شاركونااااااااااا بنصايح

[abla_momaiza]

عزيزاتي المعلمات شنو ممكن تقدمين نصيحه لمعلمه منتقله لروضه جديده او مدرسه جديده ومعلمات جدد ........ شاركونا بنصايحكم وآراكم ولكم كل الشكر :eh_s(8):

 

[لباس التقوىk]

* ابتدعي عن القيل والقال
* لاتسعيين للمعلمات يركضون وراج:eh_s(17):
* كل ماتمدحين نفسج يشفونج واااااااو
* الابتسامه
* امشي سييده يحتار عدوج فيج
* بادري عند الاداره وقولي كلمه انا احب المبادره وركزي عليها عند المديره
* لاتكثرين دوس بالاداره
* اهم شيء ادارتج ومن بعدها المعلمات
* لاتغيبين ولاتستاذنين:eh_s(17):
* كثري انجازات
* ابلعي الاحباط
تحياتي​

 

[wroodeldar]

الناظره والوكيله ورئيسة القسم وانسي الباقي
بعدي عن الشلل بالمددرسه
ركزي على طالباتج
ولاتسمعين نصيحة مدرسه كسوله
ولاتعطين ويه للاداره وايد ترا ياكلونج كلج ويصير بعينهم شوي

 

[كلي_ذوق]

انا بنتقل مدرسة يديدة
الله يعيني حدي خجولة واستحي وكل اللي يشوفني يقول عني مغرورة ومتكبرة وانا مسكينة على نياتي :eh_s(22):

 

[ضحـاوي]

* اهم شي ,,, ما تكبرين الامور وتعطينها اكبر من حجمها خلي كل شي سهل

* كوني محضر خير دائما ,,,,,,,,, سواء في المشاكل بين الزميلات او الزميله والاداره

* مثل ما قالت اختي احبكم ,,,,,,, ابتعدي عن القيل والقال ,, والهذره الزايده

* لا ترفضين اي طلب يوجه لك من الاداره الا في الحالات النادره

يعني طلب احتياط او بدل او مناوبه او رحله او تدريس حصة زميله

او احتياط بيع في مقصف هذا اشياء وقتيه وما يسوى ترفضينها وتتسجل عليج سلبيه

في حالة الاحساس بالظلم او رفض الادارة لتلبية طلب لك ناقشي الادارة بهدوء وبينج وبينهم

* في اسلوب للاسف انتشر وصارو المعلمات يرددونه ويشيشون المعلمات الجدد عليه وهو

اول ما تداوم الوحده او لو صار مشكله بين الوحده والاداره ومسكوها وحشو مخها وقالو لها

روحي طلعي لسانج ,, تراهم يخافون من اللسان الطويل ,, الي تطلع لسانها حظها قايم

الي تسكت يكدشونها ويعطونها على ادماغها الي مالها لسان يستغلونها الي والي والي

هذا الكلام انا سمعته شخصيا وفعلا تاثرو بعض البنات بهالكلام وطلعو لسانهم

لكن والله ان كل الي كسبوه من طولت اللسان هو سكوت الاداره ,, مو خوف ولكن اتقاء شرهم

وطلعو الاداره سكوتهم بتقويم الكفاءة و لانه في بند من بنود تقويم الكفاءه عن تقبل الارشادات وعليه 10 درجات

وفي بند الاتزام باخلاقيات المهنه ومن اخلاقيات المهنه احترام المسؤول والمدير

* لكن اهم نصيحه للكل مهمه جدا جدا

* لا تخلين مشاكل الدوام تدخل بيتج ,,,,,,,,,,,,,,,

بمعنى اذا عندج مشكله و طلعتي من المدرسه انهي كل شي يتعلق بالمشكله

لا تسولفين بالتليفون مع رفيجاتج وتعيدين وتزيدين بالموضوع

ولا تقولين لاختج او اخوج او ريلج صار وصار وصار انسي كل شي ليما تهدين لانج راح تتعبين اكثر

* وفي نصايح وااااااااااااااااااااااايد ومن تجارب شخصيه لكن خليها شوي شوي

احطها للبنات و عشان ما اكثر عليج بالحجي ( كل هذا ما ابي اكثر :eh_s(20): )

 

[ضحـاوي]

انا بنتقل مدرسة يديدة
الله يعيني حدي خجولة واستحي وكل اللي يشوفني يقول عني مغرورة ومتكبرة وانا مسكينة على نياتي :eh_s(22):

حاولي تكسرين الخجل الي عندج ,,,,,,,,حتى لو شووووووويه :eh_s(22):

ومع الابتسامه الدايمه راح يعرفون انج مو متكبره او مغروره :eh_s(6):

ولا تحاتين مع الايام راح يعرفونج عدل ويفهمونج :eh_s(15):

 

[منورة]

ضحاوي ماقصرت خخخخخخخخ ماعندي الا انج تثبتين وجودك من أول يوم ركزي بشغلك ومالج شغل بغيرج وربي يوفقج وترتاحين بالمدرسة الجديدة

 

[جووورية]

ولاتعطين ويه للاداره وايد ترا ياكلونج كلج ويصير بعينهم شوي

هذا انا معاج فيها و بقوة بعد

 

[وردة النهار]

واى انا منتقله مدرسة صبيان وايد قاعده احاتى خصوصا ان ولدى فيها
شتنصحونى؟؟؟؟؟؟؟؟؟؟

 

[كلي_ذوق]

شكرا *ضحاوي* وان شاء الله بشق الابتسامة واعميهم ببياض ضروسي D=

 

[ضحـاوي]

شكرا *ضحاوي* وان شاء الله بشق الابتسامة واعميهم ببياض ضروسي D=

خخخخخ ولي رديتي البيت وسوي كمادات بارده عشان خدودج ما تعورج من الابتسامه :eh_s(6):

 

[احلا السمر]

وااو موضوعج يهبل.. يا ريت انطرح قبل سنة... لما كنت يديدة علا الساحة التعليمية:eh_s(15):


1- الابتسامة ثم الابتسامة ثم الابتسامة ...مو الكركرة والصوت العالي لي اخر المدرسة
2- اول فترة حاولي تمسكين نفسج.. سمعي اللي حاوليج وعرفي منو السنعة فيهم.. لا تشاركين بس سمعي...
3- خافي الله بالطلبة اللي تحت ايدج لانهم امانة،، صادقيهم باحترام
4- لاتفضين طلب الادارة .. بس اعتذري منهم بلطف (لان في بعضهم يمصخونها خاصة اذا كانت ابله حاسوب مثل حلاتي)

5- ادري انج ام السنع.. بس للتذكير ماله داعي المكياج الزايد واللبس الضيج.. اللي تطيح هيبه الابلة بعيون اللي يتعاملون معاها

6- تحاشي النقاشات بكل انواعها... حتى العلمية.. قولي وجهة نظرج بس لا تصرييين واصراخ ونجره ... لان بالنهاية راح تخسرين اللي تناقشينها

7- بالنهاية اتمنى لنا ولج التوفيج.. لااهنيج بالسنة اليديدة اللي باقي منها 15 يوم وتبدا :eh_s(13):
وا

الله ما تهنيت .. بهالعطلة ... غمض فتح بدت المدارس:eh_s(14​

):

 

[abla_momaiza]

حبايبي

حبايبي مشكووووووووووووورين وايد على هالنصايح اللي تبرد القلب
وان شاء الله آخذ فيها عيبي الوحيد اني كنت ما ادل طريج الاداره حتى بعض المرات يقولون لي انتي مداومه بس في دفتر الحضور والغياب وما كنت اعرف انه هذى سلبيه الا مع مرور الوقت

 

[راقية باخلاقي]

الدبلوماسيه وقعدى طول اليوم بصفك وابتعدى عن غرفه وتجمعات الابلات تسلمين

 

[lolowawa1234]

المبادره

-الابتسامه بالوقت المناسب
- حبي شغلج وشغلج بيحبج
-كل شي تسوينه لويه الله سبحانه
-مبادراتج قدميها للاداره بس مو بكل شي بس من فتره لفتره قدمي شي حلو وله قيمه
-لاتستحين بالحق اذا لج حق طالبي فيه
-كرري انج طموحه وطموحج ماله حد
-شاركي بدورات وطوري نفسج مهنيا
-كثرة الحديث بالمشكله تكبرها ماتصغرها ولها أثر سيء بحياتج
-كوني على ثقه انه كل كلمه تطلع من لسانج 90٪ بتوصل عن المتحدث عنه خصوصا الاداره
-تذكري انج مو معلمه فقط لكن أم حنونه تحب الخير لأبنائها
-الدرس ماشي ماشي فيج والا بمعلمه غيرج لكن الفرق بينج وبين أي معلمه اهو. الضمير
-ادعي دائما بالتوفيق لج ولطلبتج
-اذا عندج كلمة خير قوليها ولاتستحين واذا كلمه ممكن تتفهم غلط قطيها بحر

أتمني اكون افدت اي معلمه يديده او ناقله