++++++++ دوانــــــيـــة معلــــمـات الـريـــــاض ++++++++

[بنت الاجواد]

بنات انا ميداني ان شاءالله


الحين التهيئه شلون ؟


و احنا نداوم الاحد و 10 ايام مشاهده


شنو اول خبره نبدي فيها ؟

 

[رضاب]

رد : ++++++++ دوانــــــيـــة معلــــمـات الـريـــــاض ++++++++

لاتلبسين كعب متعب باجر لأنه احتمال تركضين ورى المنحاشين


لا تلبسين ملفع من النوع الانزلاقي لأنه احتمال احد يتلج وان طاح الملفع جدام ولي الامر مصيبة مو خوش موقف


زهبي الحلاو المصاص او الجكليت بمناسبة يوم الصداع العالمي


زهبي لج ماي لأنه احتمال يبح صوتج وانتي تقولين بس حبيبي بس حياتي باااااااااااااااااااااااااس خلاااااااااااص ورب الكعبة امكم تجي بعد شوي




\

لؤؤؤؤؤؤؤؤؤؤؤؤؤؤل الله يسعدج


صاجه :wqedqw:

من الفرحه مانمت

 

[3so0ola]

السلاااااااااااام

ااااااااااااااااخ ظهريييييييييييييييي

لووووووووية وتعععععععععب وانا حامل احس البيبي يلطم ببطني

حمدالله ويوم وعده

وحدددددددددهم اسنانسوا اليهال على حفلة عيد ميلاد صفنا

والورشة تاجلت كلوووووووولووووووولووووووش بعد اسبوع او اسبوعين

وزعت استمارة ولي الامر على كل الصفوف ومطوية التواصل

بس تدرووووووووون

اخنقتني العبرة اليوم وتذكرت رفيجاتي بروضتي القديمة

زين ما بجيت بالغرفه

صج صج لهم وحشة

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

يعطيج العافيه عسولة

حتى احنا سوينا عيد ميلاد بصفنا :eh_s(8):

اول شي بعضهم بجوا وبعدين تأقلموا

بس راسي بينفجر :jumpon:

 

[ملاك-77]

هههههههههههههههههههههههههه
امبيه وانا بعد مسوية عيد ميلاد اليوم
وحاطه الهدايا وكيكه وشمعة البجي اول شي
بس من شافوا الكيكه والتجهيزات تنحوا واسكتوا هههههههه

 

[سنـــابل]

عهود الحب
سويت اللي قلتي عليه ومشى الوقت اشوه

توقعت بجي اكثر بس عندي توام علوا قلبي بالبجي وصفي اغلب متناسب بنات وصبيان

 

[ملاك-77]

سنابل

التوأم يبجون مع بعض ويسكتون مع بعض
عندي العام بنت وولد توأم كنت اتعب معاهم
بس بخبرة من أنا ماشاءالله صاروا يهبلون
والمفروض من اول خبرة يتعودون معاي بالصف
بس لان امهم ماكانت تخليهم ينتظمون بالحضور
فتأخروا بالتأقلم معاي ومع الاطفال

عاد انتي شدي حيلج معاهم والله يوفقج يااارب

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

قوة بنات

سنابل زين سويتي

رضاب بنت المطر شحقه مانمتي ؟ انا بعد ما نمت مادري ليش

ارق فجائي كلش مو وقته


اليوم انعفسنا والحمدلله اخذت مفاتيح الصف عشان الي يبون النحشة


بس لعوزونا بالصراخ وكله واقفة على طولي


وعلى عكس كل الصفوف صفنا الوحيد الي انترس اطفال الحضور كل الي بالكشف الا 2 بس :/


الحمدلله وجيه الاطفال تبشر بالخير والمطر بعضهم يتنح وبعضهم يجي منه بس بالشطانة وحدوا الله


عاد انا اموت عالشياطين احس يجي منهم حركة مع الابلة اكثر من المتنحين

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

بنت الاجواد

اول خبرة الحاسوب في روضتي

 

[أوركيد]

مبروووووك دوام الاطفال ...

بدأ الدوام الفعلي للروضة

آنا مستوى ثاني..وكان فيه بعض الحالات بجي وصيااح لأنه وايد ماكانوا يدامون بأولى ..

ووايد أمهات يقولون ترى ولدي ما داوم العام ..>>>>فالوضع صاير جنه مستوى أول ..

المهم...

صفي الغالبية العظمى صبيان ..والبنات يمكن بس 6

فوق هذا ..يمكن واحد بس لهلوب ويشيل الصف معاي..والباجي نايميييين ..

قعدت اليوم معاهم وعطيتهم حلقة ...كلش الاطفال ما جنهم دارسين شي بأولى ..أبداً..!!!

شكلي بتعب وياااهم ...

يااااااااااارب يتغيرون ويبين معاهم التعب ...ويااااااارب يكونون أولياء الامور متعاونيين معاي

آنا عندي اولياء الامور أهم من الاطفال ..والله اذا صارت الام حبابة ومتعاونه ينعكس عليج يا أبلة وتعطين زيادة

طبعا اليوم كله بالصف ما طلعت ..يدوب أكلت لقمتي ورديت ..

وهذا حالنا هالاسبوع

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

اوركيد ماعليه
مع التدريس يبين تعبج فيهم ترى

واهم شي التكرار

طول ما انتي قاعدة شغلي اشرطتج خل يرددون معاج اغاني الحلقة والمسابقة والبداية والختام


رددي معاهم الدعاء لتناول الطعام ودعاء الحمد


و رددي رددي الين ربج يسهلها


ترى كثر التكرار يعلمهم ماعليج


وبعدين راح يبين معاج صدقيني لأنه التهيئة فرصة لتعليم الاطفال بعدين بس نبلش تدريس جنج تكلمين الطوفة

 

[أوركيد]

عهود ...

آنا عارفه ..بس والله بعضهم ما ينفع التكرار معاه بالمره..

آنا ما شاالله كل سنة عيالي اهم التوب بالروضه وكل نشاط ومناسبة مرتزين فديتهم ..

بس هالمرة ..من العام وابلاتهم باولى يبجون منهم ...

فآنا مهيأة نفسي ..وان شاالله اتوسم خير ..واللي يطلع منهم زين ..

آنا لما اقول ان بعض الاطفال نايمين ولا مو شطار ...ترى موقصدي الذكاء..

بس والله بعضهم تربية الخدم مأثره عليه...يعورون قلبي تحسين الاهل ما يسولفون معاهم أبد ..ولا يكلمونهم ولا يكتسبون شي منهم

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

لا بالعكس كلامج صحيح
وتعرفين الجاهل الي تربية ميري والي تربية اهله
يبين اصلا ً حتى من سلوكياته

انتي مالج الا اسلوب التشجيع شتسوين بعد

انتي تفائلي بالخير وان شاء الله تعدي هالسنة


انا الحمدلله كل سنة اطلع نخبة من مستوى اول والحمدلله اليوم سمعت كلام حلو عن عيالي

و رحت زرتهم بصفهم الجديد يا حلوهم كبروا وومتنوا وتختوا من النوم والعطلة


الحمدلله صفي العام كان احسن صف بالمستوى الأول مع انه مو اكبر صف وصج صج كانوا يبيضون الوجه


مشكلة الابلات الي كل ما قلتي لهم شي قالوا اولى ما يفهمون


ليش ؟ متخلفين عقليا ً !!! اذا الحيوان الله يكرمكم يتعلم الانسان ما يتعلم !!!


هذا عذر الخاملات صراحة

 

[غروك وغيروك]

قوة يا أبلات

يعطيكم العافيه حبايبي

اليوم داوموا يا حلاتهم يهبلوووون بس جم واحد قعد يتغصص بالبجيه وواحد قعد يبجي ليما مل وسكت ومو الكل حضر بس 10
بس مادري باجر شنسوي أبي أغاني حق الحلقه عطوني أفكار يعني المسابقات الأركان اشرايكم ودي أعلمهم شي..!

 

[@بعيوني غلاك@]

رد : ++++++++ دوانــــــيـــة معلــــمـات الـريـــــاض ++++++++

اوركيد حبيبتي والله صاجه اليوم اطفال مستوى ثاني بس بكي

وصياح راسي انفجر بس والله ما قدمت حلقه ولا شي

اليوم حفل تعارف مبكي ههههههههه

والحمدلله عدى على خير

 

[@بعيوني غلاك@]

رد : ++++++++ دوانــــــيـــة معلــــمـات الـريـــــاض ++++++++

غروك وغيروك حبيبتي ليش تقدمون حلقه

المفروض الأسبوع الجاي تبتدي الحلقات

مافي تحضير بهاثلاث ايام لأن استقبال الأطفال

 

[غروك وغيروك]

أدري حبيبتي بس أنا يعني أبي أعرف شنو أسوي يعني بس قااعده !!

وشنو آكتب بدفتر التحضير لأني أصلاً ما شريت نسيته << خووووش

وشنو أغاني حلووه عندكم حق الحلقه

ودمتم سالمين غانمين

 

[@بعيوني غلاك@]

رد : رد: ++++++++ دوانــــــيـــة معلــــمـات الـريـــــاض ++++++++

أدري حبيبتي بس أنا يعني أبي أعرف شنو أسوي يعني بس قااعده !!

وشنو آكتب بدفتر التحضير لأني أصلاً ما شريت نسيته << خووووش

وشنو أغاني حلووه عندكم حق الحلقه

ودمتم سالمين غانمين

لا طبعا عرفي الأطفال بنفسك وبالصف

وليش يداومون بالروضه ؟؟ عشان يتعلمون وترتقي دولتنا فيهم

ودفتر التحضير <<ما شريته نسيت

بس قالو لنا بس نكتب استقبال الأطفال

ولأسبوع الجاي نكتب الأهداف والتقويم مع بداية التهيئه

وبخصوص الأغاني والله حطيتلهم هدى حسين

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

عيل احنا محضرين من اليوم وكاتبين الاهداف

مع ان ضاع اليوم باستقبال اليهال

 

[أوركيد]

رد: رد : ++++++++ دوانــــــيـــة معلــــمـات الـريـــــاض ++++++++

غروك وغيروك حبيبتي ليش تقدمون حلقه

المفروض الأسبوع الجاي تبتدي الحلقات

مافي تحضير بهاثلاث ايام لأن استقبال الأطفال

احنا تحضير كامل ...بالاهداف والانصراف ومحتوى الاركان :denya: