حابه تعرفين اكثر عن منتجات ماك .. حياج .. متجدد {{ 2 }} مشاهدة فقط

[Alia]

رد: حابه تعرفين اكثر عن منتجات ماك .. حياج .. متجدد {{ 2 }}

و الله ما ادري ليش ما خلتني اكلم المديره قلتلها عطيني المديره قالتلي بفرع ثاني و عندها اجتماع كلششش ما كانت راضيه

اقصد انتو تعطونهم بقشيش tips ؟

هذي خايفة من المديرة لانهم اهما الغلطانين واضحة مايبيلها تفسير

لالالالالا اختي تعطي ولا انا ولا افكر اهما يستفيدون من العموله اذا المبالغ كبيرة

انتي تعطينهم ؟؟؟ او تعرفين احد؟؟ سؤالج غريب لوف:tongue22:

 

[BaiTotia]

رد : حابه تعرفين اكثر عن منتجات ماك .. حياج .. متجدد {{ 2 }}

لو لوف مرة ثانية حقريهم فرع المهلب لا تشترين منهم

أهون فرع المارينا مول

علوشه مادري ولا مرة شامه ريحة منهم!! بس بعضهم شعرهم مدهن يلوع الجبد تحسين مو متسبحين تقدرين تشتكين على هالنقطة عادي

 

[law love]

رد: حابه تعرفين اكثر عن منتجات ماك .. حياج .. متجدد {{ 2 }}

ايي اعرف بنات يدفعون حق وحده من العاملات عشان ليه دشو يشيلينهم من الارض شيل و يتلصقون و شيلونلهم من الاغراض الي يبونها

والي ياخذون بقشيش دايما عبالهم الي يعطيهم بقشيش بسرعه ينقص عليه و يستغلونه

 

[Alia]

رد: رد : حابه تعرفين اكثر عن منتجات ماك .. حياج .. متجدد {{ 2 }}

لو لوف مرة ثانية حقريهم فرع المهلب لا تشترين منهم

أهون فرع المارينا مول

علوشه مادري ولا مرة شامه ريحة منهم!! بس بعضهم شعرهم مدهن يلوع الجبد تحسين مو متسبحين تقدرين تشتكين على هالنقطة عادي

بعضهم الا نصصصصصهم:gr4uu: اختي الصغيرة ههههههههههههه مره قالت حق واحدة شفيج مريضة لانه كان شعرها مدهن ومبهذلة قالت لها لا بس موعدها (تقصد الدورة) وشكوووو الدورة بنظافة

لاعت جبدي

 

[Alia]

رد: حابه تعرفين اكثر عن منتجات ماك .. حياج .. متجدد {{ 2 }}

ايي اعرف بنات يدفعون حق وحده من العاملات عشان ليه دشو يشيلينهم من الارض شيل و يتلصقون و شيلونلهم من الاغراض الي يبونها

والي ياخذون بقشيش دايما عبالهم الي يعطيهم بقشيش بسرعه ينقص عليه و يستغلونه

الحجز يقدرون بدون بقشيش الصراحة مالومهم يحطون في بالهم شكووو يعطونهم اهما يستلمون معاشات وعمولة

بقشيش يعني جم؟؟ 20 10 جذي تقطهم على حمر وجلوسات من ماك اولى الصراحة:ssssso:

 

[Miss_Tiger79]

رد : حابه تعرفين اكثر عن منتجات ماك .. حياج .. متجدد {{ 2 }}

عاليا

لا عادي حبيبتي
بس انا اشوه ولا مره شريت شغله وشكيت انها مستعمله
بس اشوفهم بردون الاغراض ولا يجيكون اذا جايستها او لا



بيتوتا
لقيتلج ليب لاينر حق الحمره الي قلتي عنها
اسمه soar
لونه واااايد حلو توني شاريته وعجبتني درجته وااايد

 

[Alia]

رد: رد : حابه تعرفين اكثر عن منتجات ماك .. حياج .. متجدد {{ 2 }}

عاليا

لا عادي حبيبتي
بس انا اشوه ولا مره شريت شغله وشكيت انها مستعمله
بس اشوفهم بردون الاغراض ولا يجيكون اذا جايستها او لا



بيتوتا
لقيتلج ليب لاينر حق الحمره الي قلتي عنها
اسمه soar
لونه واااايد حلو توني شاريته وعجبتني درجته وااايد

اي يبين المستعمل سبحان الله لا انا اقولج الصج يجيكون على الحمر اكثر شي ممنوع تنباع اذا مستعمله

 

[Sparkle]

رد: حابه تعرفين اكثر عن منتجات ماك .. حياج .. متجدد {{ 2 }}

باجر بروح أجيك على الكولكشن حبطووني على هل ردود خن أشووفه على الطبيعه

 

[Reemas.]

رد: حابه تعرفين اكثر عن منتجات ماك .. حياج .. متجدد {{ 2 }}

صبايا شرايكم بكونسيلر ماك Select Moisturecover شلون الكفر حقه تنصحوني اخذه لدوام ؟ انا استخدم بودرة استوديو فكس NC20 اخذ الكونسيلر نفس الدرجه ولا افتح ؟؟ اي وشدو Ricepaper حيل عاجبني بس متردده اخذه احسه وايد يشابه Nylon ياليت للي عندها الاثنين تفيدني ؟؟

 

[ضماي انت]

رد: حابه تعرفين اكثر عن منتجات ماك .. حياج .. متجدد {{ 2 }}

السلام عليكم
شخباركم بنات طلبتكم فديتكم
كلكم تعرفون الNaked Pallete من Urban Decay
واللي ماتعرفه هذي سواتش من موقع تمبتوليا

http://www.temptalia.com/urban-decay-naked-eyeshadow-palette-review-photos-swatches-for-fall-2010

عاجبني هالباليت وايد عملي ويصلح حق الناشوريل لوك وحق كل يوم وهالفتره انا حابه باللوك ذي وماحبه الالوان الاوفر
بس المشكله كل ماشيكت وبسايت خالص احبطت وانا خاطري فيه بموووووت
ياريت اللي تعرف موقع متوفر فيه هالباليت ياريت تحط الرابط
ومشكورين ان ادفانس

 

[Miss_Tiger79]

رد : رد: حابه تعرفين اكثر عن منتجات ماك .. حياج .. متجدد {{ 2 }}

صبايا شرايكم بكونسيلر ماك Select Moisturecover شلون الكفر حقه تنصحوني اخذه لدوام ؟ انا استخدم بودرة استوديو فكس NC20 اخذ الكونسيلر نفس الدرجه ولا افتح ؟؟ اي وشدو Ricepaper حيل عاجبني بس متردده اخذه احسه وايد يشابه Nylon ياليت للي عندها الاثنين تفيدني ؟؟

Ricepaper لمعته اخف حق استخدام يومي
واثنينهم حلوين

 

[عز النفس يغنيني]

رد: حابه تعرفين اكثر عن منتجات ماك .. حياج .. متجدد {{ 2 }}

الحمدالله على سـلااااااااااامـتج .. عاليـا .. تو ما نور المنتدىىى . .

بالنسبه لـ سالفه إختج شيء يحر لان دايم عندهم إن الكويتي أو الكويتيه عادي عندهم ويطوفون عشان جذي يستغلونا .. !!

---------------------

انا عن نفسي لا بغيت أجرب حمر من ماك أو غيره أخليها تجهزهم لي وتنظفهم بعدين أجربهم ..

لان ألوان الحمر على الايد غير عن الشفايف .. شكثر أخذ على بن حلوه على إيدي بس على الشفايف مو حلوين ..

 

[أمواج البحر]

رد: حابه تعرفين اكثر عن منتجات ماك .. حياج .. متجدد {{ 2 }}

وااااي علوي احتريت على سالفة اختج

وصاجه لازم ننتبه على هالنقطه

تصدين مس تايجر ... انا مره رديت بودر اساس معطيني اللون غلط وفعلا ما شيكت عليه

على طول حطته وعطتني لون ثاني

انا توقعت لانها تعرفني ما شيكت

الله يعينا على العلل اللي بماك

صج صج لازم ينفضونهم نفااااض

طبعا كله كووووم واللي تبيع واهي شايفه روحها علينا كوووووم ثاني استغفر الله الواحد مايحب يتحجى :/

 

[الأسطوره$$]

رد: حابه تعرفين اكثر عن منتجات ماك .. حياج .. متجدد {{ 2 }}

وحاطها في بالها انه احنا بس ندفع ماكو مخ !!! مانلاحظ صج عصبت على اختي انها ما اشتكت عليها رسمي

ديرووو بالكم كله جيكوا عقبهم لا تصيرون مثل اختي تخليهم بالقواطي وتنسى

لا تحريني يا عليا

انا مسويه موضوع خاااص أنبـــه البنات يجيكون على فواتيرهم واغراضهم

قبل جم يوم رحت بدي شوب الفنار عالاساس باخذ قلم حواجب انا ما اشتري إلا منهم لأنه نفس لون شعري وما أنتبه على سعره كل ما رحت اشتري ادفع وبس <

المهم خذيت القلم ورحت بدفع جان تقولي 3.750 فلس !! عطيتها 4

لمه رديت البيت شفت الفاتوره إلا كاتبه إني دافعه 4 والحساب دينار ورادتلي 3 @@ @@ @@ !!

قلت شنو هاذا شلون !! جان اطالع القلم إلا حاطه السعر ملزقته بلزاق بـ3.750 ! قلت شلون ياربي الفاتوره غير والسعر اللي على القلم غير جان اجيّك على اللزاق وأقعدلج أدعي عليها مو مسأله فلوس المسأله مسأله جذب وإستغفال ..

حرام جذيه يستغفلونا لا وانا مسويه موضوع انبه البنات وانا أنسى ما انتبه

 

[al7lwa` `]

رد: حابه تعرفين اكثر عن منتجات ماك .. حياج .. متجدد {{ 2 }}

علووويه


سالفة اختج تحرررر القلب الصراحه شنو هذا ماكوو ذمه ولاضمير حسبي الله عليييهم

واذا تبين الصج المفرووض اختج مبلغه المديره عشان تحط عينها شوي على موظفاتها


سباركل

ناطرين تقريرج

 

[al7lwa` `]

رد: حابه تعرفين اكثر عن منتجات ماك .. حياج .. متجدد {{ 2 }}

الاسطوره

من صجج والله حاطه سعر من عندها؟

والله لو اني مكاانج ارووح لها واهزأها شنو هذي تستغفل الناس؟

 

[الأسطوره$$]

رد: حابه تعرفين اكثر عن منتجات ماك .. حياج .. متجدد {{ 2 }}

الاسطوره

من صجج والله حاطه سعر من عندها؟

والله لو اني مكاانج ارووح لها واهزأها شنو هذي تستغفل الناس؟

إيه والله العظيم

بس شعقبه عقب ما بطلت القلم بيجذبوني

راح انتبه بالمرات الجايه ما يصير نسكت لهم < كل مره نقول بننتبه وما ننتبه

" محد مقويهم علينا إلا قلوبنا الطيبه "

 

[عز النفس يغنيني]

رد: حابه تعرفين اكثر عن منتجات ماك .. حياج .. متجدد {{ 2 }}

8
8

الاسطـوووووره .. لو انا منج أروح .

تدرين جم مره تصير لي سالفه نفسج بس انا طريقتي شوي أتنح وأسرح :d .. أكثر من مره أتنح واطالع الفلوس

عاد هي تخزني عبالها إني شاكه بشيء بعدين تقولي لو سمحتي ممكن فلوسج بتأكد .. واعطيها وأثاريها لاحسه نص المبلغ مو رادته لي

.. فإنتبهوا لان اغلب الوافدين والوافدات ماخذين هالفكره عنا .. عبالهم الفلوس تجينا جذي من غير تعب ..

 

[أسيرة_أحزاني]

رد : حابه تعرفين اكثر عن منتجات ماك .. حياج .. متجدد {{ 2 }}

انا مره جذي دشيت اجرب جم شغله وماخذيت الا البودرة المكسوره الي وريتكم ياها ولا زايده على السعر

يعني مبين بالفاتوره انا شاريه شغله وحده والسعر الي تحته من وين مادري ! انا قلت يمكن يحاسبون ليش حطيت عندهم وجربت الاغراض طلعو نصابين

 

[الأسطوره$$]

رد: حابه تعرفين اكثر عن منتجات ماك .. حياج .. متجدد {{ 2 }}

آآآآآآآه لا تحرون قلبي عيال الـ .... اللي ما يستحون يا ويلهم من الله < محتره

لا ترى صج غلط غلط غلط اللي نسويه مشكلتنا ناخذ اللي نبي وندفع وبسسسس حتى ما نقول هاذا بجم

مو بس انا والا عز والا اخت عليا ترى الكل صايرلهم جذيه لا وما ندري إلا إذا انتبهنا على شغله او شغلتين اما الاشياء الباجيه ما نجيّك عليها !!