إهانة سارة الدريس لمنتدى كويتيات!!!!

[a3gl-5bla]

رد: رد : إهانة سارة الدريس لمنتدى كويتيات!!!!

معاج بكل كلمه
وجزاج الله خير
اعقل خبله .... صراحه انت غريبه
وقاعده توصلين لنا رساله ان بينكم شى
والا المره تأمنك وتكلمج كأخت وتغدرين فيها وتنشرين المسجات اللى بينكم
شنو مالج صاحب ؟؟؟
لاحول ولاقوة الا بالله

هلا خيتي

صراحه انا مو غريبه
و اي رساله اللي على قولتج اني اوصلها ان بينا شي!!
و البنت ما قالتلي سر من اسرارها الخطيره و انا رحت فضحتها

لو سمحتي لا يروح بالج بعيد اوكي و اذا ردي و مواضيعي ما تعجبج لا تقرين و لا تعلقين
انا مو مجبوره ابين نيتي حق كل شخص ما عجبه طرحي!!

 

[a3gl-5bla]

رد: رد : إهانة سارة الدريس لمنتدى كويتيات!!!!

ماالومها لو ما سجلت لانه فيه بنات هني يغلطون عليها ويتطنزون
شنو تبيع بنك!!
وقلبتوا الموضوع حش فيها وليش تحط صور عيونها .. يعني وقفت عليها حتى البنات بالمنتدى يحطون صور عيونهم!!
لو انا مكانها ماا انزل نفسي واسجل بمنتدى مع بنات يقولون عني جذي .. اذا ما عرفوا يناقشون يقلبون الموضوع حش وطنازة ...




معاها حق

وين الحش الحين!! اللي حشت اهيا بتؤثم
و لا تسيئين الظن, مثل ما قلت محد يعلم بالنيات غير الله سبحانه و تعالى

 

[الفخر كله]

تبين الصراحه
اول مره اسمع فيها

 

[a3gl-5bla]

رد: رد : إهانة سارة الدريس لمنتدى كويتيات!!!!

ويا اخت اعقل خبلة حطي نفسج مكانها
وحدة تتناقشين معاها وتكلمج بكل احترام وتقولين لها رايج من غير قيود وتتفاجئين انها تروح تنشر كلامج جدام البنات ؟؟ شنو تسوين ؟؟
وحتى لو غلطت بكلمة ما الومها لانه كان نقاش خاص بينج وبينها ومحد يشوفه
لو كان حوار علني والكل يشووفه ايييييه نلومها

اكتفي بالرد عليج ان اهيا حتى بالفيس بوك كاتبه بما معناه, ان اللي بيسب يسبني و اللي بيقذف يقذقني ما تدرون شكثر استانس لما اكون قاعده مع اهلي و اشبك و ألقى ناس متكلمه فيني بذلك تمحي كل ذنوبي..

^^ هذا تقريبا نفس اللي قالته^^

هل انتي تتصورين ان في بنت بعقليه سويه تقول "شكثر استانس" على بو ان الناس يحشون فيها عشان تمحي ذنوبها!! هذي بصراحه انانيه!!

الله يهدي الجميع

 

[مزيـانه]

حبوبة انا متأكدة ان رايي ما راح يعجبج

بس ترى الموضوع ما فيه اساءه كلش

تبين الصج؟؟؟

الكاتبة واااايد ارتفعت بعيني .. بشكل ما تتوقعينه من خلال ردودها .. اهي ما غلطت كلش

الصاعقة انكم تتخادنون عليها انتي و المشرفات .. هذي اللي صج تصدم !!

ما توقعت هالشي منهم .. عاد كوين ما شاء الله جدا راقية .. و أشك انها تتصرف بهالطريقة !!! @@

ترى فعلا المنتديات الراقية مو جذي .. انا معاها بكل كلمة

مع اني و الله ما أعرفها و لا حتى قريت لها حررررف

بس عقب هالموضوع باذن الله راح أبدا اقرالها

لا تزعلين من كلامي .. و يشهد الله اني أكن لكم كل احترام .. بس هذا رايي بالموضوع .. و حرية الرأي مكفولة

 

[a3gl-5bla]

رد: رد : رد: رد : إهانة سارة الدريس لمنتدى كويتيات!!!!

اعترفلج اني تسرعت و خذتني الحميه بردي ....طبعي جذي ما احب احد ينتقد جدامي بدون ما تكون له وجهة نظره بين الردود....

و الغيبه هي ذكرك اخاك بما يكره.... انا مادري الموضوع الي عن كتابها شنو انقال فيه لكن من ردها تصورت انه فيه انتقادات شخصيه تجاوز النقد الادبي.... بهذي تسرعت و كان احسن اني اطلع عالموضوع قبل لا اعطي رايي...


و الجذب الي قصدته انج خبيتي شخصيتج عنها و انتي لج غرض بها التنكر.... واضح بالبداية كل غرضج توصلينلها وجهات النظر و تفتحين باب النقاش معاها لكن بعدين خذتي منها كلام فتحت قلبها لج فيه و نشرتيه بدون استئذانها و دشيتي بالغلطه الثالثه الي هي خيانة امانه المجلس......


و بصراحة وجهة نظرها أقنعتني فيها....ماهو غرور منها لكن لو انج فتحتي موضوع استضافه للكاتبه مثلا منج كعضوه مو شرط مشرفات و دعيتيها له و بدوا العضوات يوجهون لها الاسئله و الانتقادات بجذي موضوع يكون اشرف و اسهل بالرد لها لأنها ماراح تدش بنك نيك راح تدش باسمها الصجي و بعالم النت هذا اصعب فلازم تحسب حسابها عدل.....


لكن انها تدخل على موضوع اشبعت نقدا و يمكن تجريح فيه و تقول تعالوا كلموني انا فلانه بتصير دخلتها غلط و موقفها مو حلو كلش ...




و اسمحيلي اسجلج اعجابي بأدبج بالحوار :icon30:حتى مع الي مثلي تسرع حبه ببعض النقاط ... و بارك الله فيج يا الحبيبه....

مشكوره عزيزتي رنين على ردج لي
و كلامج صح, و مافيها شي انا هذا كنت اللي اقصده انها اتدش بإسمها الاصلي و ترد, لكن ما طرأت في بالي اني افتح لها موضوع استضفيها فيه.. فكرتج حلوه لكن يت متأخر

حياج الله

 

[a3gl-5bla]

مو شايفة انها غلطت غلطة جايدة...(مو عاجبها المنتدى و مو واقف نجاحها عليه )كيفها هالكلام ما اعتبره اهانة..
عالعموم حصل خير..دربالكم حتى لو اهيا غلطانة مو حلو تكبرون السالفة لازم نشجعها بنت الكويت..و وصلت مرحلة حلوة و انا اقرالها بالراي..حلو كلامها بالنسبة لعمرها
و أرجو منكم تقبل رايي بصدر رحب

كيفها بكل شي!! انا طول عمري ما اعور راسي بشي مو عاجبني و كلمة (كيفها) ابسط شي استخدمه عشان اريح راسي خصوصا اذا تعرضت لمواقف او احد تكلم فيني

و انا ما قريت لها شي!! و اذا تقولين حلو كلامها بالنسبه حق عمرها, في وايد اصغر منها و واصلين و افضل ماشاءالله
و اذا حابه تعرفين راسليني عالخاص

و رايج اتقبله بكل احترام و مشكوره

 

[a3gl-5bla]

حبوبة انا متأكدة ان رايي ما راح يعجبج

بس ترى الموضوع ما فيه اساءه كلش

تبين الصج؟؟؟

الكاتبة واااايد ارتفعت بعيني .. بشكل ما تتوقعينه من خلال ردودها .. اهي ما غلطت كلش

الصاعقة انكم تتخادنون عليها انتي و المشرفات .. هذي اللي صج تصدم !!

ما توقعت هالشي منهم .. عاد كوين ما شاء الله جدا راقية .. و أشك انها تتصرف بهالطريقة !!! @@

ترى فعلا المنتديات الراقية مو جذي .. انا معاها بكل كلمة

مع اني و الله ما أعرفها و لا حتى قريت لها حررررف

بس عقب هالموضوع باذن الله راح أبدا اقرالها

لا تزعلين من كلامي .. و يشهد الله اني أكن لكم كل احترام .. بس هذا رايي بالموضوع .. و حرية الرأي مكفولة

اكيد حرية الرأي مكفوله :eh_s(15):
و دام اني شجعتج اكثر انج تقرين لها, اقري و استمتعي, مثل قول بعض العضوات ان انا سويت لها دعايه كبيره.. عادي ترا انا ما نقصت ولا خسرت من عمري شي و انا مابيني و بينها شي حتى

و المشرفه لتل كوين راقيه بكل المعاني و تصرفها كان جدا عادي, شاللي يخليج تشكين بطريقة تصرفها!!

و كلامج ما يزعل بالعكس انتي ما قلتي شي ابديتي رايج بكل احترام و انا هذا اللي ابيه

 

[بدمي لكويــت]

رد : إهانة سارة الدريس لمنتدى كويتيات!!!!

انا سامعه فيها و اشوف صورتنا بس الصوره كلش كلش ماتشجع انج تقرين يعني شكلها مو شكل وحده فاهمه تكتب خليها كيفها اهيا و عقليتها بالطقاق اهيا صح حتى مره سمعت طبت بكتابها على البدو قالت اشياء بس مادري شفيها هاذي طبت بالبدو و الكويتيات شنو باقي ياحظي

 

[Om_Ksha]

انا مالي شغل من هالقسم ولا من رواده بس العنوان جذبني .. لانه هالمنتدى صار جزء من حياتي لازم يوميا اطل عليه لو بالساعات

بس بصراحه احس الكاتبه حيل على نياتها وتسولف مع أى احد وتطلع اللي بقلبها ماتعرف تنافق او اتجامل .. وعلى هالاساس ماخذه الكل بنيه طيبه وخذت راحتها معاج بالكلام وماتوقعت انه احد يسوي فيها جذي ..

وبالنسبه حق سالفه ضيفه احس من حقها هالشي شكثر عضوات يكتبون تحتهم ضيفه .. او ساعات يكتبون اسمها الصجي تحت نكها المهم يعرفون بالناس فيها ..

عموما المشرفات مايقصرون علاطول يشيلون المشاركات المسيئه بدون توصيه من أحد .. بس اهيا خايفه لا يطبون فيها ووجودها بدال لا يكون فايده يكون نقمه ..
لانه بصراحه في بعض البنات ابداع بالاسلووووب خاصه اذا دشت مزاجهم وحده ..
وبس سلامتكم

وطبعا بالاخير الانسان يفرض نفسه واحترامه للكل ..

 

[a3gl-5bla]

انا مالي شغل من هالقسم ولا من رواده بس العنوان جذبني .. لانه هالمنتدى صار جزء من حياتي لازم يوميا اطل عليه لو بالساعات

بس بصراحه احس الكاتبه حيل على نياتها وتسولف مع أى احد وتطلع اللي بقلبها ماتعرف تنافق او اتجامل .. وعلى هالاساس ماخذه الكل بنيه طيبه وخذت راحتها معاج بالكلام وماتوقعت انه احد يسوي فيها جذي ..

وبالنسبه حق سالفه ضيفه احس من حقها هالشي شكثر عضوات يكتبون تحتهم ضيفه .. او ساعات يكتبون اسمها الصجي تحت نكها المهم يعرفون بالناس فيها ..

عموما المشرفات مايقصرون علاطول يشيلون المشاركات المسيئه بدون توصيه من أحد .. بس اهيا خايفه لا يطبون فيها ووجودها بدال لا يكون فايده يكون نقمه ..
لانه بصراحه في بعض البنات ابداع بالاسلووووب خاصه اذا دشت مزاجهم وحده ..
وبس سلامتكم

وطبعا بالاخير الانسان يفرض نفسه واحترامه للكل ..

الكاتبه تاخذ و تعطي مع الكل, و اهيا طيبه احنا ما قلنا شي بهالخصوص

لكن المجامله مطلوبه في بعض الاوقات!! او مو شرط مجامله
لازم يكون في تثمين بالكلام قبل لا ينقال

و مثل ما قلتي الانسان اهوا يفرض احترامه

 

[CAT]

رد : إهانة سارة الدريس لمنتدى كويتيات!!!!

لاتعليق ,,, بس أقول أسلوبج بالرد حلوو ,, ومشكورة على أمانتج ,, وهي حييل عصبية ومغرورة ,, تقبلي مروري

 

[Eng.shosha]

أول مره أسمع فيها .. وأشوه انج قلتيلنا عنها عشان ما نشتري كتبها وننخدع
للأسف اهي مو كاتبه !! اول مره أشوف كاتب بهالأسلوب ؟!


يعطيييييج العافيه وألف شكر لج ..

 

[الغاليه نونو]

وييييييييه اشتبون بعوار الراس خلوها تنبح ليمااااا تشبع وتكتب براحتها يااااااااااااكثر اقلام البيك بالمحاميد علي اميه وشييييييييييييييييييييييل€


لو عندي وقت جان كتبت مجلدات وفكيتكم من بنت ادريس بس سامحوني علي قولتهم ماتواخزوني دخيلكوووون ماعندي شي لأكتووب عليه

 

[a3gl-5bla]

وييييييييه اشتبون بعوار الراس خلوها تنبح ليمااااا تشبع وتكتب براحتها يااااااااااااكثر اقلام البيك بالمحاميد علي اميه وشييييييييييييييييييييييل€


لو عندي وقت جان كتبت مجلدات وفكيتكم من بنت ادريس بس سامحوني علي قولتهم ماتواخزوني دخيلكوووون ماعندي شي لأكتووب عليه

بنت الدريس
مو ادريس

في فرق!! هذي عايله و هذي عايله

و حياج الله حبيبتي

 

[miss-fofo]

مستوى الكتاب كلش مو شي حتى لو باجي الصفحات مو اباحيه بس مبين انه سلبي من تفاصيل الكتاب

ما احب هلنوع من الروايات احس بعض الكتاب بس يبون يجربون الكتابه

في روايات حلوه تحصلين فايده من وراها مثل اللي يكتبون معلومات عن احداث الروايه و يكون اسلوبهم سلس و يستخدمون كلمات

تقوي اللغة العربية عندج و يألفون رواية حتى لو كانت اجتماعية او رومانسية أو بأي مجال ثاني بس تعبر عن الكاتب ويبين من اسلوبه بالكتابه

ان كان مستواه الثقافي أو طريقة توجهه للأدب بشكل عام ويعرفج عن طبايع الشخصيات اللي بالروايه وحتن البلد اللي عايشين فيه سواء الروايات

الأجنبيه او العربيه وهذا من الأشياء اللي تجذب القارئ وتخليه يشتري هلرواية لأن في ناس يقرون بس للتسلية

ومادام انج قاعده تقرين اكيد تحبين انج تطلعين بنتيجه من هذا الكتاب اللي تقرينه..انتوا معاي بهاذي الشغلة؟

وانا مااخص كاتب معين بهـلموصفات ويمكن في بنات لهم آراء اخرى غير اللي انا ذكرتها


وبالأخير اقول الله يهديها ويسامحها على اللي قالته

وكل كلمة قلتيها صح يا اعقل خبلة :*