تعبنااااا متى يطبقووون قانون المعاقين

[star_tete]

والله نصيــــــــحـــــــه...

دقــــــــوا على البرنامج الثاني على الخط بالرديو ينفعوون ويبردون القلب صج صج ويجبون حقكم ويدقون على الجهه اللي عليهم الشكوى

المذيعه حنان حمود والمذيع حسين ملا علي

اف ام 97.5
رقمهم 22413261
22413260

وبردو قلبكم علني الساعه ال12 الظهر كل يووووووووووووم وادعوا لي

 

[مباركيه]

صبروا ....أن الله مع الصابرين

:yaaaaaarb:

ان شاء الله بتحصلون كل اللي تبونه

 

["بوح الجروووح"]

رد : تعبنااااا متى يطبقووون قانون المعاقين

اللي سمعته بس مو متأكده ان تطبيق قانون المعاقين اخر نوفمبر

ادري ضيقت خلقكم بس قلت ملزوم اقولكم وان شاء الله مايطلع صحيح

 

[ام ناييف]

رد : تعبنااااا متى يطبقووون قانون المعاقين

البشاااااااااااااااااااااااااااااااااااااااااااااااااااااااااره

اتصلت اليوم بالوزارة قالوا انهم قاعدين يعدون نشرة لتوزيعها على المناطق التعليمية والادارات
علشان تخفيف ساعات العمل

بس قال لازم يكتب بالكتاب مالج انه انت تستحقين تخفيف ساعتين عن العمل بناء على القانون رقم كذا وكذا

مو يكتبون شي ثاني او ان الوزارة تنظر في الموضوع انتبهوا للكتب

ومن اليوم قدموا كتبكم وان شاء الله ماشيه


الف مبروك لامهات التحدي

 

[مباركيه]

الله يبشرج بالخير يا أم نايف

مبروك يا أمهات التحدي

 

[a woman on top]

يعني هذا حق كل الوزارات والا بس التربية؟

 

[مباركيه]

يعني هذا حق كل الوزارات والا بس التربية؟

أن شاء الله يشمل جميع الوزارات

 

[Miss Cherry]

ماني مصدقتهم


من شهر 4 وانا احوس بين وازرة التربية والمجلس وكل مره نفس الكلام الاسبوع الجاي لا عقب يومين لا الشهر الجاي وكل مره يأجلون

 

[ام^صالح]

اه ياقلبي الله يستر انا قاعده انطر كتابي علشان اقدمه يااااااااااااويييييييييييييييييلهم من الله لو يقولون لا بتحطم

 

[بنت شرق]

ما يصير جذى لمتى ننطر محد حاس فينا لا نواب ولا حكومه كل واحد لاهى بنفسه واحنا قاعدين ننطر تطبيق القانون

 

[شيخة الغيد]

قلت للمدرسة اني باخذ تخفيف عمل فما حطوا لي اواخر ( يعني حصه اخيره ) و الحين يحنون علي ها في ورقه و لا لا
متى بتجيبينها ؟؟ اكيد في تخفيف عمل و لا لا؟؟؟ حسبي الله و نعم الوكيل بهالوزارة
كل الناس وصلتهم النشرة الا التربية شكلهم خاشينها و الله اعلم !! مو بعيده عليهم
و النشرات اللي فيها اطاله حار بحار بنفس اليوم توصل
بس ملينا شهر اثنين بيصير لنا سنه من اقروا القانون و لي الحين ما تطبق
ما صارت .. وايد مصخوها

 

[Miss Cherry]

انتوا تنطرون توصل نشرة لمدارسكم ؟

بتخلص السنة ماوصل شي

لازم تروحون تراكضون لشغلكم لو القانون فيه خصم جان على طول تطبق ..

بنات يوم رحنا للمجلس الثلاثا اللي طاف قالوا اجتماعهم مع تماضر السديراوي يوم الخميس وبيتفقون على كل شي .. مع انه القانون له 7 شهور الحين وتوهم يتناقشون فيه .. عاد الحين بعرف شنو صار بعد الاجتماع

كل يوم لهم سالفة شوفوا الحين شنو طلعوا لنا بعد

 

[ام ناييف]

رد : تعبنااااا متى يطبقووون قانون المعاقين

انا مكلمه رئيس الاجازات والدوام بالوزارة شخصيا وهو اللي كان رافض يمشي القرار الا بنشرة من الديوان
الحين الله هداه وقال لي جيبي الكتاب وعبي النموذج هو مسويه على القانون الجديد وانا اسوي التخفيف من اليوم اللي تقدمينه

بس بالنموذج راي الرئيس المباشر والذي يليه
وهذي مشكله لانهن ما راح يوقعون لي الا اذا جبت زوجي شخصيا وقعوا له بسرعه وانا يعلوني
حسبي الله عليهم ونعم الوكيل
ادعوا لي الله ينصرني على من ظلمني

 

[بنت صباح الناصر]

ياساتر متى هاالقانون بيطبق ونخلص حسبي الله عليهم ماصارت مايخافون الله في هاالضعوف المسااااااااكين

 

[ام ناييف]

رد : تعبنااااا متى يطبقووون قانون المعاقين

تدرون ليش التربية معترضة على القانون
علشان المعلمين ما تبي تعطيهم تخفيف ساعات عمل
اما الاداريين ما عندهم مشكله

شفتوا النحاسه شلون

 

[لولو-الصغيره]

رد : تعبنااااا متى يطبقووون قانون المعاقين

تدرون ليش التربية معترضة على القانون
علشان المعلمين ما تبي تعطيهم تخفيف ساعات عمل
اما الاداريين ما عندهم مشكله

شفتوا النحاسه شلون

والله صج نحيسين حسبيالله عليهم والله ما يخافون الله 000 الله ياخذهم ان شاء الله ما يعرفون ظروف الناس اللي تمر فيهم
مالت عليهم وعلي وزارتهم المعفنه :eh_s(14)::eh_s(14)::eh_s(14):
والله انا مو بالتربيه بس ميته منهم ومن هالوزاره حسبيالله ونعم الوكيل فيهم يارب ​

 

[@شمس الضحى@]

صبرااا جميل والله المستعاااااااااان..

 

[الصابرة المحتسبة]

رد : تعبنااااا متى يطبقووون قانون المعاقين

ان شاء الله يطبق في القريب العاجل الصبر

راح الكثير مابقى الا القليل.

 

[بنت شرق]

رد: رد : تعبنااااا متى يطبقووون قانون المعاقين

ان شاء الله يطبق في القريب العاجل الصبر

راح الكثير مابقى الا القليل.

ان شاء الله الله يسمع منج وتبشرينا بالخبر

 

[جبروت امرأة]

رد: رد : تعبنااااا متى يطبقووون قانون المعاقين

تدرون ليش التربية معترضة على القانون
علشان المعلمين ما تبي تعطيهم تخفيف ساعات عمل
اما الاداريين ما عندهم مشكله

شفتوا النحاسه شلون

شنووووووو !!!!!

ليش يعني المعلمين مالهم رب

اصلا مهنه التعليم من اصعب المهن واللي شغله له بدايه وماله نهايه

ماقول الا حسبي الله ونعم الوكيل علي كل ظالم وظالمه

:rgewrg::rgewrg: