الجزء الثاني/ بنات ابي رايكم حماتي النحيسة ولدت شرايكم اهاديها؟

[Alia]

السلام عليكم شخباركم يا اغلى بنات:hjy5jewf:

انا من زماااااان كتبت موضوع قديم عن حماتي واللي سوته واللي قالته وانا تغاضيت علشان ريلي واهله اهي ماقربت صوبي لانه حست انه اللي جدامها صخره واذا فكرت تكسرها اهي اللي بتنكسر فعلاقتي معاها ممسوووووووحة
لا اوجبها ولا توجبني الا بمناسبات قليلة ومهمة يعني بولادتي ببنتي يايه الاستقبال جنها يايه عزه اسمالله على بنيتي ومنفسه وطبعا لا هادتني ولا يايابه حتى قوطي كلنكس لكن عييييييييييب والله عيب

اول زواجي حاولت اكسبها وكنت ايييب حق عيالها تصدقون كلمة مشكوورة ماتقولي ! الشكر لله يا السنعه

وتوفى جدي ولا عزززتنا انتوا متصورين؟؟؟؟؟؟؟ يعني حتى الاجر ماتبيه ولا همتنا وانا ريلي كنت اول الزواج اتحلطم عنده بس عقب لا والله تخسي ولا اجيب طاريها تصدقون نسيتها !! لول لمن ولدت ودريت تذكرتها ههههه حتى حملها شفتها وبطنها كبير يعني كلللللللللللللش ماتحرا اخبارها ولا تهمني بس طبعا لاني بنت متربية باركت الحمل وخلاص رسمي موو كفو

وكل اهي السنعه واهي الكشخه وحمولتها يموتون فيها ههههههههه المهم مابي اعور راسكم بسوالفها التافهه

ولدت اليوم ... وبما انها من زواجي لي اليوم ماذكرتني ولا ذكرت اخوها ولا بنته بشي قررت ما اوديلها شي

بس امي :eh_s(11)::eh_s(11): قالتلي علشان خالتج وعمج وريلج وديلها كاكاو او هدية

المسالة مو مسالة فلوووس حشا لله لكن شلون اجيب حق وحدة جذي؟؟؟؟ يا جماعه كرامتي وينهي حراكتها من البداية ماكنت حلوة ابد

ابي رايكم الصريح المريح ... والله يكتب اللي فيه الخير

ادري بنات بيقولون ليش اهي تعاملج جذي برجع اقلب المواجع هههههههههههه

السبب بكل بساطه :

اهي كانت رافضة زواجنا لاني بدوية واهما حضر الاخت تبي تزوج اخوها على كيفها ريال البيت صارت ههههه الحمدالله والشكر وين قاعده انتي؟ والله فوقها تزوجنه الحمدالله لانه نيتنا صافية الله يوفق كل البنات
​

 

[So0oKaRa]

حبيبتي انتي السنعه وبنت الاصول وتعرفين بالذوق
روحي ووجبي وديلها صحن حلو وسلمي وباركي لخالتج قعدي نص ساعه وردي بيتج
هذا واجب ولما تزورينها مو عشان سواد عيونها لالا عشان اهل ريلج وخالتج وعمج وعشانج انتي ذويقه وتعرفين الاصول والمواجيب
روحي حبيبتي هذا واجب

 

[ام زاكي]

والله لو انا منج اجييب لها ذيك الهديه الي تحلف ابها واحرها يعني انا بنت العز والي تعرف السنع مو انتي
واخليها تتفشل
واخليها تقول في نفسها هاذي البدويه راعيه السنع والتربيه
والله اهي الصراحه ماتستاهل بس الهديه بقيمه من هاداها مو لمن هديت عليه

 

[.،:"$الـعـوبــــة$":،.]

رد : الجزء الثاني/ بنات ابي رايكم حماتي النحيسة ولدت شرايكم اهاديها؟

والله لو انا مكانك ، اوديلها ، لو مو عشانها ،
عشان زوجي واهله ، بالذات اذا ماضروك بشي ،
شخسرانة انتي ؟
دامك رايحة رايحة ، اخذي بيدك شي ، وشي يسوى ،
انا عن نفسي لازم تكون مدتي سنعه ، ولا ماامد ،
وطااااااااف ، لاتنطرين من احد شي ،​

 

[dectora 7elwa]

ودي كاكاو من المحل اللي بالمستشفى كل من ياكله مولها مخصوص
بس لازم تروحين

 

[كويتيه مذهله 87]

وديلها احلى هديه علشان تكسرين عينها

اشدراج يمكن بالموقف تكبرين بعينها


,,,

 

[Alia]

بنات انا الروحة اكيد بروح بس اقصد الهدية

 

[G!RLooNa]

روحي وتحمديلها بالسلامه بس لاتودين شي طاف الكاكاو الكل بييب كاكاو واهما اصلا حاسبين حساب الكاكاو وهالسوالف و هديه هديه ما تستاهل مو كفوووو

 

[Alia]

وديلها احلى هديه علشان تكسرين عينها

اشدراج يمكن بالموقف تكبرين بعينها


,,,

انا ما ابي اكبر بعينها اساسا مايهمني رايها فيني الكل يعرفني وعاشروني ... واهي تشوف وتسمع شنو اهدي واعطي حق اهلهم وخالتي :sfg:
بس اهي ماهادتني من عرسي لي ولادتي ولا توجبني مادري هذا قصدي

 

[فوفو22]

رد : الجزء الثاني/ بنات ابي رايكم حماتي النحيسة ولدت شرايكم اهاديها؟

بس طبعا لاني بنت متربية

بما انك متربية

تعرفين ان اي شخص عنده مناسبه بالمستشفى

تدخلين بوكيه ورد او شوكلاته او حلو

بغض النظر عن الظروف الخاصة بينكم

اذا قررتي الواجب كمليه ...عزيزتي

فوفو

 

[So0oKaRa]

انا ما ابي اكبر بعينها اساسا مايهمني رايها فيني الكل يعرفني وعاشروني ... واهي تشوف وتسمع شنو اهدي واعطي حق اهلهم وخالتي :sfg:
بس اهي ماهادتني من عرسي لي ولادتي ولا توجبني مادري هذا قصدي

حماتي حتى بزواجي ما هدتني ولا وجبتني بس كل ماصارت عندها مناسبه وديتلها هديه ومو اي هديه بعد
ومو عشانها عشان خالتي وعمي وريلي كافي اهلها يعرفون اني سنعه ووجبت بنتهم اللي عمرها ما وجبتني

 

[الشهد كله]

نفس حماتي بالضبط :cxxxp::cxxxp:

ما عمري وجبتها بشي لا حزن ولا فرح _03BA:_03BA:

سوت عملية ما رفعت عليها السماعة ، تولد ما أقولها الحمدلله على السلامة نجاح ما أبارك لها

لأنها إهي اللي بدت ما كانت توجبني بأي شي ، ليش آنا أوجبها بكل مناسباتها ؟؟؟؟؟

من تكوووووووووووووووووووووون ؟؟؟؟؟

ولعلمج ولا أحد يقولي فلانة فيها شي حتى ريلي لأنهم يدرون فيني ماراح أوجبها ليش عوار القلب ؟؟؟؟؟

ولا أحد له الحق يقولي ليش ما توجبينها حتى ريلي لأن عندي وايد مناسبات ما سألت عني

ولا رفعت السماعة عشان جذيه آنا بعيدة عنها بكل شي ، إذا شفتها سلمت عليها وإذا ما شفتها

ما سألت عنها كافة خيري شري عنها !!!!!!!!​

 

[المميزه84]

حبيبتي لاتصيرين طيبه زياده عن اللزوم لان هذي مو طيبه

والبنات الي يقولون عشان انتي بدويه كسري عينها اقولكم غلطانين
شنو البنت ماعندها كرامه ترى اهم شي الواحد يحط له عزة نفس وكرامه لي متى بتجاملين وبتصيرين ام السنع وبالمقابل حماتج كل ماله وتعاملج معامله خايسه يعني اذا وديتي هديه بتحترمج وبعدين شكو عشان خالتج وعمج ومادري منو لا حبيبتي لو انا مكانج البس اسود واروح لها ولا نسيتي يوم استقبالج

ترى محد كثري دلع حمولته بالهدايا ووجبتهم لدرجة ان لما انخطبت حماتي الهيلقيه الي ملابسها من ماكس ويخب عليها شريت لها تنوره ب39 غير العصاير الطبيعيه وفطاير والله قطيت 100 دك ذاك اليوم وتخيلي كلمة مشكوره ماسمعت وفوق هذا التنوره لي يومج ماشفتها تلبسها مالت عليها الظاهر باعتها المشفوقه
والله نصيحه عن تجربه خلي بيت حمولتج من كبيرهم لي صغيرهم طيبهم لي اخيسهم كلهم يولون لاتعبين نفسج لان مهما سويتي ماااااااااااااااايدش بعينهم صدقيني

 

[Sweetq8]

سوي بطيييييب اصلج ^_^

 

[aṕriliå]

رد : الجزء الثاني/ بنات ابي رايكم حماتي النحيسة ولدت شرايكم اهاديها؟

مثل ماقالوا البنات اهديها

يمكن ربج يهديها

 

[الشهد كله]

حبيبتي لاتصيرين طيبه زياده عن اللزوم لان هذي مو طيبه

والبنات الي يقولون عشان انتي بدويه كسري عينها اقولكم غلطانين
شنو البنت ماعندها كرامه ترى اهم شي الواحد يحط له عزة نفس وكرامه لي متى بتجاملين وبتصيرين ام السنع وبالمقابل حماتج كل ماله وتعاملج معامله خايسه يعني اذا وديتي هديه بتحترمج وبعدين شكو عشان خالتج وعمج ومادري منو لا حبيبتي لو انا مكانج البس اسود واروح لها ولا نسيتي يوم استقبالج

ترى محد كثري دلع حمولته بالهدايا ووجبتهم لدرجة ان لما انخطبت حماتي الهيلقيه الي ملابسها من ماكس ويخب عليها شريت لها تنوره ب39 غير العصاير الطبيعيه وفطاير والله قطيت 100 دك ذاك اليوم وتخيلي كلمة مشكوره ماسمعت وفوق هذا التنوره لي يومج ماشفتها تلبسها مالت عليها الظاهر باعتها المشفوقه
والله نصيحه عن تجربه خلي بيت حمولتج من كبيرهم لي صغيرهم طيبهم لي اخيسهم كلهم يولون لاتعبين نفسج لان مهما سويتي ماااااااااااااااايدش بعينهم صدقيني

قلبج متروسة :eh_s(14)::eh_s(14)::eh_s(14):​

 

[اشتياق]

تهادوا تحابوا ..

 

[غمزه وإبتسامه]

وديلها كااااااااكااو عشااان زوجج مو لهااا

 

[nooooof]

دام انك بتروحين اخذى احلى هديه معاك لانك مو انت اللى تعاملينها بنفس طريقتها لا تنزلين نفسك لمستواها بالعكس ارفعيها لمستواك يا عالى

مستواك انت الجسمى مو انا المهم اخذى الهديه اللى هى ما تتوقعها من اقرب الناس لها احلى هديه تاخذينها وتروحين ولا تشيلين بقلبك انت

اكبر كم جذى حبيبتى هى بتحس انها تافه لانها ما جابت لك انسي اللى صار وابدى من جديد صج ما سويتى لها شي بس الاجر من منو نطلبه

من الله واكسري عينها بطيبك يا الاجوديه

 

[أنفاسي دخون]

روحي لها عشان زوجش وخالتش والا هي ما تستاهل واحتسبي اجر صلة الرحم ورضا الزوج

وزوريها بالمستشفى واخذي كاكاو وخلي زوجش يدفعه بعد عشان ما تحسفين الفلس عليها وحريمتها الهديه لا تجيبيبن لها

هو الموضوع يحر بس ما نجبر الناس بطيب الاصل والسنع اللي مو من ربه ما يعلمونه خلق الله