إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[عنايد]

الله يعينج اختي حوجمه ويسهل امورج لما فيه الخير لج
وثقي تماما انج مو بروحج بهالدنيا اللي ابتليتي اعرف ناس شكثر صار لهم مثل ماصار لج سواء مع الاهل او مع الزوج مره ومرتين وثلاث
نصيحتي اتجهي لله اكثري من قيام الليل والدعاء واستخيري الله فيه وشوفي وين الله يكتب لج الخيره ولاتدقين عليه اهو باذن الله بيرجع اذا الله كاتب لج معاه خيره واذا الله مو كاتب لج الخيره فيه لو شنو تسوين ماراح يرجع لج ابدا قأنتي ليش تنذلين له انذلي لرب العباد احسن واسأليه مما عنده افضل والله يكون بعونج اختي

 

[امراة من زمن الحب]

الله معاك
ويوفقك
ويرزقك
ويكتب لك اللي فيه الخيره
ويرزقك من حيث لاتحتسبين
اللهم آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمين

 

[ام طلال]

الله يعينج اختي حوجمه وربي يجبر كسرك ان شاء الله
بس حبيبتي اذا ريال فيه كل هالعيوب شتبين فيه؟

 

[أم منصـ 85 ـور]

ياحياتي ياحوجمة .. عورتي قلبي .. الله يدفع عنج البلاء يارب ويرزقج من حيث لاتحتسبين ويوفقج يارب .. دشيتي قلبي بشفافيتج .. تكفين خلي بلسانج على طول
( لا إله إلا أنت سبحانك إني كنت من الظالمين ) ( حسبي الله لاإله إلا هو عليه توكلت وهو رب العرش العظيم )

وأحتسبي الأجر عند الله وتذكري إن ربج إذا حب عبد إبتلاه ,, وطمنينا عليج

 

[-Bello-]

حوجمه ..ععسى الله يبرد قلبج حبيتبي ..ويسخرلج ريلج وريدلج اياه اللهم امين ..وعسى الله يسهل امووورج بما فيه خير لج حبيبتي ..احتسبي الاجر ..وقولي دعاء الزوجه لزوجها ..سبحان الله عن تجربه من اكووون واصله حدي من ريلي واقوله اشوفه بروحه ينزل لي ريولي ويعتذر ..سبحان الله نصيحه حبيبتي كرريه وانشاءالله خير

 

[مادرى شسمى]

نصيحتى اكثرى من الاستخاره حتى ان وقع اى امر يكون فى داخلك رضا لما قدره الله وعسى ان تكرهوا شيئا وهو خيرا لكم وعسى ان تحبو شيئا وهو شر لكم واسال الله ان يكتب لك السعاده فى الدنيا والاخره اختى اكريمه 00

 

[eng_moon]

الله يثبتج وياجرج .. ويسهل أمورج ويفرح قلبج آمين

 

[الكويت حياتي]

اختي الغاليه حوجمه

ثبتك الله وساعدك على الصبر اعرف وحده مثل قصتج بس هذيك مطلقه وعندها بنات وكل ما تتزوج واحد يطلقها لما صاروا اربعه واخر واحد يطلقها ويرجهاا والحين طلقها وتخيلي هم تفكر تتزوج !!!!!!!! بس مشاكلها وايده ويمكن زواجها لانها محتاجته نفسيا

الله يصبرج وبدعيلج الله ييسر لج من كل قلبي والله حبيتج

 

[رضاب]

حوجمةى الله يفرج كربتج وقريت قصتج بالكامل الله يعينج


بس تأكدي أن (( العظم لا أنكسر انجبر يرد اقوى من أول ))

وتأكدي إن الله معاج

واللي خلقج مو ناسيج

وعسى الله يجيب اللي فيه الخير

 

[احساس طفلهـ]

اختى حوجمه الله يعينج ويصبرج ان شاءالله

واسال الله العلى القدير انه يفرج كربتج وكربه ككل مسلم نصيحتى اختى قراءه سوره البقره كل يوم وراح تشوفين العجب للسوره فضل عظيم ولا اعتقد انج غافله عنها وعسى ربى يعوض صبرج خير ويرزقج على قد نيتج

 

[raw]

الحمد لله الحمد لله الحمد لله
كلمه ما يصير ننساها لان الله سبحانه ما يكتب لابن ادم الا الشي الزين والصالح ونأكدوا يا بنات ان كتبة الله هي احسن شي ممكن يصير للواحد والوحده سواء طلاق او استمرار زواج او العنوسه
والله والله اني اعرف وحده تحلف وتقول انها ما حست بالاستقرار والسعاده الا لما تطلقت من زوجها - مو كل متزوجه سعيده واكيد مو كل متطلقة سعيده
لكن الانسانه المؤمنه لازم تؤمن بقضاء الله وقدرة
ولازم تذكرون ان لو اجتمع قوم على ان يضروك بشيئ لم يضروك بشيئ الا وقد(كتبه الله له)
وان شاء يارب يا سميع ويا مجيب الداعي اذا دعى
ان الله يرزقكم بالرجال الصالح اللي ييخاف الله فيكم
ويرزق المتزوجات بالسعاده والاستقرار الدائم
ويرزق الجمييييييييييع بالذريه الصالحه
آآآآآآآآمييييييييييييييييييين

واهم شي ديروا بالكم على عيالكم اللي راح تحاسبون عليهم يوم القيامه

وادعوا الله يخليلي بنيتي ووليدي ويكملهم بالصحه والعافية والتوفيق والهدايه والصلاح
وعيال الجميع باذن واحد احد

 

[امراة من زمن الحب]

قوه حوجمه
وينج
شصار عليج
قلوبنا معاج

 

[احساس طفلهـ]

حوجمه بشرينا والله قلوبنا معاج

 

[ام طلال]

حوجمه اذا تبين احد بالمحكمه انا حاضره

 

[امراة من زمن الحب]

حوجمه
انا معاج على طول
وادعي لج من كل قلبي
الله يفرج لج
وكل شي قسمه ونصيب
ومافي الدنيا مستريح صدقيني
بس انتي اجتهدي بالدعاء والله مايضيع عنده شي
واذا مالج نصيب بالدنيا تراج مانتي محرومه
المحروم هو المحروم من السعاده في الاخره
والا الدنيا زواله
والله معاج
ولا تقطعين
احنا في انتظارج

 

[احساس طفلهـ]

روز وحجومه

ان شاءالله باذن الواحد الاحد دور السنه هذى تزهبون حق زمضان فى بيت رجال السعد اللى يعوضونكم عن كل لحظه حزن وضيم مريتوا فيها

اسال الله العظيم رب العرش العظيم ان يرزقكم بالازواج الصالحين عاجلا غير اجلا

 

[.]

يالله يارب ترزق خواتي الريل الصالح اللي يعرف قدرهم ويعزهم ويسعدهم..

 

[حوجمة]

ام طلال ...

الله يجزاج خير يا بعد قلبي ... شكلج محامية ؟!
اخوي وكل محامي الحين ... بس بنطر لي الاسبوع الجاي لان لو رفعنا قضية النفقه الحين أخاف يكون طلق غيابي قبل القضية فما استحق النفقه وتروح علي فلوس المحامي والحين شابين نار القضية الوحده وغصب بـ 500 دينار

فبننطر شراح يصير الاسبوع الجاي اذا ما طلق نرفع القضية وبمجرد اتسجل برقم يكفي فلو طلقها بعدها بدقيقة يكون راحت عليه وراح يدفع النفقه ، لكن لو طلق قبل فيكون لي بس المتعه والعدة وأشياء ثانيه ماخذها مكتوبه باسمي أقولكم شي بتضحكون !!
حتى فرشة أسناني ماخذها !! هههههههه يامال الشفاحه .. حتى الحمام المغربي مو مخلي شي مواعين مشتريتها من فلوسي من ميداس .. مو كفو سنع ...

ربي ييسر وتسلمين ربي يوفقج ... عموما هذا ايميلي XXXXXXXXاذا في مجال ترسلين لي اقدر استشيره اللي قلتي عليه اذا محتاجه شي في المحكمه ... لأن زوجي امبلتع وحيال ويلف بالكلام وأخاف يتبلى علي بشي ... كل شي أتوقع منه والله ..

مشكورة على مرورج وحرصج ويبعد عنج المشاكل .​

اخواتي العزيزات
يمنع وضع ايميلات على العام
ويمكنكم التواصل على الخاص
مشرفة القسم نفيشه​

 

[الكويت حياتي]

يا الله ارحم هالمسكينه وفرج همها وغمها وانصرهااااااااا على عدوها يارب

حوجمه بس قولي حسبي الله ونعم الوكيل واستشعري معناها راح ترتاحين استشعري كلمه كلمه وشوفي الاحساس

الله ييسر لج الخير وين ما كان وبرسلج على الخاص رساله شوفيها

 

[روزالكويت]

روز وحجومه

ان شاءالله باذن الواحد الاحد دور السنه هذى تزهبون حق زمضان فى بيت رجال السعد اللى يعوضونكم عن كل لحظه حزن وضيم مريتوا فيها

اسال الله العظيم رب العرش العظيم ان يرزقكم بالازواج الصالحين عاجلا غير اجلا

حبيبتى والله الله يسعد قلبج..
ويزاج الله الف خير
اللهم اميـــــــــــــــــــــــــــــن
وجميع المسلمين والمسلمات يارب