تعالوا نتكلم عن كل شئ يشغل الفلوس

[المرفأ~~]

مشاركة: تعالوا نتكلم عن كل شئ يشغل الفلوس

السلام عليكم ورحمة الله وبركاته...
الاخت نور مصر ...اذكري الله

ماشوف الاخت مطفوقه غلطت على احد...

وقبل لاتعلمينها العيب ..
شوفي عدد مشاركاتج..هذي اول مشاركه
وحتى تحية الاسلام ماقلتيها...؟؟
ما ادري تفسرون كلمة عيب على مزاجكم ولا على اسس..؟؟؟

 

[maktobali2411]

مشاركة: تعالوا نتكلم عن كل شئ يشغل الفلوس

انا بدى ادخل منتجات شركتى الحبيبه اوريفليم بشكل اكتر لحبيبتى
الكوييييييييت
لانى مقتنعه بها بشكل كلى وجزئى بطبيعيتها الغير موجوده باى ماركه عالميه اخرى
وللعلم انها شركه عالميه زى لانكوم وديور وشانيل الاان منتجات الشركات دى ثبت معمليا ان بها نسب رصاص فى مكياجها انما اوريفليم تتحدى معمليا اى مشكك بها

 

[ياشايل الظبى]

مشاركة: تعالوا نتكلم عن كل شئ يشغل الفلوس

انا من زمان ودى احسن دخلى واشوفلى شغله عدله
وبما انى الحين بامريكا قلت اجيب معاى كم شنطه من شنط bebe
واتاجر فيها ... بس انا خوافه .. لانى مانى اجتماعيه ولا اعرف ناس وايد
والحين داش براسى احط فلوسى بصندوق اسهم ... مانى عارفه .. لحد الحين
لما ارد الكويت اقعد بالحوش وامد رجلينى وافكر بالموضوع على روائه ههههههههههههههههههههههههه

 

[فناااتك]

مشاركة: تعالوا نتكلم عن كل شئ يشغل الفلوس

واللة انا عندى مشروع حلو ومايكلف وبتكونين ربحانة فية اكيد بس لازم يكون بيتج كبير عشان تستفيدين اكثر
المشروع:
اكو شركة بالكويت بس مااعرف اسمها تدرب الخدامات على انواع الاكل سواء حلو او جاينز فود او اكل هندى للى تبينة او تعطيج خدامات من عندهم جاهزين ومدربين ف لو بيتج كبير اكيد ابتعتازين لخدامتين لو تيبين لج خدم منهم وتبيعين طبخات حلوة راح تربحين بسرعة ومنها الخدامات يكرفون لج وانتى دافعة معاشهم دافعتة والحريم بالدوامات يحبون البلعة وخصوصا الدوامات العصر وحبة حبة الناس بتثق فيج وبتعرفج
ها اشرايكم فينى ياويلها اللى ماتمدح مشروعى مااقولها عن مشروعى الياى هم اسهل واحسن وانتى قاعدة تمطر عليج فلوس ههههههه

 

[ام الحارث]

مشاركة: تعالوا نتكلم عن كل شئ يشغل الفلوس

اختي فناتك ...

والله خووووش فكرة .....

بس شنو اهي الشركة ...؟ وين مكانها ...؟ ورقمها ...؟

اذا ما في كلافة ... ولج كل الشكر ...

 

[فناااتك]

مشاركة: تعالوا نتكلم عن كل شئ يشغل الفلوس

ام الحارث الشركة معروفة واشكثر كنت اشوف دعايتها بالراى العام قبل الصفحة الاخيرة او بالاخيرة واتذكر اختى اتصلت عليهم واذا مانى غلطانة اهى بحولى بس هذا للى اعرفة
وبالتوفييييييييييييييق

 

[صدى الاشواق]

مشاركة: تعالوا نتكلم عن كل شئ يشغل الفلوس

السلام عليكم ورحمه الله وبركاته

انا عندي مشروع بديت فيه من قبل 7 سنوات تقريبا بس لي قالو الحظ مع بوحظيظ صج ماجذبو انا احط مكياج من قبل 7 او اكثر ومكياجي ولله الحمد مو غرور بس الكل يقول عنه روعه كنت مبلشه فيه بين الاهل وكانت اسعاري جدا جدا رخيصه يعني تخيلو مكياج كامل ب5 دنانير واذا مع رموش ب 7 الله يديم الرخص المهم قبل سنتين فكرت افتحلي مكان بالبيت عندي ويكون علني للكل مو بس الاهل الله وكيلكم النحس والفقر رافجني لا قام اييلي احد لا من الاهل ولا من بره مادري ليش


والحين ابي ارد على شغلي بس ابي وحده شريكه معاي تكون فنانه بالتسريحات نكون تونز واتمنى القى هالشريكه

 

[مطفوقه^ملقوفه]

مشاركة: تعالوا نتكلم عن كل شئ يشغل الفلوس

نور مصر شاللي مزعلج بكلامي بالله؟؟؟؟
هالرد على كوين؟؟؟
فكرة الشقه حلوه لو تحطينها للأجار طول السنه ما عدا الصيف طبعا لازم تأجرينها على كويتيين مو مصاروه ولا جنسيات ثانيه
انا قلتلها تأجر على كويتيين بدال لا يقعدون بالفنادق وأظن ما قلت شئ عيب ولا شئ غلط والجمدلله الكويتيين معروفين بالتربيه الحلوه والأخلاق ولا نغلط على احد
بسم الله ما ييناكم طردتينا؟؟؟ هذا اسلوب؟؟؟
واذا بتردين شنو بتقولين بالله؟؟؟
لو سمحتي احنا بمنتدى محترم لا تحطين ببالج من هالمنتديات اللي تصير فيها خنقه وهوشات
ومشكوره عالرد الحلو لو اني غلطانه جان عرفتي تكسرين عيني برد سنع مو جذي الناس يكتبون


باجي البنات كلكم
سوري تأخرت عن المضوع
بالعكس قريت رد كل وحده واشجعكم عالمشاريع واللي تفشل مره مو معناته بتظل تفشل
والله يوفق الجميع

 

[سارونه المزيونه]

مشاركة: تعالوا نتكلم عن كل شئ يشغل الفلوس

والله موضوعكم شحلاته
بالنسبه لي انا رحت ماليزيا وتايلند ويبت بضاعه جناط درجه اولى وبعتها على 25 بس مادري الناس ليش ماعجبتهم
والله انا قبل كنت ادخل بمشاريع شكثر واربح بس مادري شصارلي هالفتره

 

[Melodyk81]

مشاركة: تعالوا نتكلم عن كل شئ يشغل الفلوس

مرحبا يالطيبات


والله أنا نفسي أشارك أحد بمجهودي وأفكاري بصراحة أنا مو كويتية حتى أسوي مروع على كيف كيفي أنا أقدر أشارك وأبذل كل جهدي وأسوي أفكار وشغلات تكسب ومستعدة حتى ما آخذ أجر إلى أن يصل المشروع إلى نجاحه المنتظر يعني أنا أهتم بالنجاح وإن نحقق ربح وخير...


أنا بعد أبي مصدر دخل آخر وبالفعل الواحد يقدر يسوي شغلات وايد يكسب منها المهم والأساس اللي معظم الناس يغفلونه...


ألأمانة في الشي اللي نقدمه للناس ومصداقيته لأن هذا رح يكثر الناس والطلب عليه
العدل
إذا الواحد إجاه ربح مايفكر ينصب ولا يظلم أحد تصير في بعض الناس الفلوس تعميهم
نخاف الله قدر المستطاع عشان شغلنا يكون موفق ...


وأكيد التفكير الصح - والمشاورة - والإطلاع على كل شي - والتجديد - والتطور كل هاذي الأشياء ضرورية لإنجاح أي مشروع وإن كان صغير...


وما أنسى لم كنت بالهند لأسباب رحت منظقة بمومباي وعبالي إني بمنطقة خليجية من كثر ما شفت الحريم بعباياتهم يشترون هذيك الأقمشة الهندية الروعة والرياييل بدشاديشهم وغتراتعهم يتاجرون
استغربت صراحة ...

فبس فاللي تحب أي مساعدة تعاون نصح أو أي شي أنا في الخدمة

تحياتي

 

[عطر البوادي]

مشاركة: تعالوا نتكلم عن كل شئ يشغل الفلوس

موضوع حلو يا مطفوقه
صج الواحد وده بمدخول ثاني غير معاشه وأنا بصراحه هالأيام هافه علي فكرة البورصة >>>>>>>>> مره وحده
بس معلوماتي سطحية ويقولون في دورات تعلمج عن البورصة
وفكرت بعد إستيراد خامات من بره يعني مثلا من الهند وبخور من سنغافورة ويقولون في بضايع حلوه بتايلند مثل أكسسوارات وتناتيش بسيطه ..... وبعد خياطة العبي وهمن فكرت بمطعم للمأكولات الخفيفة بس يبيله والله متابعة
يعني الأفكار موجوده بس يبيلها ممول وبال فاضي وصبر
والله المعين

 

[سحيله_الحلوه]

مشاركة: تعالوا نتكلم عن كل شئ يشغل الفلوس

هلا بنات

منو سمع عن الصناديق الاستثماريه ؟؟
اكو كذا نوع حق الصناديق وكذا شركه !!
صندوق حق الاسهم واكو حق العقارات واكو حق الاسهم الخليجيه والعالميه !!
ومن الشركات اللي فيها الاسهم شركه جلوبال (بيت الاستثمار العالمي) والمركز المالي والمدار ووايد !!

انا اعتقد احسن شركه جلوبال !!
اللي عندها تجربه تفيدنا

 

[lolo77]

مشاركة: تعالوا نتكلم عن كل شئ يشغل الفلوس

موضووع صج حلووو
ويهم كل الكويتيين
وبصراحه ودنا بمصدر ثاني
يبيلنا حق نشتري بيت او شي حق نفسنا

انا البورصه ششايلتها من راسي نهائيا
يتراوالي الاضمن
الصناديق الاستثمارية اللي بالبنووك ولا اشرايكم

اللي عندها خبر تساعدنا
ويعطيكم الف عافية

 

[اعذريني يالهدايا]

مشاركة: تعالوا نتكلم عن كل شئ يشغل الفلوس

بنات شرايكم بفكرتي ..

ودي اسويلي موقع بالانترنت اعرض فيه بضاعه من كل الانواع ان كان ملابس او مكياج او شغلات فنيه وشغلات يدويه

واحط معاها الاسعار وطريقه الاستلام والتوصيل

والشرح لكل منتج

وطريقه الطلب وغيرره

يعني نفس المواقع اللي يبيعون فيها

فشرايكم بهالفكره حلووه والا فكره غبييه ؟؟ هههه

واللي عندها ملاحظه والا اي شي تفيدني واللي يعافييكم

 

[خبيرة اعشاب]

مشاركة: تعالوا نتكلم عن كل شئ يشغل الفلوس

يا سلام ..............و الله جيتوني على المشاريع
انا باختصار دارسه اداره اعمال في فرنسا ...و كان ودي اني اتوظف بالكويت بس ان زوجي رافض اني ادش وظيفه اطلاقا يعني ما في اي مجال للتفاهم ...و قال لي جان تبين سوي لج اي مشروع و انا اساعدج ...اول شي فكرت اني اسوي صالون او مشغل خياطه فكرت اول شي هاذي يبيلها مراقبه و انج على طول مداومه ...و لازم تكون عندج فكره عن الحرفه الي رح تسويينها مو بس تتلقفين ...
من بعد تفكير طويل ....و طبعا ناس واجد افتوني بالمشروع هذا الي هو الطبخ ...و انا و بلا فخر معروفه عند اهلي ان طبخي حلو خصوصا للذبايح حتى ان عزايمنا دايما يردون الصحن فاضي ما فيه و لا حبه عيش ...
فقلت احسن شي ابجرب اطبخ ذبايح و اول شي بديت مع الجيران و المنطقه الي انا فيها ...و الحين قولو ماشاء الله صرت اسوي لكل مناطق الكويت ...و خصوصا اني بديت مع فترة البر و الناس بالمخيمات على طول يسوون ذبايح ...و الحين و الله من كثر الشغل قمت ارفض طلبات ما اسويهم
لذلك انا انصح اي وحده تبي تسوي مشروع ان الطبخ هو النمبر1 بالكويت ....
و عندي بنت عمه زوجي مدرسه و ماشاء الله عليها اشتهرت بحلو التوفي من زمان ...الحين جابت فلبينيات و شيف مصري و تسوي كل انواع الحلو و الكيك و الفطاير انما شغل روووعه ...و مسويه بيتها دور كامل نفس المخبز و جايبه افران من ايطاليا ...مذخولها من الكيك تحلف تقول بالنازل 900 دينار شهري هذا الربح غير اجور العمال و المواد اشرايكم

 

[اعذريني يالهدايا]

مشاركة: تعالوا نتكلم عن كل شئ يشغل الفلوس

seule12


ماشالله الله يووفقج اختي
عاد اشدعوووه عطينا ارقامكم عشان نطلب منكم


وصاجه بالكويت اكثر شي يمشي الاكل

 

[دكتوراة بالذوق]

مشاركة: تعالوا نتكلم عن كل شئ يشغل الفلوس

انااا فنانة في التصميم وخاصة الدراريع



بس حاليااا ما اقدر اشتغل بالاشياء هذه احس توني صغيرة حيل

 

[أم جوري]

مشاركة: تعالوا نتكلم عن كل شئ يشغل الفلوس

ما شاء الله تبارك الرحمن يا بنت الاحمدي اذا مالش خلق انا لي
ايش رايش
تعطيني كم تصميم لدراعة بنات صغار
لأني افكر بهالموضوع يعني اجيب خياطة بيت واجيب خامات وكلف وكله واخيط دراريع للبنات الصغار سواء للبيت او للمناسبات ... ايش رايكم ؟

 

[LaSt WoMeN]

مشاركة: تعالوا نتكلم عن كل شئ يشغل الفلوس

السلااااااااام عليكم .. خووش موضووع يا مطفوقة ..

" اعذريني يالهدايا " خووووش فكرة عجبتني يالله بلشي فيها و توكلي على الله .. خصوصا ان عندنا بالديرة واايد نااس يشتغلون بالعمل الحر .. و انا ياية على الطريق انشالله ,,

 

[المحاره]

مشاركة: تعالوا نتكلم عن كل شئ يشغل الفلوس



السلام عليكم : أنا عندي فكره أجيب مكاين للقهوه والشاي والنسكافيه وأحطهم بالوزارات والحدايق وعند البحر بس للأسف مافي راسمال والحظ يكسر الصخر ومد رجولك على قد لحافك وماعندي غير معاشي وكله يروح للأقساط الله كريم الله يرزقنا