عندي للجنه العلاج داخل الكويت ساعدوني في اختيار افضل دكتور

[نحب الكويت]

قوه بنات شلونكم

حبيباتي انا عندي بعد اسبوعين للجنه للعلاج داخل الكويت للحمل وطلبو مني اختيار مستشفى و دكتور اعالج عنده للحمل و طفل الانبايب

فا ياليت من كان عندها خبره تنصحني في افضل دكتور بعد الله في طفل الانبيب

جزاكم الله كل خير

و للمعلوميه انا سويت طفل انابيب عند الدكتور باترك في مستشفى لندن قبل سنه مرتين و لم تنجح للاسف


اختكم في الله ​

 

[Fashion Falls]

الله يوفقج يارب ويسهل عليج
حبيبتي دامج محتاره بين اكثر من دكتور استخيري ويارب تتوفق العمليه هالمره وتشوفين الضنى بحضنج

 

[مووووني]

حبيبتي انا سمعت عن طاقم باجيكي وايد زين في رويال حياة
توكلي على الله وروحي والله يسهلج امرج ويرزقج بالذريه الصالحة يارب

 

[@حوريه86@]

حبيبتي الله يوفقج ويرزقج بالقريب العاجل والله نصيحه من اخت اختاري ناهض حماديه الي بالمواساة والله افضل دكتور بالحقن واحسن من باترك بعد وخبرته كلها بلندن واغلبيه العمليات عنده ناجحه وانا منهم والله يرزقج بالذريه الصالحه باقرب وقت

 

[فانسي نايت]

حبيبتي انا انصحج بدكتور هيومان فاطمي (الطاقم البلجيكي برويال حياة ) و الله يرزقج يارب

 

[lovemyself]

احتارت البنت الله يساعدها
طيب غاليتى عيل شلون سويتى اجراءات العلاج بالخارج علمينى

 

[الفخر كله]

احتارت البنت الله يساعدها
طيب غاليتى عيل شلون سويتى اجراءات العلاج بالخارج علمينى

نفس السؤ:aha:ال

 

[غلا عيوني]

رد : عندي للجنه العلاج داخل الكويت ساعدوني في اختيار افضل دكتور

انصحج بدكتور ناهض حماديه او دكتوره فوزيه القطان,,

 

[كتكوته22]

ناهض حماديه

 

[نحب الكويت]

ياقلبي انتن على هالحضور و التفاعل جزاكن الله خير الجزاء و لا يحرمكم الاجر يارب

واتمنى اذا احد منكم لها تجربه تقولها لي مع هالدكاتره المذكورين جزاها الله خير

و في الاخير بيكون لي صلاة استخاره والله يكتب اللي في خير


شلون صارت اجراءت العلاج في الخارج ..؟؟

خذيت جميع الاوارق عندي و التقارير و التحاليل اللي سويتها في العيادات الخاصه و رحت مستووصف منطقتي و تم تحويلي لمستشفى العدان قسم الحمل و الولاده وفيه سويت جم تحليل وطلبت تحويلي لمستشفى الصباح طالبه لجنه للعلاج في الخارج و بعديها جمعوا جميع تحاليلي و تقاريري اللي سويتها في جميع العيادات و المستشفيات وحولوني للجنة العلاج في الخارج في منطقة الصباح الصحيه وهم حولوني لمستشفى غنيمه الغانم وعطوني تاريخ للجنه عشان يشفون تطابق علي الشروط اللي حاطينها او لا

و الشروط هي

ان مايكون عندج عيال و لا سبق وان عالجتي على احساب الحكومه ولا يتعدا عمرج 40 سنه ويكون عندج ملف في عيادة طفل الانابيب وهو جنب مستشفى غنيمه الغانم تفتحون ملف قبل تجون اللجنه وفتح الملف يحتاج صور البطاقه المدنيه لزوجين و عقد الزواج فقط


والله يوفقكم


وفيه شي مهم الواسطه لاتنسونها

 

[نحب الكويت]

رد: رد : عندي للجنه العلاج داخل الكويت ساعدوني في اختيار افضل دكتور

انصحج بدكتور ناهض حماديه او دكتوره فوزيه القطان,,

انا طلبت الدكتوره فوزيه القطان و للاسف يقولون مايصير لانها في عياده مو مستشفى لان اللجنه تحول للمستشفيات فقط

وياليت من عندها خبر عن تواجد الدكتوره فوزيه في اي مستشفى خاص

 

[لاكوستة]

انصحج بالطاقم البلجيكي في رويال حياة عند الدكتور فاطمي و الدكتورة حفصة
ما ابالغ اذا قتلج هذيلا احسن دكاترة شفتهم بحياتي
الله يوفقج و يسهل امورج يااا رب ؛ )

 

[كويتيه مول]

رد : عندي للجنه العلاج داخل الكويت ساعدوني في اختيار افضل دكتور

انصحج نصيحه اوجههههه الله تعالى الدكتور ناااااااااااااهض حماديه بمستشفى المواساه

 

[عصير مانجا]

رد : عندي للجنه العلاج داخل الكويت ساعدوني في اختيار افضل دكتور

اضم صوتي مع البنات الدكتور ناهض بالمواساة خبره 17 سنه ببريطانيا واستخيري والله يوفقج يارب

 

[امواج الكويت]

أنا انصحج بدكتور حازم الرميح وهو اصلا مدير قسم أطفال الأنابيب بالصباح وعيادته بمركز الشعب التخصصي

 

[نحب الكويت]

8
8

جزاكم الله كل خير يابنات والله يهديني على الطريق الصحيح و المفيد ويكتب لي الذريه الطيبه الصالحه

 

[ام عناز]

الله يوفقج وين ما تروحين

 

[بج بن]

رد : عندي للجنه العلاج داخل الكويت ساعدوني في اختيار افضل دكتور

ربي لا تذرني فردا وإنت خير الوارثين:stars:

 

[@ دهن العود @]

الله يوفقج يارب ويسهل عليج
دكتور اسامه صالحه دار الشفا

 

[نحب الكويت]

جزاكم الله خير الجزاء والله يرزقنا ويرزقكم بكل مانتمنااه