بنت (فلان) زوجة (فلان) ام (فلان) .. وشو العيب بأساميكم

[Tulips]

رد : بنت (فلان) زوجة (فلان) ام (فلان) .. وشو العيب بأساميكم

^
^

معذوووورة

اصلا اول ما شفت الرد قلت من صجهاا
توقعت ان خطأ مطبعي

بس مو مشكلة زين نبهتج كافي صمت
عشان تكلمين المشرفه


ترى والله مو قصدي الهجوم عليج.....~

لا حبيبتي عادي بس اهم شي وضحت اللي اقصده و انشالله ما يهاجمون البنات

والرسول عليه الصلاة والسلام قال

" التمس لاخيك المسلم سبعين عذرا "

وان شالله البنات يعذروني قبل ما يهاجموني

 

[CUTE ENGINEER]

شوفي أنا معاج بهالشغلة

يعني آنا مهندسة ومعروفة بالوزارة والكل يناديني باسمي

بس ألاحظ جم واحد من اخواني مايحبون ينادوني باسمي جدام الناس يتضايقون

بس مجبورين لأني مومتزوجة بس باقي ينادوني

ههيييييييي انتي يابنية

هههههههههههه

بس تبين الصج بين الأهل ماله داعي أم فلان وعلان ليش يكبرون الوحدة غصب
أحس أحسن ينادونها ام فلان

أما بين الحريم ماله داعي

 

[لؤلؤية]

رد : بنت (فلان) زوجة (فلان) ام (فلان) .. وشو العيب بأساميكم

تذكرت حلقة طاش ما طاش
(( ولد منيرة))
هههههههههههههههه

الموضوع سبق وناقشووه البنات...وفعلا اهي مرتبطة بالمجتمع والعادات
مالها علاقة نهائيا بالدين

 

[@البتووول@]

يا أختج أنا بعد بعرف شنو السر وليش ؟؟؟ اخاف أسامينا عوره @@

 

[noorq8]

ذكرتوني بشغله ...............أول ماانتقلت لدوامي الجديد وكنت مسؤله عليهم فكان لما يجون مراجعين يسئلون وين أم فلان ؟؟؟
وأنا مااعرف أصلا منو اللي يقصدها أنا أعرف أسامي البنات مو شغلي أعرف أسامي عيالهم ومن يومها تعلموا المراجعين ان شغلك عند فلانه طبعا البنات ماياز لهم فقلت لي بغيتي ينادونج أم فلان هذا حبيبتي بفريجكم بلي جابلتي شاي الضحى مع الجيران خل ينادونج أم فلان طالما انتي موظفه فانتي فلانه .


والموقف الثاني ولد اختي لما كان بالابتدائي المدرسه تعلمهم اشلون يقولون بريزنتيشن شفوي وكان الموضوع الأسره .......................ولد اختي يقول يمه تصدقين أنا الوحيد اللي عندي خوات صفنا كلهم ماعندهم خوااااات ههههههههههههههههههههههههههههههه

 

[عنزروته]

رد : بنت (فلان) زوجة (فلان) ام (فلان) .. وشو العيب بأساميكم

عااااااااااااااااااااااادات غبية .....

 

[zain 3la zain]

رد : بنت (فلان) زوجة (فلان) ام (فلان) .. وشو العيب بأساميكم

تعجبيني

طول عمري اقول للناس اسمي ولما احد يقولي ام فلان اقولهم خلاص عيل ليش ابوي متعب نفسه ومسميني كان حطوا اسم ابوي بعدين 1

ولاختي اسم ابوي 2


انا عن نفسي افضل اعرف باسمي مو ام فلان او تابعه لاحد ثاني

كلام ميّه ميّه :eh_s(15):

والله هذا كان موضوع حوارنا بالبيت قبل جم يوووم ..

اوّل بنت فلان وبعدين حرم فلان اخرتهـآ ام فلان

فلانه وينهـآ :

لي متى التبعيه يعني ..؟؟

مـآصـآرت متى نستـآنس بـ اسـآمينـآ

بس والله احّس تفشّت هـ الحاله فينـآ خلاص

مـآكو علاج ​

 

[&& دعاء &&]

رد : بنت (فلان) زوجة (فلان) ام (فلان) .. وشو العيب بأساميكم

شنسوي بعد......هذي ثقافه مجتمع
من الصعب تتغير,,

 

[RmRom]

أظن العادة هذي مو قديمه

لان البدو قبل كانو يتعز وون بأسامي خواتهم

مثال إذا تحمس الرجال يقول : أخووو نوره (بصوت عالي) <<<نوره أخته

فما كانوا قبل يستحون من أسامي خواتهم !!

 

[محبوبه25]

رد : بنت (فلان) زوجة (فلان) ام (فلان) .. وشو العيب بأساميكم

مسـآآء / صبآآح آلخير

اغلب الآولآد يربون من قبل آبآئهم على عدم ذكر آسم آخته فلانه آو آمه فلآنه
لييييه ..!!!

وشو المخجل آو آلعيب بآسآمينـآ..!!

الرسول محمد صلى الله عليه وسلم
عرفنا اسم امه وبناته وكان يتفاخر باسماء بناته

تتوقعون آيش آلمشكله آلي خلت آغلب الرجال يعتبرون اسامينا عييب آو مخجله ..؟!
ممكن سبب مقنع..!!

ماادري انا اشوف عيب انه يقول اسمي ؟؟
يعني كل ما واحد من ربعه ساله منووو هذي ـ يرد و يقول اسمي ،
مادري احس فشله وعيب
حلاته ام فلان و بس

 

[مشتاقه لك يبا]

رد : بنت (فلان) زوجة (فلان) ام (فلان) .. وشو العيب بأساميكم

اي والله شي غريب

 

[جاي الضحى]

ماكو سبب مقنع مجرد عاده ومشو عليها ولا اهي ما تمت الدين بصلة.


دينا كرم المرأه أحسن تكريم.


الغرب إذا تجوزت الوحده غالبااً والمتعارف عليه إن إسم عاليتها يلغي وتصير تشيل إسم الريل!!!


عكسنا احنا تزوجا ولا لأ إسمي يتم إسمي جزء من كياني.


​

 

[فاقده ابوهاااا]

رد : بنت (فلان) زوجة (فلان) ام (فلان) .. وشو العيب بأساميكم

اي والله صاجه وين العيب اذا واحد قال اسمه

والرسول وبناته مو احسن منا

بس طول ما فكرة العيب محتله تفكيرهم ماكو فايده من الكلام

هههههههههه الظاهر غلطتي بالتعبير او خطأ مطبعي

والرسول وبناته مو احسن منا


اكيد الرسول وبناته افضل الخلق واكيد احسن منا بمليون مره انتي كان قصدج ان احنا راح انكون احسن من الرسول _shh_:

 

[كلك ذووق]

Tulips .. حبيبتي انا فهمت قصدك شدعوهـ .. عشان كيذا ماعلقت
الله يهديكم اغفوا شوي عن الغلطة

وبعدين ماكنتي تمدحين نفسك عشان تقولين مو احسن منا

عموماً مشكورة حبيبتي

واشكر تفاعلكم بالموضوع و (الاهل) << هاذي صدق بتذبحنا يوم
ماقصرنوا على المرور

 

[FOZQ8]

رد : بنت (فلان) زوجة (فلان) ام (فلان) .. وشو العيب بأساميكم

عادي وايد من تقاليدنا فيها اشياء مبهمه وتخلف ومالها داعي مجرد بدع وخرابيط
مرت اخوي ياحليلها ... لما اكون معاها بالسوق كل شوي تناديني باسم ولا واحد اسمي وتكون ساعه تنادي وانا مادري عن هوى دارها بعدين قلت انتي تنادين منوو ؟ منو سوسن ومنو زليخه"اهم شي زليخه" .. قالت اناديج .. وليش ماتناديني باسمي .. تقولي مابي احد يعرف اسمج !!
قلت لها اسمي كلمه عيب والا كلمه وصخه؟؟
انا عبالي بس الصبيان مايحبون يقولون اسامي خواتهم وحريمهم طلعوا حتى البنات ترى

 

[كلك ذووق]

حجيه هيونه ... حلو كلامك ومفففحم للي يعلق الفلان فيك عجبتيني

CUTE ENGINEER .. صحيح كلامك مو حلوة بين الحريم ابد وحلوه هالبنية الي علقوها فيك ههههههههههه يعني اكيد مو بولد

@البتووول@ ... هاذا الي دايم اقوله شايف اسمي عيب او شي لازم تغبيه عيب

noorq8 .. ههههههههههههههههههههه يحليله الله يحفظه .. حلو مشاالله خلووه كيذا من هو صغير مايشوف خواته شي عيب مثل الظاهره المتخلفه الي يمشون عليها البعض

zain 3la zain ... ههههههه صحيح متى نستانس .. ويعطيك العافية على المرور حبوبة

RmRom ... تعت وانا احاول افهم سبب تغيرها كلامك صح شكراً

محبوبه25.. رايك واحترمه حبيبتي ... بس احسه انا تنقيص اذا احد من محارمي ماقال اسمي بكل فخر فيني وشلون بفتخر فيه وشلون يعني كل ابوها اسم .. مااحترمني وبين فخره فيني وبأسمي اسمي هو عنواني واكيد مهمه الاسماء عند كل امة محمد
عدم الاحترام بيكون عدم احترام متبادل يتحول الى فوضى .. ليش افخر باسمه اذا مافخر بسمي .. خلاص ليش مااسميه هو (الاهل).؟؟ وشرايك .. سوري على الاطاله ويسلموو على مرورك حبوبة

جاي الضحى .. الديين الدييييييين جبتيها بماانه كرمها ليش يجون هاذولي يغبونها ويغطونها كأنها عورة


عذراً ماعلقت على الردود السابقة .. لي عودة بأذنه ..=)

 

[sweet cake]

الحين احنا 6 بنات .. وفرضا دق واحد على اخوي وانا طالعه معاه يقول انا طالع مع فلانه؟؟
شالحكمه يعني؟؟ اذا كان اللي داق من اهلنا اي يقول طالع مع فلانه بس واحد من ربعه او من العائله من بعيييد يقول له طالع مع اختي..

احنا عندنا جذي .. مع الاهل عادي يقولون الاسم بس يعني اذاربعه داقين يقول طالع مع زوجتي ولا مع ام فلان.. >> اذا بيقول طالع مع فلانه مثلا معناها كل واحد لازم يحفظ اسامي حريم ربعه وخواتهم .. عشان لا قال انا مع مريم يعرف ان مريم زوجته مو اخته.. ولا باقي يسأله اي مريم اختك ولا زوجتك !!
>>>>>>>>>> اتخيلها


المهم يعني المقصود فيها دام مع البعيدين اوكي يقول مع زوجتي او مع اختي او مع ام فلان
بس مع القريبين لا عادي يقول الاسم

وشله ثانيه.. الوحده ما ينادونها بـ ام فلان الا اذا كانت كبيره شوي وما يصير ينادونها بـ اسمها .. احتراما لها ..


مادري انا قلت لج اللي يصير عندنا واشوف الوضع صحيح

 

[حسآويه]

رد : بنت (فلان) زوجة (فلان) ام (فلان) .. وشو العيب بأساميكم

مره دش عليا ولد خالي و متهاااااااوش و يصرخ و يزف .. طاق واحد و متهاوش وياه ليش يقول اسم امه قدام ربعه لوول

و امي من كم يوم تسولفلي عن وحده و قالت اسمهااا .. و اخوي قاال لها هذي ام فلالان رفيجي ؟قالت له اي
قال لها ولله بكره في المدرسه لا اعايره لوووول ..

 

[๓ίşś зśŏłả..!]

رد : بنت (فلان) زوجة (فلان) ام (فلان) .. وشو العيب بأساميكم

اي والله ماني عارفه شنو السبب الي يخليهم ما يقولون
يعني عيب مثلا

 

[chanel N22]

اي والله الرسول صل الله عليه وسلم كان يذكر اسماء زوجاته وبناته
وحتى البدو قبل كانوا يقولون انا اخو فلانه اسمهاااااا
بس ما ادري شفيهم الحين