ملاحظاتى على المعرض

[المهفة]

مساء الخير ياحلويين
تونى رادة من المعرض قلت اسجل لكم ملاحظاتى حق اللى راحو واللى بيروحون
بدا المعرض العصر خفيف ومن عقب العشا بدا ييزيدون الناس بس مو ذيك الزحمة
استغربت ان الياييل والشباب اكثر وايد من البنات
الكتب الدينيية تبارك اللة هالسنة مو طبيعية ماعتقد وحدة فى بالها كتاب دينى ماتلقاة
نصيب الاطفال بالمعرض يعنى نصيب الاسد من كتب من مهارات من العاب من الكترونيات
ونصيبى انا مع الاسف00000صدمة
اللى مثلى يحبون الروايات بينصدمون على اللستة اللى كتبوها0طبعا انا ماتكلم عن الكتب اللى كاتبينها كويتيين لانها متوفرة0انا اتكلم عن الوايات المترجمة ولا الروايات اللى انشهرت وسمعنا عنها0سالت عن كم قصة قالوا ممنوعة عندكم 00عادى كلش مو مشكلة انطرش ايبونها من برا0
تدرون شنو شريت ؟
اقولكم لقيت كتاب عزازيل حق زيدان بس

 

[:: Diva ::]

وين لقيتيه ؟
باي مكتبه باي صاله ؟

 

[Mazyoona]

ايه وين لقيتيه

 

[أنثى اليمامة]

رد : ملاحظاتى على المعرض

مشكورة المهفه على الملاحظة ... بس للاسف اذا نص الروايات ممنوعه لبعض الكتاب الله يستر ان شاء الله ما الاقي الروايات الي ابيها ممنوعه ...

 

[م.بابونج]

رد : ملاحظاتى على المعرض

كلامج صحيح فعلا اللي يبون الروايات المترجمة صعبة يحصلونها و اللي يبون انجليزية أصعب و أصعب لووووول
بس ما شاء الله كاثرين الكتاب العرب

 

[Tom ♥ Jerry]

.

مشكورة حيآتي على الملاحظآت (=

 

[المهفة]

عزازيل لزيدان لقيتة فى دار الشروق تابع مصر
وعلى فكرة ترى المصلى مافية سجاجيد اللى بتروح تاخذ معاها

 

[Visage]

بصراحة المعرض هالسنة طلع مقلب

أولها تراجع في عدد دور النشر واختفاء البعض مثل دار الجمل ومدبولي والمنى

وكنت حاطة لستة كتب ملوت دور نشر معينة بس انصدمت - وخاصة من مكتبة دار الشروق الكتب المترجمة زييروو - لما قالولي ان هالكتب ما يبناها معانا الكويت على اساس انها قديمة اوبما معناه "قراء الكويت مو الكفو" =/


إذا المعرض بيستمر على هالحال خلال السنوات القادمة فأتوقع له الاحتضار مع الأسف =(

 

[رحيل المرافيء]

رد : ملاحظاتى على المعرض

شلون الاسعار ؟؟ غالية ولا معقولة

 

[المهفة]

كتب سوريا ارخص من كتب لبنان ومصر اما الاردن الطاق
طاقيين يعنى حدها غالية

 

[miss-fofo]

مشكورة حبيبتي على الملاحظات

وصج كلامج كان المعرض خفيف وانا رحت الصبح اول ما بطل وماكان في وايد ناس


و الحمد لله الروايات اللي ابيها كانت موجودة لان نص اللي ابيهم رويات الادب العالمي ونقدر نلاقيهم بكل المكتبات

بس في راوايتين مالقيتهم كلش (رواية زويا لدانيال ستيل-البجعات البرية)


وباجي كتب لستتي بجرير و العبيكان

 

[المهفة]

زويا رواية عجيبة اخذتها العام من جرير ومن كم يوم شفتها هناك لاتطوفج

 

[المهفة]

بنات عفية اللى تلقا قصة عبدة خال ترمى بشرر تقولنا انا اليوم ماشفتها

 

[دلع السلاطين]

اصلن انا للحين مارحت المعرض وكنت متوقعه هالشي انه اغلب شي كتب دينيه واطفال وماراح تكون فيه الروايات الي نبيها
مادري ليش كل شي يمنعونه

 

[f6oooma]

المهفة هالسنة عبده خال ما راح ايي الكويت لانه معصب على الرقابة

 

[وهج الحب]

مشكورة حبيبتي على الملاحظات

وصج كلامج كان المعرض خفيف وانا رحت الصبح اول ما بطل وماكان في وايد ناس


و الحمد لله الروايات اللي ابيها كانت موجودة لان نص اللي ابيهم رويات الادب العالمي ونقدر نلاقيهم بكل المكتبات

بس في راوايتين مالقيتهم كلش (رواية زويا لدانيال ستيل-البجعات البرية)


وباجي كتب لستتي بجرير و العبيكان

السلام:
زويا انا مشتريتها من جرير ...
بنات انا استغرب اللي تنتطر المعرض واحيانا يزيزدون بالاسعار فيه المكتبات متوفر فيها كل الكتب وما عمري بغيت كتاب مالقيته بالمكتبات ..

 

[غصن الزيتون]

رد : ملاحظاتى على المعرض

صباح الخير جميعا

بصراحة المعرض مقلب كان بس الحمدلله طلعنا بكذا كتاب ورواية

اول شيء استغربت من الدور النشر المشاركة وايد دور قاطعت المعرض بسبب الرقابة

وفي دور نشر مشاركة بالكثير 100 كتاب حتى جناحهم خالي تشوفونا

وفي كتب بنظري المفروض تنمنع والكتب الى مافيها شيء ممنوعة

ولا الاغرب اني لما اسأل عن رواية او كتاب في بعض دور نشر يقولون كتبج غريبة

ولما ادخل على دار نشر الكتاب تصنف تحت مسمى الاكثر كتب مبيعا

احسن دار نشر اعجبتني وزاد اعجابي لها هي ( دار الشروق ) كتبها وايد وبالاضافة الى بلاتينيوم

والى يسألون عن عزازيل موجودة في دار الشروق سعرها ثلاثة دنانير وفي وحدة وقفتنا هناك وقالت لاتشترينها

غاليه للاسف يستخسرون الفلوس على كتب وتقول موجودة بالمكتبات والجمعيات بسعر ارخص .

بس بنظري شرائها من دار النشر افضل من المكتبات .​

 

[غصن الزيتون]

رد : رد: ملاحظاتى على المعرض

بنات عفية اللى تلقا قصة عبدة خال ترمى بشرر تقولنا انا اليوم ماشفتها

الكتاب ممنوع ( دار الساقي قال لي )

شوي واحط لج الكتب الممنوعة الى عرفتها​

 

[غصن الزيتون]

رد : ملاحظاتى على المعرض

الكتب الممنوعة الى قدرت اعرفها امس :

شيكاجو

​

 

[المهفة]

غصن الزيتون مشكورة ياقلبى على المعلومة
اقول ابرك انا نجيب الكتب من اهلها
يعنى اللى تروح مصر ولا لبنان ولا الاردن ولا سوريا لاتجيب صوغة خل تجيب روايات وكتب حق ربعها ابرك0اشرايكم ؟