متزوجه وتغازل !!!!!!!!

[ياشايل الظبى]

قوه بنات شخباركم
من يومين وانا مشغول بالى ...وحده من رفيجاتى متزوجه من 12 سنه .. وعندها بنتين .. وبينها وبين زوجها مشاكل عاديه تحصل فى اى بيت بس هى كانت حدها كارهه الوضع وتردد انا الف واحد يتمنانى ولو اتطلق بتزوج تاج راسه .. وحصل انها قالتلى زوجى متهمنى انى اكلم غيره وفكر يطردنى وياخذ بناتى .
وانا من يومين شاكه انها تكلم واحد بالتلفون ...
طبعا ماقالت لى .. بس باين .. كل شوى يدق وينج مشتاقتلى .. واهيه ترد عليه وتضحك وتساسره ..
هذى غير كلمتها اللى عورتنى فى قلبى لما قالتله انا بروح اسوى غدا لزوجى .. وبعدها قالت يااااااليتك مكانه !!!
ومن تسكر تطالع فينى وتقولى زوجى داق يطمن < مع انى ماسألتها .
المشكله الحين انا اعزها .. وادرى انها رقله وقلبها طيب وينقص عليها ..وماودى انها تمشى بالغلط
مدرى اكلمها وانصحها .. واذكرها بربها وبناتها اللى ممكن ياخذهم زوجها ويقطها ..
ولا اسكت ومالى شغل .

 

[miss_jamsheer]

الله يعينج ويهديها مادري هالمتزوجات اللي يكلمون شنو اخرها يعني بتزوجه وبياخذها دامها خانت ريلها مايبيها اكيد بيقول بتخوني انتي نصحيها بس بطريقه مومباشره

 

[فاقده ابوهاااا]

رد : متزوجه وتغازل !!!!!!!!

الله يستر عليها ويهديها .. اختي الشيطان دش بينها وبين ريلها وخلج انتي الملاك وحاولي تردينها عن سوالفها بالنصايح والتذكير بالاخره ادري ان في بنات اذا قلتيلهم ما تخافين ربج او ما تخافين من الاخره تقوم تضحك عليج استغفر الله .. بس انتي سويي الي يلزمج فيه دينج والباجي على ربج اهو الهادي سبحانه

 

[فـرفـر]

صارت موضه الله يستر علينا وعلي بنات المسلمين

 

[ياشايل الظبى]

الله يعينج ويهديها مادري هالمتزوجات اللي يكلمون شنو اخرها يعني بتزوجه وبياخذها دامها خانت ريلها مايبيها اكيد بيقول بتخوني انتي نصحيها بس بطريقه مومباشره

ايوالله .. الله يهديها
هذى اللى ببالى انصحها بطريقه مو مباشره ...

 

[عذآب إلـ أنآ]

ألحمدلله والشكر المفروض كل ما تزيد سنوات زواجهم كلما يزيد الحُب والاحترآم ..
انصحيها ترا دينج دين النصح والخير .. وطبعا اهي راح تكرهج لأنج تدخلتي بهالامور بس عند ربج انتي سويتي الصح

 

[شموخي غير.]

رد : رد: متزوجه وتغازل !!!!!!!!


ياربي سترك كثرت هالساااالفه وربي حيل

حيييييييييل كثرت

الله يستر عليهم ويهدينا ويهديهم

 

[ياشايل الظبى]

رد: رد : متزوجه وتغازل !!!!!!!!

الله يستر عليها ويهديها .. اختي الشيطان دش بينها وبين ريلها وخلج انتي الملاك وحاولي تردينها عن سوالفها بالنصايح والتذكير بالاخره ادري ان في بنات اذا قلتيلهم ما تخافين ربج او ما تخافين من الاخره تقوم تضحك عليج استغفر الله .. بس انتي سويي الي يلزمج فيه دينج والباجي على ربج اهو الهادي سبحانه

مدرى مرات اقول انصحها بشكل مو مباشر ومرات اقول مالى شغل بالمشاكل .. بس من افكر احسها تكسر خاطرى لان مقصوص عليها

 

[أم حوور]

الله يهديها



واذا تمونين عليهااااااا واااااااايد انصحيها


عن درب الحرام الماشيه فيه


مخافة الله قبل كل شي

 

[ياشايل الظبى]

صارت موضه الله يستر علينا وعلي بنات المسلمين

الله يكفينا شر هالموضه الخايسه

ألحمدلله والشكر المفروض كل ما تزيد سنوات زواجهم كلما يزيد الحُب والاحترآم ..
انصحيها ترا دينج دين النصح والخير .. وطبعا اهي راح تكرهج لأنج تدخلتي بهالامور بس عند ربج انتي سويتي الصح

هى مدخلتنى بمشاكلها مع زوجها ... يعنى حتى لو كلمتها بصراحه اتوقع ترد على بوقاحه ... لانها شايفه انها ظالمه نفسها معاه ... بس بحاول معاها بشكل غير مباشر وان مافاد طقيتها بوجهها :23_asmilies-com:

 

[~LiBrA~]

رد : متزوجه وتغازل !!!!!!!!

حبيبتي دامها رفيجتج حيل اكيد ماراح تستحين منها والساكت عن الحق شيطان اخرس

صارحيها قوليلها انا شاكه بشي ومادري اذا غلطانه او لا وقوليلها الموضوع ونصحيها

اذا تقبلت الحمدالله

واذا لا المهم انج سويتي الصح

لانج اذا سكتي واخترب بيتها بعدين راح تقولين ياليتني نصحتها

والله يهديها انشالله

 

[ياشايل الظبى]

ياربي سترك كثرت هالساااالفه وربي حيل

حيييييييييل كثرت

الله يستر عليهم ويهدينا ويهديهم

اللهم آميييييييييييييييين

الله يهديها



واذا تمونين عليهااااااا واااااااايد انصحيها


عن درب الحرام الماشيه فيه


مخافة الله قبل كل شي

هذى اللى معورنى بقلبى انها ماشيه بالحراااام وراكضه ورا الكلام الحلو وناسيه ربها

 

[Miss cls]

رد : متزوجه وتغازل !!!!!!!!

انتي من صجج !!


على طوووول انصحييهااا هاذي ترا مغيبه داشه بغيبوبه قاص عليها بجم كلمه حلوة

عندها بيت و ريل و عيال و تغازل شنو مراهقه

هذا يقص عليها ياخذ اللي يبيه و يقطها

ريلها مقصر معاه ؟؟؟

صج ناقصات عقل و دين !!

 

[ام لجين1]

رد : متزوجه وتغازل !!!!!!!!

ليش تسكتين ومالج شغل عيل شنو الصداقه اذا ما أنبنت علي نصائح قوليلها اذا بتظل علي هالوضع لافيها ولا في صحبتها بعدي وشوفيلج صديقه صدوقه وعنها المبدئ الاول الاخلاص والاخلاق تري اللي يخون مره بيخون كل مره وبالتوفيق

 

[hooryah q8]

رد : متزوجه وتغازل !!!!!!!!

ألفي عليها سالفة انه وحدة تخون زوجها وعطيها نهاية شينه
مثلا زوجها طلقها وبهذلها وخذا عيالها عشان تطبق هالشي على نفسها وتحس بلي قاعده اتسويه

والله يهدي الحريم هالايام عليهم فصلات مو طبيعية

 

[oOo.curly.oOo]

اختي من رأى منكم منكرا فليغيره
وهذا منكر
ولازم تغيرينه
انتي قوليلها انه في وحده متزوجه وتكلم واحد عبالها يحبها
واهوا نيته يتسلى ويقز وقت
لما طاح عليها زوجها ذاك رفيجها طلع روحه من السالفه وقال مادري انها متزوجه وامسك اهلك
واهيا زوجها رفع عليها قضيه زنا وطلقها واخذ عيالها لانها غير صالحه للتربيه
وفضحها عند الناس كلهم واهلها تبروا منها
بس وسكتي
اذا ماحست يعني بقلبها مرض والعياذ بالله
نصيحه مباشره وايد يفهمونها غلط ويمكن تظرج وتسويلج مشاكل وتتبلى عليج
قوليلها مثل سالفه عن وحده احسن
والله يجازيج بالخير انشالله

 

[جذابه بنت ذيابه]

رد : متزوجه وتغازل !!!!!!!!

ياقلبي انتي

تقربي منها وقوليلها فلانه انا حاسه بشي اذا قالت لج شنو
قولي انتي تكلمين ,,! صح


وعلميها وفهميها ان هالشي حرااام
وانها قاعد تغضب ربها قبل سمعتها وزوجها



وعسى ربي يهديها ياررب

 

[مــســك]

الله يهديهاا يارب ..


حبوبة حالوي تنصحينها بس بصورة غير مباشرة .. قولي لهاا واعلياا اعرف وحده مسكينه ماتسوا عليهاا ..قولي كانت تكلم واحد من ورا زوجهااا

وطلع الي تكلمه يهددهاا يقولهاا اذا ماطلعتي معااي بفضحج عند زوجج .. والمسكينه قامت تراجه وما نفع معاه .. وآخرتها درا زوجها وذبحها من الطق وفوق هذا طلقهاا واهلها دروو وامنعوهاا من الطلعة ومن الدواام ..


حتى حرمها من عيالهاا ..


قولي سبحان الله الي يمشي بطريج الحرام ربج راح يكشفه ..



عن أبي سعيد الخدري قال : سمعت رسول الله صلى الله عليه وسلم يقول : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان . رواه مسلم .

 

[ابداعات كويتيه]

امممم
شوفي ان استمرت على هالحال وحده من الثنتين
1 - تمشي مع رفيجها حبه حبه لين يستدرجها ويوصل لمبتغاه وماراح يتزوجها طبعا شيبي بوحده مثلها خاينه زوجها لا وام عيال بعد وبعدين يهدها وبتتحطم نفسيا وبينعكس سلبا على حياتها ويا انها تتوب عقبها او تكمل بهالمشوار من رفيج الى اخر الى ان ....
2 -او يطيح عليها زوجها وتصير جريمة قتل مثل ماكنا نقرا بالجرايد او افضل الاحوال ان ماصارات جريمه بتتطلق وبتصير فضيحه وتتطلق واهي ذليله منكسره منزله راسها جدام الناس ناهيج عن عيالها لاكبرو مادري شلون تحط عينها بعينهم
ذيك الساع ماعتقد انها بتتزوج تاج راسه من يبيها واهي .... ؟؟

نصحيها طبعا وكلميها وحاولي فيها لازم تذكرينها بالله وبعقاب الله خاصه انها محصنه متزوجه حرام حرام
واذا كانت ما تتأثر بتذكيرها بالله , كلميها بالواقع الاجتماعي الي ممكن يترتب على علاقتها المشؤمه
يعني قوليلها لو تنكشفين ممكن تتعرضين لجريمه او فضايح بين اهلج والناس
وانتي لازم يكون لج موقف معاها عشان تحس حتى لو انج تقطعينها فتره صغيره
ولا حول ولا قوة الا بالله

 

[a7la MUM]

رد : متزوجه وتغازل !!!!!!!!

انا بعد من راي خواتي
اذا تمونين عليها صج كلميها ونصحيها حرام هالطريج اللي تمشي فيه واذا زوجها هاملها او مهما كان السبب مايليها تخون ربها قبل زوجها