راسي بينفجر تعبااااانة ماعرف انوم بنتي متعودة على الهزهزة

[الكرزة]

السلام عليكم ورحمة الله وبركاته
واللي يعافيكم ساعدوني احس بصداع رهيب انا ماعرف انوم بنتي من انولدت امي قالت لي هزهزيهه ليما تنام اسرع لج وامي مرة عودة ومشيت على كلامهه وكل ماتبي تنام لازم انط وانط فيها علشان تنام تعودت على هشي لدرجة ان في الليل تقطع نومها ولازم انا اقوم واهزهزهه واتمشى فيه 4 او 5 مرات انه وايد تعبانة وماعندي احد يعلمني وهي اول طفلة لي وماعندي احد يساعدني علموني وبادعيلكم

 

[الرها]

شوفي الله يسلمج
اشتري لها السرير الهزاز

او جلاسة الاطفال اللي تشتغل ع البطاريه تصير كرسي وسرير

وشغلي لها قراان


والله يعينج

 

[ريــــتال]

لا لا لا
ديري بالج من الهز سمعت انه مو زين
حاولي تنومينها بحضنج وعطيها الحليب وشوي شوي
تلقينه نامت لا تهزينها سمعتي ...........

 

[بنت خالة هادي]

حبيبتي انا عندي توام وخدامتي تبي الفكه كله تهزهم وانا ازفها حتى وهم نايمين تخلي الشغل وتجي تهزهم باطه جبدي الحين تخيلي لو يبجون ماخليها تساعدني شسويت قعدت اخليهم يبجون لين يسكتون شوي شوي تعودوا اخليهم ينامون بدون هز بتتعبين لكن بترتاحين بعدين واذا ماتقدرين فيه بسنتربوينت كرسي صغير نفس حضن الام وبالكرتون حاطين صورة ام حاضنه ولدها ب19 وفيه هز خفيف اشتريه والله يعينج ويعيني على التوام

 

[الكرزة]

شوفي الله يسلمج
اشتري لها السرير الهزاز

او جلاسة الاطفال اللي تشتغل ع البطاريه تصير كرسي وسرير

وشغلي لها قراان


والله يعينج

عندي اياه وهاذي على طول قاعدة فيه بس ماتنام فيه لين اخليها بس لين تبي تنام تبجي تبيني اهزهزهه بيدي وساعات تبجي ماتبيه تبي تجلس في حضني

 

[الكرزة]

لا لا لا
ديري بالج من الهز سمعت انه مو زين
حاولي تنومينها بحضنج وعطيها الحليب وشوي شوي
تلقينه نامت لا تهزينها سمعتي ...........

حجيج عدل

 

[الكرزة]

حبيبتي انا عندي توام وخدامتي تبي الفكه كله تهزهم وانا ازفها حتى وهم نايمين تخلي الشغل وتجي تهزهم باطه جبدي الحين تخيلي لو يبجون ماخليها تساعدني شسويت قعدت اخليهم يبجون لين يسكتون شوي شوي تعودوا اخليهم ينامون بدون هز بتتعبين لكن بترتاحين بعدين واذا ماتقدرين فيه بسنتربوينت كرسي صغير نفس حضن الام وبالكرتون حاطين صورة ام حاضنه ولدها ب19 وفيه هز خفيف اشتريه والله يعينج ويعيني على التوام

ان شاء الله ياربي الله يعينج ويعيني باسوي اللي قلتيلي عنه وان شاء الله خير

 

[a7la MUM]

رد : راسي بينفجر تعبااااانة ماعرف انوم بنتي متعودة على الهزهزة

وانا بعد جذي لازم اخظ مخه يالله ينام تعبت وخدامتي جم مرة اشوفها تهزه حييييييييييييل جنه بيطير منها
عمى بعينها وغيرتها
وليلحين لازم اهزه انزين شنو اضرار الهز ليش مو زين؟؟

 

[بدوية بملامح كشميرية 86]

ديرى بالج الهز مو زين انتبهى

 

[<<لمار>>]

حطيها على كرسى وهزهزها فية بس شوى شوى موتقلبين مخها ترى موزين

 

[๓ίşś зśŏłả..!]

رد : راسي بينفجر تعبااااانة ماعرف انوم بنتي متعودة على الهزهزة

صح كلام البنات لا تهزينها مو زين

 

[ام ناصر 2009]

رد : راسي بينفجر تعبااااانة ماعرف انوم بنتي متعودة على الهزهزة

وي نفسي

 

[متفائله بلا حظ]

حتى انا ولدي اسم الله عليه وصل عمره سنه وللحين هز
والله حتى ايديني تعورني واتعب وماينام الا منسده نفسي من ابوه المسكين

 

[ديانا سبنسر]

فيه سرير هزاز يشتغل بريموت كونترول شفته مرة باعلان على مااذكر يمكن يريحج ان شاء الله

 

[حرمه المصون]

اعـــــــــــــــــــــاني من هالسالفه ولله مرات احطه بالسرير 25 دقيقه يقطع قلبي من البجي بس اخليه بس الصراحه مره في الاسبوع اسويها يكسر خاطري

 

[توتيه]

وانا نفسكم حوضي انفك من كثره الهز
يكبر وينسي

 

[a7la roro]

^
^
نفس الحال تعبت من الهززز

 

[ليالى الحنين]

الله يعينج

 

[الأميرة جوري]

رد : راسي بينفجر تعبااااانة ماعرف انوم بنتي متعودة على الهزهزة

كااااااااااافي هز لعبتي براسها اسم الله عليها ,,,,,,,,,, لاتنام الا لمن تكون تعبانه وميته عالنوم اهنيه بروحها طيح عالفراش واتنام وانتى علي طول نامى علشان تشبعين نوم ومع الوقت بتتعود اذا بهزينها بدخل المدرسه وتصير طولج وانتى تهزينها تعلمى بعدين لاتهزين

 

[ريتااجي]

رد : راسي بينفجر تعبااااانة ماعرف انوم بنتي متعودة على الهزهزة

بنااااااااااااااات لاتهزون عيالكم

ترى الهز مايصلح لان في حالات صار فيهم ارتجاج في المخ بعيد عن عيالكم وعيالنا

نصيحة من أخت لخواتها لاتهزونهم حتى لو يظلوا يصيحوا هم من نفسهم راح يتعبوا

وبيسكتوا ويناموا