~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوووت .. يا انتي ياللي ماكو كرش .

وااااااي .. عيزت اتثاوب .. احس انشق حلجي من التثاوب و توها الساعه 10 .. تو اليوم باوله .ما ادري متى اتسنع النومه و اشبع نووووم !؟

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم\\


شلونكم حبيبات قلبى

جسوت جزاج الله خير حبيبتى عساج ما تفقدين غالى

زينه شلونج ؟؟\\

ميزو موفقه بالدوام

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

زينه صرت ارجع البيت على 3 وتص نفس دوامج لووووووووول

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بطوط وصبوحه ربى ان شاء الله يرزقكم باحلى ضنا


منمن وعنيد موفقين بالدوام

تمتومه متابعه موضوعج عن نصايح الرجيم و كريم الفلفل ما شريته قلت بجرب الفكس يقولون نفس المفعول واقوى بعد

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

اثمان .. اهلين سهلين .. شلونج و شلون الريجيم معاج ؟
و ليش صرتي تردين 3 و نص ؟ ؟
اتيبين العيال من المدارس ؟

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا زينه

انا اليوم ان شاء الله اخر يوم بالدين واحتمال باجر ابدا بالسته

ايه اييب اليهال لان يطلعون 2 ونص وعلى ما نطلع من المدرسه وعلى ما نوصل البيت الا صارت فوق الثلاث

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

رجيميا تقريبا 70% ملتزمه

اليوم ان شاء الله ناويه امشى قبل الفطور

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بنات بسألكم

البسكوت اللى بسلطان سنتر صوب الدايت حلوين يعنى ما يمتنون؟؟

لانى اخذت من امير الامراء اللى بحولى وحسيته كله دهن وفوق هذا ما عجبنى طعمه واحسه يمتن

 

[just-me]

هلا اثمان

Welcome Back

شلونج و شلون العيال مع غثا الدراسة... الله يعينكم انا نشنوش مداوم من نص رمضان

و حمودو ان شاء الله الاحد و جوجو الاثنين و زوزو الاحد اللي ورا 26 يعني فرة راس والله المستعان

على البسكوت والله ما اقدر افيدج لاني ما اعرف بس شلج بعوار الراس وخري عنه هالفرة او شوفيه اذا

Fat free توكلي على الله.. هذي حجوة العبد حقي قال لاتحرصين على ال Low fat دايما دوري الFat free

و موفقه يارب

 

[ZajiL]

صباح الخير من البيت

شخباركم ان شاء الله بخير

انا ماجهزت ولا عود حق المدارس وناويه اروح اليوم ان شاء الله

الحمدلله صبحت والله الحلوه مشرفه مابغت شكيت بعمري وطول امس افوكر

جسوت

انا بعد استخدم ياسمين وكنت اخذهم بالموعد بس مو بالضبط يعني نص ساعه متاخر او مبجر
مو وايد واشوه انه مالعبت علي برمضان جان علوم ومشكوره ياقلبي هالمره بنتظم بالوقت عدل مدل


زيووون

عليج بالعافيه الصيام انا كل البيت صايم حتى عيالي ههههه سوفار صايمين لانه نايمين
واليوم بلشنه الست الا انا حسافه تالي بصوم بروحي

صبوحه

صاجه انتوا عندكم بس بمول واحد قالتلي اختي انه تتعنى تروحله عشان تاكل هناك يوم كانوا بدبي
بس نسيت اي مول قالتلي عليج بالعافيه مقدمااااااااااااا

ميزوو

صبحج الله بالخير والله يوفقج اليوووووووووووم وعليج بالعافيه ماكلتي

اثمان

شخبارج ان شاء الله بخير حبيبتي


تمتووووووووووومه

حمدالله على السلامه شلون فيلجا يحلاتها بالشتا مره رحتها كانوا مسوين دوام ريلي رحله وحاجزين البوت بس لهم
وايد استانسوا اليهال والجو كان يساعد شهر 3

 

[just-me]

زيون ... امس طافج انلطعت بالمستوصف ساعة الا .. تالي طلع اني لازم اوديه الرميثية الصبح و تالي ارد اييب التقرير

حق مشرف يختمونه يعني انا بديت بالعكس والله طرطرة و خواره يوم ان السالفة جذي حطوا اعلان حطوا ورقة

انزين شنو المشكلة اذا ما خلوا بكل مستوصف صحة مدرسية على كتر و ليش مو صبح و عصر ليش بس الصبح

انا اقول دقي على وزير الصحة و انا اكلم وزيرة التربية لوووووووول

 

[just-me]

هلا و غلا زاجل و اشوه انج بلغتي ياختج نحاتي شهالحالة

وعلى الياسمين اذا كان واصل لج ايميل انهم خطرين تراه اخرطي لاني سالت بصيدلية مشرف جان تقول وزارة الصحة

عندكم وايد قوية و و صل لهم نسخة عن هالايميل و طلعت لي من الدرج تعميم ينفي الايميل و حتى عن بانادول كولد اند فلو

قالت لو حتى عندهم شك 1% يسحبونه و مو شرط المنتج حتى الشركة نفسها يراقبون منتجاتها فلاتحاتين

وااااااااي على اغراض المدراس ... اليوم ناوية اودي البنات باذن الله حق الايوب و يا غالب يا مغلوب >> شكو

و اذا اكو وقت مرينا المكتبة و الا شكلي بانطر السبت الضحى خل نشوف

 

[ZajiL]

هلا وغلا جسوت

اي وصلني الايميل ومو بس جذي اهني نزل بالمنتدى كذا موضوع

تصدقييييييييييين عاد سوالف الايميلات ابدااااا ما اصدقها ولا اخذ فيها
لانه احس كله جذب بجذب وخواره
وياجل مايهزك ريح <<< شكو

واي الله يعيني اليوم مادري وين بروح وبشنو ببدي الله يعينه يارب

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت اللى شفته مكتوب عليها دايت وما دققت عدل

مره ثانيه بدقق

هلا زاجل هلا حبيبتى

عاااااد انا اقول اليوم ليش المحكمه مظلمه آثاريج مو مداومه

لا تسالين اى محكمه

كل محاكم الكويت

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

زاجل حمد لله على السلامه

شوقتونى بنات على لبنان

بس انا ان شاء الله ناويه على عمره

 

[just-me]

الصبيان تبارك الرحمن خفاف انا نشنوش و حمود ما احاتيهم البنات اللي نفانيف و دلاقات و شبابيص

و جواتي كذا نوع و موديل و خرابيط المكتبة اللي لها اول بس مالها تالي

واااااااااي الله يعافيكم ادعوا حق زوزو ان الله يوفقها و يحببها بالدراسة و تييب نسبة تبرد قلبي انا اذا صار

فيني شي بسبة زوزو اسم الله عليها الدراسة بصوب و اهيه بصوب.. من الحين تردح مالي خلق و اوف و ما استانسنا

بالعطلة و مابي و مابي قامت تعنفص والله انا اذكر كشرتي اتبطل من تقرب المدرسة عشان السوالف و المغاير بالهدوم و الجناط

الحين بعد ماشاء الله جيلهم اونس لاب توبات و موبايلات و اشياء ماكنا نعرفها و نسولف فيها يعني المفروض ولهانين على بعض

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت الله يعينا

انا لايعه جبدى من التدريس

ومن تأخيرهم بعد الدوام سواء انشطه او تقويه

اليوم كله يروح واحنا مجابلين هالمدرسه

 

[just-me]

هلا اثمان انا ناوية بعد على عمرة الله يكتبها لنا اذا عندج واحد من عيالج يصلح محرم اخذيه

وتوكلي على الله امس حاطين اسعار العمرة بجريدة الوطن على 150 دار التوحيد

 

[just-me]

شنسوي اثمان .. استثمارنا بعيالنا و عسى ربي ما يخسر التعب

عيالج باي مرحلة ..؟؟؟ انا ماشاء الله عندي 12 و 11 و 5 و اولى روضة تبارك الرحمن

يعني على ماتخلص هالسنة والسنة الياية الا انا بايقة جوازي و منحاشة لووووووووول

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت اسم الله عليها بنتج حم عمرها وباى صف؟؟