أرفيجتي ..والمهر ..الوهمي والصدمة الحقيقة والأخير (الجزء الثاني ) من سالفتها

[*peace*]

الله يعينها مسكينه كسرت خاطري والله

 

[تعويذه الحب]

حسبي الله عليييييييييييييييييه

حبيبتي دام اهو معاها بنفس الشركة اكيد بتشوفه بالدواااااااااام يعني وين برووووووووح وخليها تتفاهم معاه وتقوله اذا ما رديت لفلوس راح

اشتكي عليك والحمدلله اني ما ارتبطت بواحد حقير مثل

 

[Brownsugar]

رد : أرفيجتي ..والمهر ..الوهمي والصدمة الحقيقة والأخير (الجزء الثاني ) من سالفتها

مسكييينه كسرت خاطري بس ليش توافق ان اهي تدفع مهرها مسكينه شكلها على نياتها خل تدعي ربها ياخذ بحقها بكل صلاه وان شابله يصرفهم على عمره بمرض

 

[كعبية]

عمه بعينه النذل صج مو ريال والحمدلله يت على جذي خل تصبر والله يعوضها بللي احسن منه

 

['Basma']

المسجاات لاا تمسحها

و خل تشتكي عليه باللمخفر اهم يعرفون شلون اييبونه

ولازم تصارح ابوها بالموضوع لان ماراح تقدر تتحمل الموضوع بروحها

 

[حبيبي وبس]

والله كل شوي ابطل الموضوع وادعي عليه
الله لايوفقه

 

[sara bent elkuwait]

المهم خواتي تستطيع ان تصل الى جميع بياناته بسهوله لكن هذا مو موضوع الخلاف
الخلاف اهني على الدليل انه ماخذ منها فلوس وللاسف لو حاطه بحسابه جان اهون لكن خوفكم يقول اهي تتبلى علي

وتقول انه ما شفته بعد العيد الا قبل اسبوع وكنت طبيعيه وما مريت بمكتبه ولا هم يحزنون لكن اهو مترقب ردة فعل مني وخايف وانا كنت هاديه ومن داخل احترق

بنات اهي خايفة من اهلها وردة فعلهم بالموضوع الله يعينها

يعنى شافتة وبالمكتب وسكتتت !!!!!!!!!!!!


اجل منو الى راح يطالب بالفلووس 000اعتقد الاعضوات الى راح يطالبون بالفلوس !!!!


شكلها راضى لها ولا لان تنطر منة زواج


اختى اذا صج عافة الخاطر وتبى افلووسها تطب ابلاعيمة بمكتب ولا غير مكتب 0000


كلش كلش اروح المخفرررر اطلع افلووسى من ارقبتة


اذا هو مو مستحى من بوقتة لهااا ونكرانة لهااا اهيا تب تستحى من شنووو



واسمحيلى القانون لا يحمى المغفلين 000 يعنى بنت تعطى رجل على علاقة معاة 4000 ومحد غاصبهااا


محد طقهااا على ايدهااا اهيا عشان تزوج راحت من رضاها عطتة الفلووس فما فى دليل علية


بس خل تهووش لة وتخرعة بالشرطة

وهذا درس لها ولغيررها عشان ما تثق باحد

 

[so_what]

حسبي الله عليه الله ياخذ حقها منه

 

[امواج الكويت]

عمه بعينه صج حقير

 

[روح مغليهآ]

رد : أرفيجتي ..والمهر ..الوهمي والصدمة الحقيقة والأخير (الجزء الثاني ) من سالفتها

شكله اللي يو معاه مو عمامه ربعه بالدوانيه وتقاسمو المهر عمه بعييييينهم

 

[FeShinGoOo]

اهي مشفوحه عالريل محد قالها تسوي هالحركات الصراحه .. عشان ريل تقومين تسوين هالسالفه الي ماصارت ولا ستوت ..؟؟

 

[! بــدويه وآآيــد !]

،


لآوالله بنآت تحسبون عليه وهي لآ !


هذي الي يقول تسوي البلوى وتدفن رآسهآ بـ الترآب

هي اتفقت مع وآحد يستغل ابوهآ وسوت كمين لأهلهآ عشآن تآخذه بـ فلوسهآآ

وهذآ جزآتهآ

لو عمرهآآ 50 وتبي الستر مآتدفع له مهر

وانا قلت بـ الموضوع من قبل خل تدير بآلهآ والله تتحسف بس مآسمعتي الكلآم لآ انتي ولآ هي


والـ 4000 هذيل خلهم مبلغ ستره عليهآ ع الأقل يذلف بلي مآيحفظه ولآيهددهآ بآجر وتدفع اكثر واكثر

تبي ترآكض ورآه شنو تقول له ؟

تبي تشتكي شنو نآويه عليه ؟ تفضح اهلهآ توقف قلب امهآ وابوهآ ؟


خل تبجي على مخدتهآ وتستر على نفسها

 

[أنا Top أنا]

رد : أرفيجتي ..والمهر ..الوهمي والصدمة الحقيقة والأخير (الجزء الثاني ) من سالفتها

حبيبتي قوليلها
<< القانون لا يحمـــــي المغفليــــــن >>
وفلوسها خلاص راحت عليـــها وربي يعوض عليها
وقوليلها تقول ...
حسبي الله ونعم الوكيل ,,
حسبي الله ونعم الوكيل ,,
حسبي الله ونعم الوكيل فيه

نفس سالفه وحده اعرفها نصب عليها مكتب الخدم وخذا فلوس خدامتها 600 دينااار وخذا الخدامه وحولها وقالها ماعندي لج شي .. يافلان خدامتي عندك وينها قال وين ماجتني خدامه نكر اشكره وخذا الخدامه والفلوس .. تحسبت عليه رب العالمين وطلعت من المكتب تدعي عليه ... سبحااان الله ما مر اسبوع الا فايزه بحساب النجمه مالت بنك الخليج

 

[غلا ستايل]

امبيه نفس سالفة رفيجتي والحقير اخذ منها 5 الالاف
حسبي الله عليهم والله يعوضها كل خير وتاخذ حقها يارب

بنات يعني السالفه قاعده تتكرر مع كذا بنت مو بس هالبنيه المسجينه الله يعينها ويصبرها .يعرفون الشباب ان نقطة ضعف البنت اهي الكلام الحلو والمعامله الزينه صبر سنتين ونص واهو يلط يعله زقوم بطنه

اهما بشركة خاصه مو مكتب واحد واذا قالت لاهلها ابسط شي بيمنعونها من السياقه ولا الشغل وتقعد بالبيت تنطر مستر رايت
واللي تقول قرض الحكومة البنيه مو كويتية واهو كويتي وفوق كل هذا مطلقة يعني مضغوطة من جميع الجهات انا ما ابرر لكم غلطتها المفروض تاخذ عليه ورقه او حتى اي شي يثبت
بس لما تقدم وخطبها على بالها انه خلاص ارتبط بكلام مع ابوها
كل شي كل بيرفكت وكامل ومخطط عدل
وعمامه اللي يووو الله اعلم صاجه العضوة اللي قالت يمكن هذيلا ربعه والله اعلم

بس عسى الله يرد حق كل مظلوم يا رب :yaaaaaarb:

 

[غلا ستايل]

رد: رد : أرفيجتي ..والمهر ..الوهمي والصدمة الحقيقة والأخير (الجزء الثاني ) من سالفتها

حبيبتي قوليلها
<< القانون لا يحمـــــي المغفليــــــن >>
وفلوسها خلاص راحت عليـــها وربي يعوض عليها
وقوليلها تقول ...
حسبي الله ونعم الوكيل ,,
حسبي الله ونعم الوكيل ,,
حسبي الله ونعم الوكيل فيه

نفس سالفه وحده اعرفها نصب عليها مكتب الخدم وخذا فلوس خدامتها 600 دينااار وخذا الخدامه وحولها وقالها ماعندي لج شي .. يافلان خدامتي عندك وينها قال وين ماجتني خدامه نكر اشكره وخذا الخدامه والفلوس .. تحسبت عليه رب العالمين وطلعت من المكتب تدعي عليه ... سبحااان الله ما مر اسبوع الا فايزه بحساب النجمه مالت بنك الخليج

سبحان الله يرزق من يشاء بغير حساب سبحانه

عسى الله يرد حق كل مظلوم

 

[^noonaa^]

حسبي الله عليه ان شاءالله

وبعدين اسمحيلي رفيجتج اهي الغلطانه شدعوه لهدرجه ماتفهم

امبينه نيته من اول ماقالها عطيني المهر مالت عليه حتى مالت

 

[محبوبه25]

رد : أرفيجتي ..والمهر ..الوهمي والصدمة الحقيقة والأخير (الجزء الثاني ) من سالفتها

خلاص خل تنسى الفلوس
المهم انها افتكت منه
هذا طلع نذل ومو ريال
و ضحك عليهاا
والله يعوضها