي بالج

ويوفقج

استخيري يالغاليه

 

[لحظات عابره]

رد : محتره

بس اشدعوه بنات احنا نتكلم بالمنطق 4 الاف شتسوي بوقتنا هذا
لاتلموووووووونها لاتضايقت ترى مومعناها انها مشفووووحه وغير كلام البنات اللي قالوه
يعنى حتى لو حاطيلها 6 الاف نعمه تمشي حالها
بالتوفيق حبيبتي

 

[صعب انتفاهم]

رد : محتره

والله صدقيني المهر مو كل شي يمكن الرجال زين ماعليج من اهله

 

[عاشقه القيصر]

الله يعينج ..
والله مادري شقولج يالغاليه ..
بس كلش مو خلوه الحركه مالتهم متفقين على 10 ويعطونج 4
جان قالوا لكم مانقدر على 10
ولا يصدمونكم يومها ..
بس اذا انتي تكلمينه كلميه اعرفي السبب .

 

[فيونكا$]

رد : محتره

الله يعينج شكلها خالتج موهينه على ردها لمج ... مادري وانا اقول الزواج ستر والفلوس مو كلشي اذا الريال زين اشتري راحتك

 

[شقرديـه عالطل]

مااددري والله
بس انتوا غلطتوا وماكتبوا بالعقد اكثر من اربعه
وانشالله بتكون خيره لج

 

[اشتياق]

مادري..!

 

[روح المرح]

شوفي حبيبتي انتي طلبتي راينا وانا ما احب اجامل احد

انتي داشه حرب ؟
قاعده تدعين عليهم وعلى عايلتهم شحقه ؟؟
امبيه مو شايفه خير ؟
شدعووووووه تطيحين بالمستشفى عشان المهر 4 الاف ؟؟؟
مشفوحه ؟
شتقولين عيل حق البنات اللي ماتزوجوا ولا يالهم خطيب واحد ؟؟؟ حمدي ربج بس
وعيب تدقون على الناس تقولون شنو هالمهر !!

انا ادري ليش محتره وحار قلبج زياده انه كل بنات اهلج ماخذين 10 الاف وانتي 4 الاف محتره منهم
منحرجه منهم ومن نظرتهم لج لانج اقل وحده خذيتي
امبيه بفهم وحده للحين مادش عليها زوجها تناشبه وتدعي على اهله عشان فلوووووووووووس !!!!
وتنطرين منه انه يعايدج بعد !!!

خل ايي ويشوف لسانج ودعاويج عليهم من امه بهون عنج
وتتكلمين عنهم انهم رديييين بعد ؟؟ شوفي اسلوبج بالاول شلون تتكلمين على اهل ريلج جذي ؟
نصيحتي لج انه تنفصلون وياخذ وحده ثانيه وايد احسن له مسكين الله يعينه عليج وعلى لسانج

اتفق معك :eh_s(15):

وبعدين تقولين ان هووو يسمع كلام اهله هم بعد انتي نفس الشيء واضح ان اهلك لاعبين بدماغك وحاطين ببالك فكرة الطلاق طيب وبعدين شنو بيصير بحالك اذا الولد زين وسنع ويخاف الله ومصلي وبار بوالدينه ماينعاف وايش دراكي اذا تركتيه يجيكي وااااااحد ردي مثلا
شوفي حبيبتي انتي تقولي 4 الاف لما حسبتها بالريال السعودي طلعت تقريباا 50000 الف ريااااال حبيبتي هذي مهورناا احنااا ولافي نااس مهورهم 5000 ريااااااال اشتري فيهاا بس طقم ذهب احمدي ربك واشكري فضله
وطلعي اهلك واهله من حياتكم واتفقي مع زوجك ولاتقطين اذونك لحد اذا هم يشيشونك وانتي ماصار عرسك شلون لمن تزوجون ... ولاتعلمين احد كم مهرك احنا عندنااااااااااا عيب نسأل عن مهر اي بنت
وفي النهايه عقلك براسك تعرفين خلاصك

 

[:: Diva ::]

شراح تسوين الحين ؟
تتطلقين ؟


و لا بيتزيدينهم و كل شوي تطقينها بعينهم ؟

 

[غيروك وغروك]

رد : محتره

مادري شقولج مووضوعج يحير والغلط عليكم اثنينتكم يعني المفروض كاتبين بالعقد 10 يمكن هالعايله ماتعرف

انه عندكم دزة البنت 10 فهم مشوا على شروط العقد يعني المفروض اذا كتبتوا 4 اتلمحون لهم انه دزت بنتنا

10 ومن هالحجي عشان يكون عندهم خبر ومايتحججون بشي وماعليه خلي امج اتكلم ام ريلج وتقوله الفلوس

ماكفت حق الجهاز ابصراحه بالهوقت زين 6 اتكفي كل شي غالي بالسوق الله يعينج ويسهل عليج

 

[@نداوي@]

رد : محتره

اوكي انشالله جايبه الف ..
بس شكوو ردهااا ..
استخيري .. والله يكتب الي فيه خيره

 

[كويتية تهبل]

رد : محتره

حبايبي كل اللي ردوا .. انا مقدرة وضع صاحبة المشكلة و الصراحه شي يقهر ,و و كل ناس و طبعهم
- في ناس لازم تتفق على كل صغيرة و كبيرة قبل الملجة و اذا في اي شروط من البنت لازم تتوضح و ممكن تنكتب في عقد الزواج واللي انكتب هو اللي نلتزم فيه العمر كله(نحن طبعنا جذي)

-في ناس لا تعتبر هالشي عيب و عيب يتكلمون عن الفلوس او ان البنت تتشرط شغل او سكن و ان هم يشترون ريال و حتى لو اللي دفعولهم قليل فاهلها يكملون على اساس ان الوحده تمشي حالها و ان شي يتعدل بعد الزواج و محاولة و من البنت و هله و اهلها يصير اللي تباه انشالله( اهل ريلي جذيه حتى يوم يابولي مهر شوية رضيت فيه,, بس ما تضايقت لان هم كل بناتهم بنفس الطريقه حتى لو يعطونهم شوي )

- بس المشكله يوم اهل الريل يعرفون طبع العايلة اللي رايحين خاطبين منها و يستهبلون و قواة ويه بعد .. ولا يحشمون او يستحون ,, هذا انا اسميه قلة سنع يعني انا اهل ريلي لو اني قلتلهم شنو هذا ما يكفي زهبة عروس هالايام جان على طول قالولي ابشري و يابولي اللي اباه مع انه مش طبعهم ,, بس ناس تفهم في الذوق و السنع

الصراحه حبيبتي انا انصج تاجلين العرس حاليا و تشوفين شو اللي بيصير من ناحيتهم .. ولا بعمرج تاخذين قرار و انت معصبه حبيبتي .. والله يوفقج

 

[كويتية تهبل]

رد : محتره

غلطانه شكو تطلبون اصلن الناس اللي يفهمون بالأصول سامحيني ترى المصاروه اللي يتكلمون بالفلوس اما عيال الكويت الأصايل مايتناقشون بالفلوس بالعكس اصلن يستحون يتكلمون بهالموضوع اذا تكلموا قالوا جم تبون مفروض يكون رد الرياييل باللي تقدرون عليه والله عييب ترى عيال القبايل ما يتشرطون فلوس وشفيها 4 ترى زينه باجر بتقولين له ما ابيك مهرك 4 راح ينقد عليج ويقول هذي تبيني عشان مادة واذا يقولج ترى ما اقدر شبتسوين تقولين مابيك ؟؟؟ بتقعدين مطلقه وبيقولون اهلها يتطلبون وايد ومحد راح يطق بابج وباجر ياخذ وحده ابوها يقوله ابوها دينار مهر بنتي ...

ترى والله غالبية عيال القبايل اذا سألوا الوالد جم تبون مهر يكتبون بالعقد دينار والله ....واذا بعدين الريال يبي ييب شي كيفه...

ولاتزعلين من كلامي امشي ورى المبجيك ولا تمشي ورى اللي يضحكك وانا قلت اللي يمليه على ضميري وغلط انج تدعين عليهم وتسبينهم وتقولين عنهم رديين عشان فلوس والله اصلن انتي الغلطانه اهم يابوا اللي مكتوب بالعقد وبعدين اذا انتي شايفه خير وبنت عز جان امتجهزة وعندج كل شي من وانتي بنت انا يوم خطبوني قلت لهم مابي مهر لأنه كل شي عندي والحمدلله حتى اهلي كتبوا بالعقد دينار وانا ماعلي قاصر يوم يابوا مهري 9 الالاف مادريت عنه قطيته بالبنك واصلن قعدت اتهاوش ويا ريلي على هالمبلغ قلت ليش ياييب لي وواعدته واهوا مايدري اني برد له المهر وقمت احلف عليه ياخذه مارضى يمد ايده وزعل علي يعني شبسوي ب9 الالاف بقطها على الخلاجين طول عمري قاعده اقط على الخلاجين والآلماس وللحين الهدوم اللي يبتهم من بيت اهلي ومن خيرهم ما لبستهم كلهم الكبتات فاضت من كثر الخلاجين ......

يابنات بسكم بسكم بسكم من هالتطلب خلوا عينكم متروسه راح تكبرين بعين ريلج وعين اهله انا والله للحين اهل ريلي وريلي يمدحون اهلي على انهم ماطلبوا مهر وكتبوا بالعقد دينار قالوا والله اهلج صج يفهمون بالأصول يقولون احرجونا اهلج بأسلوبهم مع انهم عطوني 9 ولاتزعلين انا بس بقولج شنو مفروض عيال القبايل يتصرفون.

حبيبتي انتي وضعج غير عن صاحبة المشكله .. انتي عندج سهولة مادية .. ما تفرق معاج على قولتج دفع والا ما دفع ,, بس اذا اهلج ما عندهم يعطونج ما اظن هذا بيكون موقفج او رايج ,,لا و فوق هذا كله اهل ريلج يعرفون السنع دفعوا شي يسوى ,, بعد هي عروس و تبي تتدلل و تتدلع و ما طلبت مستحيل طالما باستطاعته و مقتدر ,, و الوحده خاطرها يوم تعرس تتزهب احسن زهبة ,, و هم بحركتهم جنهم يقولونلها هاج هذا اللي تستاهلينه و مافي غيره ولا تخربين حياتج وولا هدايا ولا عطور ,,شنو هذا ؟؟ ماكو ذوق كلللللش و هذا اللي مخوفنها منهم ,, انتي اذا ربيعتج ربت ولا عرست تبين تييبينلها احسن شي تقدرين عليه ,, عشان قدرها و محبتج لها ,وما بالج بوحده راح اتزوجها و تشاركني حياتي !!! لا و فوق هذا كله هذي مش هدية من عنده ,, هذي حق من الحقوق اللي الله سبحانه و تعالى كرم الحرمه فيييه و للاسف مجتمعنا حتى في حق الحرمة انها تطلبه يقولون عييب !!:bbbiu:

 

[كويتية84]

تبين الصج الله يعينج عليهم ؟....
بس ادا تحبينه ومرتاحه للريال صبري لان الفلوس تروح وتجي بس الريال الزين ما تلقينه باي وقت ...

 

["اسطورة العشق"]

صراحه قـــــويـــــــــــــــــــه


مادري لو كنت مكانج شلون بتصرف صج صج صدمه
و رد امه يحر ينرفز
اصلا حتى لو ما كنتو متفقين على 10 .. الحين معروف كل عايله و كل قبيله جم مهرها






بس صج صج الي هذا اوله .....!

واااااي لا الله يستر من هالزواج .. الي من الحين مو مقدرينكم و تصرفو هالتصرف عيل بعدين شنو بيسوون @@

 

["اسطورة العشق"]

لورا حبيبتي توني اقرى باجي الردود

جنا السالفه مو سالفه مهر .. جنا المشكله ان شخصيته ضعيفه و ماله كلمه عند اهله و تقريبا امه مسيطره على الوضع و حدها متسلطه و جريئه ما تحشم و تعرف السنع

شوفي انتي كرهتيهم لهدرجه ركزي على هالنقطه .. اذا كان ما عنده شخصيه و ضعيف خلاص مسكي بهالسالفه و قولي ما ابيه ما عنده شخصيه باجر اهله يتحكمون بحياتنا .. لان عيب تقولين ما ابيه عشان المهر شويه فشله بين الناس بس اذا قلتي ما ابيه لان ماعنده شخصيه هني يكون معاج حق



مع هذا انا اقول تستخيرين احسن و الله يكتبلج الي فيه الخير

 

[DooLy88]

ما ادري شقولج والله

أنتوا متفقين على المهر ؟؟؟؟؟؟؟؟؟؟

لان ما أتوقع ملجتوا وانتوا مو متفقين على المهر؟؟؟؟؟؟؟؟؟؟؟

وهذا غلطة اللي ماياخذون المهر يوم الملجة !!

احنا لوشنو يكون مانملج إلا لما يسلم المهر جدام الملا

صح !! معاها

شكوووووووووووو صدمه

الزواج ستر واستقرار ليشششششششششش فكرتو بالمادة والفلوس بس؟؟؟؟؟؟؟؟؟؟

اي والله




















بس دامكم متفقين جذي ليش نجفو ؟؟ ماكتبتو هالحجي بالمهر؟؟ مادري غريبين اهله صراحة

 

[عجيبه1]

انا فاهمه قصدها


لما قالت مكتوب اربعه بس المفروض يجيبون 10

احنا نفس الشي نكتب دينار بس مو معناته المهر دينار

يجيبون 8

هذي اسمها سلوم وعادات معروفه يعني من الذوق

انه مانتشرط ونطلب مهر و من الذوق اهل المعرس

ما ينطرون احد يطلب منهم يعرفون من نفسهم

...

الحين انتي ماعرفتي شنو السبب؟؟ وشنو قصدهم بهالحركه؟؟

اهني تعرفين شلون تتصرفين

ثاني شي يمكن اهم عايلتهم يعني بناتهم وجناتهم ياخذون على 4 ؟

فلا تقيسنها عليج انتي وا اهلج

الله يوفقج يارب

 

[مشتاقه لك يبا]

رد : محتره

الله يهداج بس خوفتيني على بالي شي قوي ... الفلوس مو كل شي يا قلبي اهم شي اخلاق الزوج والا الفلوس تروح وتجي
وانا اختج لا تخلين الفلوس توقف عقبه بحياتج عادي مافيها شي يمكن ما عندهم شي على قد حالهم اهم شي الحياة معاه والتفاهم والود والاحترام والحب والفلوس هين عاد اخر شي الوحده تفكر فيه .. الله يتمم عليج بخير وعافيه ان شالله