بنتي عصقوووووووووووله

[om al-galy]

امهااااااااااااات اللي يسعدهااا اللي تقولي على شي يمتن بنتي ويزيد وزنها

عمرها 8 شهور ووزنها 7 كيلو بس والكل لمن يشوفهاااااااا يقوول عصقوووله ليش ماتوكلينها

وانا والله العظيم مومقصره عليها اعطيها الصبح علبة فواكه جاهزه والغدا ملوبا خضار اوفواكه والعصر بسكوت فارليز اذوبه مره بالماي ومره بالحليب والعشا اسلقلها بطاط وخضار

هذا من غير رضعات الحليب كل ساعتين

وحليبها 26بروميد

قوولوووولي شسوي عشان تصير بطوطه:001:

 

[غيمه ظميانه]

شوفي اهم شي صحتها زينها عظامها زينه مو رخوه هذا اهم شي والمتن لاحقه عليه

ثانيا يمكن هالشي وراثه

ثالثا الحليب اللي تستخدمينها ما عمري جربته لكن اذا ماشي معاها خليه واذا تبين حليب صج صج يمتن بيبي لاك استخدميه لين تمتن واقطعيه خوفج يمتنها حيل وعلى حسب بعض الجهال لا يمتنون تدريجي


رابعا شربيها ماااااااي العيش يعني عيش غسليه ونقعيه شوي واغليه الماي ماله اخذيه يعني مثل العيش المشخول بس زيدي الماي عشان العيش ما يشرب الماي كله


وميلوبا الارز يمتن وحلو طعمه بس تحطينه مع حليبها اذا بيبي لاك بعد ممتاز

والله يخليها لج

 

[om al-galy]

غيمه جعل ربي يوفقج حبيبتي على ردج

وحليب بيبي لاك اي نوع اعطيها لان منه انواع وهل هو موجود بالتموين

وطريقة نقوع العيش بسويها من اليوم

وملوبا الارز مع العسل اعطيه لبنتي بس مازاد وزنها عليه

ومن ناحية الوراثه لا انا وبوها متان ولا في احد عصقول نفسها من عيال خالاتها او عمانها كلهم ماشاالله متعافين

ومشكووووووره حبيبتي مره ثانيه

واللي عندها معلومات خل تفيدنا تكفووووووووووووون

 

[~ الــــزيــــن ~]

مرحبا

حليب بيبي لاك يمتن حيييييييييييييييييل والله عن تجربه حطي مع مطارة الماي حلبه والله تمتن حييييييييل حطي بمقدار قفشة الجاي
والله روووووعه تمتن والحلبه زيييينه تقوي العظام وتفتح البشره وتمتن

والله يخليلج بنيتج يارب

 

[om al-galy]

مرحبا

حليب بيبي لاك يمتن حيييييييييييييييييل والله عن تجربه حطي مع مطارة الماي حلبه والله تمتن حييييييييل حطي بمقدار قفشة الجاي
والله روووووعه تمتن والحلبه زيييينه تقوي العظام وتفتح البشره وتمتن

والله يخليلج بنيتج يارب

بعد عمري الزيــــن مشكورة عالرد


بخصوص الحلبه جربتها معاها بس كانت تذبحها بالغازات والماغص بس تتلوى من بطنها

شاكره مرورج الحلو:edbf4317b9:

 

[@ دهن العود @]

والله اقرا موضوعج جنج تتحجين عن عيالى بالضبط

نفس العمر ونفس الوزن ونفس المشكله

 

[رسيل طفلة الورد]

رد : بنتي عصقوووووووووووله

الله يخليها لك يارب .. بالنسبة لي ولدي كنت اعطية حليب اس 26 من كان صغير لحد الان اعطيه اياه بس على حسب المراحل والعمر ومن كان عمره شهرين كنت احط له مع الرضاعة في حليبة فيتامين مقدار 5 ملم مرتين في اليوم ونسيت اسم الفيتامين بس شكل علبتة مثلث ولونة برتقالي وهو فاتح للشهية بعد .. هذا غير لما وصل عمره اربع شهور كنت اعطيه دقيق الرز تحصلية في الصيدليات .. ولما وصل عمرة 8 شهور كنت اعطية اصناف من الاكل اذا حابة تعرفيها قولي لي وانا انزلها لك .. ولله الحمد جسم ولدي لايعلى علية وصحة بعد ماشاء الله تبارك الله . والى الان عمرة سنتين ....

 

[ام بديير]

يمكن عودها جذي نفس ولدي عمره سنه و6 شهور وضعيييف والحين اعطيه فاتح شهيه اسمه ميناديكس بنكهه البرتقال متن عليه ووايد زين ..

 

[om al-galy]

مشكووورين حبايبي اللي ردو علي والله يوفقكم اجمعين

باذن الله بغير حليبها والله يكون بالعون وزنها له شهر مازاد جرام واحد

الله يعين

 

[مروووم]

اسم الله عليها ويا حلات العصقوووووله
احب العصاقيل