متزوجه او مو متزوجه ... بس نظيفه ومرتبه وغرفتج او شقتج مميزه تعالي خل نتبادل بتجاربنا

[Mona Lisa]

يعطيج العافيه صاحبه الموضوع اللى اكثر من رائع حبيت اشارككم خواتى بشى بسيط سلمكم الله انا اخلط كريم حمام الزيت للشعر ويه

عطر مركز دهنى خاص للشعلر احط جم نتيفه واخليه خمس دقايق وليما اغسله ريحته واو على فكره انا شريت العطر من سبا مور بالجابريه

وعندهم انواع حسب ذوقج جربوا وادعولى واذا فيه شى اتذكره ما ابخل عليكم تستاهلون ههههههه

 

[(المباركيه)]

غراااااااااااااااااااااامي هالسوالف
احب ريحة بيتي تكون مميزه يعني بخور وعطر البيت مااغيره كلش وبخور بيتي مسقى القرشي وعطر البيت خلطه كانت تسويها جدتي وامي الله يرحمهم وانا وخواتي مانستغني عنها.
بالنسبه لتعطير لفراش احلا شي المبخره الي على شكل ستاند للغتر والملابس شوفي طقم الكفر الي بحطه اعطر كل قطعه فيه حتى لثرو وتلبيسة الكوشيات كلللللللللللله كامل واصفهم فوق بعض على المبخره واخر شي احط فوقهم الكفر وبعدين احطالمبخر تحتهم وغطيه مااخلي ولا فراغ لين يخلص البخور ومرات ازيده بخور واخليه يتبخر مره ثانيه الله وكييييييلك تقعد الريحه اسبوع لين اغير الكفر مره ثانيه حتى ريحة الغرفه كأنك مبخرتها.
بيتي احب ابخره مرتين باليوم عشان تثبت الريحه اكثر بعد الغدا وبالليل قبل النوم.
بالنسبه للحمام تكرمون حطي كافور اخذي قطع كافور وحطيها باماكن مومبينه حيييييييييييييل يعقم المكان هذي الفكره ماخذينها من مطعم لما سألناهم عن عطر الحمام مالهم قالو كافور ورونه اياه .
بالنسبه لترتيب الكبت والتواليت نفس طريقتك علاقات الكبت ماخذتهم طقم ملبسه وخالصه وشاريتلي طقم سلال خشب جميع الاحجام وهمن مفارش خشب الناعمه مالوت طاولة الطعام وموزعتها بكامل الكبت والتواليت واحط فيها اغراضي يعني الكبت مثلا الي مومعلق اصففه بلسلال مثل البديات والفوط والاندلا وير والشورتات وبالنسبه للاندر وير كل طقم احطه بكيسه بروح الخام مالوت القرقيعان تعرفونهم واصفهم بالسله والكبت كله ناثرته ورد مجفف وشموع وكياس المعطره صغار مالوت سنتر بوينت والكور المعطره حاطتها بين الملابس ونفس الطريقه مع التواليت هذا نظام ترتيبي لكبتي من عرسي وعاجبني بس في خاطري اغير الالوان انا معتمده اللون الذهبي والبني ودي احط علاقاات الخرز لملون واغير لسلال والمفارش والشموع ودي احط لن فاقع فوشي او احمر او شذري احس يعطي اكشن شوي بالكبت لانه حده صاير كلاسك.
امبيييييييييييييييه توني استوعب شكثر كتبت لاتلوموني ترى اغيب عند هالسوالف عندي بعد افكار بس خلاص قرقت واجد
ايييييه وحيييييييييييييييييييييل عجبتني طريقتك لتعطير الكبت يعني بصراحه انا اسويها من فتره لي فتره بس مو اسبوعيا اذا كل اسبوع احس الريحه تطلع واو ومشكوره على الموضوع وياحلو السنع والاهتمام بالبيت تحسين انك انثى.

 

[متفائلة2010]

بناااااات انا جربت هالمعطر حق غرفتي

كلمة رووعة شوي عليه فيه منه نكهتين

توت وتروبيكانا جد جد روعة

شريته من عطورات الماجد اللي بالمنار مول بالجهرا

وريحته اتدوم شهر رووووووووووووووووووعة​

​

 

[Gourges]

شربت راحتي
أفكارج عجيبه

متفائلا
هذا شنو بضبط ؟؟

 

[كل الحلا فحبيبي]

مشكووووووووووووورة على هالموضوع

 

[nooooof]

السلام عليكم اشلونكم بنات

انا حملة النظافه عندى 3 مرات بالاسبوع ههههههههههههههه وهى الايام اللى زوجى يطول بالدوام

اول شي امسح الارضيات بالديتول داك اللى بالصنوبر احب ريحته

اغير اماكن الاثاث مره بالاسبوع لو اغير مكان اباجوره صغيره والله تسوي فرق وتغيير انا طبعي جذى من كنت بنت احب اغير اماكن

الاثاث - اللمبات مالوت الاباجورات كلهم حاطه فيهم عطر مال بودى شوب بالافندر اللى المفروض للفواحه احطه حول الاباجوره كامله

الفراش الماترس نفسه جبت عطوردهن عود خفيف انا وزوجى نحبه احطهم فى ابره واحقن الماترس فيها علشان تثبت الريحه عدل والديباج

والمخدات نفس الشي وفى بخور اسمه الغزال ابو تاجين جبته وكسرته وحطيته بقماش خفيف (شاش) خيطت الشاش وحطيت فيه البخور ع

مسك ريحته عجيبه علقته بالكبتات وحطيت بين الهدوم وفى اركان البيت حطين بولات فيها الورود المجففه عطرتها بالزيوت العطريه -

الفواحات تكرمون بالحمامات واركان البيت الملابس لى خلصت كويهم ارشهم بماي ورد وابخرهم مرطبين فتتم الريحه واعلقهم بعد ما ينشفون

عدل واذا ماكان لى خلق ما اسوي شي لان الريحه اتضل بس والله واجد اوقات مالى خلق اعترف بعد

 

[BiiShOoO]

ايي والله اريح شي جذي احنا خدمناا مسويين المكنسه حق جميييع الاستخدامااات حتى الستاير يقعدون يكنسونهم
والمكنسه شكبرهااا ماتخم القنفات عدل خل اقول حق امي عن هالمكنسه مشكووره حبييبتي قاعده تذكرين شغلات حدها تينن


امل الكويت في بنقرة الجنوبي - جمعية السره - وفي بالصالحيه
احنا ندق عليهم ونطلب الي نبي ويوصلونه ليي البيت اريح شي

ونااسة صج حبيبتي ممكن رقمهم على الخاص و ابي احسن الاشياء الي عندهم و ماقصرتي حبيبتي :n2006107:

 

[متفائلة2010]

شربت راحتي
أفكارج عجيبه

متفائلا
هذا شنو بضبط ؟؟

هذا معطر اتبطلينه كأنج ابطلين ببسي عرفتي!

واتحطين شريحة هالكرتون فيه واتخلينه بأي مكان

انا حاطة بغرفتي منه وبسيارتي والله العظيم ريحته اتطول كأنج توج امبطلته..​

 

[غمزه وإبتسامه]

ياااحلو النظااافه

 

[لوازم العائلة]

الله ونااااسه خلج معاي مراقبه هني هههههه

انزين من وين كبت مرت خالج ؟

احسه يونس

قبل فتره اختي قايلتلي عن طاولة مكياج مع منظره ايبيعونها بالنت ب 100 وشي تقريبا مافيها مكياج بس طاولة مخصصه حق المكياج وفيها منظره ودار مدارها ليتات بس استغليت السعر نوعا ما خخخ

ابي رقم او سايت الي يبيعونه
انا عاجبني الي بماك

 

[white**angel]

ونااسة صج حبيبتي ممكن رقمهم على الخاص و ابي احسن الاشياء الي عندهم و ماقصرتي حبيبتي :n2006107:

بكتب رقمهم منيي عشان الكل يستفيد وبدزه لج عالخاص
امل الكويت : 22611999
البخور انا احب معاريس وفي بخور ثاني التوله مالته ب60 دينار مادري شنو اسمه بس عجييييب اذا كنت معزومه او بروح عرس او حق العيد لاااااازم اتبخر فييي
وعندهم هالثلاث غرش الي حطيت صورتهم حددددهم ايننون
وعندهم المرشات حق البيت ايلج اربعه مع بعض وانتي تختارين الي تبينه ويحطهم لج بعلبه وحده
اهما كل شي عندهم عجيييب انا حييل استانس على عطوراتهم معني موذاك الزود مع دهن العود بس حبيته منهم

 

[Gourges]

لوازم العايله

والله ماعندي فكره عن سايتهم من زماان سولفولي عنهم


وايت انجل

بعد عممممري والله صج مجابله الموضوع هههه فديتج
أنا شابكه الحين بتلفوني وانا عند خالتي خو بشقتي الإرسال مييح

 

[white**angel]

لوازم العايله

والله ماعندي فكره عن سايتهم من زماان سولفولي عنهم


وايت انجل

بعد عممممري والله صج مجابله الموضوع هههه فديتج
أنا شابكه الحين بتلفوني وانا عند خالتي خو بشقتي الإرسال مييح

حبيبتي لاااا تحااتين الموضووع لااازم كل ما اشبك اطل عليي احس صج مفييد كل ما اشوف شي يديد اروح اقوله حق امي ولا اروح اطبقااا حدا اينن صج صج يعطيج الف عاافيه على الموضوع العسل على صاحبته

 

[BiiShOoO]

يسلمووو واايت انجل حبيبتي

 

[sunshine22]

رد : متزوجه او مو متزوجه ... بس نظيفه ومرتبه وغرفتج او شقتج مميزه تعالي خل نتبادل بتج

اللي يبون مرشات رخيصه وقوووويه وتدوم جم يوم عن تجربه

اخلطو كل مرشاتكم وخففوها بريفدور

 

[عادت ذكرياتي]

مع إني للحين مو مجمعة أفكاري بس بشارككم لو بشي بسيط لووووول
بالنسبة للحمام تكرمون نستعمل الشموع المعطرة نشتريها من مركز سلطان وعندكم بخاخ air wick عجيييييييب ريحته حلوووووة
ونحط سلتين يم المغسلة فيها الشور جل وبدي لوشن واللي تحتاجونه
وبالنسبة للكلينكس نحطه بحماماتنا الللي لنا بالرول أكيد تعرفونه بكل بيت أتوقع
أما الحمامات الخاصة للضيوف نحط فيها الكلينكسات مصفطينها بطريقة تصير مثل النجمة
يعني الكلينكسات الملونة وبأشكال تعرفونها نحطها بسلة نصفط الكلينكسة الوحدة المربعة نخليها مثلثة نحطها بالسلة وحدة شمال ووحدة جنوب خخخ فهمتوا
واللي فوق نحطه عكس وحدة شرق ووحدة غرب والشكل حلو بس ادعولي وكل وحدة على حسب الألوان اللي تختارها والأشكال حلووووة

وإذا تذكرت شي هم بفيدكم

 

[امواج الكويت]

الموضوع حده عجيب وكل ما ابي احط فكرة الاقي البنات كاتبينها ان شاء الله اخترع شي واقولكم عليه

 

[@الليدي لين@]

الموضوع حدده عجيب


قروقس
وايت انجل
مارياج

وكل البنات افكاركم اتينن



انا الحين مو ذاكره اشياء وايد ,, اللي فبالي الحين تنظيف الحمام خخخخ :nocommint:

ارش عالبانيو ديتول الاصفر يكون بخاخ ( مزيل الدهون) << اخليه تقريبا ربع ساعه او اكثر على ما انظف الحمام كله وبعدين ارجع مره ثانيه عالبانيو

تقريبا شكله مثل هذا ,, بس انا اخذ ماركة ديتول





والمغسله والفرنجي والباجي كله اغسله بـ ( العملاق ) <<< وايد احب ريحته




وبعدين ارد عالبانيو ,, واغسله من الديتول الاول شي ,, وافركه عقب بالعملاق


وبعدين اللي بقى من الصابون اكته عالارضيه .. وامشها عدل

واخر شي اغسل الارضيه بديتول العادي وماي





^
^

مو سر وغريب :eh_s(22)::eh_s(22): بس ما حبيت اطلع من غير لا اكتب شي




ان شاء الله اذا سويتلي فكره حلوه حق الغرفه او شي اقولكم ​

 

[انسام الكويت]

يعطيج العاااااافيه عالموضوع المميز

انا اكو شغله شريتها من محل زهور الريف

مادري شيسمونه بس اهوو شكله كأنه شمع شكله

مدور وصغير وفي منه كذا ريحه وبالاخص ريحة التووت

رووووووووووووووعه احطهم بالكبيت بين الملابس اتخلي

ريحة الكبت ايفوح من هالريحه الطيبه حتى تلزق بالملابس

وترا بتغليفته مافجيته بس وزعتهم بالكبت والدروج

 

[@الليدي لين@]

تذكرت بعد شي



العطور والكريمات ما احطهم عالتواليت بروحهم ,,, لا . احطهم بسلال

طريقتي ,, عندي سلتين شوي كبار ونفس الشي ثنتين وحده حاطتها عاليمين ووحده عاليسار وحاطه فيهم العطور والكريمات وهالسوالف ,, وبنص مو حاطه شي بس شموع << صورت لكم بس السله مو كل الطاوله احم احم مو مرتبه حيل





وهم بعد داخل أدراجي جذي حاطه سلال حق الملابس الداخليه ,, والفهم مثل الرول


:eh_s(8): ان شاء الله راح اتذكر بعد اشياء وارد اقولكم


​