رد: رد : إذا أنتي مطلقه شاركينى؟
اختي الحبيبه قريت رسالتج ...وانا اقراها الدموع تنزل مني بدون ما احس فيها مو لانج مطلقه يالحبيبه , الرحمن تبارك وتعالى رحمنا بالطلاق ليكون رحمه للزوجه والزوج ..احيانا حبيبتي ودي انتي وغيرج ودي اتوسعين صدرج وتقرين رسالتي ..انا قبل 6سنوات كنت زوجه في قمه السعاده مع زوج يحب الارض اللى امشى عليها ورزقني ربي بعيال الكل يقولي ربي يهنيج ..وكنت طبعا اموت عليه واحبه واداريه تعلمت كل شي علشانه الطبخ وكان يقولي احب طباخج فيه نكهه غير ..البس اللى يشتري حقى ويقولي ايهبل..اسولف معاه ويقولي اتهبل خفه طينتج..شقولج جمال وطيبه وتسامح وكنت اثق فيه بدرجه كبيره ..فجأه وبدون مقدمات قالي احنا لازم نهد بعض انا وانتي غير عن بعض.. تفكيري غير عنج وشهادتي اعلى منج..ضحك وقتله بعد 4 سنوات زواج توك تكتشف وين كلامك وين تصرفاتك كلها جذب ولعب رد .. طبعا اكتشفت انه وحده اهي السبب ورى هذا كله بس ما اقول الا حسبنا الله ونعم الوكيل والرسول عليه الصلاه والسلام قال (ايما اخت تسعى الى خراب عش اختها هي بالنار)انا اختى الحبيبه فيني احساس بالامان لاني مظلومه مو ظالمه خاني وما خنته ..وعندنا رب رحمن رحيم مو ناسيني ولا ناسيج وربي مو ناسي كل انسان انظلم ..وارجع واقول لو في خير ما يترك زوجته وعياله علشان انسانه رضت بريال يكلمها واهو متزوج ..يمهل ولا يهمل ربي يعوضج ويعوضني ويعوضج وكل مؤمن مبتلي بما هو افضل قولي امين
ومشكورين على سعه صدركم
