وجهي وخشمي والحبوب اللي عاملة فيني مأسآآآآه .. ساعدوني بناااات

[مشمشه_كويتيه]

رد : وجهي وخشمي والحبوب اللي عاملة فيني مأسآآآآه .. ساعدوني بناااات

ياعمري بشرتج مبين فيها التهاب واضح جربي تستخدمين الاسيتون من الصيدليه لازم تمسحين و تعقمين الحبوب يوميا وعندج هذي الانواع مفيده للحبوب صابون الكبريت يفتت الحبوب تفتت وبعد صابونة القهوة خليها صابونتج دايما تشيل الحبوب واثارها وتساعد انه مايطلعلج احبوب بالمستقبل وماتشوفين شر حياتي

 

[سيمان]

انصحج من كل قلبي روحي طبيب حكومه او خاص المهم تاخذين حبوب الرواكتان بس سنه ما كو حمل هو كورس علاج 7شهور يمه بنات بشرتهم صارت بيبي فيس وانا الحين صارلي 5 شهور وباقيلي شهرين بشرتي صارت قمه الكل يسالني عنها مع ان باقيلي شهرين وبعدها تقشير حق اثر الحب امبيه صج حل نهائي لبشرتي اللي كانت دمار من الخلطات والبلاوي واي سوال انا حاظره

الله يهنيج حبووووبه والفال لي يااارب
ساعات تظلم الدنيا بوجهي واقول مافي علاج كل مني انا اللي دمرت بشرتي
بس انتو الله يحفظكم ويوفقكم رديتو لي الأمل
اللي عند الله مو بعيد
ياررررررررررررب رد بشرتي مثل قبل يااارب
ادعو لي بنات فديتكم

انا لي موعد عند دكتورة الجلديه اهيا قالت لي عن هالحبوب بس انا ماقبلت فيهم
جني غيرت رآيي

تسلمين ياقلبي الله يوفقج يااارب :aha:

 

[سيمان]

رد: رد : وجهي وخشمي والحبوب اللي عاملة فيني مأسآآآآه .. ساعدوني بناااات

انا شفت وحده مسويه تقشير صارت بشرتها تهبل ما شاء الله وفتحت بعد ما كانت محفرة بشرتها مسكينه
انا انصحج بماي الورد حطيه ببخاخ ورشي على بشرتج كل يوم وايد حلو والعسل فيه شفاء للبشره ادهنيها وقعدي شوي وبعدين غسليها وهم عندج حبه البركه(الحبه السودة) والكمون يصفي البشره

مشكلة التقشير ناس تمدحه وناس تذمه وانا ماابي اعرض بشرتي للدمار يكفي اللي جاها الحين :eh_s(11):
والماي الورد والعسل وحبة البركه والكمون كلهم حلولهم مؤقته

تسلمين حبوبه ويعطيج العافيه :hjy5jewf:

 

[سيمان]

رد: رد : وجهي وخشمي والحبوب اللي عاملة فيني مأسآآآآه .. ساعدوني بناااات

حبووووبه الله يشفيج بس انصحج بالمره رووعه للبشره وكافي انها تعقم لج المنطقه يعني حطيها يومياا والله رااح تدعيلي بس استمري عليهاا والبشره اكيد بتتدمر مادام انج لعبتي فيها بالكريمات اللي فيها زئبق وكرتيزون تعطيج بالبداايه بيااض وتالي لاخليتيها تدمر بشرتج ..
انزين روحي لمنصور العرف ترى حلووو والله انا شاايفه شكثر راحوله وصفت بشرتهم ..
وصج العسل حلوو سويه قنااع لوجهج وبعد عندج مااي زمزم غسلي وجهج وادعي ان تتسنع بشرتج .
الله يعطيج الله العاافيه ويهون عليج

من اليوم بجرب المره بس شلون طريقتها ؟؟
انا سامعه انها زينه للبشره

هالفتره هذي انا اعالج بشرتي بالمواد الطبيعيه بس كلهم حل مؤقت اول ماتغسلينهم البشره شحلوها وتقعدين 10 دقايق بالكثير ربع ساعه ورجعت حليمه لعادتها القديمه :cxxxp:

الله يعافيج ياقلبي ومشكوره وايد :33_1185028183:

 

[سيمان]

رد: رد : وجهي وخشمي والحبوب اللي عاملة فيني مأسآآآآه .. ساعدوني بناااات

وياها مليووون بالاميه
روحي دكتور جلديه حكومه (( وخلي عنج الخاص مامنهم الا نهب هالفلوس ع الفاضي والعلاج نفس العلاج بس لازم تعرفين الكريمات اللي تبينها وتعرفين اساميها ويعطونج اياها ولازم تسوين فحص دم ,, ويطلبون توقيعج وتوقيع زوجج عشان مايصير حمل فتره العلاج وتعهد بهالشي ))

حبوب الروكتان ,, كريم الرتن أ حق اثار الحبوب ,, محلول الدلاسين حق الحبوب القويه حيل ,,
والله يشافيج حبيبتي

مشكوره ياقلبي
انا دكتورتي مستشفى خاص
بس اللي احس انه مو نافعني مثل التحاليل اللي كثر الحصى والأدويه اللي احسها مالها لزوم ارفضها
وياااارب ارجع مثل قبل

تسلمين حبوووبه :eh_s(21):

 

[So0oKaRa]

انا صارلي فتره طويله احوس بالنت واسوي سيرج على دكتور جلديه شاطر
واكتشفت انه اغلبهم نصابين يسحبون منج الفلوس لين تنشفين همهم الفلوس اول شي بعدين علاجج
روحي طبيب الحكومه وترى الحكومه توصفلج نفس دوا الخاص اقل مافيها الحبوب اللي بالصيدليه يبيعونهم بسعر غالي بالحكومه يعطونج ببلاش
بس مادري لو الحكومه يسوون ليزر وتقشير للحفر او لا بس ماتوقع ولو وحده من البنات تعرف خل تفيدنا يزاها الله الف خير

 

[سيمان]

رد: رد : وجهي وخشمي والحبوب اللي عاملة فيني مأسآآآآه .. ساعدوني بناااات

صح كلام البنات رووحي دكتوور جلدية حكووومي

والله يهببل علاااجهم ويجيب نتيجه

الله يجيب اللي فيه الخير حبيبتي
مشكوووره :33_1185028183:

 

[سيمان]

لااله الا الله

محمد رسول الله :68_asmilies-com:

 

[سيمان]

up up

تسلمين حبوبه :68_asmilies-com:

 

[سيمان]

حبيبتي اختي كانت نفس حالتج و راحت الصيدلية خذت غسول و كريم و ماشاءالله اللحين صارت واااااااايد احسن و اخوي طلعوله حبوب بخشمه بعد و استخدم الغسول و الكريم و النتيجة والله ممتااااازة
انا ما اتذكر اسم الكريم او الغسول بس اهمه من نفس الماركة و الماركة المانية ولون الكريم والغسول وردي و المغطة كحلية وانشاءالله اسالج اختي عن اسمهم و اعطيج خبر

انتظرج حبووووبه
اهم شي انه ماركة زينه مو أي شي ..
ان شاء الله يفيدني بدون حوسة المستشفيات وادويتهم
انتظرررررج لاتتأخرين بالرد حبيبتي :eh_s(17)::eh_s(7):

 

[سيمان]

رد: رد : وجهي وخشمي والحبوب اللي عاملة فيني مأسآآآآه .. ساعدوني بناااات

عليج بالمرة
والله يشافيج ويشافيني من الهالات السوداء

ان شاءالله اليوم بجربها ودعوااااتج حبوبه :hjy5jewf:

 

[سيمان]

رد: رد : وجهي وخشمي والحبوب اللي عاملة فيني مأسآآآآه .. ساعدوني بناااات

ياعمري بشرتج مبين فيها التهاب واضح جربي تستخدمين الاسيتون من الصيدليه لازم تمسحين و تعقمين الحبوب يوميا وعندج هذي الانواع مفيده للحبوب صابون الكبريت يفتت الحبوب تفتت وبعد صابونة القهوة خليها صابونتج دايما تشيل الحبوب واثارها وتساعد انه مايطلعلج احبوب بالمستقبل وماتشوفين شر حياتي

ممكن تحطين لي صورة صابونة القهوه ؟؟
بحاول اعقم بشرتي بالمره واغسل وجهي بهالصابونه ..
وان شاء الله اتحسن ياااااارب


وتسلمين قلبي ومشكوووره :eh_s(7):

 

[سيمان]

انا صارلي فتره طويله احوس بالنت واسوي سيرج على دكتور جلديه شاطر
واكتشفت انه اغلبهم نصابين يسحبون منج الفلوس لين تنشفين همهم الفلوس اول شي بعدين علاجج
روحي طبيب الحكومه وترى الحكومه توصفلج نفس دوا الخاص اقل مافيها الحبوب اللي بالصيدليه يبيعونهم بسعر غالي بالحكومه يعطونج ببلاش
بس مادري لو الحكومه يسوون ليزر وتقشير للحفر او لا بس ماتوقع ولو وحده من البنات تعرف خل تفيدنا يزاها الله الف خير

الله يسامحهم ..
مايدرون ان الوحده ماتروح لهم الا لمن تيأس من روحها اهم الحل الوحيد
بس اهم مايقدرون هالشي :eh_s(2):

وصحيح الأكثر نصحني بمستشفى الحكومه
بس بيني وبينج انا ماحطيت الموضوع الا ابي ابتعد عن المستشفيات
بتجاربكم ونصايحكم ان شاء الله استفيد وراح ادعو لكم من كل قلبي ..

تسلمين ياقلبي على الرد
تطمنت حييييل بردودكم الله يعطيكم الف عافيه حبيباتي :eh_s(21)::aha: