تجمع لامهات سنه اولى حضانه

[عيون سارة]

اوبرا : عاد اليوم نفس الفيلم كا العادة

المهم لما جيت اخذها شفت صاحبه الحضانه واهي كويتية ومديرة الحضانه واهي بروحها يت صوبي الا تقول سارونة وايد ممتازة
الا اقولها ميخالف اهي تبكي تستحى و مو متعودة
الا الحرمة تستغرب تقول منو سارونة
لا بالعكس شاطرة وتشارك

وماعليها قاصر


يعني كل الى تسويه افلام هنديه علي
بس انا اروايج فيها

سكول يعني يسكول

 

[جوري الكويت]

رد : تجمع لامهات سنه اولى حضانه

انا اليوم ما وديت بنتي مصخنه اسم الله عليها

عطيتها فلودركس و ادول


مافي احد مسجل ب حضانه فيوتشر جينيريشن

 

[opera]

رد : تجمع لامهات سنه اولى حضانه

ام ساره حتى تيتشر ولدي تقول انه نشيط ويشارك

وكل يوم يعطونه ورقه عن سلوكه بالحضانه وشنو سوا

وكله نشيط وممتاز

احس انهم بس جذي يكتبون ويقولون لنا عشان مانطلعهم من الحضانه !!

 

[عيون سارة]

اوبرا : خليتي راسي يفتر

انا بروحي مو طايقة الى على الريسبشن
اخلاقها بخشمها ودي اعطيها طراق

شكلي بكرة بدرعم عليهم اشوف شسالفه

 

[عروس شمالية]

رد : تجمع لامهات سنه اولى حضانه

بنات بليز انا ولدي ملقوف حده بس يتعبث ويكسر وصرت اشيل كل شيء جدامه وعمره اسم الله عليه سنه واربع شهور
وكنت مفكره ادخله حضانه على سنه ونص ان شاء الله ..

شتنصحوني فيه للامانه ومتى ادخله حضانه وحابه تكون يم بيتي بعبدالله المبارك..

 

[عروس شمالية]

رد : تجمع لامهات سنه اولى حضانه

اممممممممم محد رد علي

 

[opera]

رد : تجمع لامهات سنه اولى حضانه

اوبرا : خليتي راسي يفتر

انا بروحي مو طايقة الى على الريسبشن
اخلاقها بخشمها ودي اعطيها طراق

شكلي بكرة بدرعم عليهم اشوف شسالفه

اي روحي وشوفيها صج كلامهم ولا بس جذي يقولون

بنات بليز انا ولدي ملقوف حده بس يتعبث ويكسر وصرت اشيل كل شيء جدامه وعمره اسم الله عليه سنه واربع شهور
وكنت مفكره ادخله حضانه على سنه ونص ان شاء الله ..

شتنصحوني فيه للامانه ومتى ادخله حضانه وحابه تكون يم بيتي بعبدالله المبارك..

اليهال بهالعمر كلهم جذي لانه يبدون يكتشفون اللي حولهم وبيعرفون كل شي

انتي اللي عليج تشيلين الاغراض من جدامه

ويقولون الحضانه والمدرسه عموما تغير سلوك الياهل للاحسن

بس انا ما اشوف جذي :ssssso: لانه اسم الله عليه ولدي زاد عناد وشطانه من دش الحضانه

 

[Q8_ButterFly]

رد : تجمع لامهات سنه اولى حضانه

السلام

محد فيكم مجرب حضانة ليلى كير الي بجنوب السره؟؟ لانه بسجل ولدي قريب​

 

[Q8_ButterFly]

رد : تجمع لامهات سنه اولى حضانه

وينكم بناااااااااااات ​

 

[عروس شمالية]

رد : تجمع لامهات سنه اولى حضانه

احم احم

 

[om__jana]

انا ان شاء الله الاحد راح اودي بنتي رينبو اسجلها
قبل يومين وديتها قلت بشوف ردة فعلها مع اليهال شتسوي والحمدلله اشوفها قامت تلعب حتى ماتبي ترجع البيت
واهم شي عجبني بالحضانه جدولهم .. الياهل عنده وايد انشطه باليوم سألت مدرستهم شنو جدولهم عقب اللعب قالتلي عندهم تركيب وبعدين رياضة وبعدين رسم

والحضانة صج صغيره لكن عدد الطلبه بكل صف معقول
والمدرسات مو فلبينيات في جنسيات مختلفه وصف بنتي عمر سنه الى سنتين عندهم مدرسه وفلبينيتين يساعدونها ويبدلون الحفاظات و كان في صف ثاني عمرهم اكبر كانوا ياكلون هم معاهم ابله وفلبينيتين يساعدونها

وسلامتكم وانا ان شاء الله مفكره ادخل بنتي ليه سنيتن بعدها ان شاء الله بدخلها ريبورن

 

[جوري الكويت]

رد : تجمع لامهات سنه اولى حضانه

السلام​

محد فيكم مجرب حضانة ليلى كير الي بجنوب السره؟؟ لانه بسجل ولدي قريب ​

وحده كانت معاي بالدوام مدخله بنتها فيها من عمرها شهرين و مستمره فيها

لو فيها شي مو زين جان طلعتها

 

[omtefel]

رد : تجمع لامهات سنه اولى حضانه

والله آنا دخلت ولدي حضانة الذكاءات المتعددة بالروضة، الحضانة تهببببل تهبببببل، تعليم راقي جدا، ولدي كان مو اجتماعي وما يحب الناس، كان تأثيرهم عليه مثل السحر، بفترة قصيرة جدا صار اجتماعي ويحب الناس وصار يردد الأشياء اللي يعلمونها، كلمات انجليزي وفرنسي بعد، وأناشيد، والفاتحة، يعني صار له شهر بالحضانة وتعلم أشياء وايد وايد، واحين ابتدوا يعلمونه عالحفاظة وصار يقول أبي حمام، ويحب مدرسته ومتعلق فيها بشكل ما تتخيلونه، دائما يردد اسمها، والحضانة ما طلبوا ولا شي منا لا ألوان ولا أدوات مو مثل باقي الحضانات. والمشرفة على الحضانة دكتورة علم نفس تهبل تساعدنا وايد في حل المشاكل وهي متواجدة دائما في الحضانة وتستقبل أولياء الأمور بنفسها ومتواضعة جدا ومشرفة على كل شيء بنفسها.

 

[*الزين*]

ام تفل اسمحي ارد عليج بصراحه انا عندي طفلين بالحضانه وعلى قولتج صارلهم شهر ولا شفنا اييييييييييييييييي شيييييييييييييييي تعليمي

الحضانه حلوة ديكورات وشكل والي غرنا فيها انه الي ماسكتها على قولتج دكتوره تربيه

الدكتوره مركزه انه الستاف كلهم من نفس جنسيات مادري شنو الموضوع بس مو مهم الجنسيه المهم التعليم ماشفنا اي تقدم او تحسن بعيالنا

على انها حضانه بس السعر مباااااااااااالغ فيه جدا شنو 140 بالشهر ولااا 20 وجبه ؟؟
والي اقوى من هذا كل يوووم ايوونا عيالنا يايب اوراق يعني المفروض اهما ملونهم بالصف الورقه تييي ملونه بترتيب مستحيييييييييييييييل طفل حضانه يلون بهالطريقه مادري هل عبالكم اولياء الامور راح تفرح لمن تشوووف التلوين بهالطريقه ! هذا استخفاف بعقووولنا لان ندري ان طفل بمرحله رووضه او حتى ابتدائي مستحيل يرتب ويقصص ويلون بالهطريقه ماكو الا الابلات الظاهر قاعدين يلنون بدااال اليهال

ام طفل ابيج توصيلج هالمسج لانه امبين انج مشتركه يديده وداشه تسوين دعايه لااكثر ولا اقل كلينا عيال قريه وكلمن يعرف اخيه

 

[omtefel]

رد : رد: تجمع لامهات سنه اولى حضانه

ام تفل اسمحي ارد عليج بصراحه انا عندي طفلين بالحضانه وعلى قولتج صارلهم شهر ولا شفنا اييييييييييييييييي شيييييييييييييييي تعليمي

الحضانه حلوة ديكورات وشكل والي غرنا فيها انه الي ماسكتها على قولتج دكتوره تربيه

الدكتوره مركزه انه الستاف كلهم من نفس جنسيات مادري شنو الموضوع بس مو مهم الجنسيه المهم التعليم ماشفنا اي تقدم او تحسن بعيالنا

على انها حضانه بس السعر مباااااااااااالغ فيه جدا شنو 140 بالشهر ولااا 20 وجبه ؟؟
والي اقوى من هذا كل يوووم ايوونا عيالنا يايب اوراق يعني المفروض اهما ملونهم بالصف الورقه تييي ملونه بترتيب مستحيييييييييييييييل طفل حضانه يلون بهالطريقه مادري هل عبالكم اولياء الامور راح تفرح لمن تشوووف التلوين بهالطريقه ! هذا استخفاف بعقووولنا لان ندري ان طفل بمرحله رووضه او حتى ابتدائي مستحيل يرتب ويقصص ويلون بالهطريقه ماكو الا الابلات الظاهر قاعدين يلنون بدااال اليهال

ام طفل ابيج توصيلج هالمسج لانه امبين انج مشتركه يديده وداشه تسوين دعايه لااكثر ولا اقل كلينا عيال قريه وكلمن يعرف اخيه

عفوا اختي أسلوبك غير حضاري أبدا ،،، هذا منتدى وكل واحدة منا من حقها تعبر عن رأيها بكل حرية، وليس من حق احد أن يهين الآخرين ويتهمهم بهذا الأسلوب، كل واحدة منا تعبر عن تجربتها في الموضوعات المختلفة، وبعدين يا أختي ممكن آراءنا تختلف بس لا نهين الآخرين، سواء كنت عضوة قديمة أو جديدة من حقي أعبر عن رأيي في الموضوع، وبعدين أنا عضوة قديمة جدا في هذا المنتدى ومعروفة بس إيميلي اتنسرق وفقدته واضطريت أعمل عضوية جديدة بإيميل جديد،،
وأرجو بصدق من إدارة المنتدى أن تكون جادة وحازمة في إهانة أعضائها والمساس بهم، لأن إهانة الأعضاء من إهانة إدارة المنتدى، والخلاف في الرأي لا يبيح الإهانة لأي أحد.

 

[wafa82]

رد : تجمع لامهات سنه اولى حضانه

والله آنا دخلت ولدي حضانة الذكاءات المتعددة بالروضة، الحضانة تهببببل تهبببببل، تعليم راقي جدا، ولدي كان مو اجتماعي وما يحب الناس، كان تأثيرهم عليه مثل السحر، بفترة قصيرة جدا صار اجتماعي ويحب الناس وصار يردد الأشياء اللي يعلمونها، كلمات انجليزي وفرنسي بعد، وأناشيد، والفاتحة، يعني صار له شهر بالحضانة وتعلم أشياء وايد وايد، واحين ابتدوا يعلمونه عالحفاظة وصار يقول أبي حمام، ويحب مدرسته ومتعلق فيها بشكل ما تتخيلونه، دائما يردد اسمها، والحضانة ما طلبوا ولا شي منا لا ألوان ولا أدوات مو مثل باقي الحضانات. والمشرفة على الحضانة دكتورة علم نفس تهبل تساعدنا وايد في حل المشاكل وهي متواجدة دائما في الحضانة وتستقبل أولياء الأمور بنفسها ومتواضعة جدا ومشرفة على كل شيء بنفسها.

حبيبتي انا ناويه ادخل بنتي لما تكمل سنه انشالله مادام مدحتيها بروح اسالهم واشووووفهم ومشكووووووووره:icon30:

 

[معلمةكويتية]

رد : تجمع لامهات سنه اولى حضانه

حبيبتي Om Tefel
والله انا حابة أسجل رأيي عن تجربتي مع حضانة الذكاءات المتعددة
ولدي عسر جدا جدا وكثير البكاء دللناه أنا وأبوه، دخلته السنة اللي طافت وهذي السنة 5 حضانات، وكان يبكي وما يرضى يروح الحضانة، وكنت أشفق عليه وآخذه من الحضانة وأرجعه البيت، وأخيرا شفت بالصدفة حضانة الذكاءات المتعددة على الدائري الثالث وأنا رايحة دوامي ، وقلت خليني أجرب هالحضانة شكلها حلو، أول يوم بكاء قلنا خلينا نصبر يومين أو ثلاثة يمكن مثلها مثل غيرها، وبعد مرور أسبوع شفت هالولد تغير، صار يقول ماما أنا أحب سكول ، سكول حلوة، ويقعد الصبح يضحك وانا ألبسه، ومستانس حيل، مر أسبوعين الولد صار يرجعلي بأنشيد، ويقول لي سيركل يعني دائرة وجرين يعني أخضر ويغني اسم الحضانة إم أي بي ،، إم أي بي ،، ولدي الحين صار له تقريبا 3 أسابيع بهالحضانة جاي أمس يقول لي ماما بشتري هدية حق تيتشر أنا أحبها تو متش ،،،
رحت الحضانة وقابلت المسئولة وقابلت المدرسات وشكرتهم وقلت لهم والله أدعيلكم كل يوم الله يوفقكم ويبارك لكم لأن فعلا جهدكم مع الاطفال مبين ...
بدون مبالغة حضانة الذكاءات أفضل حضانة لأن اللي عملوه مع ولدي معجزة .....

 

[omtefel]

رد : تجمع لامهات سنه اولى حضانه

جزاك الله خير حبيبتي معلمة كويتية وأتمنى لولدج النجاح والتوفيق

 

[جوري الكويت]

رد : تجمع لامهات سنه اولى حضانه

حبيبتي معلمه كويتيه أو omtefel

ارجوا المصداقيه في طرح المواضيع و مدح اي حضانه

لأنه عيالنا امانه ,, و مو بهذي الطريقه تخلون الناس تسجل معاكم

نفترض انك من ((اداره الحضانه )) أو تعرفينهم

المفروض تشوفينن شنو مشكله الاخت الزين

و تحاولين تحلينها

احسن من الدخول كل شوي و عمل دعايه

لأن الاسلوب في المشاركتين واحد !!!

و اللهجه الغير كويتيه نفسها .. مع ادخال بعض المفردات الكويتيه


كلمه اخيره حابه ارجع اقولها


عيالنا امانه

 

[عيون سارة]

والله صادقه
عيالنا امانه