شنو تاخذين حق عيالج معاج بالسفر؟؟؟؟ خل نفيد ونستفيد :)

[om MaRyooM]

رد: رد : شنو تاخذين حق عيالج معاج بالسفر؟؟؟؟ خل نفيد ونستفيد

موضوعج حلو
انا سافرت قبل مده مع ريلي وولدي
طبعا حطيت حفاظات وملابس ولوشن وفوطه
المميات والحليب ومطارة الماي و جوتيين حقه
و يبت معاي علوج حق الطياره لوول و قعدنا نتعلج
بس ما اخذت معاي ادويه
و بس هذا كل اللي اخذته معاي
و موضوعج حلووو ويشوق
عاد الحين ودي اسافر شوقتيني

تسلميلي .. انتي الاحلى


والعلج خووش فكرة . .حلوو
ياحلو البلعة بالطيارة :botetoo: لووول

وبالنسبة للادوية ترا مهمة حتى لو الديرة هناك متروسة صيدليات .. عشان اذا صار شي فجأة لاسمح الله عشان لاتتوهقون


ومشكورة على المشاركة ياحلوة

 

[om MaRyooM]

رد: رد : شنو تاخذين حق عيالج معاج بالسفر؟؟؟؟ خل نفيد ونستفيد

اللي قلتيه كله بس اني ما اخذ ادويه لانه الديره كل ديره سافرتها مع ولدي متروسه صيدليات

اهم شي ما انساه الصدريات عشان لي رحنا مطعم مانتبهدل

و نايلون مال تبديل الحفاضات

مطاره ماي بارد حق الولد عشان لي عطش واحنا طالعين يشرب منها

عربانه ....... شي اساسي

مادري هذا اللي ذاكرته زياده على اللي قلتيه

هلا والله اوبرا

نورتي الموضوع


بالنسبة للادوية والله انا اخذ معاي لأن الياهل اذا طاح مريض فجأة يطيح واخاف اتوهق دايما فأخذ معاي يعني مارح ياخذون وزن .. بس للاطمئنان لأني وسواسية

والصدريات نفس ماقلتي عشان لانتبهذل لووول ومشكووووورة وايد على الافادة

 

[om MaRyooM]

زيدي بعد ادويه للمغص وللنشله

ولا تنسين الالعاب

اخذي جم لعبه يحبونها

هلا حبوبة


صح كلامج .. نسيت اظيف الالعاب


ومشكورة ع المشاركة حبوبة

 

[love love]

ان شاءالله قريييييييييب بنزل موضووع شنو سويت لما سافرت مع بنتي دبي

وشنو جهزت لسفرة امرييكا الي بعد شهررر واعيالي بيكونوون وياي لانها سفره طوييل جم سنه

وبالصوور بتكون باذن الله

 

[نيو اورجينال]

:jbdwjbd:الموضوع يونس وذكرتوني باول مره وديت عيالي ماليزيا كان يقشل والله مادري شالسالفه قشيت كل شي وتوهقت ع شي ما يسوى واتعلمت اشياء بفيدكم فيها 1- لاتاخذون ملابس وايد عشان ما تتوهقون بالرده وياريت تاخذون اشياء ما تبونها وتستهلكونها هناك وتقطونها لان عقب ما شفت السفر للاطفال لعب مو تكشخ يعني كشخته للمطار بس اخذي العملي
2- الشوز لا تكثرين منهم
3- اكتشفي الجو من خلال النت عشان تعرفين الاجواء هناك بالنسبه للملابس
4- اخذ الادويه الضروريه مع الصيديله الصغيره الموجوده بماذركير والله نفعتني ولدي عضه ثعلب الماء ونفعني المطهر الموجود بالصيديله وخليها بنجنطتج وين ما رحتي انا اخاف من ادويه بره لان احتمال فيها كحول او غيره
5- لاتبالغين بالاغراض العاديه المستهلكه مثلا الشامبو والصابون والبامبرز وغيره لان اول ما توصلين اي بلد تدشين مراكز تسوق تاخذين احتياج السفره
6- حاولي تاقلميني الطفل ع الجو يعني الوقايه خير من العلاج عشان ما يتغير الجو عليه
وفي اشياء وايد افيدكم بعدين وانشاء الله اكون افدتكم

 

[أم سلوم الحلو]

مشالله خوش موضوع
انا بسافر وباخذ عيالي ووايد استفد من الموضوع

 

[جذابه بنت ذيابه]

رد : شنو تاخذين حق عيالج معاج بالسفر؟؟؟؟ خل نفيد ونستفيد

موضوعج رووعه
سافرت مره بدون ولدي فديته
ثاني يوم انا بالكويت لوووووووووول ,,<ما اقدر اغيب عنه وان شاء الله السفره الجايه باخذه معاي

 

[om MaRyooM]

ان شاءالله قريييييييييب بنزل موضووع شنو سويت لما سافرت مع بنتي دبي

وشنو جهزت لسفرة امرييكا الي بعد شهررر واعيالي بيكونوون وياي لانها سفره طوييل جم سنه

وبالصوور بتكون باذن الله

هلا والله


بانتظار موضوعج انشالله

ورحلة موفقة

 

[om MaRyooM]

:jbdwjbd:الموضوع يونس وذكرتوني باول مره وديت عيالي ماليزيا كان يقشل والله مادري شالسالفه قشيت كل شي وتوهقت ع شي ما يسوى واتعلمت اشياء بفيدكم فيها 1- لاتاخذون ملابس وايد عشان ما تتوهقون بالرده وياريت تاخذون اشياء ما تبونها وتستهلكونها هناك وتقطونها لان عقب ما شفت السفر للاطفال لعب مو تكشخ يعني كشخته للمطار بس اخذي العملي
2- الشوز لا تكثرين منهم
3- اكتشفي الجو من خلال النت عشان تعرفين الاجواء هناك بالنسبه للملابس
4- اخذ الادويه الضروريه مع الصيديله الصغيره الموجوده بماذركير والله نفعتني ولدي عضه ثعلب الماء ونفعني المطهر الموجود بالصيديله وخليها بنجنطتج وين ما رحتي انا اخاف من ادويه بره لان احتمال فيها كحول او غيره
5- لاتبالغين بالاغراض العاديه المستهلكه مثلا الشامبو والصابون والبامبرز وغيره لان اول ما توصلين اي بلد تدشين مراكز تسوق تاخذين احتياج السفره
6- حاولي تاقلميني الطفل ع الجو يعني الوقايه خير من العلاج عشان ما يتغير الجو عليه
وفي اشياء وايد افيدكم بعدين وانشاء الله اكون افدتكم

مشكووووووووووووورة ياعمري


استفدت منج بجم شغلة .. مشكورة مرة ثانية

 

[om MaRyooM]

رد: رد : شنو تاخذين حق عيالج معاج بالسفر؟؟؟؟ خل نفيد ونستفيد

موضوعج رووعه
سافرت مره بدون ولدي فديته
ثاني يوم انا بالكويت لوووووووووول ,,<ما اقدر اغيب عنه وان شاء الله السفره الجايه باخذه معاي

تسلمين حبيبتي مرورج الاروع ..


اييي شفتي شلون هذيلة عيالنا مالنا غنى عنهم ..
ومشكورة على المرور حبوبة

 

[غلا الروح79]

خووووووش موضووووووع يسلموووووووووووو

 

[um_yoyo]

رد : شنو تاخذين حق عيالج معاج بالسفر؟؟؟؟ خل نفيد ونستفيد

خوش موضوع انا سافرت مرتين مع عيالي اول مره كان الكبير سنتين و نص و ثاني سنه و نص و بدون خادمه اريح طبعا رحت فرنسا بالطياره سويت لي جنطه فيها ملابس زياده و بامبرز و عصير و حلاو مصاص مطاره ماي بارد و كلينكس رطب و ديتول المعقم علشان ضغط الطياره و طبعا مصاصتهم و كنت امضبطه نومتهم نامو ساعه 6 المغرب و قعدتهم ساعه 11 بالليل و طيارتنا 4 الفير بس ركبو ناموووو ( وناسه )

خذيت عربانه التوام طبعا


و خذيت الحبل الي اربطه في ايد البيبي و جنب الثاني في ايدي من مذركير هذا اهم شي عندي لان هالعمر حق النحشات ما يقصرون و ما كان يطلع من ايدهم حتى واهم بالعربانه كنت واايد اخاف يضيعون مني هذا صورته


الادويه بندول و دوا الكحه
الاكل حليب سعوديه مايحبون غيره و بامبرز والباجي شريت من السوبرماركت هناك كل شي عندهم

و خذيت هالشياله امبيييييييه مريحه خاصه لما يتنحرون يبونج اتشيلينهم انصحكم فيها عن تجربه

و هالكبوس حق وقت الغفوه يهبل هذا علاوي ولدي نايم في الباص



و الحمدلله عدت السفره على خير و وايد استانسنا مابي اقول مو تعب بس الوناسه تغطي التعب و زياده

سفره ثانيه رحت يومين دبي معاهم اووووو صج صج وناسه هيصنى باتلانتس و نفس العده الي خذيتها المره الطافت معاي بس بدون عربانه التوم خذيت عربانه وحده خفيفه الي ما تنام عرفتوها لانهم اكبرو ويبون يحوسون
هالمره انشالله بسافر معاي زياده بنوتي عمرها بالاشهر و اظن اهم شي هالعمر حليبها و البامبرز

 

[om MaRyooM]

*um yoyo*


مشكووورة ياقلبي افدتيني واااااااايد


مشالله تبارك الرحمن شلون تحملتي طفلين بدون خدامة !!! انا بنتي بروحها وقاعدة احااااااااااااتي
يللا هونتيها علي الله يهون عليج

 

[um_yoyo]

رد : شنو تاخذين حق عيالج معاج بالسفر؟؟؟؟ خل نفيد ونستفيد

لاتحاتين و اخذيها من الجانب الحلو انج راح تكونين مع ريلج و بنتج بروحكم و تتقربون من بعض اكثر و دايما شوفي الجانب المشرق و تغاضي عن التعب و لاتفكرين فيه

شرايج باللغه العربيه لووول

 

[in style]

كل شي مهم ذكرتوه بس انا احس اليهال يصيرون دعل بالاكل بالسفر ففي شي نفعني الكورن فلكس الصغار اللي علي انواع عالاقل اذا مارضو ياكلون هاذا يغني وياكلونه جنه بطاط

 

[om MaRyooM]

*om yoyo*

صاجة والله صح كلامج وانشالله استانس بالسفرة

ومشكورة مرة ثانية





*n style*


اي والله خوش فكرة الكورن فلكس صج . .مشكووورة يالغلا