اللي ما جربت الخيانه تعالي شوي داوي جرح قلبي عيا يلتئم

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

ياقلبي والله ,,, عورتي قلوبنا ,,, الله لايورينا طعم الخيانه ابد

انا مثلج من النوع اللي يغار لدرجة الموووووووووووت ,,, لمجرد تفكير ان زوجي راح يخوني ,,, احس نفسي بموووووووووووووت

الخيانه امرها كبير كبير كبير وادري انج راح تاخذين وقتج وأكثر الى ماتتناسين ,,, لانه مو من السهل تنسين ان ريلج ظل مع وحده غيرج والله شي يذبح

بس حبيبتي ,,,, اللي مهون الموضوع ,,,

ان زوجج يحبج وااااااااااااااااايد ,,, لانه كان حاس بالذنب ولما جا ع طول اعترف لج ولو كان مو هامه كان لقيتيه مستانس وماقالج ع اللي سواه والله ينتقم من كل صاحب سوء والله يبعد رياجيلنا عن بنات الهوى والحرام والله ياخذهم ان شاء الله ,,

عليج باالاذكار حبيبتي وسورة البقرة يوميا حبيبتي وان شاء الله وباذن الله ,,, الله راح يمسح ع قلبج وماعليج الا العافيه ولاتخلين الشيطان يلعب بعقلج

الله يفرج عليج ,,,, بس لاتنسين البقرة تقرينها يوميا ,,, والله يسعدكم ان شاء الله

صدقتي والله الخيانه امرها كبييييييييييييير كبيييييييييييييييير :0bee2e8d89:
الله لا يوري حبيب ولا عدو
عسى الله يحفظلج زوجج ويخلي لج يا رب
الحمد لله ملتزمه بالاذكار والقران وان شاء الله ببلش بسورة البقره
يزاج الله خير على الدعاء هذا اللي انا صج محتاجته

 

[m&ms2]

رد : اللي ما جربت الخيانه تعالي شوي داوي جرح قلبي عيا يلتئم

الله يعينج يالقلبي :eh_s(14):
قطيعه هالبلده ام الخراب وام الوصاخه يالله يالله يارب ياكريم يا ودود يارب تزلز وصاخه هالديره ونفتك منها يارب
يالله يارب تزلز وصاخه هالديره ونفتك منها :eh_s(14):يارب ياكريم يا ودود يالله يالله يارب عسى لاتوفق اهل الديره الوصخين حسبي الله عليهم ونعم الوكيل الله لايبارك فيهم
عسى الله يصبر قلبج ويريح بالج والله يعينج والخيانه تعور القلب مهما كان حاسين فيج يا عوينتي

 

[moraje3a]

الله يعينج ويصبرج ما تنلامين بس النسيان نعمه من الله صج ما بيكون ولا بتكونين مثل أول بس دامه اعترف وأقر سامحيه عالاقل علشان عيالكم وهو في النهاية أبو عيالج واللي صار زلة وابن آدم خطاء

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

كتبت رد من كللللللللللللل قلبي وانمسح

بلييييييييييييييييييييييز سامحييييييييييه خلااااااااااااااص والله حرام اللي تسوينه بنفسج وفيه

انا ماجربت ..بس راح اسامحه ورب الكعبه راح اسامحه تشفعله ايامه وسنينه معاي وكل شي سواه

ويشفعله احساس الندم..حراااااااام عليج كافي اللي فيه اهو محتاجج ..

الله يغفرله يارب ادعيله محتاجج توقفين معاه

صدقيني موزين لج اللي تسوينه الريال دامه متمسك فيج ويبيج تسامحينه لاتردينه ولاتعاملينه هالمعامله اهو ليلحين ماطلع من الصدمه بس لي طلع والله ممكن يصير هالشي عكسي عليج ويتذكر انج ماوقفتي معاه بأزمته ..وممكن يكش منج


تصير رد فعل عكسيه لا اراديه منه والله ومااقولج هالكلام عبط


انتي اقرب الناس له لاتخلينه يروح لغيرج وفرصتج تخلينه يوخر عن التبن اللي قاعد يماشيه

وتمسكين ايده وتخلينه يتقرب من ربه اكثر ..رب ضاره نافعه ..

الله يهديه ويغفرله ويصبر قلبج حبيبتي ..مالومج بس هم متعاطفه معاه ..ودامج تحبينه اعتقد تصرفج اللي طاف صح وزين انج ماسامحتيه بسهوله بس خلاص الحين كافي

جابليه وساعديه

وكاااااااااااااااااافي بليز

مشكوره يا عمري على ردج
واذا على السماح والله سامحت يشهد الله علي بس تدرين شنو عيبي
التخيلات مع اني سألته عن كل شي وكان صدره وسيع معااااااي
اقوله ماراح تتحملني يوم ارضى يوم اكره يقولي رااااضي فيج سوي اللي تبينه بس لا تحطين بقلبج
الله يقدرني يا رب على طول اتعوذ من ابليييييس وادعي حق نفسي
تشرفت بمرورج وبردج اللي كان مثل البلسم على جرحي

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

الله يعينج

اميييييييين

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

الله يعينج انا جربت خيانته العام وانعدمت الثقة بيني وبينه لدرجة اني صرت معاه المحقق كونان بس انبش وافكر الوسواس هد حيلي لدرجة قاعدة افكر ازور استشاري نفسي كلش ماكوثقة بس تعالي خلني اقولج زوجج معدنه زين وانتي بطريقتج هذي راح تردينه للغلط كافي تحقير له زين منه يعترف ومتحسف انا زوجي جذاب يجذب ولايعترف الحين تعوذي من ابليس وادعي ربج ان يساعدج على النسيان سافري العمرة وبعدها اي دولة تبين لاجيتي تبين تقسين عليه تذكري ان الله يسامح فلازم احنا نسامح الله يرحمنا على كثر زلاتنا وهو مومحتاج لنا فاحنا منو على شان تقسى ونتجبر الله يمسح على قلبج امين يارب

عسى الله يمسح على قلبج ويهدي لج زوجج يا رب
وانا يا بنات اخر الموضوع قلت اني اعاني صارلي اربع شهور مو معناته اني ما اكلمه اربع شهور
انا زعلت معاه اسبوعين وما تركت بيتي :0bee2e8d89:
انا كل اللي اعاني منه اثار الخيانه اللي كتبتهم لكم ما تتصورين شكثر اعاني من التخيلات ما اشك فيه
وحاسه بندمه بس ذبحني الخيال زوجي ملكي مو قادره اعبر اكثر :0bee2e8d89:
يزاج الله خير على الدعاء ولج بالمثل يا رب

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

روحي عمره
الله قال في محكم كتابه بسم الله الرحمن الرحيم ( والكاضمين الغيض والعافين عن الناس )صدق الله العظيم
تدرين ان الله سبحانه يوم القيامه يميز هالفئه هذي عن باجي المؤمنين
خلي عفوج عنه لله تعالى والله بيمسح على قلبج

اولد بالسلامه وعلى طوول بيييت الله باذن واحد احد
اللهم اجعلني من العافين عن الناس ياااااااااااارب
يزاج الله خير يا عمري

 

[سيدة الذوق]

سمحيه عشانج انتي قبل عشانه

 

[june_m00n]

الله يصبر قلبج يا حبيبتي حاسه فيج والله

كل كلمه تقولينها احسها طالعه من اقصى قلبج

انتي قلتي انج مسلمه مصلية ومسميه فخلاص وكلي امرج لله

طلعتي اللي بقلبج كله

وربج حمييييد ان يت على اد كده على قولة المصاروة

الله دفع ما كان اعظم

انا ما اقولج ردي مثل قبل

بس بنفس الوقت خلي حياتج تستمر

مو يقولون الزواج تكونون بالحلوة والمره

جربتي الحلوة

جربي المره والله يخفف عليج ويمسح على قلبج

غميضه على ريلج لا تخلين له سبب عشان اتغير
وايي الوقت اللي اقول اشتبيني اسوي انا تعذرت وبجيت وتوسلت وسويت اللي ما سواه ريال
ابيج تسامحييني انتي صديتي خليني اشوف حياتي

تبين ايي هاليوم ؟

اسم الله عليج الله لا يقوله

فكري بعيالج ومستقبلج وياهم

شنو 12 سنه جدام العمر كله انشالله

باجر بيكبرون وبراهقون وبتييلكم ظروف عمرهم الصعب يبيلهم وقفتكم وياهم

فشلون بتكونون على قلب واحد اذا انتي جذي

حاولي تضغطين على عمرج

والمره ترا ذكيه

الله سبحانه وتعالى قال ان كيدهن عظيم

شدي وارخي

ما اقولج رخي القارب مره وحده ولا اقولج تزمتي

بس خلي كله ادور رضاج

قلبه كله منعووب على قولتهم

كلشي يا حبيبتي يبدا صغير ويكبر الا المصيبه تبدا كبيره وتصغر انشالله

انتو بينكم حب وعشره وعيال وفوق هذا كله حياتكم ولله الحمد مستقره

لا تخلين نزغة شيطان اتخرب بينكم

خلاص شي راح وخلص وانتهى

الموضوع صعب بس يبيله صبر وطووولة بال وحكمه

الله يهون عليج ويرفع عنج يا بعد قلبي


تحياتي لج :*

 

[غمازة على خدود]

اكتبلج وصيح على حالج تكفين انسي لان القهر الي فيج محد راح يشربة الا عيااااالج
الله اسامحة بس

 

[star_tete]

موضوعج عور قلبي الله يهونها عليج من ضيقه
ماظنما في زوجه ماتلمت من زوجها الله يهدي قلوب الازواج لبعضهم

 

[>> True Love<<]

لله يهون عليج ياارب

انتي مصدوومه لان بعد هالعمر خانج


ولانج متعلقه فيه وتحبينه ولاعمرج حطيتي ببالج يخوووووووووووووووون!!


انتي مصيبتج اعظم من الي اول ماتزوجت وزوجهاا يخووووووون

!!

بس ربج يغفر للانسان ذنوبه

اذا هو تااب فجي صفحه يديده
واعتبريها غلطه ماتتتكرر ان شاءلله

وجرحج مع الايااك بيطيب ان شااءلله

 

[بيلسـان]

الله يهون عليك ويفرج همك
ومالك ا لا الدعاء فوضي امرك لربك
تحياتي

 

[Ba$ko0oTa]

حبيبتي روحي العمره معااااه هذا الحل الانسب
عشان تغسلون قلوووبكم وترتاحون
وانشاءلله ترد حياتكم طبيعيه ويبعد عنكم
الهموم والمشاكل والله لا يحرمكم من بعض

 

[زيـن الوصـايا]

رد : اللي ما جربت الخيانه تعالي شوي داوي جرح قلبي عيا يلتئم

يااحبيبتي مالومش ماتغاارين والله انا انجن الي صاار شي موهين ولو تحاولين عمرش مراح تنسين
الله يفرج همش وتنسين هالخيانه
وربي حااسه فيش انا بس قريت موضوعج قلبي عورني ماتخيل شكلي مكانش والله انهبل يزر عقلي
على فكره انا مومتزوجه توني عمري 17 بس الغيره تذبح

 

[~*~الملكة~*~]

الله يفرج همج ان شاءالله

فترة وتعدي والاهم انه تعلم من غلطه


ماابي اضيق خلقج بس لازم انبهج


فحص الايدز ماتبين نتيجه الا بعد ثلاث شهور لانه يكون في فترة

حضانة الجسم له ولو سوى اي تحليل مااااااااراح يبين شي لازم بعد 3 شهور يعيد التحليل وان شاءالله يكون سليم

الله يصبرج ويعينج

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

الله يصبرج يا رب

اميييييييييين

 

[حطمتني يا سعود]

رد : اللي ما جربت الخيانه تعالي شوي داوي جرح قلبي عيا يلتئم

الله يعينج ويصبرج أبي اقولج شي وااااحد بس تذكريه دايما رب العالمين اللي اهو اقوى منا كلنا لما تذنبين واتيين من قلبج ودموعج تنزل من عينج تعترفين بذنبج له وتنوين التوبة ايغفرلج وكلما تذنبين بعد يغفرلج وكلما بتذنبين بعد بيغفرلج وأحنا يالحريم شنو هالكبرياء اللي فينا احنا ما نسامح وجنه الانسان مو معرض للخطأ
تعوذي من الشيطان ميخالف ازمة وانشالله اتمر والله ياأختي واقولج اياها من كل قلبي ياما انا سويت اكثر من اللي سويتيه وياما بجيت وكليت حراااااات وقهر وياما وصلت معاة للطلاق وياما رحت بيت اهلي ورديت لان ماابي اهدم وااااايد اشياء حلوووووة فبيتي عشااااااان زلة وحدة والشيطان ياحبيبتي شاطر
وسعي سدرج وصدقيني مع الايام الله يمسح على قلبج وصدقيني ماكو ريال مايخووون مو بس بالكويت بكل الدنيا هذي الريال بطبعة خووووان واذا كان مكشوف ولا كتوم الخيانة بدمه وااااايد حريم جربو الخيانة وهدمو بيوتهم وشردو عيالهم وانطردو بعدها حتى من اهاليهم وشنو استفادو من هذا كلة بس انها مو قادرة (تنسى خيانة ريلها ) كبريائها مايسمح لها تنسى على فكرة انا كنت افكر بهالتفكير اني مستحيل انسى والله يااختي وبدون مبالغة محد طقته الدنيا كثري مع ريلي ووصلت لكل الحلول اللي تخطر على بالج والحل النهائي الاخير اللي وصلتله اني انسى والهى فبيتي وعيالي ونفسي ودوامي واحاول مااتذكر الا الاشياء والذكريات الحلوة واسوي واحتسب الاجر من الله سبحانة ولا اهدم بيتي بيدي
وعشااان بعد اهوووون عليج الموضوع اكثر ريلج مقتنع زين انها وصخة ولا جان ماخاف على روحة واعترفلج وحمدي ربج انه اعترفلج ولا والله غيرة مايعترف ولو على قص رقبتة اشحقة اييب الاذية والمعاير حق عمرة
ولاتحاتين حبيبتي لا من حلات لبسهم ولا اصلهم وفصلهم ويع هايتين بالشوارع وحتى حجي مايعرف ايحاجيها كله بالاشارة مثل الهنود حمدي ربج انها تايلندية ولا تكون مغربية جميلة ودلوعة ولا سورية ولا لبنانية اتعرف الريال الخليجي اشيبي
وبقووووولج كلمة عن تجربة ومن تجارب وووايد ناااااس حواليني الريال فية من الغرايز الحيوانية يشبع رغبتة وبس الريال اذا بيخوووون بيخووووون لو كانت مرتة اجمل الجميلات
تعوذي من ابليس والله يمسح على قلبج واي أي انا حاضر

سامحت يا عمري سامحت بس المعاناة واقفه على الوسواس اعوذ بالله من الشيطان الرجيم
وكل كلامج صح
الحمد لله انه اعترف والله ساعات افكر اقول شي اهون من شي
جزاج الله خير ما قصرتي على الغاليه

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

استغفر الله

الله يهديه لج يارب.

وهو يحبج بس اصحاب السوء حسبي الله عليهم.

حاولي تصلحينه وكفاية انه حس بالغلط اللي سواه.

امين يا رب
جزاج الله خير

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

حسبي الله ونعم الوكيل بكل خاين
جان سألتيه بلحظتها ماخطرت زوجتك على بالك ؟؟!!

لكن شقول

ربي يآجرج بمصيبتج ويخلف لج خير منها
اللي صار ابتلاء من ربج
يختبر مدى صبرج
لانتي اول ولا آخر وحدة
والحمدلله اعترف لج وشكله ندم سامحيه
حاولي تتناسين لان شي وصار خلاص ماتقدرين تغيرينه انا حاسة فيج لاني مارضى بالظلم والخيانة
لازم تتناسين عشان تقدرين تعيشين حياة مقاربة لحياتج القبلية
وخليه ينـــــــــــــــــــــسى شي اسمه سفرة بروحه
ماوقفت عالزنا وبس اهو دش ديسكو وشرب @@ ليش شرب؟ وشنو سوا يوم شرب؟
وشلون سألتيه جامعتها يقول بايدها؟ ابي اعرف شنو بايدها؟؟؟؟؟ يعني لمسته والا سوت حق روحها بروحها
سوري عالجرأة بس ودي اعرف

ومثل ماقلت لج تركي عنج ابليس وعطيه جانس ثاني وان تمادى والا عادها- عاد تعرفين شتسوين
واصلا قولي الحمدلله
في رياييل وصخين
مهما يزنون ويخونون مايحسون بالعكس اصلا يبون بنات اكثر واكثر ووووولا يفكرون لابربهم ولازوجاتهم ولا حتى نفسهم والامراض

الحمدلله والشكر << بس قولي جذي فديتج

يزاج الله خير على الدعاء
شي اكيد ما وقفت السالفه على زنا الشرب ضايقني والديسكو بعد واهو عمره ما سواها ولكن صار اللي صار
بالنسبه لسؤالج : ماكان جماع انتي فهميها مساج ايدها وشي ثاني معروف عند الاجانب الوصخين (الجنس الفموي)
اصلا اول ما دخل سألته (ديو ونت تو سليب ) قالها نوووو
اتمنى محد يسألنى هالسؤال مره ثانيه لانه واااضح
اللهم الهمني صبر ايوب