زوجي يبي يبيعني عقب اللي سويته ،، تكفون شسوي

[زوغاا]

رد : زوجي يبي يبيعني عقب اللي سويته ،، تكفون شسوي

مااقصرت فوفو بالرد وحبيت اظيف انج لازم تروحين الصالون وتسوويين كل شي من بدكيرومنكير وو قصه يديده صبغه يديده تغيرين شكل حواجبج الحين البنات هابين بالحواجب العراض احسن صالون بالنسبه لي الشرقيه الي بالجابريه وووسوي سبااا عندج سبا اند هلث بالمهبووله حدااا حلوووو والله يهنيج ويا ريلج اهوو يحبج بس ودا يشوووفج احلى وحدا

 

[الجــادل]

رد : زوجي يبي يبيعني عقب اللي سويته ،، تكفون شسوي

اللي صار صار

وعندج حلين

اما انه يتزوج و يطلقج او يخليج بس بدون اهتمام

او انج تنفضين نفسج نفضه قويه تشترين لبس جديد و تغيرين ستايلج وتهتمين في بشرتج وجسمج ومكياجج وحتى اسلوبج بالكلام تغيرينه ويا حبذا عقب التغييير هذا تسافرون شهر عسل جديد

 

[& ام سلمى &]

الله يهدي لج وسخره

وانتي اهتمي في نفسج

الله يستر علينا من الدينا

 

[ديانا سبنسر]

اهتمي بنفسج !!
عمرج 32 !! توج حددددددددددج صغيرره واصلا احلا عمر تغير فيه المره بنفسها جدام زوجها !!

وزوجج شوي معاه حق وشوي غلطان
بس
مع هذا ضروري تسمعين كلمته ومن الحين تقومين وتغيرين ستايلجج وكل شي

روحي الايوب ولا مواقع القمصان هني تهبل اسعارهم وخميييييييييييييي شككككككثر قمصان واقوى ستايلات مو نعومين

وغيري شعرج وكل اللي بالكبت قطييه وابتدي عروس يديده
واهتمي بجسمج ونظافتج وكل شي
وحواجبج غيري ستايلهم سواء اذا كنتي تحفين او تشقرين
روحي تدلعي قبل لا يتزوج ويسويها وتضيع منج الفرصه

قولي الف الحمدلله والشكر انه نبهني على اناقتي وشكلي وانه مو عاجبه
واهو ما قصر قال اذا غيرتي انا كلي لج
يعني فعلا يبي يشوف انسانه ذربه واناقه وسكــ.... جدامه !!
حتى بالفراش وانا اسفه على جرئتي .. تغيري وسويله حركات وكل شي يحبه ويرضيه !!
بسيطه

وخري عنج سالفه الطلاق وباذن الله بتجتمعين معاه بالحب والسعاده مع اللوك اليديد
واكيد واللي ما يبيله شك .. الزمي الاستغفار مع تغييرج
وموفقه يارب

:icon30::icon30::icon30::icon30::icon30:

 

[تيناا]

كتبت رد شطوله وراح

المهم انه غيري من نفسج علشان تحافظين على زوجج

 

[㋡..PRINCESS..㋡]

البنات ما قصرووا معاج و عسى الله يجزيج خير على صبرج مع زوجج ..

 

[أسـمـاء]

رد : زوجي يبي يبيعني عقب اللي سويته ،، تكفون شسوي

والله يابناات اهتم بروحي شدعواا ماااعيّد و مااروح عرووس
بس اهو يبيني ارد له بنت صغيييره في لبس ودلع !
صراحه دخلت في مخي فكرة السفر
ويعطيكم العافيه

 

[Tutti-Frutti]

رد : زوجي يبي يبيعني عقب اللي سويته ،، تكفون شسوي




سوي اللي يقول عليه زوجج
حافظيه عليه وخلي عنج كبريائج
الحياه تضحيات وانتي ضحيتي يزاج الله خير
وهم ضحي الحين

صج انه ريلج اناني واسلوبه ينرفز
بس طوفي
مرده راح يعرف قيمتج

والبنات ما قصرو
وانتي بعز شبابج ليش تقولين عيوز

والله يهنيج يارب

 

[honey lust]

شوفي اللي قاله ريلج يقهر و يحر خصوصا انج ما قصرتي معاه و تحملتيه و وقفتيه معاه و ما تسوي جذي الا الاصيله
اهوه يمكن كان قصده يبيج تعدلين من نفسج و هذا من حقه
لا تعاندين و تكابرين
روحي الصالون صبغي شعرج و قصيه و اشتري هدوم يديده
انتي توج صغيره ليش تدفنين نفسج حراااااام
استانسي بحياتج معاه

 

[الماسه.80]

غيري من استايلج

>>>>من لبس و ميــــكبو شعـــــــــر


ولاتنسين الغنج والدلال واذا ماجا يركض لج ماكون الماسه واكدي









جاري التطبيق

 

[رنيم q8]

الله يعينج
ما اقدر اقول لج شي احس مو ضوعج صعب بس صج شالريايل لي ما يقدرون المرأه
انا اقول اهتمي بنفسج اكثر بس لا تبين على طول التغيير عشان ما يقول اي سمعت كلامي على طول
ابدي شوي شوي واذا سإلج قول له انا طول عمري اهتم بعمري بس عشانك انا نسيت نفسي

 

[الغلاااااا]

ياااااااااااااااارب ياكريم يفرج همج

مشكلة الزوج الكويتي مايشوف نفسه ولا عيوبه بس يشوف زوجته

 

[om_7o0or]

رد : زوجي يبي يبيعني عقب اللي سويته ،، تكفون شسوي

الطلاق مو حل واذا انتي صج تحبينه وتبينه غيري من روحج ولا تقولين انا وقفت معاه كل هالسنين اهوه لمن طلبتي منه الطلاق ماهانت وقفتج معاه عشان جذي مارضى بس هم يبي يتزوج لان مل من الزوجه المهمله شوفي كل ريال يطلع ويشوف وماشالله بناتنا احلى لبس واحلى كشخه تشوفينهم بالسوقه واكيد يبي زوجته تكون اكشخ وحده واحلى وحده بعيونه عشان لا يروح حق غيره صح ولا انا غلطانه واذا انتي تميتي هامله روحج راح يتزوج ولا شي راده الريال ينسى بلحظه انتي اللي بتجين وتموتين قهر واهوه نايم بالعسل
انا اقول روحي قطي كل ملابسج وروحي السوق واشتري ملابس يديده الوان يديده ومكياج وغيري تسريحه شعرج وصبغيه وسوي ريجيم ودشي نادي او سوي مساج ينحت جسمج سوي تنظيفات بشره عشان يعطيج نظاره اشتري قمصان نوم وحركات غيري غرفتج غيري اثاث سوي نيو لوك حق كل شي وسوالف ايام اول ملوت يدتي دراعه وملفع مايمشي اذا مالبستي قمصان نوم عليج الدوره لبسي بجامات ضيجه اتيبن الجسم لبسي شورتات بديات حطي ميكب صبغي اظافرج وايد اشياء تسوينها بس انتي الله يهداج موعارفه شتسوين

 

[رعشة غلآ..!]

رد : زوجي يبي يبيعني عقب اللي سويته ،، تكفون شسوي

انا ماامدح روحي بس انا ضعيييفه و اهتم بشكل الخارجي وشعري دايما اعدله واقصقصه لي مو له و احب الميك اب واللبس بس انا فااهمه شنو يبي اهو يبيني ارد له عرووس يبي مثل ماقلتوا اتمشي بشورتاات و انا احس كبرت لان ولدي معانا في البيت والخدم ، ويني وين لبس حدي اللي اقدر اسويه في داري بس[/quote]



حبيبتي انا عندي لج فكره
لييييش ماتسوين لج جناح بيتج يعني غرفته نوم وصاله ومطبخ تحضيري مع الحمام طبعاً مخصصه لكم
وماتخلين احد يدخلها الا الخدمات لتنظيف<<عشان تقدرين
تلبسين على راحتج
ولدج بسم الله عليه كبير<<اتوقع ما يقعد طول الييييوم بالبيت

والمدارس جاايه خلييه ينام بدري عشان تاخذين راحتج اكثر

اكشخي بشورتات والفساتين حزت الظهااري وبليييل وهيييييك
وحتي لما تقديعن تحت اكشخي بس بدراريع بجايم

كبتج كل اللي فيييه قطييييييه وجهزي من اوول
تجهييييييييز عرووووس حتي العطوور غيرها

 

[جروح خالده]

رد : زوجي يبي يبيعني عقب اللي سويته ،، تكفون شسوي

عقب التعب اللي تعبيته تبين تخلينه يروح لغيرج ؟؟؟

لاتخلين تعبج يروح علي الفااضي ... اول شي لاتحطين سالفة التغير ان اهو اللي طالبه منج خلج بينج وبين نفسج قولي اناا بتغير لنفسي اول شي وبعدين زوجي .. هذي خطووه وتحديه علي هالشي قوليله انا مااهملت بنفسي الا عشان كنت مشغوله فيه واهم شي انت واهلمت كل شي عشانج يمكن بهالكلمه تخلينه يستحي علي نفسه اشوي لما قال بتزوج .. وعقب ابدي مع نفسسي من جديد عشان نفسج انتي اذا موضعيفه اشتركي بنادي واضعفي وخلي جسمج يهيبل غيري من لوك تبعج اصبغي قصري شعرج غيري بطريقة لبسج اكشخي شببي عمرج 20 سنه جدام وتوج صغيرونه تري لاتعطينه مجال يفكر ياخذ غيررج

 

[أسـمـاء]

رد : زوجي يبي يبيعني عقب اللي سويته ،، تكفون شسوي

يعطيكم العافيه

رعشة غلآ..!


صدقيني مافكرت بهذي الفكره ! والله جد اعجبتني اكيد بسويها و عمرها ماطرت علي بالي

يزاج الله خير

 

[الصعيريه]

رد : زوجي يبي يبيعني عقب اللي سويته ،، تكفون شسوي

الله يهدااه عقب هالعشره واللي سويتيه معااه بيتزوج غيرج

الله يعينج صراااحه

نصيحتي سوي مثل مآقآلج
إهتمي بنفسج وغيري من شكلج
وهالشي حده سهل كله قص شعر وصبغ ودايم حطي ميك اب خفيف ومنااسب
غيري من ستايل لبسج
واذا جسمج مو مناسب سووي داايت
وبإذن الله مايطاالع غيرج ويهوون عن الزواج

 

[Tulips]

رد : زوجي يبي يبيعني عقب اللي سويته ،، تكفون شسوي


كسرتي خاطري عليج بعد ماشقيتي وتعبتي معاه لين تشافى يجازيج بالزواج عليج !

حاولي تغيرين من شكلج ومن لبسج .. وان ردت على الرياييل مايملي عينهم الا التراب

 

[رعشة غلآ..!]

رد : زوجي يبي يبيعني عقب اللي سويته ،، تكفون شسوي

يعطيكم العافيه

رعشة غلآ..!


صدقيني مافكرت بهذي الفكره ! والله جد اعجبتني اكيد بسويها و عمرها ماطرت علي بالي

يزاج الله خير

اهم شيء فدتج
والله يسخر لج زووجج وما يشووف احد غيرج ياارب

 

[عاشقه القيصر]

الله يسخره لج