تعالوا نتكلم عن كل شئ يشغل الفلوس

[حلم السنين]

مشاركة: تعالوا نتكلم عن كل شئ يشغل الفلوس

نشامي شوقتيني لحللوج قوليلنا عنه

 

[LajoOona]

مشاركة: تعالوا نتكلم عن كل شئ يشغل الفلوس

مشاالله عليكم يا بنات وموفقين انشالله
بالنسبه لي عندي كذا مشرووع بس نوعي خواافه اخاف اجازف مع انه زوجي يشجع بس مأجله هالافكار بعدين لان يبلها راس مال
اول شي مفكره بمشغل واني اصمم ملابس بس شفت انه وايد صارت الفكره دارجه وكل من هب ودب صار مصمم ازياء ونفس الشي التجميل مع اني اعرف احط مكياج حلوو وايدي حلووه بالمكياج بس مو متشجعه اني افتح صالوون

وفكرتي الثانيه بما اني مدرسة تربيه فنيه ودي افتح محل رسام وخطاط ووسائل تعليميه وادوات لان قاعده اشووف اقبال المدرسات عليها والمدارس ووقت الانتخابات لكن الفكره لازالت تحت الدراسه

وعندي مشرووع ثاني اني اشتري شقه تمليك بالكويت او بره الكويت وااجرها

 

[المرفأ~~]

مشاركة: تعالوا نتكلم عن كل شئ يشغل الفلوس

الشقق بالكويت تقريبا جم اسعارهمـ.؟؟؟؟؟؟

 

[جارة القمر]

مشاركة: تعالوا نتكلم عن كل شئ يشغل الفلوس

شمعة ليل اليأس

من 15 ألف دينار


أتوقع توصل 35 ألف

علي حسب الموقع

وبالفنطاس الزراعيه

وايد عمارات شقق

 

[المرفأ~~]

مشاركة: تعالوا نتكلم عن كل شئ يشغل الفلوس

مشكوره جارة القمر على ردج...

بس فيه اماكن اروح لها بالضبط..

لان ودي اول شي اشتري محل في مجمع تجاري..
ولحد الحين ماعرفت هالشغله ..
والشقق الحل الثاني ..

ومشكوررره حياتي

 

[أغلى حبيبه]

مشاركة: تعالوا نتكلم عن كل شئ يشغل الفلوس

الشقق صايره نااااااااااااااااااااار

قبل لاتصير حرب العراق كانت الشقق بالمهبوله على البحر 3 غرف وراهيه شحلاتها على 15 الف

والحين على 45 لا وساكنين فيها من قبل وهارينها


واللي على 25 غرفتين وصاله صغاااااااااااااار

ماتصلح حق شي

 

[جارة القمر]

مشاركة: تعالوا نتكلم عن كل شئ يشغل الفلوس

أي والله صاجه

أإلي حبيبه

صايره الشقق نار

دقيت هذاك اليوم


أشدعوه


هالأسعار

 

[المرفأ~~]

مشاركة: تعالوا نتكلم عن كل شئ يشغل الفلوس

انا عبالي بـ15 الف ..
ضرربه على هالاسعار اشصاير فيهم.؟؟؟

 

[أغلى حبيبه]

مشاركة: تعالوا نتكلم عن كل شئ يشغل الفلوس

اليوم رحت شفت شقه بالمهبوله

عماره داخليه ومكانه لوعه

3 غرف كل غرفه 3 في 3 ومخزن متر بمترين

وحمامين وصاله 4 في 5


تدرون بجم

30 الف
على شنو محكر الحمام 30 الاسعار نار

 

[المرفأ~~]

مشاركة: تعالوا نتكلم عن كل شئ يشغل الفلوس

انزين بنات من وين تاخذون الارقام وتعرفون اماكن البيع..؟

واهم شي ان الشقق صايره غاليه بشكل مو طبيعي فليش
ماندور مشرووع ثاني..
انا ودي في محلات ..اذا تعرفوون شلون اشتري فيدوني
وعطوني الارقام ..
اغلى حبيبه ضحكتيني على غرفه 3 ب3 ومحكر الحمام خخخخخخخخخ

هذي نشتريها تطيح بجبودنا ههههههههههه
شكرا

 

[أغلى حبيبه]

مشاركة: تعالوا نتكلم عن كل شئ يشغل الفلوس

شمعه شلونج

دقي على مكاتب العقارات واهما يقولون لج الاماكن

والله شمعه صج محكر ماتسوى الشقق

 

[مطفوقه^ملقوفه]

مشاركة: تعالوا نتكلم عن كل شئ يشغل الفلوس

انا حاسه العقار بيشب فجأه بيطيح على ويهه ليش ما تنطرون شوي؟؟؟
وبالمهبوله بعد يا عيني صج محكر حمام
أنزين غلويه ما شفتي بالجابريه؟؟؟ تره الجابريه مرغوبه بالأجار خصوصا يم ماكدونالدز
أنتي جم حاطه لنفسج ميزانيه علشان تشترين الشقه؟؟؟؟
أنا بدورلي شئ صغنطوطو على قدي شقه وايد علي توني بيبيه

 

[المرفأ~~]

مشاركة: تعالوا نتكلم عن كل شئ يشغل الفلوس

هلا حبيبه انا تمام وانتي شخباارج..؟؟
وفعلا اسعار نار وشقق تييب اليهد..

مطفوقه الله يسمع منج وتنزل الاسعار بس ما اظن..والله اعلم

وننتظر باجي البنات ..
وصج مافيه وحده موظفه بالبنك تقولنا عن المشاريع
والشغلات اللي يشتغلون فيها براس المال..؟

شكرا

 

[جكورة]

مشاركة: تعالوا نتكلم عن كل شئ يشغل الفلوس

الله يوفقكم يارب.. أنا بخاطري أجيب بضاعه من مكياجي ومن نكتار ومن جنيد وأبيعها من تشاركني..

 

[جكورة]

مشاركة: تعالوا نتكلم عن كل شئ يشغل الفلوس

الله يحقق أحلامنا يارب...
والله أحسن تجاره ماشيه بالكوين هي ( مطعم )و ( مكياج وقمصان نوم )... منو تشاركني نجيب مكياج ونبيعه من مكياجي ؟

 

[أغلى حبيبه]

مشاركة: تعالوا نتكلم عن كل شئ يشغل الفلوس

جكوره انا توني راده من تايلند ومايب شي لاني مااعرف ابيع

تدرين الجناط والساعات تقليد ماركات درجه اولى على 15 دينار

وهني يبيعونهم فوق ال50

انا الاربعا ان شاءالله بروح الخبر اذا تبين شي قولي وانا اييب لج

 

[under shadow]

مشاركة: تعالوا نتكلم عن كل شئ يشغل الفلوس

الله جكووووره والله عليج اكار وكاركه مكياجي علالايام هابين فيها

 

[جكورة]

مشاركة: تعالوا نتكلم عن كل شئ يشغل الفلوس

هلا والله.. يامحاسن الصدف أغلى حبيبه أنا بعد بروح الخبر والدمام يوم الأربعا والله كلهم يمدحون الاسواق هناك انتي رايحه زياره والا سياحه...

 

[جكورة]

مشاركة: تعالوا نتكلم عن كل شئ يشغل الفلوس

لوليتا شسوي من ضيقة الخلق والله ودي أتاجر بس مافي تشجيع...

 

[أغلى حبيبه]

مشاركة: تعالوا نتكلم عن كل شئ يشغل الفلوس

سياحه رايحه جكوره