التربية الأساسية مغازل عيني عينك لي متى هالمهازل !؟

[بدوره 22]

انا متخرجه من الكليه صارلي من 7 سنين وكل اللي قلتيه شفناه ليمن قلنا بسسسسسسسسسسسسسسس

الله يهدي الجميع

 

[خُزام]

رد: رد : التربية الأساسية مغازل عيني عينك لي متى هالمهازل !؟


حياكم الله بنات تسلمون على مروركم

اي والله شلون بيكونون معلمات أجيال وهم يحتاجون من يربيهم

وام حيدر ترى الشامية مو مكان شبهه لووول شدعوه

كل مكان عندنا في أوقات معروفة يفضل الوحدة ما تروح لها بروحها

وهالشي ينطبق حتى عالمجمعات نفس المارينا وغيرها وحتى الشوارع !! لأي درجة وصلنا !

ملاااك نفسهـ

عدل كلامج كل مكان فيه بلاوي وسوالف تخرع مو بس هالكلية

و كل مكان فيه الزين وفيه الشين التعميم غلط انا تكلمت عن هالكلية لأني الحين فيها

و كنت بجامعة الكويت قبل وشدعوه ما فيها خرابيط شوفة عيني ياما شفت

اذا بكلية العلوم وحدة مع واحد منسدحين عالزرع جنه ببيت ابوهم !!!

بس دايما ترى الأماكن اللي بس للبنات يكون كل شي فيها واضح أكثر والعين عليها

وهالفئة اللي ما عندهم حيا مشوهين منظر وسمعة الكلية

 

[P!NKia]

انا اللى يحرنى انها تطلع من بيت اهلها لامكياج ومتغطيه من فوق لى تحت واذا دخلت الطليه ترست وجها من المكياج ولا تطلع مع شباب والله قطت العبايه وفلت الشعر ولبست قصير جدامى انا شايفتها متغطيه مايبين منها شي قومى ادخلى الحمام واطلعى بشكل ثانى قطت الملفع والعبايه ونقاب وهالمكياج وفلت الشعر ولابسه ابيض قصير ولا البنت مزيوونه تجنن وشالت التلفون وقالت يالله حبيبى كانى طالعتلك
انا من الحرا لحقتها ومعاى جم بنت وصج اركبت مع واحد واهى بهشكل انا انقهرت الله يستر عليها

 

[اسرار الغلا]

الله يستر على بناتنا

 

[أم الحلووووين]

الله يهديهم ..

 

[سحايب برنس]

لا وابشرج العن من هالاشكال اللي شفتيهم تخرجوا وصاروا مدرسااااااااات
مقول الا الله يستر بس على البنات اللي يدرسونهم

 

[lulwa-q8]

لا حول ولا قوة الا بالله

الله يهديهم ويهدينا و يستر عليهم و علينا

 

[الـــغـــلآ]

رد : التربية الأساسية مغازل عيني عينك لي متى هالمهازل !؟

بنآت ادعولهم بالهدآيه..
الله يهديهم و يصلح بآلهم آآمين

 

[a7la MUM]

رد : التربية الأساسية مغازل عيني عينك لي متى هالمهازل !؟

ويييييييييي عيل انا شقول
تخيلي انا توني اسوق خذيت السيارة قبل يومين وطبعا ظيعت الطريج وغير المسخرة ماكو مواقف ياهنود يا اللي خبرج وقعدت ابجيييييييي دقيت على ريلي قتله مابي اسوق عووووع مابي ليش جذي والله لابسه عباتي ومحترمه حددددي ليش جذي حسبي الله عليهم الشباب الهيلق اللي جذي


اما بالنسبه للبنات انتي تسألين تقولين ليش جذي؟
انا اقولج ليش تلاقين هالبنت عند اهلها محرووومه من الطلعه او حتى الشارع ماتشوفه بس اللهم الكليه والاهالي على نياتهم يدخلون بناتهم كليه التربيه علبو ان كله بنات وحريم مايدرون بالمسخرة اللي صايرة!!!

بقولج موقف صار جدامي وحده شفتها ركبت سيارة مع واحد صوب باب البدنيه اوكي وانا رحت صوب الباب الرئيسي ولا اشوف شااااااايب ريال عود مسكين ناطر بنته الظاهر الكل مشى الا اهو اخر شي طلعت هاااااذي بنته تخيلي منطرة ابوها الشايب بهالحر عشان تركب مع واحد@@

عش رجبا ترى عجبـــــا!!!!

 

[عذوق]

استغفر الله

لاحول ولا قوة الا بالله


الله يهديهم

 

[متي أركد]

مصايب وفاضيات حسبي الله علي بليسهم

 

[الاحساس]

أنا اذكر لما كنت بالجامعة اروح مع أبوي وأشوف هالاشكال وكنت استحي وأبوي معااي واشوفها واتفشل انحرجت من أبوي ،،، أنا استحيت اهيا ماستحت

 

[toofy]

ما شفتي شي رووحي صوووب حمامات البدنيه ساعه3 جذي او عند بوابتهم بلاااااااااااااااااااااوي :d

والشاطره فيهم الي تواعد عند مبنى 2 الي صج مهجووووووووور جدام عيني كانت بالحمام تتمكيج جايبه العده كلها وطلعت ركبت معاه يمااا صرااحه مت من الخووووف اكره هل مبنى يخوووف :s

 

[يالبيه 17]

رد : التربية الأساسية مغازل عيني عينك لي متى هالمهازل !؟

ايييييييييييييي صح شي مو طبيعي !!


انا بالجامعه بس يوم الخميس دكتورتنا معطتنا اوووف وقالتلي رفيجتي تبي تروح التربيه الاساسيه تشوف رفيجاتها ورحت معاها
امبييييييييييييييييييه قله ادب الشباب الي اهناك الله يعين البنات عليييييييييييهم


تخيلوا يسبون البنات ولا مشت بنت تبي تخطر الشارع يقحصون ومايخلونها تمر


ولا بعد كلامهم وصخ وصخ وصخ ! يعني سب وصصصصصصصخ ورب الكعبه صك اذني

البنت زفته قالت له اذا مارحت بدق على المخفر جان يقولها كلمه @@@ وربي ماتنقال كلش كلش ماتنقال



الله يعين البنات عليهم انا حرمت اروح مره ثانيه خقيت

 

[هــدوء]

رد : التربية الأساسية مغازل عيني عينك لي متى هالمهازل !؟

الله يستر علينا وعلى بناتنا وخواتنا

 

[㋡..PRINCESS..㋡]

رد : التربية الأساسية مغازل عيني عينك لي متى هالمهازل !؟

امبيه عسى الله يستر علينا و عليهم و يهدي الجميع

 

[lady-me]

الله يستر على بناتنا والله

انا صارلي توني متخرجه من الكليه شفناااااا اشكااااااال والله يخربون سمعت الكويت وسمعتنا البدو
جد والله كل ما اسولف مع وحده تقعد تقول ليش البدو جذي اقولها حرااام عليج واقعد اتناقش معاها سنه جدام~

ولاسف انا كل مره ابوي ايقطني ايقولي حرام هذول ليش لابسين جذي اكيييد محرومين وموشايفين الدنيا مخترعين

اقووولج عن المواقف الي شفتهااا~

>> مره ابوي تاخر على قالي نطري باستراحة الملحق, رحت قعدت وبطلت لابتوبي الا بنتين ايدشون الاستراحه
وحده بسطت على القاع وفرشت مكياجها والثانيه قاعده على الكرسي اتعدل المسكرا الزبده جان تقول وحده منهم للثانيه " هاااه
شرايج تطلعين معاي هالمره جاي معاه رفيجه" ردت الثانيه " لا مالي خلق" وترد عليها "يبا امشيي انقز وقت وانعبي رصيد وانرد
الكليه ماصار شي" زيييييييييييين انا قااااعده بالاستراحه ما استحت؟؟ ماقات عليييب يمكن البنت اتعرفني ؟ امبييييه جد اشكال
اتفشل

>> ولا مره رحت لجمعيه الشاميه مع امي بشوف المكياج ولا ثنتين ايتمشون ووراهم واحد انا امي اتشرى وانا
قاطه اذني عليهم >_< الزبده
البنت واقفه عند العطور جان تقول خليني اشم عطر شانيل وتقعد اتشمه واتشممه رفيجتها وتقول يااااي رووعه خلو العطر واطلعوا
اول ما اطلعوا جان يجي الصبي الي وراهم ويشتري من العطر اثنين ويلحق ورا البنات !! امبييييه انا طارت عيوووني عمااااااا
ولا اضحك اقووول لامي ابي واحد خبل يشتريلي عطر ابو 35 ههههههههههههههههه
وطبعا لما تسوقنا رحنا ستاااربكس الا نفس البنتين قاعدات على طاوله ويجي الصبي الي شرالهم العطرين معاه ثلاث قهوات
يحط ثنتين على طاولتهم ويقعد بالطاوله الي وراهم كااان ودي اقعد اشووف شيصير بس للاسف امي جرتني خارجا ههههههه

ولا رفيجاتي بعد يحاجوني عن المواقف الي بالباصاااات تقووول تسمعين وودج تبجين ومواقف الساعه 5 المغرب تقولي اكشن اكشن

الله يستر عليهم ويهديهم ان شاء الله

 

[hend6363]

رد: رد : التربية الأساسية مغازل عيني عينك لي متى هالمهازل !؟

بقولج موقف صار جدامي وحده شفتها ركبت سيارة مع واحد صوب باب البدنيه اوكي وانا رحت صوب الباب الرئيسي ولا اشوف شااااااايب ريال عود مسكين ناطر بنته الظاهر الكل مشى الا اهو اخر شي طلعت هاااااذي بنته تخيلي منطرة ابوها الشايب بهالحر عشان تركب مع واحد@@




ااااااااااااالله مسكييين الله يقطعها كسر خاطري ابوها صح مو مال ثقة
وهالظاهرة موجوده حبيبتي في كل مكان في المدارس و الاسواق و الاماكن العامة و كل البلدان
انتو و احنا و غيرنا و غيرنا
بس انا الي يفلت اعصابي الي تقولون عنهم يلبسون نقاب و جي حرااام والله العظيم ليش يشوهون صورته
الحين المنتقبات المتدينات مساكين يقولون عليهم انهم مو متربات بسبب هالاشكال الله يقطعهم
ما في شي تسوينه حبيبتي المشكلة ديما الخير يخص و الشر يعم

 

[نونا**]

هند ياتني البجية عورت قلبي

بنات انا نادرا مااشوف منقابات الاغلب مترصصة بالجنز او عباية مفتوحة وتحتها جينز وملفع والشعر كله طالع!

الله ياخذهم ليش جذي

 

[hend6363]

هند ياتني البجية عورت قلبي

بنات انا نادرا مااشوف منقابات الاغلب مترصصة بالجنز او عباية مفتوحة وتحتها جينز وملفع والشعر كله طالع!

الله ياخذهم ليش جذي

نونا
سامحيني والله مو قصدي اعور قلبك ولا ابجيك
يلا هاج :hjy5jewf::hjy5jewf:
ان شاء الله رضيتي علي خخخ

سوري صاحبة الموضوع