ديوانية سوالف حريم اللي فوق الثلاثين حياكم الله ..........

[ضحى الكويت]

:eh_s(17):السلام عليكم ورحمه الله وبركاته

تم بحمد الله افتتاح هذه الدوانيه الموافق 19/ 8/ 2007م يوم الاحد :eh_s(9):


وأشكر المشرفه نفيشه على قبولها بافتتاح هذه الدوانيه بكل رحابه صدر :eh_s(7):


ولكن فى بعض الشروط بعرضها عليكم على ان تكون الدوانيه ملتزمه بقوانين القسم والسوالف تظل بحدود الادرب والذوق :eh_s(4):


تعالوا يا بنات نتجمع ونسولف ونضحك ونتناقش بحدود ونستانس

واتمنى من كل عضوه تعرفنا بنفسها :eh_s(4):

وانا اول وحده بعرفكم بنفسى :eh_s(22):

عمري 32 ومتزوجه عندى 3 من العيال وربة بيت
:eh_s(8):




تفضلواااا البيت بيتكم وحياكم الله وياهلاا ويا مرحباااا فيكم اجمعين ..........​

​

 

[OmRashed]

انا اول وحده :eh_s(9):

انا متزوجه وعمري 38 وعندي ثلاث بنات وولد

 

[جوجو.]

مسا الخير عمري 33 على وش جواز بس مادري متى ؟؟ كل يوم تطلع لي سالفه ؟؟ يابنات ابسألكم اللي يسافرون علاج في اكثر من 6 اشهر؟؟

 

[OmRashed]

مساء النورالجوري الوردي
ايه فيه انا حماتي الله يرحمها سافرت امريكا تعالج
وقعدت اكثر من 6 شهور بامريكا وبعدين ردت الكويت

 

[أم بدير]

جني كنت أدش دوانية بنات فوق الثلاثين هني بالمنتدى قبل فتره
بس مادري وين راحت
خخخخخخخخخخخخخخخخ

عالعموم فرصه سعيده اللي نتعرف عليكم من يديد :eh_s(17):
عمري 29 وثمانتعش شهر.... عشان ما اقول ثلاثين خخخخ
عندي بنت وولد الله يخليهم لي انشالله :eh_s(22):​

 

[مادرى شسمى]

خوش فكره بس ياليت تتضمن نقاشات جاده وهادفه تفيدنا بحياتنا واخرتنا

انا متزوجه وعمره 37 وعندى 3 بنات

خلونا نسولف عن عمرنا وتاثيره علينا وشنو تغير فينا وشلون نحافظ على شبابنا الدائم و و و عندى سوالف كثيره بس شكلى جايه بقوه :}

 

[ام عبود_q8]

شنوو يا صافية ويا مشرفتنا نفيشة انا لي عتب ؟؟؟؟

بس الي فوق 30 سنة ...

دوانية ؟؟؟ والي تحت سن 30 ؟؟؟؟

شيسوي وين يروح اي دوانية؟؟؟؟

اروح دوانية اخواني والا تدرون شلون اروح افرفر على دوانين الكويت كلها ....

^^^^^ بيستقبلوني .... مايجحتوني ؟؟؟؟


ههههههه شبيصير شكلي ؟؟؟؟ كله منكم ؟؟؟


ببجي اهه اهه ..


@ @

^

 

[bent-oboha]

السلام عليكم عمري 26 ادري شكو بس والله عقلي عمرى 30 ها تقبلون اسولف معاكم وله من غير مطرود

 

[جوجو.]

مساء النورالجوري الوردي
ايه فيه انا حماتي الله يرحمها سافرت امريكا تعالج
وقعدت اكثر من 6 شهور بامريكا وبعدين ردت الكويت

ام راشد يعني جم اكثر سنه؟؟ فيه سنه ؟؟؟

 

[om-3abood]

أنا معاكم ............بس لا تذكروني اني صرت فوق الثلاثين....:eh_s(3)::eh_s(3)::eh_s(3):......


عمري 32 سنه وعندي 4 بنات و3 صبيان...ربي يحفضهم......


وسلامتكم
:eh_s(8)::eh_s(8)::eh_s(8)::eh_s(8)::eh_s(8):

 

[سبائك]

الف مبروووووووووووووووووووك افتتاح الدوانيه يا صافيه

 

[أم بدير]

شنوو يا صافية ويا مشرفتنا نفيشة انا لي عتب ؟؟؟؟

بس الي فوق 30 سنة ...

دوانية ؟؟؟ والي تحت سن 30 ؟؟؟؟

شيسوي وين يروح اي دوانية؟؟؟؟

اروح دوانية اخواني والا تدرون شلون اروح افرفر على دوانين الكويت كلها ....

^^^^^ بيستقبلوني .... مايجحتوني ؟؟؟؟


ههههههه شبيصير شكلي ؟؟؟؟ كله منكم ؟؟؟


ببجي اهه اهه ..


@ @

^

اول شي حبيت اوضح ان في دواوين بالمنتدى حق جميع الاعمار لا تتحججين خخخخخخخخخخخخ
ثاني شي ذكرتيني مره كنت ادور مختارية الفيحا
سألت وين قالولي ورى صالة المعجل للأفراح
رحت وراها مالقيت غير مبنى صغير مكتبو عليه دوانية الفيحا
قلت ماكو شي اسمه دوانية الفيحا
وبعدين شكو دوانيه بروحها بدون بيت؟؟
اكيد هذي المختاريه بس حاطين عليها هالام تعريف انها تخص اهل الفيحا (اتعب عالتفسير) وبعدين لو دوانيه.. أكو دوانية تبطل الصبح؟
روحي يالفلته الخطيرة ام بدير ودرعمي على ويهج والا الشياب كلهم يطالعون فيني
شتبي هالخبله مدرعه علينا؟؟
انا تمنيت بهالحظه تنشق الارض وتبلعني
بس افا عليكم سويت نفسي قويه وقلتلهم السلام عليكم ماتدرون وين مختارية الفيحا (جني يعني كنت ادري انها دوانيه وداشه اسألهم بس لوووووووووول)
عاد صدموني ان ماكو مختاريه للفيحا وانها تبع مختارية النزهه بس عقب شنو الويه انقص وخلاص
خخخخخخخخخخخخخخخخخخخخخخخخخ​

 

[@ دهن العود @]

ياااااااااااااااااااااااا بختى انا اول وحده

بس انا تونى نووووووووووووووووونو <<< اى قصى على نفسج

والله عمرى 26 اصير ادخل يا ماما صافيه وله لا؟؟؟؟

مبرووووووووووووووووووووك مبرووووووووووووووووووووك

وان شالله توصل الدوانيه لاكبر عدد من الصفحات بالكلام الطيب والحلو

 

[ضحى الكويت]

هلا وغلااا افيج والله يبارك فيج


هلا بصديقتى الصدوقه دهن عود حياج الله والبيت بيتج نورتى المكان ​

 

[الحياة حلوه]

هلا فيكم يا بنات الكويت انا أحب أشارك معاكم
لان جد محتاجه اتكلم مع أحد
أنا عمري 34 و عندي 4 أطفال

 

[الحياة حلوه]

صافيه يابختك ربة بيت جان زين أنا أقعد بالبيت نفسك
لان الشغل ممل و كراف و بصراحه أنا حسيت أني أهملت بيتي و عيالي و السبه الشغل

 

[ضحى الكويت]

هلا فيكم يا بنات الكويت انا أحب أشارك معاكم
لان جد محتاجه اتكلم مع أحد
أنا عمري 34 و عندي 4 أطفال

هلاا فيج وحياج الله معانا والعمر كله يا قلبى بالصحه والعافيه

تعالى وقولى وتكلمى وسعى صدرج

وعسى ربى يخليلج اعيالج ويجعلهم من الصالحين يارب

وبالنسبه لدوام انا كنت موظفه كان يا مكان والبيت وقعدتى للبيت ما غيرت فينى شى بالعكس عادى

وحياج الله مره ثانيه

 

[bent-oboha]

انا وحده مالي شغل بسولف معاكم

 

[ضحى الكويت]

انا اول وحده :eh_s(9):

انا متزوجه وعمري 38 وعندي ثلاث بنات وولد

حياج الله يا ام راشد وعسى ربى يتمم عليج والعمر كله ان شاء الله

وعسى ربى يخليهم لج ويتربون بعزج

وحياج الله معانا يا قلبى

 

[ضحى الكويت]

مسا الخير عمري 33 على وش جواز بس مادري متى ؟؟ كل يوم تطلع لي سالفه ؟؟ يابنات ابسألكم اللي يسافرون علاج في اكثر من 6 اشهر؟؟

مساء الخيرات وحياج الله والعمر كله ياربى لج

انا اللى اسمعه ان فيه بس حسب حاله المريض اذا يحتاج المريض يخلونه اكثر من 6 شهور وعسى ربى يشفي جميع المرضى المسلمين يارب