روايتي الاولى ( بدايه حبنا فرحه و نهايه قصتي وياك .. ) !!

[*toot]

سلامات حبيبتي ماتشوفين شر
وناطرينج انشالله متى ماحسيتي انج احسن نزلي لنا البارت ^_^

 

[الله يعز الكويت]

رد : روايتي الاولى ( بدايه حبنا فرحه و نهايه قصتي وياك .. ) !!

ناطرينج يا الغاليه

ماتشوفين شر

 

[بيـــشو17]

حبيبتي ماتشوفين شر وان شاء الله تقومين بالسلامه:aha:

 

[Mazyoona]

حووور
ليش مآ تردين على ردوودي (فيس مبوز)

مآ تشوفين شر حورت جآبر ;*
سلآمآت
نآطرين آلبآرت على أحرر من آلجمر

 

[ReeMoh]

سلامات يالغالي سلامات سلامات يالغالي سلامات سلامات يال غالي سلاماااااااااااااااااا ت

نبي بارت يالغالي نبي بارت نبي بارت يالغالي نبي نبي باااااااااااااااااارت

LooooooooooooooooooL
Ma tshoofen shar 7abebty na6renich

 

[ماسيتي]

looooooooooooooooool
ma tshoofen shar 7abebty na6renich

هههههههههههههههههههههههههه سلامات يالغالي سلامات ياله حوروني وينج وينج نبي بارت

 

[جنون الـq8]

أـــــــــــــــــــــــــــــــــــــــــــــــــبــــــــــــــــــــــــــــــــــــUPــــــــــــــــــــــــــــــــــ​

:friends:

 

[برشلونيه q8]

سلامات سلامات ما تشوفين شر فيني و لا فيج << اسم الله علينا كلنا لووول

 

[الشيف نانا]

ماتشوفين شر غلاتي...

 

[3rbawia 7lwa]

up
up

 

[R i M]

رد : روايتي الاولى ( بدايه حبنا فرحه و نهايه قصتي وياك .. ) !!

ووي حروونووو

ماتشششوفييين شر حتااتوي فديييتج

ان شاءالله بعدويينج واللي يكرهونج يآرب

طمنينآ عليج ناطريين قلبوووشهـ ,

 

[Strawberry Shortcake]

وييتنق

 

[eng.7oor]

سووري بنات طولت عليكم بس لو تدرون شصاار فيني ههههههه اصلا مفتشله اقوولكم

الله يسلمكم و يخليكم عندنا نقاازيه عووده بالبيت بس شايلين الشبك من دور مدارها و ما ادري ليش مزااجي اليوم كنت انط عالنقزيه فنزلت انا و بدور ننقز فيها و فجأه ما اشووف رووحي الا عالارض و على ويهي

و لا وانا نااطه فوووق بدور يمي دزني و طحت برا النقاازيه طبعا من كثر ماكان شكلي يضحك ما قدرت نسيت الالم و قعدت اضحك
لي بليل حسيت بعوار مو طبيعي بكل جسمي .. ابوي ودااني الطبيب و لا فخووذي رضووض و بطني كله مبقع لوون بنفسجي و ما قدرت انااام جم يوم من العوار بس ابجي و أون و بعييييييييييييييد الشر عنكم :]


البــــارت الواحد و عشرين



جنان : هاااااااا هدااايه بعد
حور : ههههههههه ايي
جنان : شنو يايب لج ؟
حور : سلسله D&G
جنان : عجبتج .؟
حور : من صجج كااااااااافي منه اهو مو مهم شنو اهي الهدييه بس هم عاجبتني احب دولجي قبانا
جنان : عليج بالعافيه .. ههههههههههههه حور لا تشووفين شلون قاعد يطالعج جابر
حور : متى الحين ؟
جنان : اييي قاعد يطالع افاااج متنح والله حسوون يسولف معاه و هذا مشلخج خزز
حور : لا لا عفييه ويهي على جنب خااايس
جنان : ههههههههههه صج فاضيه

حور طرشت مسج حق جابر
( انشالله تلف ويهك و ما تخز جذي )
جابر
( ماني مصدق هالحلوه اللي جبالي توهاا كانت معاي بالسياره )
حور
( هههههه انت الحلووو حبيبي )
جابر
( لا لا صج ليش انا مقرود .. اول مره اكلم وحده حلووه و مواصفااتها مثل اللي ابيه و اخر شي بتروح مني )
حور
( انشالله طوول عمرك بعدي تكلم جيااكر هيهي )
جابر
( ايا النذله )

ابتسمت حوور و لفت طالعت جابر و لا قاعد يطالعها ابتسمت له و لفت ويهها سوولفت وياا جنان
طرش جابر لها مسج
( لا تتنييذليين لاااااااا تبتسميين جذي والله اموووت ااااااخخخخ بس شحلات ابتساامتها و يا صفت اسنانج )
حور
( شووف كلمه زياده و راح اشوف نفسي عليك ههههههه )
جابر
( هههههههه لا تصدقين كلها مجاملات )
حور
( جذي اوكي :* )

مر اليوم كله عادي بعدهاا

و اليوم اللي وراااه و بالطريج كانو رادين من الكليه كاانو حور و جنان ويا بعض

جنان : حورو ترا لازم تفجيين عن الصبي ترا قاعد يتعب و اهو متعلق فييج و بتروحين حق غيره

حور كل شي عندهاا و لا زعل و لا شي يضاايق جابر .. عادي تشيل همه بس المهم اهو ما يتضايق .. تموووت اذا تضاايق من شي او ضااق خلقه

حور : جنوون والله ماراح اقدر اهو لو يبي هالشي جان قالي
جنان :اهو ما يبي بس انتي لو تحبينه تفجيين عنه لا تصيعينه .. شبيصير فييه اذا ملجتي ؟
حور : وااي جنون لا تقولين جذي انشالله ما يصير شي بس انتي و حسون ونسوه كله خل يطلعوون لا يزعل تكفيين .. صوووتها قلب بغت تبجي
جنان : لا لا عفيه حور لا تبجين انا ابي مصلحتج والله .. اذا تحبينه وخري عنه
حور : والله احببه و مابيه يتضاايق
جنان : شتسوين حور انتي سويتي اللي علييج خلي الباجي على ربج
حور : الله كريم

http://www.youtube.com/watch?v=q1yZ8pZr_TA

أيه أحبـك هذا حظي اللي أنكتب... ودربي اللي أمشيه و أدري به تعب

أيه أحبك و أنت في عيوني سهر... و أنت وسط القلب حراات وقهر

والله أحبك وهذا حظي اللي أنكتب ...دربي اللي أمشيه وأدري به تعب

أشوف الناس في عيوني.. ومن بدهم أشوفك غير..
و أحس مثلك في هالدنيا.. في هالدنيا أبد ما يصير..
في عينك سحر يا خذني... ويخليني معاك أسير ..
و أحس عمري وقف.. عندك و أيامي وراك تسير

أيه أحبك وهذا حظي اللي انكتب .. ودربي اللي أمشيه و أدري به تعب

يا دمعة عين في فرحي... ودمعة عين في أحزاني
يا حب تالي العمر أهلا ...نطرته سنين لي جاني
بشيلك وسط عيني ... يا أغلى حب ناداني
وفي قلبي يا فرح قلبي ... وشبابي اللي رجع ثاني

أيه أحبـك هذا حظي اللي أنكتب... ودربي اللي أمشيه و أدري به تعب

أيه أحبك و أنت في عيوني سهر... و أنت وسط القلب حراات وقهر

والله أحبك وهذا ظي اللي أنكتب ...دربي اللي أمشيه وأدري به تعب

وبس أحبـك هذا حظي اللي أنكتب... ودربي اللي أمشيه و أدري به تعب


********************



وصلت حور بيتهم و صااكه فييها الدنيا مالها خلق احد و لا تبي تشووف احد

حوور من بعد ما حست انها بيوم رااح تخسر جابر فييه .. يعني يوم خطبتها علاقتها مع امهاا متوتره

حور قامت تكرهه بيتهم .. تكش من امهاا تحس الكل سبب في فراااقهم

حور كرهت رووحهااا و لاامت روحهاا .. تعبت حور .. تغيرت .. اختفت ضحكتها و تبدلت حق حزن !!

قطت روحهاا بالفراااش كالعاده و لمت مخدتهاا حييييييييل و قعدت تبجي بدوون صوووت

تحس بألم ببطنها وبقلبها و بجسسمها كله .. تعبااانه من كل شي

ظلت حور طوول هالساعه دموعها تنزل و مع كل دمعه تذكر موقف مع جابر

اخخخخ يا جابر من دخلت حيااتي و انا مستانسه و انا شااقه الضحكه و ما عرفت الحزن الا يوم حسيتك بتصير بعيد عني

حوور أيست و تعبت تبي احد يلقى لها حل

دقت على جنان
جنان كان عندها ويتنق و شاافت رقم حور و تدري انه حور تحتااجها بهالوقت
شبكتها اهي و جنان و حسن بس حور ما كانت تدري ان حسن عالخط

جنان : هلا حورون شلونج حبي ؟
حور : زيينه .. شتسوين ؟
جنان : ولا شي قاعده بس
حور : جنووون ضاايق خلقي بموت و كانت دموعها تنزل و صوتها طبعا متغير
جنان : حورون ميخالف قومي غيري جوو
حور : تعالي بيتنا عفيه ودي انحاااش من البيت ودي اذبح روحي بس ملييييت
حسن : حورون بابا شفيج ؟
حور : حسن ؟
حسن : هههههه في غيري ؟
حور : هههه لا مافي
حسن : يا بعدهم والله .. سمعي يبا انتي مثل اختي لا يضيق خلقج .. انتي حاولتي و السالفه وصلت لي امج و ترا جبور والله مكلم اهله و كل يوم يحاول و متهاوش مع ابووه بعد تدرين فكره ابووه شنو
حور ( بصوت واطي مبين عليه التعب ) : أي ادري
حسن : ما تقدرين تنطرين عليه ؟
حور : والله انطر عليه لو يبي عششر سنين بس اهو ما يبي يقول لا تنطرين قولي اوكي
حسن : اهو ترا يبيج و يحبج بس هم خايف عليج
حور : ادري والله و مقدره بس شسوي الله كريم .. انزين انا اخليكم الحين و بعدين اكلمكم

صكرت حور التلفون من جنان و حسن

قعدت حور تطالع تلفزيون تبي تلهي روحهاا و قاعده تفكر بكلام جنان انها لازم تفترق عن جابر من الحين احسن عشان لا يتعب لي وقت ملجتها

قطع حبل افكاارها صوت موبايلها و كان المتصل كالعاده جابر

جابر : الوو هااا حبيبي شلونج
حور : زيينه حبي انت شمسوي طلعت من الدوام ؟
جابر : أي توني طالع بس مسافه الطريج و اوصل البيت
حور : درب السلامه انشالله
جابر : الله يسلمج حبي
حور : جبوور بقولك شي والله بس لا تفهمني غلط بليز
جابر : حبيبي انتي ما افهمج غلط قولي ؟
حور : اليوم قاعده اسولف مع رفييجتي تقولي اذا تحبين جابر لازم توخرين عنه عشان اهو يتأقلم .. جبووور والله والله ما ودي هالشي بس ماااااابي تتضاايق بعدين و صج وقتها ما اقدر اسويلك شي
جابر : منو قالج هالكلام ؟
حور : جنان قالت اذا تحبينه وخري .. و انا والله احبك و امووت فيك بعد
جابر : حورون والله انااا ادري انا شنو بالنسبه لج بدون ما تقولين لي .. و عدل كلامها عشاانج انتي بعد هالشي احنا مو متعودين يوم واحد ما نكلم بعض لازم من الحين نتأقلم على الوضع بارادتنا احسن من ما يصير شي غصبا علينا بعدين
حور : أي صح
جابر : خلاص حبيبي اللي تشوفينه تبين من بااجر ؟ اليوم اخر يوم اكلمج فيه
حور : وااااي وايد وايد مبجر ماني قاادره
جابر : ههههههههه يالعيااره عيل متى شووفي اليوم اكلمج طول اليوم و بليل ننام عالخط و بس نقووم ما نكلم بعض اوكي
حور : اووكي
جابر : و الامسن ماراح اعطيج بلوك لان بس لو اشوفج اون لاين شي يريحني ادري انج بخير
حور : أي احسن حبيبي
حور : جبوور
جابر : عيوون جابر
حور : احبك
جابر : ااااااه حور والله تعبت ليش يوم اني حبيت ما اقدر اخذها والله شي يقهر
حور : جبور انا شقوول قمت احتر من الكل .. اشوف رفيجااتي يتزوجون عن حب اقوول انا ليش جذي والله جبور ما يصير انا ابيك انته مابي غيرك
جابر : حبيبي والله محد يدري اللي بداخلي شنو و شكثر قاعد اتعب و انا والله العظييم من الاهل ماني ماخذ لو ما يزوجووني
حور : هههههههه

مر اليوم عليهم سوالف عاديه و ناامو بعدين عالخط و لما قام جابر صكر التلفون و بعده بفتره قاامت حور شاافت التلفون مصكر درت انه هذي اهي اللحظه الاخيره اللي كانت بينهم و خلاص من اليوم ما راح تدري جابر وينه و شنو قاعد يسوي و لا راح تستأذن منه اذا تبي تطلع و لا تاخذ راايه باي شي ثاني

دقت حور على جنان قالت لها انه خلاص من اليوم ماراح يكلمون بعض و انها متضاايقه وايد بس بتحااول انها تتأقلم مع وضعها اليديد و اقترحو انه يطلعون يدرسون براا البيت عشان حور تغير جور

طلعو و بالسياره
جنان : حورو شرااايج ندرس بالمركز العلمي ؟
حور : لا لا ويع مالي خلق منااك بروحه كااابه ابي مكان في ناس ابي احس انه الدنيا بخير مابي مكان صخه جنه العالم ميته
جنان : ههههههههه انزين تبين المرينا ؟
حور : يلا اوكي المرينا عالاقل زحمه معنه مو مكان دراسه
جنان : ما عرفتلج شفيج استخفيتي حبي ؟
حور : جب خو قلتلج يلا المرينا شتبيني اسويلج بعد
جنان : ههههه واي لساان لساان

رااحو حور و جنان المرينا و تغدوو فوق صوب المطاعم و بعدين قررو انهم بيدرسون بستار بكس اللي صوب البحر و اهماا ماشين هناك صوووب فيرجن بالضبط

جنان : حورووو جابر جاااااابر
حور ( مو منتبهه ) : لا يبه ما يشابهها من صجج . و لفت ويهها صوب اتليس فوت و لا جابر واقف و يطالعها و يبتسم
حور مو منتبه كلش طالعت صوبه و طالعت سيده جان فجأه ترد تلف ويها عليه تبي تبجي بس شاافته شلون يبتسم مبين مو من قلب جااان تطالعه و تبتسم وو كملت مشت عشان تكون قد الوعد و تبين له شكثر اهي تحبه

جنان : حورو اعترفيي مو قايلتله انج مني ؟
حور : لا والله قلت لج اليوم مارااااح اكلمه .. واااي جنووون والله مايصير اليوم اللي مابي اكلمه فييه اشووفه ترا جد والله شي يتعب
جنان : ههههههههههههه مقروده طول عمرج

شوي و لا يوصل حور مسج ( شووفي الصدف اللي بينا .. من اول ما قمت و انا اقوول وين حورونتي ما ادري عنها اليوم كلش و لا ادري شمسويه )

حور قرت المسج لا ارادي طالعت التلفون و ابتسمت و ردت عليه
( ايي عرفتك بالصدفه و كل شي بينا صدفه حلوه .. انا بعد والله حيييييييييييييييل فااقدتك  .. تعال احنا بستار بكس )

جابر ( كاني ياي مع اختي تبي تشوفج )
حور ( هههههههههه حياكم الله خل تشوفني )
و صج مر جابر و اخته من تحت النظاره كانت تشوف حور و حور عينه بس على جابر ما همها أي احد ثااني

و بس بعدها راح جابر و اهي ما طرشتله شي و لا اهو طرشلهاا شي

عد اليوم الاول من غير حسسه بحيااتها و لا حسها بحياته .. يوم كئييب ماله طعم و لا في هدف عايشين عشاانه هذا كان احساس حور من بعد جابر

مرت ثلاث اياام من غير أي حس و خبر و الشي الوحيد اللي كان يذكرها فيه لما تشوف ايميل جابر اون لاين عندها بس اهي كانت تشبك قليل و تفصل ما تبيه يشوفها و يتعب

و اليوم الرابع كله حور مخليه اللاب توب مبطل ناطرته تشبك بدت تحااتي لي الليل ما شبك و لا له حس
غفت حور و اهي ناطرته على اللاب توب و قعدت ساعه ثنتين الفير و جابر ليلحين مو اون لاين

http://www.youtube.com/watch?v=JYlaOWozWuQ

ناديت والليل جاوبني وبكاني
محد سمعني سوى ليل نزع دمعي

ماغير ليلي من الاحباب واساني
ياويل من همله ربعه مثل ربعي

طالت مسافاتي وتاهت بي ازماني
وعلمني الوقت كيف اقسى على طبعي

ومن طاول الوقت لو هو قاسي لاني
ومن يرفض العشر يقبل عقبها سبع

كم عاقل صار بامر الحب هيماني
وكم قلب عذرا ترك فيه الهوى صدع

ياعازف بالهوى منضومة الحاني
رد المواجع نغم في قلبي وسمعي

غنى الغزل ينتعش خفاق ولهاني
واشرب زلال الهوى من كأس ونبعي

ومادام أنا حي كل الحب ميداني
وان مت يا حاجي الأشواق لك بدعي


قررت تطرش حق جابر مسج
( صباح الخير .. جابر انت معطيني بلوك بالامسن ؟ )

جابر وقتها كان قاعد ويا امه بالصاله و من شااف المسج فز من مكانه و رد عليها
( حوروووون 
:"( :"(
ما اقدر ارد عليج )

حور ( جبور يعني معطيني بلووك انت قلت لي ماراح تعطيني لو بعد مليون سنه )
جابر ( حورون والله ان طرشتي مسج ثاني بدق ماني قاادر يرحم امج )
حور ( جابر دق والله ولهت عليك  )

و علطوووووووووووووووول رن تلفون حور
حور ( صوتها يرجف تبي تبجي ) : جااابر
جابر ( بجى ) : حوروون مااني قادر والله عطييتج بلوك ما اقدر اشووفج موجووده و مو حاصلي .. تدرين شنو مجرد التفكير انج بتروحيين مني حق واحد غيري شنوو شي يتعب والله ماني قااااادر زهقت من كل شي بس ابييج انتي معاااي

طلع جاابر برا البيت عشاان يكلم حوور

حور ( تبجي ) : جبوووور حبيبي بابا لا يضيق خلقك امسح دموووعك عمري لا ينزلوون مره ثاانيه والله العظييم غالييين علي حييل
جابر : انتي والله ماافي منج تبجين و تقولين لي لا تبجي
حور : هههه يا مليق مو وقتك جبور وين طالع هالحزه ؟؟
جابر : بشم هوا احس اني مخنووق
حور : جبوور انا اسفه اذا ضاايقتك والله
جابر : انا كنت ناطر منج مسسج والله فزيت يوم شفت رقمج

و ردوو حور و جابر مره ثاانيه حق بعض


التكلمه بالبـــــارت الياااي ​

 

[Babya Doll]

ويييييييي حوووور من صجج @@
سلامات حبيبتي ما تجوفين شر
و يسلموو ع البارت
ناطرييينج

 

[6amni bs]

رد : روايتي الاولى ( بدايه حبنا فرحه و نهايه قصتي وياك .. ) !!

واااي حرام والله
يعطيج العافيه
كملي

 

[بيـــشو17]

سلامات حور ماتشوفين شر حبيبتي ومره ثانيه شوي شوي :eh_s(9):
والبارت حلو ويعور القلب
ناطرينج:icon30:

 

[sweetii.sara]

omg

يعطيج الف عافية

ناطرين

 

[سفرجل]

ههههههههههههه والله منتي هينه مره ثانيه لاتنطين
يالله ناطرينج حبيبتي

 

[3rbawia 7lwa]

ههههههه امبي حور طريقة طحيتج مو صج

تسلم ايدج على البارت
انتي ترى ماكوو حظ كلش وين ما طقينهاا عوية !!
البارت واايد تعيس

ما تشوفين شر مرة ثانية

 

[ms dalola]

رد : روايتي الاولى ( بدايه حبنا فرحه و نهايه قصتي وياك .. ) !!

ماا تشوفين شر
واااي عورتو قلبيييييييي :'(