حملة خلوها تخيس

[Ms. luxury]

هلا بخواتنا العوديات كللللكم ..احنا عارفين ضحكة جنان هذي موأول مرة ..دايما مواضيعها تشب الشرارة وتطلع ومن بعدها يولع الموضوع ناااااااار
خلوها ماعندها ماعند جدتي ههههه صرت سعودية وناسة ههههه
أنا موذاك الزود مع الطماط ..ألحين توني سادة تالتلفون من ريلي طلبت منه خضرة ..خخخخ شسوي بعد ريجيمي 3 أيام خضرة فقط بكل أشكالها ..أنا مبلشة فيه من الاسبوع اللي طاف وفكرت ألغي أيام الخضرة بس قلت يبه مايضر أنا كلي واحدة وبس الحين وبعدين ان شاء الله أقاطع معاكم ..
تبون أكلات بدون طماط تعالوا عندي
بالريوق قصصي الحلوم شرايح ونقعيه بماي ويعدين شخلي الماي وحطي عالحلوم فلفل اسود وارويغانو وزيت زيتون وحمشيه بالمقله التيفال وتعالي اكليه
الغدا
1)فوحي اللحم أو الدياي وحطي عليه يزر مبشور وفلفل علوب حار مقطع شرايح وبهارات عدلة وبعدين لما ينضج اللحم كتي العيش على اللحم وحطي نتيفة زبدة خليها تذوب مع العيش ونقعي زعفران وماي ورد وشوي كركم عشان الصبغة وصبيهم فوق العيش لما ينشف مايه راح تاكلين هالطبخة بدون دقووووووس
2)اشتري دياية الوطنية الجاهزة المتبلة بالجمعيات ..وحطيها ببايركس وحطي معاها يزر مقطع صغار وبصل طوال وبطاط مكعبات مثل اليزر وخلطي بماعون ثاني بروحه (كوبين ماي +قفشة طحين +قفشة نشا+مكعب ماجي مذوب بقليل من الماي الحار ) وب خلطي الخلطة عدل وصبيها الدياي والخضرا وحطي البايركس بالفرن ساعة وسوي لج عيش مشخول واكلي العيش مع الصلصة اللي بالبايركس مع الدياي ..بدون طماااااااااط
العشا ..خس مقطع وعليه نقتس مقطع وصلصة قيصر الجاهزة وبعدها كوب عصير والحمدلله
ريجيم خففوا خففوا ...<<< لا أتغشمر ..
معاكم بالمقاطعة

 

[سنعه بس مظلومه]

رد : حملة خلوها تخيس

حسبي الله ونعم الوكيل.... والله احنا مع الحمله بس اشلون نقنع شيبانا؟؟؟ حبيبي خآلي شآري كرتون طماطم والسبب المرق..يقول مايصير غدآء بدون إيدآم....

 

[ScarletteO'Hara]

و لو اني ما اكل الطماط نهائي
بس ما استغنى عنه بالمرق و الدقوس و الصلصات
بيتنا مصمم ما ايقاطع الطماط
و توني اضطريت اشتري طماطة لبنات الدوام لزوم الريوق
انصعقت من السعر
طماطة يتيمة ب 175 فلس!!
بس اتوقع نفس ازمة البيض الي من جم سنة
ارتفع سعره و صار نار و بعدين رد الوضع عادي
صج سعره ارتفع بس ماكو غنى عنه

 

[اريج الجوري]

رد : حملة خلوها تخيس

وانا بعد ما احب الطماط ,,,

لكن لازم اشتريه للأسره الكريمه ,,,

لكن اليوم ريلي قالي انه راح ينضم للحمله ,,,

وقلتله وانا بعد وياكم ...

 

[اريج الجوري]

رد : حملة خلوها تخيس

اقولكم شغله في سنه من السنوت في فرنسا ارتفع سعر التفاح فرنك واحد

يعني خمسين فلس بس ...

والفرنسيين سوا حملة مقاطعه للتفاح وبعدين رجع سعره ,,,

خو حالنا حالهم ,,,

 

[ام خالد 78]

تخيس تخيس تخيس

 

[خوش بنيه]

عاد مادري اشفيني قبل مووايد احب الطماط بس الحين حلت بعيني ههههههههههههههههههههههههههههههههههه

 

[دلوعة الفرولة]

خوووووووووووش حملة
وبعدين حملة خلوها تخيس مقتبسة من خلوها تصدي(مالت السيارات قبل 3 سنين)
هههههههههههههههه
يالا كلنا بيد وحدة^__*

 

[مـيـراس]

اليوم المرق بس ماي زكوسا وبطاط وقرع ومعجوون ماكو طماط ويهبل خفيييييييييييف ماي يهبل ..... اهئ اهئ اهئ

 

[zoom]

تخيس تخيس تخيس

:dddds:

 

[$ النيره $]

,






اي خوش حمله

 

[مطيـووره]

رد : حملة خلوها تخيس

انا داشه عرض شوي بس ترا خواتي غيرو العنوان لانه مايجوز نقول عن نعمة ربي تخيس هذي نعمة ربي والمفروض انه نحترم النعمة اتمنى اني فدتكم

 

[حياتي فراغ]

رد : حملة خلوها تخيس

رحت طليت بثلاجتي لقيت 9 طماطات بسسسسسسسسسسسس


لاااااااااااااا الطماط بينقرض من ثلاجتيييييييييي لاااااااا

لازم اسوي محمية طمام بثلاجتي





ماعليه ذيدو الجيله و اهم ينزلون السعر

 

[حياتي فراغ]

رد : حملة خلوها تخيس

انا داشه عرض شوي بس ترا خواتي غيرو العنوان لانه مايجوز نقول عن نعمة ربي تخيس هذي نعمة ربي والمفروض انه نحترم النعمة اتمنى اني فدتكم

حبيبتي في فرق بين خاست و خسأت ,,,


و عادي حتى باللغه نقول خاست التفاحة

اي ظلت بمكانها فتره طويلة ولم يمسسها أحد


صرت أبلة عربي

 

[@أجمل سنيني @]

خلوها تخيس .......وان شاء الله يخفضووووووون الاسعار وما تخيس

 

[محبوبه25]

رد : حملة خلوها تخيس

هاااااااااااااااااااااااااااااااااااااا
بشرووووووو ماردو الاسعار مثل ماكانت ؟؟؟؟

 

[تبارك الرحمن]

رد : حملة خلوها تخيس

و الله انا يمكن صارلي شهر ونص ما شريت طماط ومادري عن سالفة ارتفاع الاسعار لاني كنت حامل و ما اطلع بس لاحظت شي كل ما اروح اشتري طماط يكون مضروب و نوعيته الله يزيد النعمة خايسة عاد يوم الجمعة ريلي شرى كرتون صغير منصدم يقول كرتون الطماط تدرين بجم قتله بجم؟ قال ب دينارين قلت الله و اكبر شصاير بالديرة باجر بيرفعون سعر الخبز الطماط الي الكرتون بربع شيل و اخمط الحين بدينارين و 5 حسبيالله عليهن هالنواب مافيهم خير مثل الجلاب بس ينابحون وينه هالحمار اللي يبي يعطي 4 ىلاف للزوجة الثانية ما ايي يحل مشاكل المواطنين الله لا يبارك فيهم

طماط عاد : المرق - الدقوس- السلطة - الشوربة - الحمسات ( كلها طماط )
استغفر الله و الله الغلاء هذا ابتلاء من رب العالمين

 

[البخت ضايع]

بنات خلكم قد الحمله موحجي ... شيء موطبيعي الاسعاار نار موبس الطماط خل يتادبون شوي

واللي تقول مقلدين السعوديه مافيها شيء اهل وحبايب ونقلد بعض لاتحشرين عمرج

لاوقبل شوي قريت خبر ان الحكومه السعوديه بتسوي مؤشر لاقائمة الاسعار يعني تحدد اسعار السلع ... واي جمعيه او بقالات تموين تخالف الاسعار اللي محدده تقدم شكوي علي هالمكان والتاجر

وان شاء الله حكومتنا تسوي مثل هالخطوه الناجحه <<< وان جني يااجنان زووود

 

[واثقه خطاي]

اي والله خلوووها تخيس

 

[الحــــياة]

خلوووووووهآآ تخيس

اذبحونآآآ