جايتكم 3 ايام ياأهل الكويت ابي مساعدتكم؟

[جمانة المملوحة]

السلام عليكم ورحمة الله وبركاته

خواتي العزيزات بنات الكويت

جايه لكم بإذن الله 3 ايام الخميس والجمعه والسبت ، انا و2 من خواتي واخوي وموعارفيين شي

اخذنا كدا مكان من النت نبي نشوفهم ونزورهم وحجزنا السكن

بس عندي كدا استفسار:

هل عندكم حديقة حيوان كبيرة، وتحت اي مسمى، ووين بالضبط؟

وين اقدر اشوف طقم الهام الفضاله اللي جنني بزوارة خميس (خاتم وحلق ماشاء الله)

وين ممكن اشوف ماركات مخفضه؟ فيه من الاساس او لأ؟

طيب اختي تسوي سوالف بالجوخ، وتبي هديتها من الكويت قماش جوخ وكتب جوخ؟؟؟؟ وين احصلهم ؟

فيه عندكم اكواريوم (حوض السمك الكبير) ووين؟

مشكورين خواتي

واتمنى احصل ردود لو على بعض الاسئله

تحياتي لكم​

 

[am_kshaa]

حياج الله وتو مانورت الكويت

هل عندكم حديقة حيوان كبيرة، وتحت اي مسمى، ووين بالضبط؟ اى بمنطقه العمريه اسمها حديقه الحيوان


وين اقدر اشوف طقم الهام الفضاله اللي جنني بزوارة خميس (خاتم وحلق ماشاء الله)
روحى حولى مجمع بن خلدون فى اكثر من محل ذهب وفضه وفى كل الاطقم الى بخاطرج ويسويها لج اذا نقشات او بالاسامي


وين ممكن اشوف ماركات مخفضه؟ فيه من الاساس او لأ؟ عندج الافنيوز فى الحين جم محل فيها خصومات بس اغلب المحلات موجودة عندكم بس اغلب الخليجين ايون حق سوق السالميه الى فيه سيتى سنتر


طيب اختي تسوي سوالف بالجوخ، وتبي هديتها من الكويت قماش جوخ وكتب جوخ؟؟؟؟ وين احصلهم ؟
اقمشه الجوخ تنباع بالبلوكات بالصفاة فى محلات الكلف يبيعون الجوخ بالمتر والوان


فيه عندكم اكواريوم (حوض السمك الكبير) ووين؟
عندنا المركز العلمى مكانه بالسالميه على البحر فى احواض السمج وشغلات وايد وفى سينما افلام ثقافيه


انشالله اكون وفيت وكفيت بكل الى طلبتيه وحياج الله بين اهلج

 

[جماااانة]

ماقصرت ام كشاا

ونتمنى لج زيارة سعيده ان شاء الله

 

[جمانة المملوحة]

مشكورة ماقصرتي ام كشا، ماشاء الله عليك كفيتي ووفيتي وجاوبتي على كل اسألتي

ابسجل كل شي عندي وان شاء الله مااضيع الاماكن ان شاء الله


اختي جمانه، مشكورة ماقصرتي اسعدني مرورك​

 

[نـعـومـه]

رد : جايتكم 3 ايام ياأهل الكويت ابي مساعدتكم؟

ماقصرت الاخت

ولاتنسين سوق النقرة الشمالي والجنوبي بحولي هم فيه سوالف موموجوده بدول الخليج

واذا تبين شي ثاني قولي انا ادليج بعد

 

[جمانة المملوحة]

حياج الله وتو مانورت الكويت

الله يحييك اختي وحبيبتي انتي، تونا راجعين امس​

هل عندكم حديقة حيوان كبيرة، وتحت اي مسمى، ووين بالضبط؟ اى بمنطقه العمريه اسمها حديقه الحيوان

مارحناها للأسف، ماكفى الوقت​

​

وين اقدر اشوف طقم الهام الفضاله اللي جنني بزوارة خميس (خاتم وحلق ماشاء الله)
روحى حولى مجمع بن خلدون فى اكثر من محل ذهب وفضه وفى كل الاطقم الى بخاطرج ويسويها لج اذا نقشات او بالاسامي

رحت سوق شرق والافنيوز والمباركيه بس ولا حصلت مثله​

​

وين ممكن اشوف ماركات مخفضه؟ فيه من الاساس او لأ؟ عندج الافنيوز فى الحين جم محل فيها خصومات بس اغلب المحلات موجودة عندكم بس اغلب الخليجين ايون حق سوق السالميه الى فيه سيتى سنتر

اي حصلت في الافنيوز كم محل بدا التخفيض عندهم بس مدري حسيت الاسعار نار هناك حتى بعد التخفيض​

​

طيب اختي تسوي سوالف بالجوخ، وتبي هديتها من الكويت قماش جوخ وكتب جوخ؟؟؟؟ وين احصلهم ؟
اقمشه الجوخ تنباع بالبلوكات بالصفاة فى محلات الكلف يبيعون الجوخ بالمتر والوان

سويت بحث في جوجل عن بلوكات الصفاة بس مادليتها وماعرفت وين اشتري الجوخ، متعودين عندنا في السعوديه ناخذ هالاشياء من المكتبات اللي نحصلها في كل شارع ، عندكم كان الوضع مختلف شوي​

​

فيه عندكم اكواريوم (حوض السمك الكبير) ووين؟
عندنا المركز العلمى مكانه بالسالميه على البحر فى احواض السمج وشغلات وايد وفى سينما افلام ثقافيه

رحناه وماتمنيت اطلع منه، من كثر ماعجبني وعجب خواتي واخوي

المكان بالمرة حلو​

انشالله اكون وفيت وكفيت بكل الى طلبتيه وحياج الله بين اهلج

كفيتي ووفيتي حبيبتي، وماقصرتي بس كانت فترتنا قصيرة لذلك ماحصلت اغلب اللي ابيه، بس استانسنا وايد ابشرك

، حبيت اطمنك بس​

​

 

[لوازم العائلة]

حياج الله اختي
بالنسبه لحديقة الحيوانات ماتسوى الروحه لها

 

[Q8stylle]

ماقصرو البنات وبتنورينا ياقلبي

 

[abo0osha]

البنات ماقصروا .. وحييآآج الله