كل وحدة تقولنا عيالها قبل المدرسة شنو يتريقون...؟

[pinkmoon]

السلام عليكم ورحمة الله وبركاتة ...ودي نتكلم بهالموضوع لان بصراحة ماعندي حيلة انا عيالي الكبار ممكن ياكلون توست وممكن يروحون المدرسة بدون شي على ان مايشتهون بس اللي كاسرة خاطري بنوتي اللي بالروضة تروح بدون اي شي كله ما تتبي حتى الماي اغصبها علية ...فياريت كل وحدة تقولي شنو نوعية الاكل قبل المدرسة اللي يحبونة اليهال .......................وسلامتكم

 

[myik79]

رد : كل وحدة تقولنا عيالها قبل المدرسة شنو يتريقون...؟

عادي حبيبتي .. بيض مفيوح مع حليب واليوم سويتلهم توست غمسته في البيض (حاطيت عل البيض فلفل اسود وكمون وملح وشوي بهار ) مع حليب، وايام كرن فلكس وبس

 

[pinkmoon]

اي والله ذكرتيني بالبيض مع التوست مشكووورة اختي ... انزين في شي يتزهب من الليل لان انا موظفة والكل يعرف لوية التلبس الصبح والتمشط :j013: يعني شي اقدر اسوية بليل واحطة بالثلاجة ويحبونة اليهال ...سويت لغز ..:hjy5jewf: منو يحل هاللغز :bye22:

 

[๓ίşś зśŏłả..!]

رد : كل وحدة تقولنا عيالها قبل المدرسة شنو يتريقون...؟

لووول

انا للحين بنتي توها عمرها 3 سنين
بس بقولج شنو تسوين لهم

حطي لهم توست داخله جبن او اذا ما يحبون الجبن حطي لهم توست داخله لبنه وزعتر << ترى الزعتر وايد زين
وعصير برتقال او حليب
او سوي لهم بيض ع السريع
او كورن فليكس

 

[ياراا]

كورن فليكس اللي على شوكليت حيل حلو وراح يحبون وعيالي شرط يكون مدوره ويسمونه على كوره يحبونه وايد الله يحفظهم

 

[غرشة عطر]

اعيالي لوتذبحينهم ماكلوا بيض وجبن الصبح

اما الكورن فليكس يموتون فيه فاستانست اول مايخلص اشتري غيره الكورن فليكس مفيد ومغذي وفيه الياف وسريع التحضير

 

[myik79]

رد : كل وحدة تقولنا عيالها قبل المدرسة شنو يتريقون...؟

اي عادي حبيبتي انا احطلهم ساندويشاتهم من الليل اللنش بوكس مالهم وازهب كل شي بالبوكس من الليل واحطة بالثلاجة لاني ما اقدر الصبح وعادي بالعكس جدا سريع بالنسبة لنا احنه الموظفات

 

[love love]

اعيالي اصغار بس بقولج شنو اريق بنتي

علما بنتي نااااااااادر ماتاكل خبز فاكلها كله بالشووكه

بيض بالتوست

بيض عجبه

بيض بالجبن

كورن فليكس مع حليب ساده او حليب بوموز او فراوله او كاكاو

سلطة بالجبن ومعااه ذره >>>>>علشان تاكل الخضاار فاسهل طريقه السلطة

جبن مثلث مع شرايح زيتوون

 

[رضاهم جنه]

كورن فليكس مع حليب اسخنه لهم واحيانا يروحون ولا ياكلون على حسب المشتهاه بس الي يريحني ان روضتهم تعطيهم وجبتين بالدوام شنو ما ادري

 

[noynoy]

لازم يشربون حليب
و اذا ما يحبونه سخنيه و حطي معاه بودر ككاو نسكويك راح يحبونه
و سويلهم من بليل صمون و جبن او صمون و لبنه او صمون و لبنه و زعتر اللي تحسين راح يحبونه
و لما تقعدين حطيه بالشوايه و راح يسيح الجبن و اليهال يحبون الجبن السايح
و مره ياكلون كورنفلكس
و مره سويلهم توست تكونين حاطته بخليط من الحليب و البيض و بعدين تقلينه بنتفه زيت على المقلى الحااره على الصوبين و لما يستوي ترشينه بشكر بودر وايد راح يحبونه
و لا سويلهم بيض سكرامبلد
و لا بيض مفيوح
و مره سويلهم اوملت فيها مشروم و طماط
و مره بام كيك بالشوكليت شب وايد راح يحبونها
و مره بان كيك عاديه بس حطي فوقها موز مثلا او فراوله تفيدهم
مره اخذلهم كرواسون الفيصل وايد حلو اخذي الساده و انتي حشيه على كيفج مره بيض و مره جبن و مره لبنه و مره زعتر عشان ما يملون
و مره يبيلهم دونت
و مره كوكيز مع الحليب البارد
و حطيلهم بالسفره عصير برتقال فرش
و اذا انتي موضفه علمي خدامتج تسويلهم هالاطباق الصبح قبل لا يقعدون عيالج

 

[أم يزيد &سديم&]

فيه طريقة للسندويشات علمتني إياها وحدة من أقاربي الله يجزاها ألف خير ويهون عليها بحملها
وهي سندويش تونة بالتوست جريتها في ولدي ونجحت
وهي تييبين توست وتحضرين الخلطة اللي بتحطينها داخله تونة بدون ماي وشوي ليمون مع ملح مع فلفل أسود ومايونيز
بمقادير بسيطة مو تكثرين وقطعي معها خس قطع صغيرة أو خيار على حسب الرغبة
وبسس إخلطيها مع بعض واحشي بها التوست وحطيها بالحماصة عشان ما تفكك الحشوة
أو احشي لها نوتيلا أو فول سوداني

 

[أم يزيد &سديم&]

كورن فليكس مع حليب اسخنه لهم واحيانا يروحون ولا ياكلون على حسب المشتهاه بس الي يريحني ان روضتهم تعطيهم وجبتين بالدوام شنو ما ادري

عجيبة يعكونهم وجبتين ولا تعرفين شنو فيها
طيب سألي الله لا يهينج
هذولا عيالج مسؤولة عنهم

 

[pinkmoon]

,,,,,,,,,,, مشكووووووووووورين حبيباتي ,,,,,,,,,,

​

افكاركم وايد حلو الله يجزاكم كل خير ان شاء الله.......:hjy5jewf: