سرح وضحك ....؟؟

[ام غناوي]

قوه بنات


اليوم كنت بالجمعيه انا وزوجي وبعد ماخلص وقفنا نحاسب والاهذيك الصاروخ اللي تمر كانت بنت فاتنه عيونها تهبل يعني بالمختصر لفتت نظري


بس اللي ماتوقعته ان زوجي انتبه بعد مارديت للبيت تليقفت وسالته شفت البنت اللي بالجمعيه وسرح وقاعد يبتسم انا احس فيوزي ضربت تمنيت الارض تنشق وتبلعني من جد حسيت بنار داخلي وصرخت ليش تبتسم كايقولي ملفته وزعلت وطلعت مدري احسه يفكر فيها انصحوني وش اسوي بموت من القهر

 

[GA GA]

الله يهديج بس لاتفكرين بهشي والله السالفه عاااااااااااااااديه

 

[Tulips]

رد : سرح وضحك ....؟؟


لووووووول

لو انج مو سائلته ابرك

 

[fdeet_shosho]

انتى الله يهديج شكو تسالينه ؟ دام مافتح الموضوع ؟ وانتى اللى فتحتيه لاتزعلين منه ! اهوا ماجاب طاريها وعادى وحدة مرت وطاف لاتخلينها محور حياتج وبعدين لاتسالين زوجج عن البنات شفت فلانه ولا علانه دام محترم مشاعرج وماسولف عنهم ليش تسولفين
والله يهديج الرجال ماقال شي وليش منقهرة ؟

 

[Dreams Of a girL]

رد : سرح وضحك ....؟؟

امبيه ماتسوى عليج حطيتي اباله
يمكن ماكان منتبه وانتي سألتي
لو انا منج والله ما اسأله
الا اذا اهو تكلم بروحه بعدها استلمه كلاااااااام <<< ام السانين:eh_s(10):
بعدين انتي معاه يعني مجرد شفتوها بجمعيه لا اقل ولا اكثرر
ما كان له داعي والله

 

[شيخه الحلى]

عاد هذا سؤال تسالينه لزوجج؟؟؟ :eh_s(10):
والله ساعات البنات يقولون أشياء غلط حق رياييلهم وآخر شي اهما اللي يزعلون ويحملون الغلط على أزواجهم

يعني إذا انتي البنت الفتت انتباهج وشفتيها وقلتي عنها صارووووخ
تبين الريال ما يشوف؟؟

خو شاف وخلص وبس
تروحين تسالينه وتذكرينه ليـــــــــــــــش؟؟؟ :rgewrg:

أحسن عيل زين يصير فيج (أتغشمر ترى) بس صج زين يصير فيج

تعرفين المقوله اللي تقول:-
إذا كان الكلام من فضه فالسكوت من ذهب
هذي المقوله تصلح للموقف مالج

 

[A7la KatkoOota]

رد : رد: سرح وضحك ....؟؟

انتى الله يهديج شكو تسالينه ؟ دام مافتح الموضوع ؟ وانتى اللى فتحتيه لاتزعلين منه ! اهوا ماجاب طاريها وعادى وحدة مرت وطاف لاتخلينها محور حياتج وبعدين لاتسالين زوجج عن البنات شفت فلانه ولا علانه دام محترم مشاعرج وماسولف عنهم ليش تسولفين
والله يهديج الرجال ماقال شي وليش منقهرة ؟

معاها

 

[&الماس&]

انا كنت برد اول وحده بس قلت بتاكد من الحديث ناسيته وسويت بحث قال رسول صلى الله عليه وسلم
إذا أحدكم أعجبته المرأة فوقعت في قلبه فليعمد إلى امرأته فليواقعها فإن ذلك يرد ما في نفسه
وحدثني سلمة بن شبيب حدثنا الحسن بن أعين حدثنا معقل عن أبي الزبير قال قال جابر سمعت النبي صلى الله عليه وسلم يقول إذا أحدكم أعجبته المرأة فوقعت في قلبه فليعمد إلى امرأته فليواقعها فإن ذلك يرد ما في نفسه
روحي ياقلبي هالفجر واكشخي حييييييييييييييييييييييييييل وتعطري ونامي في حظنه وتحرشي فيه والله نصيحه من قلب

 

[أنا Top أنا]

رد : سرح وضحك ....؟؟

لقافه منج صرااااحه ...

يعني شنو هدفج ؟؟ بنت ومرت وعدت شكو تسألين عنهاااا ؟؟
الحين طقي اصبع

 

[فوفو22]

رد : سرح وضحك ....؟؟

الزوج مخلوق بصري

والزوجه مخلوق حسي

من الطبيعي ان الزوج ...يلفت نظره اي شي حلو

ولكن سريعا ما ينساه!!!!

ولكن انتي ارتكبتي خطأ

بأنه نبهتيه اكثر لها بسؤالج عنها...

المفروض الموضوع يمر عادي لانه بالاساس هو ناسيه لانه مخلوق بصري


فوفو

 

[aldanaha]

رد : سرح وضحك ....؟؟

اي بنت تعجبج لو بالتلفزيون لاتسالين ريلج حلوه او لا ديري بالج
عن تجربه

 

[@ام ضاري@]

رد : سرح وضحك ....؟؟

لا يعني من صجج تسألين رجلج شفت البنت اللي بالحمعيه طبيعي انتي والا انا والا ارجالنا بطيح عيونهم ع اى شخص يمر من صوبه

ترا ماصار موقف شدج والا صار للبنت شي في الجمعيه عشان تسالين تقولين شفت البنت

بنت حالها حال اى وحده تناشف في اى مكان افتح عيون رجلج من صجج انتي

مو حلو تصرفج ابد

 

[غلا ستايل]

المفروض ما تذكرينه ابدا اكبر غلط

 

[So0oKaRa]

ترى الانسان بشكل عام الجمال يشده سواء ريال او مره
العين تدور على كل شي حلو
تروحله وتشوفه من غير مانحس
والحين ريلج شاف هالمره وطاف الموقف ورحتو البيت
شكو تسئلينه؟
تخلينه حتى لو اهو ناسي يتذكر
والله لو منج جان سكت وما يبت طاري ابد ليش تفتحين على روحج باب وتقهرين عمرج وتذكرين الريال؟
اللي عليج الحين انج تتعوذين من ابليس وماتزعلين ولا تكبرين السالفه روحي قعدي معاه ولا جنه صار شي وسولفي بأي موضوع

 

[جـــواهر]

انتي نبهتيه عليها:cxxxp:

 

[So0oKaRa]

على فكره يمكن سرح وضحك من غرابه سؤالج
اتوقع قال معقوله تسئلني عنها وضحك وسرح مو عشان عاجبته مثلا

 

[@ دهن العود @]

الله يسخره لج

 

[..فروحه..]

الله يخليكم لبعض