ولد خالتي .. ;(

[لطووف..]

مرحبا بنات





الصراحة المشكلة مو مشكلتي مشكلة وحدة بس حسيت ان المشكلة موترتني شوي
وشلت همها ...


عمرها 17 سنة تقول بينها وبين عيال خالاتها علاقة اخوة لا اكثر ولا اقل
بس في واحد من عيال خالتها مو تحبه بس على حسب كلامها انها تميل له
بس اهو يحبها والاغلب حاسين واهي تدري بس تقول مابي افكر بهالاشياء الحين ولا ابي اعور راسي بالحب وخرابيط الحب

تقول صار لهم فترة طويييييييييييلة وعلاقتهم بالنظراات بس

مع ان الكل يدري وفاتحين لهم المجال بس تقول اهو يستحي وانا ما افكر بهالشي

تقول تعودت على هـ الشي مع ان وااضح اسلوبها معاه غير عن الباجي واهو بعد

بس المشكلة اهو بدولة واهي بدولة بس اهو ولد خالتها



تقول فجأة اشوف مسج منه
يقول :





انا بصارحج بشي بقلبي من 11 سنة وانا خايف اقوله لج

وصبررت وااااايد وتعبت من الصبر قلت بصارحج واتمنى تجاوبيني بصراااحة

انا احبج ... تبادليني نفس الشعووووور .. !!؟





تقول انا تنحت وانصدمت ونفس الشي الولد كاسر خاطرها وخاطري بعد

مادري حسيت الولد حده محترم



الحين اهي محتارة شنو ترد عليه تقول من الصدمة انشل مخها من التفكير



انا اقولها لا تردين الحين
وبعدين ردي قوليله ان احنا صغار على هالشي يعني الي بعمرنا عنده اضطراب بالشعوور وما نثق بعدين

يعني حب مراهقين قصدي مو كل حب مراهق يستمر ولا ندري بقدرنا بعدين ومممممم والله مادري ماعرفت ارد صراحة


عشان جذي قلت الجأ لكم

ياريت ما تخيبون ضني فيكم

 

[النشبه88]

والله مادري يا لطوف ... خل تقووله احنا بعدنا صغار ما نضجنا ليلحين ما نعرف شنو مشاعرنا ..بهالعمر نكون مندفعين ...وبعدين صعبه انت بديره وانا بديره ..اذا خاشلنا المستقبل شي بيصير .. بالوقت الحالي ما نقدر نسوي شي وتبقى انت ولد خالتي العزيز والغالي

 

[رماني زماني]

اللاااااااااااااااااااه ودي احد يحبني ,,,,,,,,,,,,,,,,

 

[اشتقت]

رد : ولد خالتي .. ;(

امممممممممم صراحه والله مالومج فعلا مشكله تحير ..
بس من راي انها ماترد عليه كلش ,, واذا اهي حابه ترد عليه تقوله احنا لي الحين مو عارفين حقيقه مشاعرنا وخاصه احنا بفتره اضطراب المشاعر واهما بعدهم صغار واتوقع بعد ان هو من نفس عمرها ,, بضرب لج مثال بنت خالتي وولد خالتي من اهما صغار يحبون يقعدون مع بعض ويسولفون مع بعض ومحد يرضى ع الثاني ولمن كبروا وصار عمر بنت خالتي 21 وهمن بعد ولد خالتي وكان في مشروع خطبه تدرين شقالوا ,, احنا مانكن لبعض الا مشاعر الاخوه لا غير فعشان جذي انا لا ترد عليه او تقوله احنا تونا على هالسوااالف ,,
ادري بطيت راسج بقرقتي

 

[كسر.قلبي.زماني.]

رد : ولد خالتي .. ;(

الحب ضراااط !!!

 

[Miss McDonald]

رد: رد : ولد خالتي .. ;(

الحب ضراااط !!!

مآرآح اقوول الله يعطيج العقل بس اقول الله يعطيج الأسسلوب السسنع :bbbiu:

 

[Miss McDonald]

.
البنت خلهآ تنتبه لدرآسستهآ آبرك لهآ ,
ولآحقه على الحب توهآ صغيرة =)

 

[غير كل الناس]

هذا حب طفولي من الروضه؟؟؟؟؟؟؟؟؟؟؟؟؟؟؟؟؟

 

[لطووف..]

اللاااااااااااااااااااه ودي احد يحبني ,,,,,,,,,,,,,,,,

الله يزرقج انشالله :eh_s(6):

امممممممممم صراحه والله مالومج فعلا مشكله تحير ..
بس من راي انها ماترد عليه كلش ,, واذا اهي حابه ترد عليه تقوله احنا لي الحين مو عارفين حقيقه مشاعرنا وخاصه احنا بفتره اضطراب المشاعر واهما بعدهم صغار واتوقع بعد ان هو من نفس عمرها ,, بضرب لج مثال بنت خالتي وولد خالتي من اهما صغار يحبون يقعدون مع بعض ويسولفون مع بعض ومحد يرضى ع الثاني ولمن كبروا وصار عمر بنت خالتي 21 وهمن بعد ولد خالتي وكان في مشروع خطبه تدرين شقالوا ,, احنا مانكن لبعض الا مشاعر الاخوه لا غير فعشان جذي انا لا ترد عليه او تقوله احنا تونا على هالسوااالف ,,
ادري بطيت راسج بقرقتي

لا ياقلبي لا عورتي راسي ولا شي
مادري احس صعبة ماترد عليه .. بس اهي تبي توصل له الكلام بس بدون تجريح او احبااط
وهي ما تبي تعور راسها بهالمشاكل ولا تبي تفتح له المجال

ع العموووم مشكووورة على ردج الراااقي

الحب ضراااط !!!

لا تعليق ..

.
البنت خلهآ تنتبه لدرآسستهآ آبرك لهآ ,
ولآحقه على الحب توهآ صغيرة =)

حبيبتي اهي ما تبي تحب ولا تفكر بالحب
اهي نفس كلامج المشكلة اهي تبي ترد عليه بس مو عارفه شنو تقول له
يعني تبي تنهي السالفة

هذا حب طفولي من الروضه؟؟؟؟؟؟؟؟؟؟؟؟؟؟؟؟؟

اهو طبعا اكبر منها مو كبرها اهو بالجامعه واهيا توها 17 سنة
بس حب طفولي كبر وصار حب مراهقة والله واعلم يكبر بعد ولا لا ؟!!

 

[لطووف..]

والله مادري يا لطوف ... خل تقووله احنا بعدنا صغار ما نضجنا ليلحين ما نعرف شنو مشاعرنا ..بهالعمر نكون مندفعين ...وبعدين صعبه انت بديره وانا بديره ..اذا خاشلنا المستقبل شي بيصير .. بالوقت الحالي ما نقدر نسوي شي وتبقى انت ولد خالتي العزيز والغالي

صراحة كلامج بعين العقل والصواااب نفس وجهة نظري بس ما قدرت اوصلها

مشكورة يا قلبي ع الاسلوب الراااقي




يعطيكم العافية كلكم على مرووركم العطر وتفاعلكم

 

[Tom ♥ Jerry]

.


خل تقوله انا مآ عندي هالسوآلف و لا تدزلي مسجآت و لاتتصل الله يخليك
> جذي رآح يحس أنهآ بنت ثقييييييييله و رآح اييلها من الباب ..
بس طبعا عقب مآ يخلصون دراسه و يتوظفون .. خو لاحقين على الحب (= !

 

[غرور وايل]

امممم
اقووول خلهاا تنتبه لدراستهاا ,,
وتخلي كل شيء ع الله

والله يووفقهاا

 

[سنا الفضه]

رد : ولد خالتي .. ;(

لاترد وانا اختج خلهاا تثقل

وان كان يحبها صج درب بيتهم يدله ويقدر يصارح اهله (امه - اخته )بهالشي بس لاتنجرف معاه وتعطيه ريج حلو او ترد عليه لاخير ولاشر وان شافته جنه ماوصلها شيي

 

[..فروحه..]

مادري والله

الله يوفقهم

 

[always Buty]

رد : ولد خالتي .. ;(

لا ترد عليه تفتح على نفسها باب

 

[كسر.قلبي.زماني.]

رد : رد: رد : ولد خالتي .. ;(

مآرآح اقوول الله يعطيج العقل بس اقول الله يعطيج الأسسلوب السسنع :bbbiu:

وانتي الله يعطيج قناعه اغلاق الشهيه مسكينه ممخلصه كل وجبات مكدونالدز كلهم بطنج مشحوفه مو جايفه مطاعم

 

[كتكوته ورديه]

خليها تقول الصج

 

[Miss McDonald]

رد: رد : رد: رد : ولد خالتي .. ;(

وانتي الله يعطيج قناعه اغلاق الشهيه مسكينه ممخلصه كل وجبات مكدونالدز كلهم بطنج مشحوفه مو جايفه مطاعم

:krkrkr:
.
العلة تكون ببطني ابرك ماتكون بعقلي !

 

[تـوتـه]

لاترد افضل لها خليها تثقل عليه

وخليها تنتبه لدراستها

ومثل ماقالو دام يحبها وشاريها يدل بيتهم


والله يوفق الجميع

 

[أمة المنان]

رد : ولد خالتي .. ;(

يااختي انصحيها ان الطريق هذا حرام اتقي الله هي تستشيرك كوني مفتاح للخير مغلاقا للشر انصحيها غن الطريق هذا يؤدي إلى الحرام ولايرضى رب العالمين وأوله نظره وآخره عذاب والمستشار مؤتمن قال تعالى (ومن يفعل مثقال ذرة خيرا يرى ومن يفعل مثقال ذرة شرا يرى)