صراع بينـــ زوجيــــن ... بليز ساعدونـــي ي

[غلاة الغالي]

السلام عليكم ورحمة الله وبركاته
​

بنات انا كنت على صرااع دايم بيني وبين زوجي :j013: والحين انا نفاس وبجدد الحب معاه كتجديد مع النفاس مره وحده وبصرااحه ابي ارتااح واريحه معااي فياليت تعطوني نصايح حلوه وتكون ثمره نجااح هالعلاقه والي تساعدني ويكون حلها له تأثير عليه بدعيلها ليل نهاار لووول وشكرا جزيلا مقدمـــا ..


المايك لكم ... :eh_s(3):
​

 

[رق رق]

انا اقول حجزي سفرة حلوة وسافري مع ريلج هذا نصيحه من حماتي قالتلي ياها
طبعا بعد ما اتروحين الصالون واتسوين كل شي ,وشوفي وين الخلل وصلحيه اذا صارخ ريلج مثلا لا اتردين عليه كلش ولا اتحنين واايد الريال ما يحب الحنه واهتمي فيه اكثر ....

 

[موني^حبيبي]

رد : صراع بينـــ زوجيــــن ... بليز ساعدونـــي ي

صح سفره خوش فكره

 

[غمزه وإبتسامه]

ااااااااااب
مو متزوجه
والله يسخركم لبعض ان شاء الله

 

[رق رق]

حمدالله على سلامتج وممبروك ما ياج (نسييت) هههه

 

[فوفو22]

رد : صراع بينـــ زوجيــــن ... بليز ساعدونـــي ي

كتابتك للموضوع هذا دليل على ارادتك بالتغيير

1-اتصلي فيه وقولي له سأبدأ بالتغيير في نفسي من اليوم ..وابيك ولا حظني

2- الصوت الواطي مع الاستماع الجيد للزوج يعطيه احساس بالراحه

3- الابتعاد عن المواضيع التي يثير اعصابه

4- اختيار وقت جيد لطلب شي او حاجه

5-الاهتمام به ...بالمسجات والمكالمات الدافية <<<<كالمعاريس حديثا

6-دايم الرجال ارفعيه فوق بالحجي وصليه للسما وهو الزين وهو راعي القرارات السليمه ومالنا غناة عنه.....الخ

7-حاولي تعرفين مفاتيحه السحرية ....بمعنى تعرفين شنو يبي بدون ما يقول ....تعرفين شنو بياكل بدون ما ينطق ..تعرفين شنو مزعله بدون ما يشكي .....طبعا اذا وصلتي هالمرحله ..معناته تفوقتي بامتياز


بالنهاية حمدالله على سلامتج ومبارك ما جبتي

فوفو

 

[شواخي]

طالعه من الشر

حذفي ركون عند امج وسافري

 

[monmon12]

رد: رد : صراع بينـــ زوجيــــن ... بليز ساعدونـــي ي

كتابتك للموضوع هذا دليل على ارادتك بالتغيير

1-اتصلي فيه وقولي له سأبدأ بالتغيير في نفسي من اليوم ..وابيك ولا حظني

2- الصوت الواطي مع الاستماع الجيد للزوج يعطيه احساس بالراحه

3- الابتعاد عن المواضيع التي يثير اعصابه

4- اختيار وقت جيد لطلب شي او حاجه

5-الاهتمام به ...بالمسجات والمكالمات الدافية <<<<كالمعاريس حديثا

6-دايم الرجال ارفعيه فوق بالحجي وصليه للسما وهو الزين وهو راعي القرارات السليمه ومالنا غناة عنه.....الخ

7-حاولي تعرفين مفاتيحه السحرية ....بمعنى تعرفين شنو يبي بدون ما يقول ....تعرفين شنو بياكل بدون ما ينطق ..تعرفين شنو مزعله بدون ما يشكي .....طبعا اذا وصلتي هالمرحله ..معناته تفوقتي بامتياز


بالنهاية حمدالله على سلامتج ومبارك ما جبتي

فوفو

كلللامج عين العقل 100%
الريال قبل الشكل يدور اللسان الحلو والمعامله الطيبه ماتشوفون السحوت يتزوجون لووووووووووووووول
صج جيكرو شريره بس معا الريل اللسان عسل وتحسسه ان اهو سبع البحار الريال لازم يحس جذيه :eh_s(20):

 

[انا مو هني]

رد : صراع بينـــ زوجيــــن ... بليز ساعدونـــي ي

انا اقول حببيه فيج بمسجاتج ومكالماتج وها شنو كليت وشنو لابس ووين بتروح
يعني مو انتي نفاس وفبيت ثاني ماتدرين عن شي

 

[gourges 1]

رد : صراع بينـــ زوجيــــن ... بليز ساعدونـــي ي

نصايحي لج :-


الريال شيبي؟

الادب ... الجمال ... الترتيب... الاهتمام بالبيت ... ويحب الي تختار ملافظها ... << تمعني بهلكلمات عدل ..


1- دايما حاولي انج ماتفقدين اعصابج على اي شي .. واذا عصبتي حددددددج حااولي تسكتييييين ولمن يهدا الوضع تزعلين مو زعل الدعاااله لااء زعلي زعلة تليق فيج كا انثى وحساسه وبنفس الوقت ماتكون ثقيله زعلتج ويزهق واهوا يراضيج ...

بينيله ان لي زعلتي وحاول يراضيج ياثر فيج كلامه <<< علشان يتعود يراضيج ,, وما اطق جبدج

2- لي عصب اهوا وصرخ عليج ... حاولي تسايسينه يعني مثلا معصب على ان كله تطلعين .. قولي الله بالخير؟ لك مني ما اطلع غيره شنو؟ انشالله ... صار وعلى هلمجره " الريال ماتاخذين بكلامه واهوا معصب .. بعدين لي هدا وتغير الوقت قوليله الي تبينه وبينسا الي قاله وقت الغضب " استغلي هلنقطه

3- الريال لي شاف الوحده مهتمه افبيتها وقايمه فيه حيييييييييل ان واايد تهتم بترتيب البيت والبيت عمره ماكان وصخ " سواء بيت او شقه او جناح او غرفه وحمام عزج الله " لازم يكون سكن الزوجيه نظييف ومن اهتمامج انتي ومبخر ومعطر .. والكفر يتغير كل اسبووع ... والله اصلا بيرتاح ويلقا راحته افبيته ....


4- لااااتبدين النااس او صديقاتج او اي احد على بيتج .. بيتج اولا والناس ثانيا ....

5- خلج حريصه وحووفيه حووف قبل لا يقول ال أ يبيله ياها صدقيني والله بيبين بعينه ... مثلا بياكل قوليله شيبلك تشرب؟

تبي اييبلك غداك اسخنه لك بعد عمري لاتاكله واهوا بارد ... ومن هلحجي حتى لو تدرين انه مايبي بس بيبين اهتمامج ...

6- لي نوا شر خلج هااااااااااااااديه وبس تبين تصلحين الوضع ...والله بعدها بيقول انج االغاليه ولا يستغني عنج ...

7- اهتمامج بنفسج ... لانقص على نفسنا ونقول الريال مايهمه الشكل والله اغلب الرياييل يهمهم الشكل قبل المضمون ..ما اقولج 24 ساعه حطي فل ميك اب ... وسوي شعرج بالستريتنر .. لاااء .. لي سبحتي نشفي شعرج واستشوار سريع بس ان يهبط .. حطي حمره وبلشر ... واذا كنتي بتكشخييييييين له يعني ومشتطه هني حطيله ذاك المكياج السنع ...
وتعطررررررري خلي عطرج داايما حلوو وانصحج بكريم وعطر من فكتوريا سيكرت على كراميل ... عجييييييب .....

8- ابتسمي ابويها ولاتبوزين ... يمعي السوالف وقوليهم له ترى الرياييل يحبون الي تسوولف معاهم وتييبله العلووم يعني اخبار الديره اخبار الناس .. مواقف صايره بالديره ... سوااالف حريم شسوواا برياييلهم ريال شسوا بمرته يعني يبيله العلوم ...ترى بيحس ان عندج سوالف .. ما يدور السوالف عند الناس ...

9- نظمي حياتج وحياته .. خصصيلج يوم حق الطلعه معاه ويوم حق اهلج ويوم حق رفيجاتج اذا يرضا تروحين مع رفيجاتج .. ويوم انتي وولدكم البيبي تقعدون مع بعض ويوم اذا مو ساكنين عند حمولتكم تروحون لهم واذا ساكنين معاهم يكون هليوم تنزلين انتي وزوجج وتقعدون معاهم ... خل ايحس انج دايره حياتكم صح ... وان انتي مووو فوضويه ...



هلنصايح صج احسها تاثر بالحياة الزوجيه وتعطي لها طابع خاص وحلوو

وبالنهايه اوصيج اوصيج بالصلاة وخلي ذكر الله دايم افبيتكم وخلي القران كله شغال بالبيت .. واذا ماعندج سي دي قران حطي على قنواة القران الله ما كثرها ... بيبعد عنكم العين والحسد وان الشيطان يدش بينكم ...

موفقه يارب ​

 

[غلاة الغالي]

رد : رد: صراع بينـــ زوجيــــن ... بليز ساعدونـــي ي

انا اقول حجزي سفرة حلوة وسافري مع ريلج هذا نصيحه من حماتي قالتلي ياها
طبعا بعد ما اتروحين الصالون واتسوين كل شي ,وشوفي وين الخلل وصلحيه اذا صارخ ريلج مثلا لا اتردين عليه كلش ولا اتحنين واايد الريال ما يحب الحنه واهتمي فيه اكثر ....

التذكره وبإذن الله جاهزه .. أهو مواعدنى يسفرني تايلند .. وكلامج عين العقل ..أشكر مرورج ياغاليه .. والله يسخرلج ريلج .. :hjy5jewf:

 

[غلاة الغالي]

رد : صراع بينـــ زوجيــــن ... بليز ساعدونـــي ي

صح سفره خوش فكره

السفره أكيده.. ولابد منهاا .. أشكر مرورج حبيبتي . والله يسخرلج أبو الشاب قولى أميــن .. :wqedqw:

 

[غلاة الغالي]

رد : رد: صراع بينـــ زوجيــــن ... بليز ساعدونـــي ي

ااااااااااب
مو متزوجه
والله يسخركم لبعض ان شاء الله

يرفع قدرج حبيبتى .. والله يرزقج بولد الحلال .. :tek:

 

[غلاة الغالي]

رد : رد: صراع بينـــ زوجيــــن ... بليز ساعدونـــي ي

حمدالله على سلامتج وممبروك ما ياج (نسييت) هههه

الله يسلمج فديتج والله
:sfg::sfg:

 

[م.بدوره]

الله يهديكم حق بعض

 

[غلاة الغالي]

رد : صراع بينـــ زوجيــــن ... بليز ساعدونـــي ي

فوفو وما أدراك مافوفو حياتي حيل استانست بمرورج .. جد أحب أتابع مواضيعج .. وكلامج دايمـا أطبقه .. وأكيد لانه عين العقل .. عسى الله يوفقج ياقلبي .. ويسخرلج زوجج ..

 

[غلاة الغالي]

رد : رد: صراع بينـــ زوجيــــن ... بليز ساعدونـــي ي

طالعه من الشر

حذفي ركون عند امج وسافري

مشكوره ياقلبي .. ومن أمه مايبيله حجى بحذفه أهو وخواته .. فاضيتلهم أنا :eh_s(3):

 

[غلاة الغالي]

رد : صراع بينـــ زوجيــــن ... بليز ساعدونـــي ي

مـــوون أنا معاج بهالكلام صج والله أعرف حريم وايد جذي عسى الله يهديهم ويصلحهم لبعض مانى من الحاسدين .. وأنتى عين العقل .. عسى الله يسخرلج زوجج ويوفقكم .. أشكر مرورج حياتي

 

[غلاة الغالي]

رد : صراع بينـــ زوجيــــن ... بليز ساعدونـــي ي

انا اقول حببيه فيج بمسجاتج ومكالماتج وها شنو كليت وشنو لابس ووين بتروح
يعني مو انتي نفاس وفبيت ثاني ماتدرين عن شي

:eh_s(15): .. صاجه والله المسجات والمكالمات الزايده تجيب نتيجه .. والكلام ألى خبري خبرج .. أويلاااه يجيب راسه هههههههههههه .. مشكوره والله يهديج ويوفقج مع زوجج قولى أمين ..

 

[احلام q8]

رد : صراع بينـــ زوجيــــن ... بليز ساعدونـــي ي

حبيبتى حمدالله على السلامه اولا كثري من الاستغفار بنيه ان الله يسخرلج زوجج ويصلح حالكم انشاء الله وثانيا الرجل مثل الطفل الكلمه الطيبه والحلوه اهي اللي تجذبه حاولي تغيرين اسلوبج وياه بالكلام الحلو والمسجات الحلوه (ترى تسوي شغل)