اتسامح قبل الحج ولا ؟؟؟؟

[مهاوىى]

بنات انا حجزت وبروح الحج وقبل كم شهر صارت مشكله بينى وبين اهل زوجى الله يرحمه وطردتهم من بيتى لانهم والله العظيم اغلطو علي واظلموني .. وانا سمعت لازم الحاج يتسامح قبل ما يحج
ومشكلتى انهم ناس بدون اخلاق هييلق اخاف ادق واتسامح منهم ويغلطون على وينكدون علي

 

[ღ❤سـنــيـــڪـرز❤ღ]

مدري والله حبيبتي لازم تتساامحين او لا

حبيبتي سوي اللي عليج والبااقي على ربج دااامج حااجزة

رووحي تساامحي او بالتلفوون

قبلو او مااقبلو انتي سويتي اللي عليج والحمدلله

 

[Lemon Juice]

إبدي بالمعروف وتسامحي منهم .. عشان انتي ترتاحين ورب العالمين يرضى عنج إن شاء الله

ولا تقولين بتسامح منهم وبس يعني مو مجرد كلمة تنقال .. تسامحي منهم وسامحيهم من قلبج وصفي النيه حتى لو اغلطوا

وحتى لو ما لقيتي العفو والصدر الرحب منهم

أهم شي نيّتج صافيه وربج راضي عنج

 

[مناوي الكويت]

مثل ماقالوا البنات دقي عليهم وعلى ربج الباجي

 

[انوار87]

اختي اي لازم
وحتى اذا متدينه من احد ( مو بنك) لازم تردينه

قبل فتره وحده كبيره زعلت من ابوي الله يرحمه
اهيا مزعلته وغلطت عليه وكل شي بس لما كان بيروح الحج اتصل عليها
وسمعها اشكره تقول مابي اكلمه قال حق ولدها انا كنت بروح الحج وبتسامح منها وطبعا حقرت
فانتي على الاقل دقي و سلمي وبس واذا اهما ماردوا عليج انتي سويتي الي عليج

 

[*ريما*]

رد : اتسامح قبل الحج ولا ؟؟؟؟

سوي اللي عليك
والباقي ع الله
وحج مقبول وذنب مغفور
ان شاء الله

 

[& مــشــايــخ &]

عشان الله سوي كل شي

 

[المقروده]

إبدي بالمعروف وتسامحي منهم .. عشان انتي ترتاحين ورب العالمين يرضى عنج إن شاء الله

ولا تقولين بتسامح منهم وبس يعني مو مجرد كلمة تنقال .. تسامحي منهم وسامحيهم من قلبج وصفي النيه حتى لو اغلطوا

وحتى لو ما لقيتي العفو والصدر الرحب منهم

أهم شي نيّتج صافيه وربج راضي عنج

عفيه عليج هذا الكلام الي يبرد الجبد

 

[الراقيه 81]

انتي اتصلي وتسامحي منهم وسوي اللي عليج والباجي على الله بس لوجه الله انج سويتي اللي بينج وبين الله

 

[FeShinGoOo]

رد : اتسامح قبل الحج ولا ؟؟؟؟

طرشي مسج قولي حللوني بروح الحج

 

[Dr.Nouf]

إبدي بالمعروف وتسامحي منهم .. عشان انتي ترتاحين ورب العالمين يرضى عنج إن شاء الله

ولا تقولين بتسامح منهم وبس يعني مو مجرد كلمة تنقال .. تسامحي منهم وسامحيهم من قلبج وصفي النيه حتى لو اغلطوا

وحتى لو ما لقيتي العفو والصدر الرحب منهم

أهم شي نيّتج صافيه وربج راضي عنج

صاجة !

راي من رايج :q8:








,

 

[Tom ♥ Jerry]

.


حبيبتي لأزم تتسآمحين .. مآ يصير تروحين الحج و شآيله بقلبج على أحد أو العكس ( آحد شآيل بقلبه عليج ) !
آنتي سوي الي عليج دقي و تسآمحي و قوليلهم انا بروح الحج و الله يهدي النفوس آن شاء الله !

سوي الي عليج و الي يرضي نفسج و ربج و آذا غلطوآ عليج
تكونين انتي الكبيره و آنتي العاقله و آنتي الي رآيتج بيضه جدآم ربج .. =)
و آهم شي رضا ربج بعدين رضا الناس ..

تعوذي من ابليس و دقي عليهم كلهآ مكآلمه خمس دقايق اذا غلطوآ عليج و سدوه بويهج
تكونين آنتي سويتي الي عليج

 

[غرور وايل]

حبيبتي دقي ..
وتسسامحي منهم ترا الدنيا ما تسووىىى تراها كلها يوومين ..!!
الىىى متى وهالقطااعه ..,,

واله يتقبل منج ياارب

 

[باربية الكوووويت]

دقي

 

[الأميرة جوري]

رد : اتسامح قبل الحج ولا ؟؟؟؟

باين انج تروحين طيبه .... دقي وسوي اللي عليج علشان تروحين مرتاحه

 

[جماااانة]

دقي وتسامحي من كل احد زعلتي عليه او زعلج

ووطلبي من الكل يحللونج ويسامحونج

وان شااء الله حج مبرور وذنب مغفور ياارب

 

[قطوة@@]

رد : اتسامح قبل الحج ولا ؟؟؟؟

الله يسهل عليج حجتج يا رب

 

[طموحه بزياده]

دقي وسلمي لوجه الله مو عشانهم بالطقاق اللي يطقهم اهم شي انج راح ترتاحين لي حجيتي انج سويتي اللي يرضي ربج حتى لو غلطوا علج ورفضوا سلامج لهم او اعتذارلج لهم شنو احلى من انج تحجين وتردين كيوم ولدتج امج؟


دقي وسلمي وتوكلي على الله



ميخالف تحملي ترا كلنا عندنا ناس باطين جبودنا وبالشرع لازم ندق عليهم ونسلم وهذي صلة الرحم وان شاء الله كلها اجر

 

[جـــواهر]

تسامحي منهم لدنيا ماتسوي حتي لو نكدوا عليج اهم شي صفيتي نيتج وتروحين وانتي مرتاحه

 

[pure.soul]

المسامح كريم و خيركم من بدأ بالسلام