ابي اصبغ اشقر واسوي تان ,, ساعدوني !! :(

[al39laa]

قوه بنات

ودي اسوي حق عيد ميلادي نيولوك واصبغ اشقر فاتح باربي

وتان مثل هاللون يكون برونزي على ذهبي

اتعرفون صالون يضبط الصبغ واللي اتعرف خوش سلف تان او سن تان يضبط هاللون تقولي

ويعطيكم العافيه

 

[al39laa]

اب

اب

وينكم بنات !!

 

[ناااني]

شووفي حبيبتي بالنسبه حق الصبغه مااالج الا كاارمن بصالون بنت السلطان
احسن وحده شفتها تصبغ للحين ونوعها ما تقولج انا اسويلج ويطلع اللون مو حلو تقولج من قبل ما تصبغ ترى راح يصير جذي
وبالنسبه حق البرونز اذا تبين نتيجه فوريه وحق يوم واحد سوي ملوت الصالونات بس ترى مع السبحه الثانيه يترقع الجسم على حسب الفرك
واذا عندج وقت تقعدين بالشمس جم يوم مالج الا تان بنانا بووت اقووى تان يخلي اللون مو صججججج
وبس اي شي تبين انا حاضر

 

[al39laa]

مشكوره حبيبتي وانا ناويه على بنانا بوت الاحمر

والصبغ الاشقر ابي نفس هاللون

اب

اب

 

[عاشقة بدر]

رد : ابي اصبغ اشقر واسوي تان ,, ساعدوني !!

الصبغه تآكدي مليون بالميه شعرج راح يحترق ويتقطع هذا اول شي
انا توني صابغه شعري صرت باربي دوول
والصبغه وااو عند سيلفانا بيوتي بالجابريه وشاطره
والتان سوي انتي بالبيت سلف تان
واذا تبين رقم سيلفانا اعطيج وروحي لهاا بالاول تشوف شعرج يتحمل الصبغه او لاا
بالتوفيق وكل عام وانتي بخير مقدمآ
:blueSmCLR:

 

[روعة خيال]

حياتي عندج بمجمع الفنار على ما اعتقد بالسرداب محل متخصص بالتان و وحدة عرضت تجربتها هني بالمنتدى و صورت لونها قبل و بعد

الزبدة اذا رحتي لهم يعرضون لج الالوان و انتي تختارين

بعدها يسوون لج التان بجهاز رش

و يقولونلج لا تجيسين الماي لمدة 8 ساعات بعدها تسبحي بس ما تفركين الجسم و بعدها يطلع اللون المضبوط

مادري شرحي وافي و الا لأ

و الصبغ الاشقر يمدحون بنت السلطان

و انا ابي اروح لهناء موري يقولون صبغها رووعة

 

[أسيـل الجـــرح]

انا سمعت عن التان الرش الي عند صالون يورز مقابل حديقه الشعب وعند صالون ليلي هارموني بس للامانه ما جربت ولا واحد

 

[ناااني]

ايي انا جربت التان بالفنار تحت اهو حلو بس يبقع بعد السبوح
وريحته اصلا جني حاطه حنه
وجني مدبقه مادري احس مو طبيعي الشمس ابرك
واهو اللون واحد بس يا فاتح يا غامج كل ما تبين اغمج ترشج زياده

 

[عيميه عسوووله]

انا ودي اصبغ اشقر حده بخاطري

يقولون بنت السلطان حلو عند مدام كارمن

بس التان نو مااحبه..

 

[maryooooma]

الأشقر الي مثل هالصورة يتلف الشعر تلاااااااف!!! يعني باختصار بيموت الشعر!! خصوصا اذا كان شعرج غامج! انا جربت كذا صالون بس ماقدر افيدج ابهالصبغة لاني ماجربت!!! بس اكو صالون بالجابرية اسما بوتيك اب عمارة الدلالي في فلبينية شاطرة وحده صابغة عندها لون شعرها فظييييييييع يعطيج على قولد!! روحي شوفي مانتي خسرانة
و بالنسبة حق لتان روحي صالون قوسيب بالبلاجات صالون متخصص ابهالسوالف

 

[أهداب]

رد : ابي اصبغ اشقر واسوي تان ,, ساعدوني !!

حبيبتي احنا داشين علي الشتاء
يعني مو فاشن
التان والاشقر خليها بدايه الصيف الياي

 

[DaShTeYa_Q8]

وااي يهبل حده خاطري برووونز واشقر!!
بس مااعرف صالوون يضبط الصبغ
و بالنسبة للتان في صالوون اسمه قووسيب Gossip حطوه مرة ببنات وبس
بالساالمية

 

[الملكة كوكو]

Gossip الي على البلاجات بعد دوار البدع على طول هذا حلو حق تان عندهم جهاز و يمدحونة
اما صبغ لون اشقرعندج صالون لابلوبيل و بدون ما يحرق الشعر يعني يحطون معاه حماية قبل الصبغ و بعد الصبغ و تقدرين تشترين من عندهم ست كامل شامبو و بلسم و بروتكشن و تريتمنت أو ماسك حق شعرج عشان ما تتغير لون الصبغة مع السباحة و لا يخرب الشعر ..

 

[نورالدنيا***]

رد : ابي اصبغ اشقر واسوي تان ,, ساعدوني !!

للرفع

 

[style zone]

رد : ابي اصبغ اشقر واسوي تان ,, ساعدوني !!

ليلى هارموني حلوووو جربيه والله

 

[al39laa]

مشكورين بنات سجلت اللسته حق الصالونات

وعيدميلادي بالصيف مو بالشتا وانا نظامي ما امشي عالموضه بس اللي يعجبني اسويه :d

 

[جاذبية]

يعني الحين وين نسوي التان احترت ابي مكان حلو ومايبقع ويصبع عدل وذهبي حلو مابي اتوهق لان عيد ميلاد ريلي الاسبوع الياااااااااااااي فيدوني(((

 

[آهات الليل]

رد : ابي اصبغ اشقر واسوي تان ,, ساعدوني !!

اذكرولنا اسعار الصبغ بالصالونات اللي ذكرتوها بالنسبه للشعر البوي >>اللي تعرف تحط السعر
والتان يمدحون ليلى هارموني

 

[لسعة طفولة]

جد ترا ماينفع تان وقت الشتاء ..

 

[om.googi]

انا سمعت عن التان الرش الي عند صالون يورز مقابل حديقه الشعب وعند صالون ليلي هارموني بس للامانه ما جربت ولا واحد

نصيحة و لا تفكرين تجربينهم .. اختي سوت عندهم وقطت فلوسها عالفاضي وثاني شي التان صوب أطراف ايدج وريلج شكلها وصخ جنج طالعة من حفرة طين يعني صالوناتهم مو تخصص تان حي الله .. بنانا بوت وبس ونامي تحت شمس الكويت .. يا حلات شمسنا الحنانه .. أحلى لون تلونج فيه ​

:rerrerek: