بخصوص cd د. أحمد بهبهاني وإللي تهجموا عليه :(

[موزة ام فارس]

رد: رد : بخصوص cd د. أحمد بهبهاني وإللي تهجموا عليه

حبيبتي بنانا إخذي راحتج

والله المرشد ما أعرفه بس أ. أحمد ماعطاج قائمة الكلمات ؟
لأن قائمته مجمعها من كتب التوفل والآيلز

على كلامه إن هذي القائمه أكثر إختبارات التوفل والآيلز كلماتهم منها

لا ماعطاني الكلمات لأني بس ماخذه قواعد المفاهيم مو للتوفل

 

[اللعبه]

رد: رد : بخصوص cd د. أحمد بهبهاني وإللي تهجموا عليه

لا ماعطاني الكلمات لأني بس ماخذه قواعد المفاهيم مو للتوفل

يا ليت يا اخت بنانا تسدحين تجربتج واذا استفدتي من ال cdلان البنات اشوفهم قلقين من شراءة سواء كانت التجربه بالايجاب او السلب.


والشكر موصول للاخت ريحانه

 

[ريحانة_14]

رد : بخصوص cd د. أحمد بهبهاني وإللي تهجموا عليه

حبيبتي اللعبه .. العفو ياقلبي وأسعدني مرورج

==============

 

[M!Ss Un!VerSe]

مع اني شاركت بموضوعج القديم بردين اتذكر رد قلت انه يونس وزين ورد لمن انصدمت من السعر شدعوه؟!

بس دام قلتي اقساط.. ياريت تعلميني الطريقة..

انا كنت مفكره بالبريطاني.. ليش ذميتي المعهد؟ شنو المشكله عشان الفلوس ؟ يعني 700 شويه..؟

انا مفكره اجرب معهد ثم أجرب د.أحمد حييييل شوقتيني عليه.. خاصة تتعلمين بنفسج هالشي واايد زين..

ياريت تردين على اسئلتي حبوبه شلون طريقة الأقساط وشقصة المعهد البريطاني.؟ مشكوره

 

[ريحانة_14]

رد : رد: بخصوص cd د. أحمد بهبهاني وإللي تهجموا عليه

:0bee2e8d89:

مع اني شاركت بموضوعج القديم بردين اتذكر رد قلت انه يونس وزين ورد لمن انصدمت من السعر شدعوه؟!

بس دام قلتي اقساط.. ياريت تعلميني الطريقة..

انا كنت مفكره بالبريطاني.. ليش ذميتي المعهد؟ شنو المشكله عشان الفلوس ؟ يعني 700 شويه..؟

انا مفكره اجرب معهد ثم أجرب د.أحمد حييييل شوقتيني عليه.. خاصة تتعلمين بنفسج هالشي واايد زين..

ياريت تردين على اسئلتي حبوبه شلون طريقة الأقساط وشقصة المعهد البريطاني.؟ مشكوره

هلا فيج ياقلبي
المعهد البريطاني طريقته إنه أول شي يسويلج إمتحان مستوى ويقيمج عليه .. مثلا إذا طلعتي بمستوى إنترميديت يقولج يبيلج 5 دورات علشان توصلين لي المستوى إللي نقدر نعطيج فيه دورة الآيلز .. ما يعطونج دورة الآيلز مني والطريج

وكل دورة سعرها 200 دينار أو 195 دينار بالإضافة للكتب سعرها 15 دينار ... ومدتها 6-8 أسابيع

ولما تبدين مشوار الدورات معاهم مثلا إذا مستواج وسط .. وبتاخذين 5 دورات .. وكل دورة بـ 215 دينار مع الكتب .. هذا إنتي دفعتي 1075 دينار .. وتالي تدشين دورة الآيلز

ضيفي عليه نقطه مهمه وإهي إللي خلتني أقففففففففل من ناحية المعهد البريطاني ...
أنا خذيت دورة ( بري إنترميديت ) لما كنت حامل .. تالي ولدت ونفاس وقعدت مع عيالي فطاف عليها 6 شهور .. بعدها قلتلهم بكمل مشوار الدورات معاكم .. قالولي : مايصير شهادتج طاف عليها 6 شهور عيدي الإختبار .. عدت الإختبار والا يطوف علي الوقت ما إنتبهت له ... جان ينزلوني بعد مستوى .. يعني صار باقيلي 6 دورات عشان آخذ دورة الآيلز

قلت ياربي شهالعفسه ؟ خيولون عساني ماخذيته من عندهم
وطبعا إللي قاعدتلج بالإستقبال سوت إختبار حق واحد وياب أدفانس .. يعني أعععلى مستوى .. خلاص الريال خيقدم آيلز على طول .. جان تقوله لأ شوف تره الآيلز صعب .. والآيلز صعب صعب يعني لايكون على بلك إنك بتعديه بسهوله .. هذا والريال يايب أدفانس .. عيل لو كان بيغنر مبتديء جان شقالتله بالله ؟؟

خيولون

وطبعا دوراتهم تحسين كأنج قاعده بكلاسات المتوسطه .. ركزي تره مو الثانوي لأ المتوسسسسسسسسط

طريقة التدريس والحل ماعجبتني كلش كأني بمدرسة وتعاملهم حيل جاف

فقلت بظل على السي دي أبركلي

ودكتور أحمد يعطيج السي دي ( قواعد المفاهيم بـ 450 دينار .. ومتى ماخلصتي منه وحبيتي تكملي سي دي التوفل يعطيج ياه بـ 200 دينار زياده )

وسلامتج وتعيشين ياقلبي

 

[M!Ss Un!VerSe]

رد: رد : رد: بخصوص cd د. أحمد بهبهاني وإللي تهجموا عليه

:0bee2e8d89:

هلا فيج ياقلبي
المعهد البريطاني طريقته إنه أول شي يسويلج إمتحان مستوى ويقيمج عليه .. مثلا إذا طلعتي بمستوى إنترميديت يقولج يبيلج 5 دورات علشان توصلين لي المستوى إللي نقدر نعطيج فيه دورة الآيلز .. ما يعطونج دورة الآيلز مني والطريج

وكل دورة سعرها 200 دينار أو 195 دينار بالإضافة للكتب سعرها 15 دينار ... ومدتها 6-8 أسابيع

ولما تبدين مشوار الدورات معاهم مثلا إذا مستواج وسط .. وبتاخذين 5 دورات .. وكل دورة بـ 215 دينار مع الكتب .. هذا إنتي دفعتي 1075 دينار .. وتالي تدشين دورة الآيلز

ضيفي عليه نقطه مهمه وإهي إللي خلتني أقففففففففل من ناحية المعهد البريطاني ...
أنا خذيت دورة ( بري إنترميديت ) لما كنت حامل .. تالي ولدت ونفاس وقعدت مع عيالي فطاف عليها 6 شهور .. بعدها قلتلهم بكمل مشوار الدورات معاكم .. قالولي : مايصير شهادتج طاف عليها 6 شهور عيدي الإختبار .. عدت الإختبار والا يطوف علي الوقت ما إنتبهت له ... جان ينزلوني بعد مستوى .. يعني صار باقيلي 6 دورات عشان آخذ دورة الآيلز

قلت ياربي شهالعفسه ؟ خيولون عساني ماخذيته من عندهم
وطبعا إللي قاعدتلج بالإستقبال سوت إختبار حق واحد وياب أدفانس .. يعني أعععلى مستوى .. خلاص الريال خيقدم آيلز على طول .. جان تقوله لأ شوف تره الآيلز صعب .. والآيلز صعب صعب يعني لايكون على بلك إنك بتعديه بسهوله .. هذا والريال يايب أدفانس .. عيل لو كان بيغنر مبتديء جان شقالتله بالله ؟؟

خيولون

وطبعا دوراتهم تحسين كأنج قاعده بكلاسات المتوسطه .. ركزي تره مو الثانوي لأ المتوسسسسسسسسط

طريقة التدريس والحل ماعجبتني كلش كأني بمدرسة وتعاملهم حيل جاف

فقلت بظل على السي دي أبركلي

ودكتور أحمد يعطيج السي دي ( قواعد المفاهيم بـ 450 دينار .. ومتى ماخلصتي منه وحبيتي تكملي سي دي التوفل يعطيج ياه بـ 200 دينار زياده )

وسلامتج وتعيشين ياقلبي

حياتي مشكوره وااايد عالتوضيح..


خليتني اشيل من راسي فكرة المعهد

بس ما قلتيلي عن طريقة الاقساط؟

واهو جم سدي عنده.؟ وشلون احدد مستواي؟

لإن أبي أتثقف بالانجليزي وااايد محادثه .. فمايهمني توفلز وغيره

ووياريت تحطيلي رقمه.؟ ومن وين ناخذ السدي منه شخصيا ولا شنو؟

 

[ريحانة_14]

رد : بخصوص cd د. أحمد بهبهاني وإللي تهجموا عليه

هلا فيج ياقلبي

إجابات أسئلتج كلللللللها موجوده في مواضيعي

شرايج تلقين نظرة عليها .. أحسن

وميتواج تحددينه من سايتات تعليم اللغة الإنجليزيه أو من المعهد البريطاني

روحي قوليلهم بسوي إختبار مستوى وطبعا هالإختبار مجاني

سويه ويعطونج مستواج .. لكن إنتبهي للوقت

 

[تراا شموخي ماله قياس!!]

رد : بخصوص cd د. أحمد بهبهاني وإللي تهجموا عليه

مايسوي دوررااات؟؟؟؟؟؟؟؟؟؟؟؟؟؟؟

 

[ريحانة_14]

رد : بخصوص cd د. أحمد بهبهاني وإللي تهجموا عليه

ياحياتي كان يسوي دورات بس الحين لأ

محتوى السي دي نفس إللي بالدورات إللي يعطيهم

 

[D.Z.7BOBA]

ريحانه حبيبتى صج يبيع السي دى اقساط؟ و اذا صج شلون اشتريه في مكان معين اروح له ولا شلون؟

 

[ريحانة_14]

رد : بخصوص cd د. أحمد بهبهاني وإللي تهجموا عليه

ياقلبي يبيعه على قسطين

تاخذين إذا تبين أول شي قواعد المفاهيم بـ ( 450 ) تالي متى ماخلصتي منه تروحينله ويعطيج
التوفل والآيلز بـ ( 200)

 

[um Shahad]

رد : بخصوص cd د. أحمد بهبهاني وإللي تهجموا عليه

السلام عليكم اختي ريحانه هذي اول مرة اسجل في منتدى و اشارك على طول ، بصراحة كنت ابحث في جوجل عن الاستاذ احمد بهبهانني مدحوه لي و بصراحة فعلا المعاهد ما تساعد اكثر من المدارس الممارسة و حصولنا على عدد كبير من الكلمات يساعدنا دائما اذا كنا نكتب او نتكلم او حتى نفهم الكلام الي ينقال لنا او نسمعه حوالينا انا من الامارات و حبيت منك تساعديني احصل على كل الاقراص الصلبة الخاصة بتعلم الانجليزية للدكتور احمد البهبهاني و لو ما عليك امر اذا كان عنوانه للبريد الإلكتروني متوفر ياريت ترسليه لي بعد عشر سنوات من تخرجي من الجامعة و كانت دراستي باللغة العربية نسيت اي شي اسمه انجليزي و الحين احاول احاول احصل على شهادة ايلتس حتى اقدر ادرس الماجستير جزاك الله خير اذا تساعديني في هذا الموضوع و تتأكدين اذا الدكتور له اصدارات تباع في الامارات انا في غاية الحاجة و تعجبني المرأة الطموحة مثلك الي يهمها مثل ما نسولف عن اللبس و المكياج نسولف عن عقولننا و العلم الي نحتاجه و يحتاجة بناءنا مثلنا شكرا جزيلا و انتظر منك المساعدة حبيبتي

 

[Q8sky]

رد : بخصوص cd د. أحمد بهبهاني وإللي تهجموا عليه

السلام عليكم شلونج اختي ريحانه زين اللي لقيت هالموضوع جان ما ازعجتج وطرشت لج رساله خاصه ويعطيج الف عافيه انا تقريبا لقيت كل اجاباتي بالموضوع وتحمست اكثر للموضوع .. بس انا شكلي بطول شوي على مااشتري السي دي .. ودي أسألج عملية حفظ الكلمات اقدر ابلش فيها خلال فترة انتظاري ولا لازم اثناء متابعة المحاضرات .. وبالنسبة للكلمات مجموعة الكلمات لازم بينهم صله يعني كلمات تتكلم عن موضوع واحد ولا كلمات عشوائيه


سؤال اخير لو احضر المحاضرات اللي بموقعه 12 محاضره ممكن يبين اثرها .. يعني متى اشوف الفرق من بعد جم محاضره ؟
وشكرا على الافاده وربي يوفقج بالدنيا والاخره

 

[ام مهودي]

ام حسين ليش عوره قلبج مع اللي يتهجمون عليج اكبر دليل انه انتي ماشاء الله شفتي نتيجتج مع السي دي في بعض البنات ما الومهم صج السي دي سعره غالي وانا وحده شاريته من شهر 5 اللي طاف خفت يرتفع سعره ودرسته على السريع وايد حلو ومفيد بس ما عطيته حقه يبييله وقت وقت وقت
وبعدين هذا السي دي بيظل معانا على طول عشان جذي سعره جذي بس الدورات بنقط فلوس اكثر من جذي بس كل دوره بندفع فلوسها بروح عشان جذي احنا مو حاسيين بالمبلغ ولا نفس الشي ترا كل دوره يبيلها 200 دينار
انا رحت البرتش كانسل قتلهم ابي دورة ايلز ما رضو لازم اقدم امتحان تحديد مستوى قدمته وفي نتكلم مع واحد عشان يشوف محادثتنا وقالي محادثتج زينه يبيلج دورتين قبل دوره الايلز انزين اذا محادثتي زينه وقاعد افهم عليك شماله الدورتيين يبييون فلوس اشكره والدوره ب 180 جنه غير دورة الايلز سعرها غير غير امتحان الايلز سعره غير

 

[ريحانة_14]

رد : بخصوص cd د. أحمد بهبهاني وإللي تهجموا عليه

هلا هلا هلا وغلا أم مهوووووووووودي

فديتج والله ياحياتي

وأخيرا شرفتيني بالموضع بعد قلبي

إن شالله تعالى لي عوده بموضوع جديد مع نتيجتي بالآيلز وتفصيل أكثر عن النتيجه وأسباب القصور في نواحي والتفوق في نواحي أخرى

عاد لاااااتقاطعين أم مهودي فديتج

 

[dana1212]

رد : بخصوص cd د. أحمد بهبهاني وإللي تهجموا عليه

حبيبتي ريحانه كنت احاتيج بخصوص امتحانج
بشرينا ان شاء الله يبتي فوق المطلوب يارب
وادعيلي امتحاني الاربعاء

 

[^AyOoTa^]

انا طالبه وحياتي صايره فوضه
متخرجه هالسنه وصارتلي ظروف ومادرست الكورس الاول وانا الحين قاعده بالبيت بقدم الكورس الثاني
بس متوهقه لاني اذا بدخل جامعة الكويت لازم قدرات وقعدي اخذي دورات ودرسي وانا ليلحين ماقررت والصراحه ماودي اكمل دراستي بالكويت بس بسكت اهلي مؤقت وبسجل جامعة الكويت علا ما اشد حيلي باللغه واذا بدرس برا لازم اخذ ايلز وانا متحنت اول مره بدون دراسه يبت 4.5 وابي اقل شي 6
ثاني مره بشهر 10 قلت باخذ دوره بال auk طبعا همن يسوولج اختبار اذا يبتي الليفل اللي يبونه تقدرين تاخذينها ودخلت الدوره زينه وحلوه بس الصراحه انا غلطت وايد لانه حطيت موعد الامتحان بعده بشهر وشي وما درستله عدل كنت مسافره يعني رديت من السفر اليمعه الامتحان يوم السبت عاد امتحنت بس سويت غلطات ادري انها غلطات بس وقتها كنت مرتبطه لانه انا وقتي ضيج ولازم احدد وابي اضمن شي فعشان جذي كنت متوتره عاد يبت 5 بس للامانه بالمحادثه زدت اول مره كنت 4.5 صرت 5.5 وهذا بس لانه بالدوره تعلمت شلوون اضمن درجات حتى لو محادثتي موقويه وهمن بالكتابه يبت 5.5 وكنت ماخذه فيه 4
اما نقطه ضعفي بالاستماع والقراءه مع القراءه استفدت منه حق القدرات جامعة الكويت لان اسهل من الايلز اليوم امتحنت بس ادعووولي اييب زين ابي اضمن شي تعبت ..
وانا قررت من الحين ابدي اقوي مهاراتي لانه بسبب هالشي انا متاخره بالدراسه وانشالله بسوي موضوع احط كل اللي تعلمته بالدوره بحاول افضي روحي هالاسبوع عشان اسوي موضوع ووراح احط كل الاسرار اللي تعلمتها بس هالمره بحطه عشان ادرس واتشجع معاكم وانشالله نييب اللي نبيه
وعلى موضوع السي دي اختي انشالله مفكره اشتريه ويعطيييج العافيه

 

[ذات الهمة العالية]

ريحانة انا دشيت موضوعك علشان أشارك أنا عرفت د أحمد بهبهانى من موضوع وانهبلت ابى السى دى

واتصل عليه ويسااااااااااااااااعد
وساعدنى للأمانة

وشفت شوية منه وبعدين لأن احط رسوم متحركة بالسى دى حقى حق عيال اختى ما أدرى وين السى دى

ويبيلى اقعد ادور عليه وانا مو عارفة هل أخذه ولد أختى وضيعه
وعندى بس اللى تنحط بالآب توب
وسىدى العادى مو التعليمى


وبصراااااااحة من خلال تعاملى خوووووش ريال من ناحية التعليم من قلب أحسبه والله حسيبه:e3:

بشوف وقت اكمل قراءه موضوعك هذا ولى عوده


والكلمات للحين ما حفظت يعنى التقصير صار منى لما ضاع السى دى :050103nbh_prv:

 

[وحي القوافي]

رد : بخصوص cd د. أحمد بهبهاني وإللي تهجموا عليه

ابييه منو تسلفني ايااه شهرين

 

[عنيّد]

رد: رد : بخصوص cd د. أحمد بهبهاني وإللي تهجموا عليه

إن شالله تعالى لي عوده بموضوع جديد مع نتيجتي بالآيلز وتفصيل أكثر عن النتيجه وأسباب القصور في نواحي والتفوق في نواحي أخرى

وين هالموضوع ، طلعت عيوني وانا ادوره :eh_s(10):


الله يعطيج الف عافيه ع التوضيح التفصيلي ، ورحم الله والديج
مع ان سعره صار غـــــالــــــي وبصراحه يبيله أكثر من راتب شهر كامل الله يعين :bbbiu:
عشان جذي لازم يطمئن قلبي قبل لا اشتريه وقبل لا يرتفع سعره بعد جم شهر :eh_s(14):