بفضفض

[عيون-المها]

مساء الخير


بنات بقولكم مشكلتى اهيا مو مشكلة بس بفضفض


متزوجات فية احد نفسى ريلي طبعة 24 ساعة معلق الموبايل بذونة يعنى سوالف ماتخلص اهو اجتماعي ويحب يساعد


الناس الكل الشقردي بس اشى يزيد عن حدة ينقلب ضدة طلعت انا ويه نتعشاء بر طول ماحنا بالسيارة واهو يتكلم


تخيلو طلب عشاء وتعشيت انا بروحي واهو يتكلم بتلفون حتى ماكل قلت حق ريلي مليت وانا معصبة خلاص خروح البيت خذيت اكلة سفري 0000


اليوم بنام ماقدرت يسولف بتلفون صوتة عالي مزعج طلعت له وعيونى نصها نوم قلت لة الله يخليك-هدوء شوية
طلع من البيت خلاص طارت النومة قلت خلنى ادق علية اقول لة خلاص رد البيت مافينى نوم كلة لدية مكالمة اخري

كلة ماسك اتلفون بس اي مناسبة عند اهلي او عزء مايكلم امي ---- اهو طيب حيل وحبوب بس هاذى مشكلتة 00


والله ماجذب عليكم طلع من البيت قلت حرام خل ادق

 

[نور كوليكشن]

انتي تقولين اجتماعي
بس شنو نوع المكالمات
اهي ضروريه
ولا بس عادي سوالف
الله يعينج

 

[بنــت ** الشيخ]

كلميه وقوليله ترضى انا التلفون معلق بأذوني 24 ساعه وفهميه واشوي اشوي بيتعود يغير طبعه

 

[مشتاقه لك يبا]

رد : بفضفض

الله يعيينج ,, مافي حل الا انج تكلمينه او تقعدين معاه وتفهمينه ان هالشغله هذي حيل مسسبتلج ازعاج
ومظايقتج وان شاء الله ما فيه الا الخييير اهو اهم شي بالرجال انه طيب وحبوب وهذا اهم شي وحمدي ربج يا قلبي

 

[ضايعة بدنيتي]

رد : بفضفض

شدعوة شهالسوالف الي ما تخلص ههههههههه الله يعينك حبيبتي . انزين هو ما يروح الديوانيات وكذا ؟ ليش طول الوقت وهو قاضب هالتلفون وطق سوالف بالبيت ؟ بس قوية سالفة المطعم حرام انتي لك حق عليه بعد . المفروض الوقت الي لك تلفونه يكون سايلنت . طيب المفروض انتي تكلمينه بجدية وبهدوء وتفهمينه انك متضايقة من انه مو ماعطك حقك بمجابلك وكذا . في النهاية الحوار والصراحة احلى ما في العلاقة الزوجية . بس بعد دوم قولي الحمدلله دام زوجك زين هالكثر ما شاء الله . الله يوفقكم حبيبتي ويسخر لك زوجك ولا يغير عليكم الا للاحسن ان شاء الله

 

[الـزين و الجـود]

رد : بفضفض

الله يكون بعونج انا اقول نطريه اذا رد قولي له اذا انت عندي سكر تليفونك ابي اسولف معااك مو كل مااقعد معاك ونطلع مع بعض ماسك التليفون..!!
والله ويخسره لج ان شاء الله ويخليكم لبعض ..

 

[عيون-المها]

انتي تقولين اجتماعي
بس شنو نوع المكالمات
اهي ضروريه
ولا بس عادي سوالف
الله يعينج

سولف عن كل شى عن سيارات سوالف عن االدوام


اهو يسمع من الكل كبير وصغير

 

[نـور الكويت]

عاااااااااااااااااااااااااااااااااااااااااااااادي انا جذي بس لا طلعت معاه

ربعه واهله ما يعرفونه الا بالوقت الي اطلعه معاه ..تكلمت تكلمت وبجيت وتهاوشت وماكو فايده
يقووولي شسوووووووووي يعني هذا حظج لدرجه بعض المرات اقوله حطه مغلق ولا صامت ..؟؟

مالنا حيييييييييييييييييييييله عسى الله يصبرنا يارب ويهديهم

 

[فقـدتـك حيــل !]

رد : بفضفض

أول شي قولي الحمدالله انه حبوب وطيب ..
وعسى الله يتمم عليكم ..

صج المشكله مزعجه حيل وتضايق ..
لو آنا منج أول شي بكلمه بالمسايس وأفهمه انه كل شي فيه لو وعاجبني ، وانه يابخت اللي يكون اهو من نصيبها ..
بس شغله وحده لو يغيرها ! يصير كامل والكامل الله ..
واقوله الشغله وشكثر متضايقه منها ..
فاد .. الف الحمدالله والشكر ،
ما فاد ، حل ثاني ..
أحاول اسوي نفسه واتكلم 24 ساعه ويا اختي رفيجتي امي بنت عمي .... إلخ ..
حس فيج ويابت نتيجة زين على زين !
ماحس وشاف الموضوع عادي عنده ..
انيي حق الجانب الطبي !
كثرة السوالف بالفون يخفف السمع ويا الأيام ..
وفي معلومات حدها واايده وقوية عن هالشغله دوري بقوقل ..
أتذكر في واحد يصير لنا مايقدر الحين يسولف وايد اذنه تعوره حيل لو تكلم !
من كثر ما يسولف أول ..
قوليله هالأمثله ! ودوري معلومات علميه عشان يخاف شوي ..

وهذا اللي فبالي حالياً ..
عسى الله يهديه لج ويبطل هالعاده الكريهه ..

 

[عيون-المها]

رد: رد : بفضفض

شدعوة شهالسوالف الي ما تخلص ههههههههه الله يعينك حبيبتي . انزين هو ما يروح الديوانيات وكذا ؟ ليش طول الوقت وهو قاضب هالتلفون وطق سوالف بالبيت ؟ بس قوية سالفة المطعم حرام انتي لك حق عليه بعد . المفروض الوقت الي لك تلفونه يكون سايلنت . طيب المفروض انتي تكلمينه بجدية وبهدوء وتفهمينه انك متضايقة من انه مو ماعطك حقك بمجابلك وكذا . في النهاية الحوار والصراحة احلى ما في العلاقة الزوجية . بس بعد دوم قولي الحمدلله دام زوجك زين هالكثر ما شاء الله . الله يوفقكم حبيبتي ويسخر لك زوجك ولا يغير عليكم الا للاحسن ان شاء الله

اي والله سوالفة ماتخلص حتى قاعدة اقول مرة ثانية اذا بغيت اطلع وية اقولة خل تلفونك بالبيت


انسة شوية 000

 

[Tom ♥ Jerry]

.


قعدي معآه قوليله آبيك بموضوع
و طلعي كل الي بقلبج بس بدون عصبيه !
قوليله انا لي حق عليج على الاقل اذا كنت وياي حسسني بوجودك معآي
اقل شي اذا طلعنآ مع بعض ابيك وياي مو مع ربعك
آنته الحين صج جسمك وياي بس عقلك مع ربعك



و آن شاء الله يتفهم و الله يتمم عليج

 

[سموة الزين]

رد : بفضفض

الله يهديه

 

[عيون-المها]

يعطيكم العافية علي الردود


تسلممممون

 

[لمورره]

والله العظيم نفس مشكلتي حياتي كلها وحيده وهو معلق التليفوون باذنه