انقذوني قبل لا اخسر ولدي بالتدريس

[rehamq8]

السلام عليكم يا أمهات ومدرسات
اعيالي في مدرسة روض الصالحين ثنائية اللغه ( ثالثه وأولى ) وبصراحه آنا من النوع إلي كلش ما أحب التدريس والله أحاول كثر ما أقدر بس على طول أعصب وأصرخ (الحمد لله والشكر ) وأقعد أسب ( للأسف ) وتصير علاقتي بإعيالي بايخه مره ألمم فيهم وأحببهم وبس يغلطون أقلب عليهم وأقعد أهاوش وأطق
العام دخلت ولدي معهد التميز للتدريس وحل الواجبات بس بصراحه كلش ما شفت أي تقدم بالولد وأهو كلش مو حاب هالسنه يروح لهم ( ما عنده مانع يروح معهد بس مو التميز ) وانا قلت هالسنه ما أبي أضغك على ولدي ويصير اليوم كله دراسه وواجبات يعني ودي لو ألقاله معهد 3 أيام بالإسبوع إنجليزي ويومين عربي أو مدرسه تجي البيت مع إني شقه صغيره وعندي ولد 4 سنوات مزعج
بليز حبيباتي إلي عندها نصيحه لي بهالموضوع تساعدني خصوصا احنا في بداية السنه
وبسأل بالنسبه للمركز البريطاني إلي بالمنصوريه تعتقدون ينفع تقويه وتاسيس

 

[وحش الريم]

هلا قلبي ,,,,,,اول شي الله يعينج وييسر امورج
حبوبه انتي توج صغيرة وعيالج بعد اهم شي لاتازمين نفسج وتكبرين الامور اهم مو رابعه ثانوي او تحديد مصير
ثاني شي انا بالنسبه لي كانت بنتي بروض الصالحين المنهج واااااايد قوي والمدرسات مو هالكثر......والهومركات وااااايد
والاختبارات بعد,,,,,,,,,جنه سجن مو مدرسة بالطلعه والدخله تحقيق,,,,,,بس هم من افضل المدارس بالكويت
انتي سالتي عن المعاهد انا سمعت واايد يمدحون القاعده الحلبيه ومفكرة اسجل عيالي السنة فيها
الله يختار لنا الخيرة وين ما كانت ويوفق عيالنا ويبارك لنا فيهم ,,,,اللهم امين

 

[rehamq8]

بعد عمري مشكوره يا وحش الريم
والله مدرستهم بصراحه بصراحه مو ذيك القوه خصوصا بالانجليزي يعني الولد وشطارته
كان ودي لو اسوون دروس تقويه عندهم لمناهجهم
بالنسبه للقاعده الحلبيه دخلت اعيالي جم مره بالقادسيه جمعية بيادر السلام بس مو ذيك القوه بصراحه يمكن كانوا صغار والله ماأدري
الحين أبي إنجليزي تأسيس بنظام أمريكي فإذا عندج ياريت تفيديني

 

[رووحي لغاليها]

رد : انقذوني قبل لا اخسر ولدي بالتدريس

اللة يكون بعونج على التدريس

 

[m'3rOoOra]

حياتي همن انا بس انا مو مثلج انا امسك اعصابي من داخلي براكين بس استغفر وارد ادرسها همن عندي 2 ماذيني يبون يسون نفس اختهم انا راي من راي وحش الريم وحبيبتي فكري من اللي بيدرس بضمير انتي او اي واحد من بره يعني اهو الحين ياي وتارك عياله وبيته وبيدرس بضمير اهو عليه يعطي ولدج الدرس وان شاءالله مايفهم اهو مايبون عيال الكويتيين يصيرون شطار انا اقولج والاحسن انج انتي تجابلين عيالج وتدرسينهم ابرك من واحد من بره انتي فكري بعقل والله راح تقطين فلوس الدنيا عليهم والله يخليهم لج وان شاءالله يرفعون راسج ويتفوقون :eh_s(21):

هلا قلبي ,,,,,,اول شي الله يعينج وييسر امورج
حبوبه انتي توج صغيرة وعيالج بعد اهم شي لاتازمين نفسج وتكبرين الامور اهم مو رابعه ثانوي او تحديد مصير
ثاني شي انا بالنسبه لي كانت بنتي بروض الصالحين المنهج واااااايد قوي والمدرسات مو هالكثر......والهومركات وااااايد
والاختبارات بعد,,,,,,,,,جنه سجن مو مدرسة بالطلعه والدخله تحقيق,,,,,,بس هم من افضل المدارس بالكويت
انتي سالتي عن المعاهد انا سمعت واايد يمدحون القاعده الحلبيه ومفكرة اسجل عيالي السنة فيها
الله يختار لنا الخيرة وين ما كانت ويوفق عيالنا ويبارك لنا فيهم ,,,,اللهم امين

 

[الأميرة جوري]

رد : انقذوني قبل لا اخسر ولدي بالتدريس

حبيبتي اهم شيء هدي اعصابج حرام درسينهم واهم من داخل يتوقعون باي لحظه تنفجرين حرام بدال مايحبون التدريس يكرهونه انا نفسج بس امسك اعصابي حييييييل واذا كلش ابي انفجر اخليهم يروحون اقولهم يالله فرصه علشان ما اطلع حرتي فيهم واخليهم نص ساعه علي ما ارتاح وشوفي ابو محمد يمدحونه البنات بالموضوع المثبت