بولد قيصيري وابي تجاربكم

[مااادري]

السلاااااام عليكم بنات شلوووونكم انا بجر وقروروا بعد جم يوم ان شاءالله يولدوني قيصري لانه البيبي معترض فاتمني اللي جربت تولد قيصيري تقول شسووا لها من اول مادشت ولما طلعت شصار يعني تختصر لي قصة ولادتها ابي اعرف احس اني ضايعه ولا عندي احد من اهلي ولد قيصري ماقصرتوا بنات ولاتنسوني من دعائكم وجزاكم الله خييير

 

[+ Gloom +]

رد : بولد قيصيري وابي تجاربكم

الله يقومج بالسلامه وانشالله البنات القيصريات يفيدنج يارب ترزقني الذرية الصالحه

 

[آهات الليل]

رد : بولد قيصيري وابي تجاربكم

روحي لدكتور محسن طلبه بالسلام راح يولدج طبيعي باذن الله كل اللي بيبيها بالعرض لما يروحوله يولدهم طبيعي من المقعده واذا معزمه عالقيصريه ان شالله يفيدونج البنات

 

[LA TROO7]

انا ولدت قيصري حبيبتي يخدرونج ماتحسين بشي تصحين بعد كم ساعه يصعدونج الجناح شوي شوي عالحركه والتزمي بالمضاد والملين للبطن

وبالنسبه لي اشووفها احسن من الطبيعي لاني وحده خواااااااافه

حتى الحين اقول حق دكتوري بولد الثاني بعمليه ويقول ليش وانتي تقدرين تولدين طبيعي

وربي يسهل عليج ولاتحاتين و فيها خووف ماطلبوها اغلب المشاهير

لاتشيلين شي ثقيل الا بعد فترة طويله ولاتشدين على نفسج بالحركه

سهالات حبيبتي

 

[أم لطووف]

up
up
ومنكم نستفيد

 

[فري كويت]

الله يسهلها عليج ويقومج بالسلامة

انا جبت ولدي قيصرية.... وابرة ظهر .... يعني طول الوقت واعية واسمعهم وشفت ولدي اول ما طلع....

حددولي ولادتي الساعة 10:30
دخلت على دكتور التخدير....عطاني ابرة الظهر.....اهم 3 ابر.... اخر وحدة كانت حااااااارة....بعدها على طوووووووووووول طحت ما عاد حسيت بجسمي ابداااا..... من تحت صدري لي رجولي كله نمل مرة وحدة وكلهم مسكوني واسدحوني وربطوااا ايديني...وانا من الخوف قلتلهم غطوا اذوني ما ابي اسمع وطلبت كمام .... كنت احسبة مخدر وطلع بس اكسجين.... وانا من الخرع تخدرت

بعدين ما كو جاني دكتورين استشارييين .... وطول الوقت يسولفون ويظحكووون... وانا قلبي يرقع

عشر دقايق بالظبط..... وسمعت صوت سعودي يبكي....جاان ابكي معاه... كانه ظايع ولقيته

خذوه غسلوه ولفوه بخامة خظرة...... وروني خشته اللي تجيب العافية

وسلامتج

طلعوه لابوه.... وانا حطوني في غرفة بعد الخياط ... اعتقد العناية المشددة... يمكن نص ساعة وكان في سستر فوقي تنطر

كانها تبي تتطمن اني ماراح اتعب وا احسس من شي

والحمدالله.....هذا سعودي يبكي يبي حليبا...عمرة 9 شهور .... عساني اشوف عياله اميييييييييييييين

 

[أمواج^الكويت]

رد : بولد قيصيري وابي تجاربكم

عادي ياقلبي لاتحاتين أعرف وايد ناس يتمنون يولدون قيصرية لأن يخدرونهم ومايحسون بالألم نفس الطبيعي .. مرت أخوي دشت الساعة 8 الصبح على ماسووا لها الفحوصات وخدروها .. دخلت عليها الدكتورة الساعة 9 وطلعت 9 ونص .. يعني ولادتها ماخذت إلا نص ساعة

وفي وحده من جماعتنا ماتحب تولد إلا قيصرية وتقول ألحين بلحق دكتورتي بالسيف بس علشان تولدني قيصرية وتسويلي ربط مره وحده تقول مابي أولد طبيعي وأتأذى من الطلق ..

والسهالات من رب العالمين إنشالله ..​

 

[Miss-_-Fl0wer]

رد: رد : بولد قيصيري وابي تجاربكم

روحي لدكتور محسن طلبه بالسلام راح يولدج طبيعي باذن الله كل اللي بيبيها بالعرض لما يروحوله يولدهم طبيعي من المقعده واذا معزمه عالقيصريه ان شالله يفيدونج البنات

انا معاها :rerrerek:

 

[مااادري]

رد : بولد قيصيري وابي تجاربكم

مشكورين ما قصرتوا والحمدالله على كل حال خوفوني من سوالف اللف وماصار عندي جرأة اروح الفه رضيت بالقيصريه والحمدالله على كل حال ماقصرتوا والله يرزقكم الذريه الصالحه ويسهل على الحوامل منكم يولدون بعافيه وصحه

 

[من حقي أغير]

رد : بولد قيصيري وابي تجاربكم

الله يهون عليج ويقومج بالسلامه

 

[sweet fashion]

اول شي ربي يقومج بالسلامه ان شاءالله
وترا القيصريه سهالات وماتخوف بتتعبين شوي بعد الولاده بس تعب اسبوع وعقب كل شي يهون
انا اذكر خدروني بنج كامل نمت صحصحت قالوا لي مبروك مدام ولدتي وعقب ماحسيت بنفسي الا وانا بغرفتي بين اهلى
وتر للعلم كنت قبل العمليه المفروض اولد طبيعي بس مالله كتب والحوض صغير وكنت قبلها ماخذه ابرة ظهر وبعد العمليه شفت ابرة الظهر معلقه بضهري ماشالوها كنت مااحس لا بخياط ولا عوارات ولا شي الحمدلله
لاتخافين من القيصريه كل شي سهالات فيها بس حرصي عليهم يسون لج خياط تجميلي مو كبس

 

[i'am THE ONE]

الله يقومك بالسلامه ان شاء الله و تذكري الصدقه قبل و بعد العمليه

 

[شاي اخضر]

هههههههههه حتى بالمنتدى منزله موضوع .. خلاص قلنا لج عادي توكلي على الله ... صح مثل ماقالوا البنات لاتنسين الصدقه مهمه حيل ... خلصتي أغراضج ؟؟؟

 

[NauGhty nuRse]

الله يقومج بسلامه حبيبتي
بس اذا تروحين لدكتووووور محسن طلبه احسن لانراح يولدج طبيعي:eh_s(21):

 

[شاي اخضر]

سوووري حبيبتي عبالي وحده أعرفهااا تعمقت بالرد هههه ... أعرف وحده مثلج توسوس بالقيصريه وقلت يمكن اهي ... بالنسبه لموضوعج يمدحون ماجد الشمري اذا في مجال روحيله .. وموفقه ان شاء الله