القلوب القاسية بهالزمن....برأيكم شنو سبب قساوتها؟؟؟

[نهى الأحمد]

شلونكم يا خواتي


عساكم بخير


اشتقت للكتابة وبالذات في قسم المناقشات




اليوم كنت قاعده افكر بهذا الموضوع اللي حبيت اطرحه لكم ونتناقش فيه



يقول تعالى {ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً }


القلوب لي تحجرت صارت قاسيه


البعض منها صعب يلين



بعض من هذي القلوب عايشه بينا مغلفة احيانا بالحقد

وتمحي كل محبة بداخلهم وماكو عندهم اي رحمة


في النهاية اقول لهم لي خلت الرحمة من قلوبكم

رحمة الله وسعت كل شيء


( فلانــــه قلبها قاسي علي)


صرنا نسمع هالجملة وايد بأيامنا هذي


ونقعد نفكر ونحاتي يا ترى ليش قلبها قاسي؟؟


رساله مني لاصحاب القلوب القاسيه.....

ترا القسوة رح تقتل الحب بداخلكم


ورح تنفر الناس منكم


خلوا بقلوبكم شوية رحمة



سؤالي لكم...


صادفج ناس في حياتج من اصحاب القلوب القاسية؟؟



شنو برأيج سبب قسوة قلوب بعض البشر؟؟


أحتكم

نهى الأحمد

 

[miss-winter]

رد : القلوب القاسية بهالزمن....برأيكم شنو سبب قساوتها؟؟؟

حلو موضوعج اي شفت ناس قلبهم قاسي او انا الي طيبه مادري ؟؟

 

[لؤلؤية]

رد : القلوب القاسية بهالزمن....برأيكم شنو سبب قساوتها؟؟؟

اتوقع انه القلب يقسى من ضعف الايمان+ موقف صعب

 

[أخت خالد]

مرحبااااااااااااااا نهوووي وااااو موضوعج روووعه :tek: بصراحه العنوان شدني حيييييييييييييييل ,,, وانا من وجة نظري سبب القساوه ضعف الوازع الديني يحسبون بأنهم مخلدين بهالدينا واما السبب الثاني وهي المشاكل الاجتماعيه اللي تجعل الانسان قاسي ولا يتصرف بعقلانيه وشكرا حبيبتي نهوي عالمواضيع الحساسه والجميله :tek:

 

[اللوحة الناقصة]

ترى قسوة القلب تيي من الي الانسان يشوفه من الناس

يعني ممكن يكون قلبج رقيق حدده ولين بس من لابلاوي الي تشوفينها والشر والحقد والخبث

غصبا عليج يصير قلبج قاسي مثل الصخر كرده فعل نتيجه لعدة مواقف مريتي فيها مع ناس عديمين الضمير والاحساس

انا وحده احس اني صايره من فئه الي قلوبهم قاسيه وتبين الصج ماني متحسفه على هالطبع الي اكتسبته

بالعكس صج اهو سئ وينفر الناس منج بس بنفس الوقت يخليهم يسوون لج الف حساب

يعني يثمنون اي كلمه قبل لا يقطونها ويحرصون على اي فعل قبل لا يسوونه جدامج لانه يدرون انج ماراح تسامحينهم

حتى لو كانو قراب منج

وثااانكس حبيبتي عالموضوع الحلو:eh_s(7):​

 

[أخت خالد]

ورفع للفائده

 

[نهى الأحمد]

رد: رد : القلوب القاسية بهالزمن....برأيكم شنو سبب قساوتها؟؟؟

حلو موضوعج اي شفت ناس قلبهم قاسي او انا الي طيبه مادري ؟؟

تسلمين ياقلبي


الطيبه ياقلبي ماهي عيب وحافظي عليها

نورتي الموضوع حبيبتي

 

[نبض السعاده]

رد : القلوب القاسية بهالزمن....برأيكم شنو سبب قساوتها؟؟؟

بالبدايه
أحب اشكرك

أسباب قسواته القلب

ضعف الايمان

التخلي عن الاخره النظره الى الدنيا

ظرووووف نفسيه عدم السيطره على الانفعلات مرضي


وجميع الظروووف تبين ضعف الايمان

 

[ضحكه مستعاره]

صادفج ناس في حياتج من اصحاب القلوب القاسية؟؟



ايه واايد الله يصلح حالهم
شنو برأيج سبب قسوة قلوب بعض البشر؟؟


ضعف الوازع الديني وبعدهم عن ربهم ونسيانهم انه اخرتهم قبر
يارب اسالك حسن الخاتمه لي ولاحبتي وجميع المسلمين

 

[نهى الأحمد]

رد: رد : القلوب القاسية بهالزمن....برأيكم شنو سبب قساوتها؟؟؟

اتوقع انه القلب يقسى من ضعف الايمان+ موقف صعب

اي والله صاجه ياقلبي

مشكوره حبيبتي على المشاركة الطيبه

 

[نهى الأحمد]

مرحبااااااااااااااا نهوووي وااااو موضوعج روووعه :tek: بصراحه العنوان شدني حيييييييييييييييل ,,, وانا من وجة نظري سبب القساوه ضعف الوازع الديني يحسبون بأنهم مخلدين بهالدينا واما السبب الثاني وهي المشاكل الاجتماعيه اللي تجعل الانسان قاسي ولا يتصرف بعقلانيه وشكرا حبيبتي نهوي عالمواضيع الحساسه والجميله :tek:

تسلمين ياقلبي انتي

مرورج اهو الاروع


صاجه ياقلبي بكل كلمة قلتيها

والله يبعدنا عن اصحاب القلوب القاسيه

 

[مشكلتي حبك]

رد : القلوب القاسية بهالزمن....برأيكم شنو سبب قساوتها؟؟؟

انا شفت ناس كانوا طيبين حيل وبعد مرور السنين شفتهم ناس قاسيه يمكن من ظروف الحياه واكثر اللي قلوبهم قاسيه لانهم مبتعدين عن دين الله تعالى اللي يوصي بالاخلاق والقلب الطيب والرحمه وينهى عن الحقد والقسوة..

 

[aṕriliå]

رد : القلوب القاسية بهالزمن....برأيكم شنو سبب قساوتها؟؟؟

الاسباب حسب وجة نظري بعيد عن الوازع الديني :

حب فرض الشخصية الجبروت
التكبر والغرور
منخدع بنفسه


يسلموووو نهوي

 

[همممت]

رد : القلوب القاسية بهالزمن....برأيكم شنو سبب قساوتها؟؟؟

شلونكم يا خواتي


عساكم بخير


اشتقت للكتابة وبالذات في قسم المناقشات




اليوم كنت قاعده افكر بهذا الموضوع اللي حبيت اطرحه لكم ونتناقش فيه



يقول تعالى {ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً }


القلوب لي تحجرت صارت قاسيه


البعض منها صعب يلين



بعض من هذي القلوب عايشه بينا مغلفة احيانا بالحقد

وتمحي كل محبة بداخلهم وماكو عندهم اي رحمة


في النهاية اقول لهم لي خلت الرحمة من قلوبكم

رحمة الله وسعت كل شيء


( فلانــــه قلبها قاسي علي)


صرنا نسمع هالجملة وايد بأيامنا هذي


ونقعد نفكر ونحاتي يا ترى ليش قلبها قاسي؟؟


رساله مني لاصحاب القلوب القاسيه.....

ترا القسوة رح تقتل الحب بداخلكم


ورح تنفر الناس منكم


خلوا بقلوبكم شوية رحمة



سؤالي لكم...


صادفج ناس في حياتج من اصحاب القلوب القاسية؟؟



شنو برأيج سبب قسوة قلوب بعض البشر؟؟


أحتكم

نهى الأحمد

عزيزتي
نهى

موضوعج جميل جدا

ومن وجهه نظري المتواضعه

ان الانسان
يولد على السجيه قلبه غض
لا يعف للقسوه مكان
الزمن والتجارب
هم من يملؤه
بما يحويه من تجارب

فاذا كانت
هذه التجارب جميله
ملأها حب وخير وحنيه
والعكس صحيح

ولها سببين من وجهه نظري

اولها البيئه
ولتسهيل التشبيه اشبهها
بالخزانه
المملؤه ثياب قبيحه الشكل واللون
ولكن هذا هو الموجود
لا غير
تلبسين ما هو موجود
لا تملكين غيره

والسبب الثاني
التجارب التي مرت بك
تجعل قلبك قاسيا صلبا

تمام

كطالب طب جراح
في اول عمليه تشريح
لا يتحمل المنظر فيقع مغشيا عليه
لكن مع مرور الوقت
قد تجدينه يأكل ويشرح الجثه في ان واحد

كثره الصدمات
تذهب بالمبادئ والقيم
وتميت القلب

بالنسبه لي

في الحالتين قاسي القلب

ضحيه وليس مجرم

تقبلي مروري

ولج تحياتي


همممت​

 

[ضحـاوي]

القساوه اسبابها وايد مختلفه

احيانا تكون من كثرة الحقد والحسد بالقلب

واحيانا تكون ردت فعل من كثر ما قسو الناس على الانسان ومن كثر الصدمات الي تواجه الانسان

وفي كل الحالات انا ما اييد القاسي ,,,,,,,,,,, لان قاسي القلب يتعب نفسه اكثر من ما يتعب غيره ومن قساوته يقسي حتى على نفسه بدون ما يحس

ويعطيج الف عافيه عالموضوع الحلو

 

[الحــــياة]

صادفج ناس في حياتج من اصحاب القلوب القاسية؟؟

اي والله وحده كانت اقرب لي من خواتي قاااااااااسيه قلبها صخر والمشكله معاي انا بس مراااات




شنو برأيج سبب قسوة قلوب بعض البشر؟؟

الله يعينهم على نفسهم يحسبون الدنيا دايمه وتسوى

شنو راي فيهم غير الله يلين قلوبهم ويهديهم.

 

[امورة زماني]

رد : القلوب القاسية بهالزمن....برأيكم شنو سبب قساوتها؟؟؟

صادفج ناس في حياتج من اصحاب القلوب القاسية؟؟

ايييييييييييييييه وش كثرررهم


شنو برأيج سبب قسوة قلوب بعض البشر؟؟
اممممممم يمكن من الاشيااء اللي تدوور حولينا تخلي الواحد يقسى
بس جد فيه قسووه مصحووبه بنذاله وحقد وحسد وهذي القسووه الي دايم اصاادفهااا


يعطيج العافيه نهوووي مواضييعج مميزه دائماً
تقبلي مروري يالغلا ..~

 

[نهى الأحمد]

ترى قسوة القلب تيي من الي الانسان يشوفه من الناس

يعني ممكن يكون قلبج رقيق حدده ولين بس من لابلاوي الي تشوفينها والشر والحقد والخبث

غصبا عليج يصير قلبج قاسي مثل الصخر كرده فعل نتيجه لعدة مواقف مريتي فيها مع ناس عديمين الضمير والاحساس

انا وحده احس اني صايره من فئه الي قلوبهم قاسيه وتبين الصج ماني متحسفه على هالطبع الي اكتسبته

بالعكس صج اهو سئ وينفر الناس منج بس بنفس الوقت يخليهم يسوون لج الف حساب

يعني يثمنون اي كلمه قبل لا يقطونها ويحرصون على اي فعل قبل لا يسوونه جدامج لانه يدرون انج ماراح تسامحينهم

حتى لو كانو قراب منج

وثااانكس حبيبتي عالموضوع الحلو:eh_s(7):​

هلا والله حبيبتي

أسعدتني مشاركتج

احيانا من مواقف الناس ويانا تجعل قلوبنا قاسيه لكن لفترة مؤقتة

لانه احيانا الناس بهالزمن يحتاجون قلب قاسي لكن مايكون دائم ياقلبي


تسلمين ياقلبي على المشاركه الطيبه

 

[نهى الأحمد]

ورفع للفائده

رفع الله قدرج حبيبتي

تسلمين

 

[العود والبخور]

ضعف الايمان هو السبب الرئيسي

وفيه ناس طبع القسوه فيها ., ناس رحوووومه ., طبع

عن الرسول عليه الصلاه والسلام

وجاءه أعرابي فرآه يُقبّل الحسن بن علي رضي الله عنهما فتعجّب الأعرابي وقال : " تقبلون صبيانكم ؟ فما نقبلهم " فرد عليه النبي صلى الله عليه وسلم قائلاً : ( أو أملك أن نزع الله من قلبك الرحمة ؟ ) .