بنت (فلان) زوجة (فلان) ام (فلان) .. وشو العيب بأساميكم

[كلك ذووق]

مسـآآء / صبآآح آلخير

اغلب الآولآد يربون من قبل آبآئهم على عدم ذكر آسم آخته فلانه آو آمه فلآنه
لييييه ..!!!

وشو المخجل آو آلعيب بآسآمينـآ..!!

الرسول محمد صلى الله عليه وسلم
عرفنا اسم امه وبناته وكان يتفاخر باسماء بناته

تتوقعون آيش آلمشكله آلي خلت آغلب الرجال يعتبرون اسامينا عييب آو مخجله ..؟!
ممكن سبب مقنع..!!

 

[Tulips]

رد : بنت (فلان) زوجة (فلان) ام (فلان) .. وشو العيب بأساميكم

اي والله صاجه وين العيب اذا واحد قال اسمه

احنا مو احسن من الرسول وبناته عشان نخش اسامينا ورا الالقاب وانه الرسول نفسه ما استخدم الالقاب فاحنا منو عشان نحرص على عيالنا اكثر من الرسول عليه الصلاة والسلام

بس طول ما فكرة العيب محتله تفكيرهم ماكو فايده من الكلام

تم تعديل الرد بناء على طلب العضوه مشرفة القسم : أمواج البحر

 

[كلك ذووق]

Tulips .. متأكدة ان العيب بتفكيرهم دام فكره العيب مثل ماقلتي محتله تفكيرهم .. ومشكورة حبيبتي على المرور

 

[aṕriliå]

رد : بنت (فلان) زوجة (فلان) ام (فلان) .. وشو العيب بأساميكم

فعلا شي غريب

 

[ScarletteO'Hara]

على قولتج
اعتقد هالشي صار بسبة العادات و التقاليد البالية الي ما تمت الى الدين بصلة
يعني الحين بتفهموني ان احنا احسن من بنات الرسول عليه افضل الصلاة و السلام و زوجاته و امهات المؤمنين؟؟
كلام مو منطقي
عاد ما ادري هل يعتقدون ان اسماء الحريم تسبب اغراء؟؟؟
تخلف

 

[miss recycle]

رد : بنت (فلان) زوجة (فلان) ام (فلان) .. وشو العيب بأساميكم

فيهم تخلف زااااايد لووول والله صج

 

[حجيه هيونه]

رد : بنت (فلان) زوجة (فلان) ام (فلان) .. وشو العيب بأساميكم

تعجبيني

طول عمري اقول للناس اسمي ولما احد يقولي ام فلان اقولهم خلاص عيل ليش ابوي متعب نفسه ومسميني كان حطوا اسم ابوي بعدين 1

ولاختي اسم ابوي 2


انا عن نفسي افضل اعرف باسمي مو ام فلان او تابعه لاحد ثاني

 

[::كيك وعسل::]

رسول عليه الصلاة والسلام ماخش اسامي زوجاته وبناته
بس احنا في تخلف زايد عندنا

 

[بنوتة كيوت!!]

رد : بنت (فلان) زوجة (فلان) ام (فلان) .. وشو العيب بأساميكم

ولا اللي يقهر يوم يقولون عيالي < يعني زوجتي ..

مثلا بوصل عيالي أو أنا وعيالي ..

خير إن شاء الله ؟؟ .. من متى صرت أبوي .. وصرت بنتك؟؟؟

ع الاقل قول حرمتي زوجتي ..

أتوقع عندهم غيرة زايدة لدرجة ما يرضون حد ينطق أو يسمع أسامينا ^^

 

[عشق ذاتي]

رد : بنت (فلان) زوجة (فلان) ام (فلان) .. وشو العيب بأساميكم

اي والله صاجه وين العيب اذا واحد قال اسمه

والرسول وبناته مو احسن منا

بس طول ما فكرة العيب محتله تفكيرهم ماكو فايده من الكلام

حبيبتي بوضح نقطة في انج قلتي ان " الرسول وبناته مو احسن منا"




مو اي شي تقدرين تكتبينه بردج
راعي حسن الاسلوب بالأول





وراايي صرااحه بالموضوع

انه ما مر علي احد ما يحب يذكر اسم بنته او مرته
عااااااادي..

 

[مس فوشيا]

رد : بنت (فلان) زوجة (فلان) ام (فلان) .. وشو العيب بأساميكم

ولا اللي يقهر يوم يقولون عيالي < يعني زوجتي ..

مثلا بوصل عيالي أو أنا وعيالي ..

خير إن شاء الله ؟؟ .. من متى صرت أبوي .. وصرت بنتك؟؟؟

ع الاقل قول حرمتي زوجتي ..

أتوقع عندهم غيرة زايدة لدرجة ما يرضون حد ينطق أو يسمع أسامينا ^^

لوووول نفس اللي عندي ما يقول الا بوصل عيالي والا معاي عيالي لووووووول

 

[@كنده@]

السبب هو التخلف
خلو العادات والتقاليد تطغى على تعاليم الاسلام

 

[أضعف بطة]

tulips و سمحتي ممكن تعدلين هالجملة ادري خطأ مطبعي بس لازم تتعدل
( والرسول وبناته مو احسن منا )
وشكرا

 

[Mig.MiG]

تخلف

 

[$ النيره $]

,

في اشياء كثثييره ب عاداتنا وتقاليدنا خطأ هي ردت ع الاسم بسسس [ ]

 

[كافي صمت]

رد: رد : بنت (فلان) زوجة (فلان) ام (فلان) .. وشو العيب بأساميكم

اي والله صاجه وين العيب اذا واحد قال اسمه

والرسول وبناته مو احسن منا

بس طول ما فكرة العيب محتله تفكيرهم ماكو فايده من الكلام

اختي انتي من صجج ولا شنو ؟


:eh_s(11):


الرسول صلي الله عليه وسسلم آشرف خلق الله



لا إله إلا الله





.

 

[Freakya]

حبيبتي بوضح نقطة في انج قلتي ان " الرسول وبناته مو احسن منا"

مو اي شي تقدرين تكتبينه بردج
راعي حسن الاسلوب بالأول

وراايي صرااحه بالموضوع

انه ما مر علي احد ما يحب يذكر اسم بنته او مرته
عااااااادي..

حبيبتي اتوقع قصدها كان ان احنا مو احسن منهم !

 

[pure.soul]

اي اصلا كلمة اختي ولا زوجتي ما تنقال عنننندهم تدرون شنو الكلمة السرية >>>>> الأهل

لوووول ذيج المره كنا طالعين انا وياه و يقول حق اللي معاه بالتليفون ايي و الله طالع مع الأهل ، انا قلت بقلبي منوو الاهل بس انا اللي بالسيارة لوووول p;

 

[Tulips]

رد : بنت (فلان) زوجة (فلان) ام (فلان) .. وشو العيب بأساميكم

اي والله صاجه وين العيب اذا واحد قال اسمه

والرسول وبناته مو احسن منا

بس طول ما فكرة العيب محتله تفكيرهم ماكو فايده من الكلام

بنااااات انا اسفه لاتفهمون غلط هذا خطأ مطبعي وتعبيري والله .. ادري غلطتي بس عاد احتسبولي العذر على الاقل اشدعوه هالهجوم ما اقصدها انا .. والله الشاهد

قصدي انه احنا مو احسن من الرسول وبناته عشان نخش اسامينا ورا الالقاب وانه الرسول نفسه ما استخدم الالقاب فاحنا منو عشان نحرص على عيالنا اكثر من الرسول عليه الصلاة والسلام

واحب اشكر اختي كافي صمت اللي نبهتني برسالة خاصه لاني مارديت على الموضوع وشفت الغلطه

وان شالله بكلم المشرفه تحذف الرد

 

[عشق ذاتي]

رد : بنت (فلان) زوجة (فلان) ام (فلان) .. وشو العيب بأساميكم

^
^

معذوووورة

اصلا اول ما شفت الرد قلت من صجهاا
توقعت ان خطأ مطبعي

بس مو مشكلة زين نبهتج كافي صمت
عشان تكلمين المشرفه


ترى والله مو قصدي الهجوم عليج.....~