تجمع للحوامل اللي ياخذون أبر كلاكسين وبيبي أسبرين

[جوري85]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

فهمنا عليج
لا عادي الخاص عارفين حق حالتنا
بس في ناس اتفضل الحكومه
بس عاد تحملي يمج هنديه و انتي يقطونج عمومي و الهنديه عندها واسطه تدخل غرفه خصوصي
و تحملي تكرمين حماماتهم
و تحملي السسترات و لمن يزفون
و تحملي الفراشات اللي 24 ساعه فوق راسج يطرون
هذا الصباح باختصار

وااااي الله لا يقوله الحااااله كسيفه لا يا معده بما ان الخاص يعرف حاالتي اروح للخاص ابرك لي
والا شرايج اقط فلوسي واقعد بالظلال بس عسى الله يسهل ولادتنا
انتي عند د . خالده المجبل شلووونها تنصحين فيها وبتولدين عندها ؟
واتوقع اسعار رويال حياة غاليه والا شرايج

 

[tho tho]

رد : رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

وااااي الله لا يقوله الحااااله كسيفه لا يا معده بما ان الخاص يعرف حاالتي اروح للخاص ابرك لي
والا شرايج اقط فلوسي واقعد بالظلال بس عسى الله يسهل ولادتنا
انتي عند د . خالده المجبل شلووونها تنصحين فيها وبتولدين عندها ؟
واتوقع اسعار رويال حياة غاليه والا شرايج

اهي زينه و اتعرف بحالتنا
بس رويال حياة غالي ،،، بعدين مراجعاتي كل اسبوعين لاني اخذ ابر
و كل مراجعه مو اقل من 50 غير التحاليل اول مره
اذا الله يسر لي ان شاء الله بولد عندها :yaaaaaarb:

 

[TeKaNa_Girl]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

هااااااااااااااااااااااي كروشاااااااااااات

فيه احد اقرق معاااااااااااااااااااااااااااااااه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[بقايا شهد]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

متى تتركون الابر والحبوب

 

[بدويه زوووغه]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

الله يتمم عليكم يارب
ويسهل ولاداتكم
كفر نفاس للبنوتات http://www.q8yat.net/showthread.php?t=703655

 

[@الياسمين@]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

صباح الخير

 

[tho tho]

رد : تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

صباح الانوار
هلا و غلا حبيبتي
شخبارج اليوم ؟
بسالكم من اي اسبوع نقدر اتعرف جنس البيبي ؟؟؟

 

[@الياسمين@]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

الحمد الله بخير
وجنس البيبي يبين بهالاسابيع بس يبيله دكتور شاطر
والافضل انج تنطرين لي نص الرابع

 

[هجر الكويت]

رد : تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

هم انا حملت واجهضت بدياة الشهر الثاني والسبب عندي اجسام مضاده والحين اخذ بيبي اسبرين والحين انا حامل بالشهر الثاني والله يتمم علينا
بس اللي بغيت اعرفه هالاجسام المضاده معانا تستمر بكل حمال ؟؟

 

[tho tho]

رد : رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

الحمد الله بخير
وجنس البيبي يبين بهالاسابيع بس يبيله دكتور شاطر
والافضل انج تنطرين لي نص الرابع

بجرب عالاسبوع الياي بروح يمكن يبين لوووووووول
و هم بسوي بالرابع
ياربي احنا الحريم الفضول يذبحنا

هجر الكويت احنا مو كلنا فينا اجسام مضاده
انا عن نفسي الحمد الله مافيني

 

[TeKaNa_Girl]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

مسااااااااااااااااااااااااااااااء الخير

ولكم باك للي انضموا لناااااااااااااااااااااااااااااااااااااااااااااااااااا

هجر الكويت
عسالله يتمم علينا وعليج الحمل السليم .. للأسف في بعض الاجسام تستمر بكل حمله
والبعض الثاني يروووووووووح بالعلاج
اما عن نفسي قال لي الدكتور كل حمله هذا علاجي لان فيني فايرس
الله المستعان

 

[الرياش]

رد: رد : تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

هم انا حملت واجهضت بدياة الشهر الثاني والسبب عندي اجسام مضاده والحين اخذ بيبي اسبرين والحين انا حامل بالشهر الثاني والله يتمم علينا
بس اللي بغيت اعرفه هالاجسام المضاده معانا تستمر بكل حمال ؟؟

الي عندها اجهاضات متكرره و السبب غير معروف ( توقف في نبض الجنين ) والي عندها أجسام مضاده للأسف هذا هو العلاج في كل مره الا اذا تبي اتجازف وتتوكل على الله وتحمل من غير علاج
الله كريم احنا نعمل بالأسباب والله الرازق وكله بأجره ان شاء الله

 

[المن والسلوى]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

السلام عليكم
بنات شلونكم شخباركم
انا رحت المراجعه وقالي
الطبيب ماي البيبي زايد
يعني شنو انا خايفه
اللي تعرف ترد علي

 

[الرياش]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

السلام عليكم
بنات شلونكم شخباركم
انا رحت المراجعه وقالي
الطبيب ماي البيبي زايد
يعني شنو انا خايفه
اللي تعرف ترد علي

حبيبتي لا تحاتين ان شاء الله ما كو الا كل خير انا بولدي هم زاد الماي كنت أذكر بالسابع جنه بس عادي بس كنت أتضايق من الثقل وبطني حده مسموت من الماي أحس بينبط لوووول وقالي الدكتور زيادة الماي قد تؤدي الى ولاده مبكره وصج ولدت بالاسبوع ال34 . بس ما ينخاف منه وايد عكس نقص الماي هذا الي تخافين منه
انتي لاتحاتين أكيد الدكتور راح يتابعج وما عليج الا كل عافيه

 

[tho tho]

رد : تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

مساء الخير كروشات
اشلونكم ؟ شخباركم ؟
انا عندي سؤال اللي مافيها اجسام مضاده لازم بكل حمل تاخذ الابر ؟؟؟؟

 

[tho tho]

رد : تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

صباح الخير بنات
وينكم ما اشوفكم بالتجمع ؟
عندي سؤال : مكان الابره عندكم ينتفخ ؟؟؟؟
عقدتني هالسالفه :/

 

[@الياسمين@]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

هلا tho tho صباح النور
انا مافيني اجسام مضاده وبحمالي الاول خذيت الابر ودكتوري قالي بالحمال الثاني احتمال ماتاخذينهم ،، بس الحين يقولي خلج عالابر والبيبي اسبرين
وبالنسبه حق مكان الابر ... انا بعد ينتفخ بس شي بسيط مو وايد
بس لمن اجيس ريلي احس انه في تفخه ترى عادي

 

[tho tho]

رد : رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

هلا tho tho صباح النور
انا مافيني اجسام مضاده وبحمالي الاول خذيت الابر ودكتوري قالي بالحمال الثاني احتمال ماتاخذينهم ،، بس الحين يقولي خلج عالابر والبيبي اسبرين
وبالنسبه حق مكان الابر ... انا بعد ينتفخ بس شي بسيط مو وايد
بس لمن اجيس ريلي احس انه في تفخه ترى عادي

اهاااا ،،، الله يتمم علينا يارب و يسهل حملنا و ولادتنا
انا اخترعت الصراحه انه ينتفخ اشوي قلت اخاف الدوا يتجمع مو قاعد يصير مفعول :/
الله كريم
اي مستشفى ناويه تولدين ان شاء الله ؟؟؟

 

[kimoo]

رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

بنات شلونكم؟؟؟

البيبي اسبرين والابر سببوا لكم نزيف باللثة؟؟

انا صارلي فترة فجأة اللثة ينزل منها دم بدون سبب :lkmnkl:

 

[tho tho]

رد : رد: تجمع للحوامل اللي ياخذون أبر كلاكسين وبيبي أسبرين (الله يثبت حملنا يارب )

بنات شلونكم؟؟؟

البيبي اسبرين والابر سببوا لكم نزيف باللثة؟؟

انا صارلي فترة فجأة اللثة ينزل منها دم بدون سبب :lkmnkl:

لا الحمد الله ماصار معانا نزيف باللثه
بس اخاف انتي لثتج تعبانه
جان رحتي الطبيب و جيكتي على لثتج
حبيبتي ما اتشوفين شر