تجمع مسافرات لندن في صيف 2010

[mr000]

وينكم بنات خل أحركم..اليوم قعدنا بستاربكس آنا ودناوي ورفيجتها وأم العيال..خووووش قعده كانت سولفنا واستانسنا..وتمنيناكم معانا..وان شاءالله المره اليايه نتعرف عالباقي..ام فهد مكانج خالي اليوم..يلا خل نشوفج قبل لاتخلص إجازتج..مس بريتش....زوجة جوجي....كويتيه..كوستا..جوجوا ...حضاره..ليلي..سويت ليدي..مادري منو نسيت بعد..سووووري ..اشلونكم شخباركم..ان شاءالله الطلعه اليايه تكونون معانا..دناوي..ها عزمتي تروحين مع رفيجتج وإلا هونتي؟؟ صج تعالي ماسألتج شنو انطباعج عنا لما شفتينا..يعني نفس اللي تصورتينا وإلا غير؟؟

 

[danawi]

وينكم بنات خل أحركم..اليوم قعدنا بستاربكس آنا ودناوي ورفيجتها وأم العيال..خووووش قعده كانت سولفنا واستانسنا..وتمنيناكم معانا..وان شاءالله المره اليايه نتعرف عالباقي..ام فهد مكانج خالي اليوم..يلا خل نشوفج قبل لاتخلص إجازتج..مس بريتش....زوجة جوجي....كويتيه..كوستا..جوجوا ...حضاره..ليلي..سويت ليدي..مادري منو نسيت بعد..سووووري ..اشلونكم شخباركم..ان شاءالله الطلعه اليايه تكونون معانا..دناوي..ها عزمتي تروحين مع رفيجتج وإلا هونتي؟؟ صج تعالي ماسألتج شنو انطباعج عنا لما شفتينا..يعني نفس اللي تصورتينا وإلا غير؟؟

هلا مروو لا مابي أروح لأنها بتقعد عند ربعها في قطر وأنا بضيق خلقي إذا قعدت بفندق والله نفس ماتخيلتكم ونعم فيكم وستانسنا منكم وإنشالله نتعرف على باجي البنات وأنت نفس ماتخيلتيني :080402ask_prv:؟ قولي الصج :s141:

 

[mr000]

هلا مروو لا مابي أروح لأنها بتقعد عند ربعها في قطر وأنا بضيق خلقي إذا قعدت بفندق والله نفس ماتخيلتكم ونعم فيكم وستانسنا منكم وإنشالله نتعرف على باجي البنات وأنت نفس ماتخيلتيني :080402ask_prv:؟ قولي الصج :s141:

لأ بصراحه أصغر مما تخيلتج..ماشاءالله تبارك الرحمن..cute حدج:hjy5jewf: ورفيجتج ماشاءالله وايد هاديه..ودي أصير نفسها :yaaaaaarb: يمكن لما أعيش بلندن كم سنه أصير جذي:050103nbh_prv:

 

[ربوع الحلوة]

هلا والله ربوع ماشاءالله عمرج طويل..اليوم يبنا طاريج..تذكرناج بالقعده آنا ودناوي وأم العيال:friends: قلنا مادري شخبار ربوع ومتى بترجع:3lm1:..شخبارج بأمريكا..عسى مستانسه..عسى تسوقتي عدل؟؟ والله آنا بخير والحمدلله كانت خوش سفره :eh_s(15):ولو ان الفندق طلع علينا دبل :eh_s(16):بس مو مشكله اهم شي الاستجمام..الله يسلمج سفرتي تقريبا 13 يوم..رحت بستر فيليج..برايتون..بورتسموث..برمنجهام..ريدنج..ميلتون كينز..طبعا لاتسأليني اشلون كل منطقه لأن ماشفت منهم إلا السوق..الكذب خيبه..بلى بالطريج شفت خضره وخرفان وبقر..بس من نوصل المحطه سييييده السوق..شسوي يالله بنتي انترس راسها..مابقيتها ترد وتقعد تتحلطم وتقول ماشريت..خليتها على كيفها..انتي شخبارج ..سلمي عالوالده وايد..وخل نشوفكم لي رديتوا ان شاءالله:bye22:

بعد قلبي mr000 الله يسلمج حبيبتي الحمدالله إستانستوا عاد لما أرجع بسألج عن برمنجهام حلوووه ؟؟؟ شلون رحتيلها ؟؟

وبورتسموث حلو يسوي

 

[om fares]

وينكم بنات خل أحركم..اليوم قعدنا بستاربكس آنا ودناوي ورفيجتها وأم العيال..خووووش قعده كانت سولفنا واستانسنا..وتمنيناكم معانا..وان شاءالله المره اليايه نتعرف عالباقي..ام فهد مكانج خالي اليوم..يلا خل نشوفج قبل لاتخلص إجازتج..مس بريتش....زوجة جوجي....كويتيه..كوستا..جوجوا ...حضاره..ليلي..سويت ليدي..مادري منو نسيت بعد..سووووري ..اشلونكم شخباركم..ان شاءالله الطلعه اليايه تكونون معانا..دناوي..ها عزمتي تروحين مع رفيجتج وإلا هونتي؟؟ صج تعالي ماسألتج شنو انطباعج عنا لما شفتينا..يعني نفس اللي تصورتينا وإلا غير؟؟

شلونكم خواتي الله يديم المحبه بينكم وان شاء الله تتجمعون في بيت الله شوقتوني والله يبيله نشوفكم ونتشرف بمعرفتكم بس انا :$

 

[زيزو]

السلام عليكم بنات انا اول مره ان شاء الله بروح لندن بعيد الاضحى مع ريلي وبسكن بكمبرلاند اشرايكم وشنو تنصحوني فيه ياخبيرات

 

[$$ ام فهد $$]

السلام عليييكم إس إس إس السلام علييكم إس إس إس ​

:eh_s(9)::eh_s(9)::eh_s(9)::eh_s(9)::eh_s(9)::eh_s(9)::fun:

شلووونكم ياحلوات المنتدي والحمدالله علي سلامة كل الراجعين من السفررررررر وإن شاء الله إستانسوا

mr000 / $أم فهد $ / والباقي ماركزت منو كان مسافر لأن ماأقدر أقري الصفحات يضيع الوقت بالنت بفلوووس بأمريكا

المهم شلون سفرتكم mr000 ها إن شاء الله إستانستوا إنت وبنتج ؟؟؟؟ جم يوم سفرتكم ؟؟؟ وين رحتوا ؟؟ قووولي أحاتيج

$أم فهد $ شلونج وشلون بريزيدينتال عجبكم ومحسن ياغثه الجزائري ههههههه إن شاء الله إستانستوا ؟؟؟

يالله سولفووولي ولهانه علييييكم :hjy5jewf:

وأم العيال وجوجوا شخباركم:friends:

وبسووومه متي ترجعين لندن ؟؟؟؟

:nbvppw::nbvppw:

هلاااااااااااااااا وغلااااااااااااااااااا بالحلوة هلا بالطيب الغالي عزيز وشوفتك منوة :edbf4317b9: شلونج وشخبارج000000من طول الغيبات جاب الغنايم:wqedqw:

والله بريزيدنتال وايد حلو والموقع عجيب ومحسن حرام عليج ربوعة ماقصر معانا000عيالي يننوه من يشوفون شي ماعجبهم طاروا حقه وسوالهم اللي يبون ههههههههه يننوه:lololoe:ولا يقول لأ ابد

والسفرة كانت ولله الحمد احلى من اللي مخططه له وماقصرت مرووو نخطط انا معاها بالليل ونطبق الصبح:RoadRunner: ربوع انا رحت بسترفيلج وبرايتون وبرمنجهام وبورتسموث وبصراحة بورتسموث رحت لها مرتين وايد حلوة وهادية00000انصح الكل يروح لها

ربوعة متى الرجعة ان شاءالله انتي اشوة بين وبين طلين وتسالين في ناااااااااااااااااااااس كانوا معانا وسافروا ولاحس ولاخبر

ما ادري طلع لهم الفار وخرعهم ونسووووووووونا!!!!!!!!يمكن كل شي جايز!!!!!!!!!!!!!!!!!!!!!

 

[$$ ام فهد $$]

وينكم بنات خل أحركم..اليوم قعدنا بستاربكس آنا ودناوي ورفيجتها وأم العيال..خووووش قعده كانت سولفنا واستانسنا..وتمنيناكم معانا..وان شاءالله المره اليايه نتعرف عالباقي..ام فهد مكانج خالي اليوم..يلا خل نشوفج قبل لاتخلص إجازتج..مس بريتش....زوجة جوجي....كويتيه..كوستا..جوجوا ...حضاره..ليلي..سويت ليدي..مادري منو نسيت بعد..سووووري ..اشلونكم شخباركم..ان شاءالله الطلعه اليايه تكونون معانا..دناوي..ها عزمتي تروحين مع رفيجتج وإلا هونتي؟؟ صج تعالي ماسألتج شنو انطباعج عنا لما شفتينا..يعني نفس اللي تصورتينا وإلا غير؟؟

هلاوين مرووو عليكم بالف عافية تستاهلون كل خير:ggdw:

بعد عمري ماتقصرين اليايات اكثر وانا الاحد بداوم ان شاءالله بس اقدر اخذ استئذان واشوفكم اذا حددتوا يوم بلغيني وان شاءالله

اشوفكم بصراحة ودي بشوفتكم والقعدة معاكم:gathering:

 

[mr000]

هلا ام فهد اشلونج.ترى اليوم سامحناج..بس مطلوب القبض عليج..لازم تيين المره اليايه ..ويفضل قبل لاتخلص إجازتج..ام فهد صج والله رحتي بورتسموث مره ثانيه..زين سويتي عليج بالعافيه..بصراحه تسوى..وماقلتيلي اشلون روحتكم برمنجهام..عسى عجبتكم..بعد ولدي يقول رفيجه يمدح منطقه اسمهاwoking مرينا عليها مو بعيده هم نص ساعه او اكثر شوي من لندن ..أعتقد شفناها واحنا رايحين بورتسموث لأن يروحون لها من واترلو..يقول حلوه وهاديه..ان شاءالله نحطها في البرنامج السفره اليايه إذا الله كتب ولاتنسين ريدنج..مارحتيلها..

 

[$$ ام فهد $$]

هلا ام فهد اشلونج.ترى اليوم سامحناج..بس مطلوب القبض عليج..لازم تيين المره اليايه ..ويفضل قبل لاتخلص إجازتج..ام فهد صج والله رحتي بورتسموث مره ثانيه..زين سويتي عليج بالعافيه..بصراحه تسوى..وماقلتيلي اشلون روحتكم برمنجهام..عسى عجبتكم..بعد ولدي يقول رفيجه يمدح منطقه اسمهاwoking مرينا عليها مو بعيده هم نص ساعه او اكثر شوي من لندن ..أعتقد شفناها واحنا رايحين بورتسموث لأن يروحون لها من واترلو..يقول حلوه وهاديه..ان شاءالله نحطها في البرنامج السفره اليايه إذا الله كتب ولاتنسين ريدنج..مارحتيلها..

بعدعمري مرووو ضروري ان شاءالله اشوفكم

اي والله رحت لها مع ولدي وبنتي كان خاطرهم باشياءمنها وكانوا منزلين اشياء بعد وطبعا اليهال خذوا الي بخاطرهم وزيادة وتغدينا ورجعنا وبرمنجهام وايد حلوة واستانسنا فيها وتذكرين ذاك المحل سبورت دايركت ابييييييييييه اليهال بدعوا فيه

حماتي وبنتها راحوا تي كي ماكس وشروا منه اشياءتينن واخذت منه كوش حق بيتها ومفارش عجيبة وطبعا انتي تعرفين المنظر الجناط زادت والجياس لما ركبنا القطار كان زحمة واغراضنا محنا عارفين وين نحطها!!!!!!!

ورفيجة بنتي راحت ليفربول تمدحها وايد---
والتخطيط للرحلة الياية woking وليفربول ومانشستر الي تنحط بالمخطط ولانروح لها!!!!!!!!!!!!!!

 

[mr000]

أم فهد ان شاءالله السفره اليايه أكيد مانشستر اول مكان بروحله..هالمره ماالله كتب مع انها كانت حيييييل في خاطري..بس ودي أقعد فيها كم يوم..علشان نستجم عدل..وعلى طاري محل الرياضه اللي في برمنجهام..عيالي مو مصدقين اسعار التيشيرتات اللي يبتها لهم..ولدي العود استولى على كم تيشيرت من مالوت اخوانه..أقوله خو انت بتروح هناك ان شاءالله لي رحت اشترلك..صاك الجام وكشخ فيهم ..

 

[mr000]

أم فهد وينج لحقي..woking طلع فيها آوت لت بمجمع اسمه بيكوكس فيه 80 محل آوتلت وفيه TK maxx شوفي هالسايت http://wikitravel.org/en/Woking هذي اسماء المجمعات اللي فيها The two main shopping centres; the Peacocks Centre and Wolsey Place

 

[$$ ام فهد $$]

مرووو تصدقين محل الرياضة في منه بلندن انا قبل السفرة بيومين كنت اسوي اوراق التاكس ولاهندي شايل جيسهم ذاك العود جان اساله قلتله هذا من اهنيه ولابره لندن0000قالي من هنيه وعلى وصفه ان اذا طفتي hm سيدة روا مجدونالد يقول المحل موجود وكبير بعد!!!!
بس مامداني اروحله وانا كنت شاحنه الجناط لوموشاحنه جان زدت جنطة حق المحل وملابسة بصراحة شي شي
اناولدي العود معاي ولما رجعنا هنيه اخذ جم بلوزة وشورت من اخوه الصغير00000يلاعليهم بالعافية

شرايج مرووو نزرق نروح :RoadRunner: نيب حق عيالنا الي بخاطرهم ونرجع

 

[$$ ام فهد $$]

مرووو السايت ينن الله يعطيج العافية

سجلته بالنوته حق التخطيط الياي ان شاءالله وزاد العدد-----اللهم زيد وبارك

 

[om fares]

مروووو وام فهد ماشاء الله عليكم عيني عليكم بارده تصلحون تسووووون قروب حق لندن وانتو القايدات والقروب للنساء فقط بدون ازواجهم

 

[om fares]

وانا راجعه في المطار في لندن شريت عدة عطوررات وبعدين الموظفه عطتني سامبل حسافة لما رجعت الكويت فتحته ريحته عجيييييبه حتي زوجي قالي لا تحطينها اذا طلعتي بره اسمها marry me[ جربوها وعطوني رايكم طبعا اذا موجوده في الكويت

 

[miss_british]

شلونكم بنات شخباركم

ربوع شخبارج وشلون سفرتج والجامعه


فونا وينج من زمان مابينتي سولفيلنا عن سفرتج

مروو سجلت هالمنطقه للسفره اليايه اذا الله عطانا عمر

باجي البنات شخباركم

 

[مليانة حب]

بنات تكفون بموت واروح لندن بس مافي لغه كلش لا انا ولا زوجي ومانعرف شي في قروب يودينا لندن بالصيف الجاي ان شالله وابي اروح يورو دزني ....شسوي ساعدوني يا خوااتي...؟ وجم ميزانية اسبوعين من غير سكن وتذاكر انا وزوجي وبنتي 5 سنوات ولدي 3 سنوات..؟

 

[mr000]

مرووو السايت ينن الله يعطيج العافية

سجلته بالنوته حق التخطيط الياي ان شاءالله وزاد العدد-----اللهم زيد وبارك

الله يعافيج حبيبتي..واشرايج ام فهد ان محل الرياضه شفته قبل لاأرد الكويت بيوم في ويستفيلد مول..أقول حق بنتي اشفينا عميان هذي ثالث مره انيي ويستفيلد وتونا نشوفه.:nocommint:.وعلى قولتج الجناط مفوله..مابقيت اشتري شي..حتى بجامات دزني شفتهم بمحل دزني ب9 باوندات وبنتي تتحلطم خلاص لاتشترين تالي شفتهم بمذركير ب9 دنانير بقيت أزنطها:23_asmilies-com: خو آنا أمشي وأتحلطم أقولهم يبيلي سفره ثانيه هالسفره كانت موحقي ..ماشريتلي شي يسوى عاد شيفكهم مني يبيلي سنه عدله أتحلطم لي أروح:flower:

 

[mr000]

بنات تكفون بموت واروح لندن بس مافي لغه كلش لا انا ولا زوجي ومانعرف شي في قروب يودينا لندن بالصيف الجاي ان شالله وابي اروح يورو دزني ....شسوي ساعدوني يا خوااتي...؟ وجم ميزانية اسبوعين من غير سكن وتذاكر انا وزوجي وبنتي 5 سنوات ولدي 3 سنوات..؟

أختي انتي شوفي بشهر 4 و5 يبتدون المكاتب السياحيه يحطون بالجرايد عن العروض والرحلات وتصدقين يطلع عليكم أرخص من لما تروحون بروحكم..لأن الفنادق تعطي اسعار خاصه حق القروبات..بس والله ماعندي فكره عن اسعار يورو دزني..وتذاكر لندن تختلف اسعارها من شهر لي شهر..بس ولدي راح فرنسا بقطار يورو ستار من لندن كانت التذكره تقريبا ب130 دينار