اللي ما جربت الخيانه تعالي شوي داوي جرح قلبي عيا يلتئم

[G!RLooNa]

واااااي بعد عمري والله متتت من القهر 

الله يفرج همج يارب و يهدي ريلج

حطي شروطج شنو تبينه يسوي و ما يسوي معنه الشروط المفروض تنحط عقب السالفه على طول اذا قررتي اتمين وياه

و الحيوان اللي سافر معاه تقولين له تقطع علاقتك فيه..

خل يعرف اي غلطه اي زله لو يخز بيهدم اللي بقى بنكم اكثر من ما اهوا انهدم

 

[برونزيه شقرا]

رد : اللي ما جربت الخيانه تعالي شوي داوي جرح قلبي عيا يلتئم

قطعتي قلبي الله يكون بعونج
وفي استشاره نفسيه اسمها باسمه الكوس اسالي عنها وانشاالله تفيدج
لان ناعمه بالامارات مو بالكويت

 

[انامل كويتيه]

لا حول ولا قوة الا بالله
عورتي قلبي والله
الله ياخذ تايلند باللي فيها ويحفظ شباب المسلمين منها

 

[صانعة الحياة]

المفروض قلتيله وقت ماعرفتي انه خانك

ان هذي معصيه وربك يحاسبك عليها

بعدين تجي دور الخيانه

لاني استغرب زوجات يقولن خيانه قبل يقولن معصيه

اهم شي التوووووووووووبه

الله يهديكم لبعض

 

[engnera]

الله يفرج همج

 

[صادقة بكلمتي]

لا حول ولاقوة الا بالله

خل يتعظون اللي يخلون ازواجهم يسافرون وحاطين ايدهم وريلهم بماي باردة وتقول زوجي واثقة فيه



ياقلبي ماكو حجي بيخفف عنج لأن الهم كبير ادري .. الله يكون بعونج الله يكون بعونج مليووون مرة

ياقلبي ماتسوى دموعج وكلي امرج لربج .. اللي صار صار وعسى ان تكرهو شيئا وهو خيرا لكم

مافي كلمات رح تواسي جرحج انا ادري . . بس شتسوين .. هالشي مكتوب عليه وعليج .. المهم انه اهوا تاب واعتذرلج وبجى جدامج وهذا اككككككككبر دليل على انه يموت فيج بس متحسف عاللي صار
وانتي تدرين الدنيا مترووسة فتن وبلاوي والريال ماقدر يمسك نفسه (كل بني ادم خطاء....وخير الخطائين التوابين)

انا ماجربت الخيانة وانشالله ماجربها آمين .. بس والله حاسة بشعورج عدل ولو انا منج ماأهدم حياتي عشان وحدة زبالة الله اعلم من وين يت ولا وين راحت .. واهم ماعندي زوجي .. انه اعتذرلج ويبي يراظيج
شتسوين ؟؟؟؟؟ لاتطلبين الطلاق ولاتحرين نفسج ترا هذا كلش مو حل ..
خلج رسمية معاه الى ان ترتاحين وتطفى النار شوي اللي بصدرج ..

انا ماأحطله عذر واقولج اللي سواه مو بيده . . بس انا قاعدة اواسيج عشان مابيج تهدمين حياتج وتظيعين عمرج وعيالج وبيتج وتظيعينه معاج

ربج بيحاسبه على اللي سواه . . وانتي حاولي تمسكي بالقرآن وتكفين اذا تقدرون روحو عمره ... ترا بشوفة الكعبة اهوا بينهار .. وانتي رح ترتاحين واطلبي من ربج يغسل صدرج من كل هم وظيقة

والتزمي بالاستغفار والصلاة ... وعسى الله يهدي بالج ويطمن قلبج ياقلبي .. ونصيحتي مرة ثانية لاتهدمين حياتج وصحتج الزم ماعليج

انا معاها حرف حرف الله يسخره لج ويسامحه وانسي شياطن ولع براسه لا تهدمين بيتج وتحسسين عيالج بذنب ابوهم لا يطيح من عينهم ولا كل شوي تبجين جدامهم ترا اليهال ما ينسون دموع امهم حررررررام وعسى ان تكرهوا شيئا وهو خيرا لكم يمكن هذا الموقف يرده لربه عدل ويحرم يخونج بس ذكريه انه قبل يخونج خان الله وان كان نام معها او لا وانتي ما شفتي الله شافه ويحمد الله ما حاشه مرض يجابل ربه فيه جزاء اللي عمله وحاولي تتناسين الحياة تبي تمشي الله يسخركم حق بعض ويهديه بس حبيبتي عندي شي محيرني قرات بكلاااااااااااااااااااااااااااامج ياعلي متتتتتتتتتتتتتتت يا علي متتتتت شنو تقصدين ان اسم ريلج فعادي لكن ان سيدنا علي فلا تضعي مع الله وكيل حبيبتي ما يجوز ادعي ربج بس هو اولى يسمع شكواج سيدنا علي وكل الانبيااااااااء بشر حتى اهم كانوا يدعون الله والله يهديج ويوفقج اميييييييييييييين:yaaaaaarb::yaaaaaarb:

 

[غيدآء]

عورتي قلبي ...



الله يعينج والله ويهديكم لبعض...

مادري شقولج والله ..

 

[rooh23]

لاحول ولا قوة الا بالله عورتي قلبي بدون ماتحلفي انه قصتج ماهي خيال ولا مبالغ فيها يا الغالية احساسك بكتابتك يبين صدق شعورك الله يبرد خاطرك واذا ما طلع فيه الايدز خلاص حاولي تتقبلي الي صار واشكري ربك انه صارحك وماعرف يكتم ومستحيل يعيدها (خير الخطائين التوابين) انسي وسامحي (ان الله غفورا رحيم) ربنا يقبل التوبة كيف العبد سامحي انتي بايدك تقدري تردي بيتك واولادك بين يدج اقرائي القران وصلي قيام الليل وربي بنسيج وخفف عنج روحي العمرة سامحي ع شان اولادج ما يتشتت افكارك كوني قوية واقوى عن الموقف الي صار ونبي نسمع اخبار طيبة عنج .

 

[هذا مزاجي]

ااااااااااااااااااخ ياقلبي
قوي والله قوي الالم اللي عايشته انتي
الله يفرج همج ويشرح صدرج
لا حول ولا قوة الا بالله

 

[سكوتي بذوقي]

ياربي كلش ولا الخيانه

الله لايحطنا فيها يارب

الله يكون بعونك اختي مو شي سهل علشان تنسين

حتى لو نسيتي مافيه ثقه الثقه تصير معدومه

كله من صديق السوء اللي دخل بحياتكم وخربها

وحط فكرة السفر براسه

الله لايوفق صديق السوء يارب ويهدي زوجك ويريح بالك يارب

 

[" ام حمود "]

بعد عمريء والله ..
عورتي قلبي بقصتج والله ماادري شنو اقولج غير الله يفرج همج
ويسعد قلبج ويوخر عنج الهموم يارب العالميين ..

 

[توتــه]

والله بجيت لما قريت مشكلتج

ياحياااااااااااتي والله قطعتي قلبي امبيه انتي مثلي والله انا لو يسويها زوجي اجن

والريال اذا بيسافر والله يسافر يسافر رضت زوجته والا مارضت

ماقول الا حسبي الله على رفيجه وعسى ربي مايوفق من دلهم على هالطريج

 

[إبتسامهـ]

ربج يسامح انتي شلون ماتسامحين
لازم تنسين عشان تعيشين