أمريكا أمريكا أمريكا

[fat]

السلام عليكم شلونكم وشخباركم

اليوم موضوعي منكم وفيكم مابي اعرف اي معلومة من برة المنتدى الله يعافي بناتنا الي يفزعون

ادش بالموضوع انا مانيعارفة ولا شي عن امريكا والكل يمدحها فيليت كل وحدة راحت امريكا تعطيني معلومات مثل




الطيران وسعر التذكرة

والولاية الي راحت لها وعلى شرط تكون باردة

واسم الفندق او السكن الي سكنت وطبعا مع السعر


والاماكن السياحية

والمولات

والاوت لت اهم شي والكرنفالات متى تبدي عندهم وكل المعلومات الي عندكم لا تبخلون علييي واذا عندكم صور للشي الي تتكلمون عنة احلى واحلى عشان نكون بالصورة

 

[fat]

افأ ولا وحدة ردت

 

[usgirl]

رد : أمريكا أمريكا أمريكا

انتي رايحه اي ولايه ؟؟؟ ومتى؟؟؟

 

[عمار يا كويت]

بصراحة خوش شي انج اخترتي امريكا ,.
الطيران يعتمد على اي ولاية رايحة .. يعني احنا مثلا بعد شهر بنروح هيوستن فحجزنا على القطرية لان خط الرحلة راح يكون الكويت الدوحة هيوستن.. والاتحاد بعد زين
بالنسبة للكرنفالات كفاية انج تروحين ديزني لاند سواء فلوريدا او كاليفورنيا وعندج اليونيفيرسال ستديوز والسي وورد واهم كرنفال عندهم العيد الوطني مالهم بتاريخ "فورث اوف جولاي" الي يصير الفاير ووركس من اروع العروض مممممممم والمولات والاوت لت بكل مكان بس انتي زهبي قريشاتج ولا تحاتين ترا الاسعار رخيصة ومثل ما قلتلج يعتمد عالولاية .. بس بالصيف احسن ولاية وتعتبر باردة نسبيا كاليفورنيا اما فلوريدا شوي حارة .. مري على تجمع العائدات من امريكا ان شالله تستفيدين

 

[American Beauty]

رد : أمريكا أمريكا أمريكا

هلا ومرحبا .. احلى مكان بالدنيا امريكا ..

انا لي ٦ شهور تقريبا وبصراحة ما مليت ولا ظنيت راح امل .. امريكا بلد المفاجآت، كل يوم شي جديد ..

الاخت عمار ياكويت ما قصرت .. قالت لك المفيد .. تبغي تستمتعي لازم تروحي دزني، وخصوصا لو عندك اطفال .. احنا رحنا دزني وورلد اللي في اورلاندو بفلوريدا .. صراحة المدينة كلها روووووووووعة .. اكيد انك بتستمتعين .. مو بس دزني ، كل شي .. حتى الاوتلت هناك عندهم اثنين .. واحد اسمه البريميم ، والثاني البرايم ..

دزني فيها الينيفرسال ستوديوز، السي وورلد، والاربع باركس اللي هم (الانيمل، الماجيك، الهوليود ستوديوز، و الابكوت) .. لو قررتي على دزني بعطيك المواقع اللي ممكن تحجزي منها التذاكر والطيارة و الفندق ولو بغيتي سيارة .. طبعا الاسعار متفاوتة حسب المكان والمدة .. افضل شي تحجزي في الفنادق اللي داخل المنتجع حق دزني ، اسعارها اغلى شوي بس تعطيك ساعات زيادة بعد ما يسكرون ..

من اورلاندو ممكن تروحي على ميامي ، ساوث بيتش .. ( كمان ميامي مدينة حلوة بس مو زي اورلاندو، اورلاندو مثل الحلم اللي ما ودك تصحين منه ) .. فرقهم ٤ ساعات تقريبا بالسيارة .. فيها مطاعم حلوة .. و بالمناسبة فيها بيت فرساتشي .. يمديك بس تصوري من برة بس ماتدخلين .. الليلة الوحدة ب ٣٠٠٠ دولار

احنا جينا من السعودية ، نزلنا في واشنطن ، جلسنا شهر بعدين رحنا على فلوريدا .. واشنطن بعد ما هي بهينة .. فيها متاحف كثيرة .. وكرنفالات لا نهائية .. واهم واحد مدام تسود اللي فيه تماثيل الرؤساء والفنانين .. كمان فيه اوتلت مولات روعة مثل ليزبرغ وتايسونز كورنرز ..

وناويين نروح نيويورك قريب .. الاسبوع اللي فات اغلب المصممين كانو مشتركين في اسبوع الموضة .. عروض والممثلات يروحون المحلات ويعرضون المنتجات اللي يسوقونها .. للاسف ما مدانا نروح بس حضرنا حق واشنطن ..

في كتاب اسمه Lonely Planet ، افادنا كثير والله فيه تفاصيل عن كل الولايات، اي شي ممكن تحتاجينه من سكن و مطاعم و كرنفالات و متاحف .. الكتاب بالانجليزي ):

كل ولاية تروحينها لها قصتها .. ماتملين هنا دامك جاية اجازة ..

انشالله افدتك ..

 

[عمار يا كويت]

^
^
^
:icon30:

 

[semaasem]

ماشاء الله البنات كفوا ووفوا

 

[American Beauty]

رد : رد: أمريكا أمريكا أمريكا

^
^
^
:icon30:

تسلمين ياقلبي :wqedqw:

 

[white**angel]

في موضوع مثبت روونا مو مقصره حاطه كل المعلومات

 

[fat]

مشكورين يا بنات ما قصرتو

 

[q8 83]

حددي الولاية و احنا ما نقصر لان اذا بنكتب في واااايد تفاصيل

 

[fat]

بصراحة ما ادري اي ولاية بس ابيها تكون باردة اهم شي كيفج اي ولاية تكون باردة وفيها سياحة انا اروح لها